大家樂 (廣福商場)

營業中

休息中

都說最近媽媽不願在家煮飯(嗚~~)，所以樓下的大家樂成了飯堂。上星期日晚，妹妹嚷著要吃一哥火鍋，媽媽聽後大喜，又可煮少餐，差不多7:30 落到去，已全滿，但也叫妹妹先買兩個火鍋，以免隻罄。找到位子安頓後，跟著再買了一個鐵板雜扒餐、一個馬蹄蒸肉餅飯，再加剛才的雪花肥牛和東星斑火鍋，5 個人食也好像叫得太多。肉餅飯味道不錯，而且有燕麥同煮，口感不錯；扒大堆頭，最有驚喜是大大隻去骨雞脾，煎得極香口，淋上白菌煙肉，完全係絕配；火鍋跟往年分別不同，墨魚滑不夠彈牙，而且個豬骨湯底太淡了，吃了差不多個多小時，勁飽，整體水準屬中上呢！

最近媽媽非常懶，星期六午飯多數唔煮，局住要落街食。是次媽媽媽和妹妹各要了肉醬意粉、粟米肉粒飯和大熱狗，肉醬意粉啲肉醬好溜，意粉偏乾身，並不討好；大熱狗照樣葫蘆的做法，冇乜特別，但賣相比上次好得多，至少啲醬汁唔會多到拎唔上手；肉粒飯好味道，尤其是個白汁，好似飲緊忌廉湯咁，雖然啲飯偏硬，但只要撈多啲汁便唔覺，不錯！

重陽假期，我們四姐弟趁父母不在，一早便PLAN定去大記食火鍋。來到時，只見火鍋獨賣剩肥牛醉雞，冇辦法，都叫了一個，另加一客龍蝦汁海鮮意粉。等O左差不多20分鐘，火鍋船先有。端來時，總覺得比其他的食客分量少，菜都特別少，姐說可能因為埋尾，所以分越少，有被搵笨之感。湯底選了紅棗和沙爹，味不太好，像溝水一樣。龍蝦汁意粉就幾好，煮粉O既時間拿捏準確，令麵質不硬不腍，咬落有勁，配料的海鮮如斑塊、大蝦、帶子、青口…也夠味，不是以清水酌熟淋面種，但個汁太稀，搞到意粉水汪汪，乃是失色之處。

上星期某天，媽咪冇煮飯，成家去大家樂解決。我們叫了4個set dinner，包括兩個冬瓜盅中式晚餐(翡翠炒鱈魚柳&鍋仔福建炒飯配香茅雞翼)，另外要了兩客唔知甚麼焗釀海螺鐵板餐(豬扒同雞脾拼司華力腸)。 味道真係幾掂，尤其係個迷你冬瓜盅，雖然湯料唔多，但夠味，可惜冬瓜燉得唔夠腍，小炒可以，福建炒飯和香茅雞翼不過不失，略嫌炒飯唔夠多汁，鐵板最欣賞係焗薯同個唔知甚麼焗釀海螺墊底o既薯蓉，雖然製法沒有甚麼特別，但真係好好味！豬扒、雞脾等，但求唔口已覺可以。