大家樂 (廣福商場)

營業中

休息中

芝士黑椒汁焗牛扒飯是一道充滿創意的料理，結合了酸甜與濃郁的風味。牛扒煎得恰到好處，內裡肉質鮮嫩多汁，與黑椒醬汁完美融合。蕃茄🍅和菠蘿🍍的酸甜為整道菜增添了清新的層次感，加上面層配上蘑菇同香濃嘅焗芝士🧀，則帶來濃郁的香氣和滑嫩的口感，與牛扒相得益彰。不過焗飯控制火喉方面需要作出改善😝另外，咖哩牛腩飯香氣濃郁，帶有微微的辛香，層次豐富。牛腩燉得軟嫩入味，幾乎入口容易溶化，與咖哩的香氣完美融合。馬鈴薯吸收了咖哩的精華，口感綿密，每一口都充滿滿足感。整體來說，連鎖食肆品質保持水準，但bar 枱服務員態度有待改善。

突然間好想食鐵板餐，所以就去咗大家樂睇下晚市有無得食。好開心有鐵板餐，但見到個餐牌竟然又無酥皮湯，又無薯菜同白飯揀，只係得意粉、法蘭克福腸同埋牛油餐包，真係有啲失望。不過冇辦法真係好想食，所以最後叫咗紐西蘭西冷牛扒鐵板。紐西蘭西冷牛扒鐵板 ($59) : 牛扒都算幾大塊，不過可惜欠缺牛味，同埋黑椒汁不夠惹味，而意粉、牛油餐包、法蘭克福腸都屬一般，最慘係食完成個鐵板餐都唔係咁飽肚，鐵板餐既性價比真係一般。

依家社會百物騰貴，好味既食物未必飽肚，而飽肚既食物亦未必好味。今日經開大家樂就走咗入去睇下有咩抵食得嚟又好味。發現下午茶餐有期間限定，雞脾跟紅豆冰都只係 $25 真係可遇不可求，最後叫左炸雞脾跟紅豆冰再加 $7 加配雪菜肉絲米粉。炸雞脾都算幾大隻，而且外皮炸到脆卜卜好香口，食落口重啖啖肉之剩肉質嫩滑 ; 不過紅豆冰就遜色了少少味道偏淡 ; 而米粉同雪菜肉絲既份量都算合理，以 $32 就食齊以上既食物而且味道又唔差，其實真係好抵。

今日下午途經大家樂就走左入去睇下呢期有咩下午茶抵食，睇左一陣發現有一個好似幾抵食又好飽肚既餐 (N4) 鮮蝦一口雲吞湯配細碗叉燒飯。細叉燒飯其實都幾大碗一啲都唔細，叉燒燒得唔錯，好香口之剩不韌，而且個汁重好濃味添 ; 不過啲飯就完全係失敗之作，啲飯煮到好黏好似食糊仔咁，失敗。。。。。。食完咁濃味既飯之後，剛好有一個較為清清地既雲吞湯，配料有火腿絲、蛋絲、生菜、冬菇同有五粒雲吞。總括黎講，如果以 33 蚊有飯又有湯算係咁，可以飽肚得黎又唔太差既午餐。

放假嘅日子，好正常會將午餐延遲到下午茶時間，而大家樂2點半岩岩好。作為大家樂嘅fans之一(雞翼fans)，大埔依間分店味道就一般，炸菜米量小唔入味，冇咗食開個種味，雞翼唔夠香唔夠甜，檸茶正常味，pizza厚多士好似係新產品，皮脆有驚喜。

是夜家裡不開爐，放工後便得立即走去廣福的大家樂，皆因經驗所得，這分店每晚8點後便要乜無乜。廣福能吃的實在不多，即使吃大家樂大概也只是吃焗豬扒飯。這夜一於狂熱一下，點了份久遺了的鐵板餐。鐵板狂熱 (栗飼豬扒‧非洲雞扒) $55大家樂的鐵板餐雖然大致上也離不開西冷與雜扒兩款，但其他經常轉換的配搭也算是沒有心思中的心思吧。而最近則是配上旋風脆薯。是日餐湯是羅宋湯，看上去異常足料在大家樂來說是很罕有的！入口帶辣的茄香似乎有點驚喜，可惜越喝越鹹，最後放棄了。暖笠笠的餐包烘得微脆，塗上牛油後夠香口，不錯。在西冷與雜扒之間，最後選了栗飼豬扒與非洲雞扒。肉質結實的豬扒嚼勁十足，勉勉強強也吃得到肉香。至於非洲雞扒也夠大塊，惟脂肪十足，吃時得邊吃邊吐，不喜。雖然不是甚麼新東西，但在大家樂出現旋風脆薯總予人新鮮感。味道就是薯條的旋風版，吃來有點點的咸味，大概是經過調味吧，表現可以。兩塊扒與一個炸薯，味道雖然不算太好，但總算吃得超飽！

噚日開始放大假，所以特別清閒，晏晝去左大家樂嘆下afternoon tea set,我叫左個chicken wing with noodle,雞翼好香口，肉味濃。又無過火，但D noodle油左D，食得好滯。

大家樂見！講到童年回憶，細個香港嘅小店食肆唔多，大家樂大快活等等嘅連鎖快餐店，可謂佔據我小學時代！ 當中打邊爐更加係不得不提！今日，亦係為咗懷緬返嗰種味道！| 穀飼牛+豚肉火鍋 |如圖所見，份量好足，細細個爐同平日大圍打邊爐當然係唔同氣場，但迷你款喺呢刻更覺可愛！講返個鍋，清湯底就真係好清，有啲似滾水加鹽，不過清有清好，健康啲又可以原汁原味啲！配料方面，穀飼牛嚟講都算脂肪分怖平均，色澤鮮豔，一份都有五、六片架！豬方面，色澤有啲暗淡，感覺好似放咗一段時間，少少唔新鮮嘅感覺，不過味道方面入口又正常，但冇乜豬肉香，口味偏淡。其他配料仲有草姑、豆皮、木耳、蕃茄仔、生菜同烏冬，份量好足，一個女仔食絕對夠！

男人的浪漫，不一定要豆腐火腩飯，也不一定要青島啤。有時只要獨個兒吃吃飯，想想自己的未來，都可以好浪漫。難得七一假期母親大人有街去，適逢家裡糧草已盡，只好懶洋洋地爬到街裡去找吃。雖說是找，其實可選的只有大家樂、茶記、麥記，還有酒樓而已。最後還是踏進了大家樂。鐵板雙髀併 $54在這天之前，網上流傳著一張有關鐵板雙髀併的圖片及實物對比圖，本來就已使我卻步。不過慣常吃的焗豬扒飯早已售罄，唯有冒險一試這具爭議的鐵板餐。不知是改善了還是小弟走運，雙脾的實物也可以接受。不過本來跟餐的湯品由忌廉雜菇湯，變成了紅蘿蔔雪耳排骨湯。以為這中式湯只是例湯質素，試了幾口倒也清澈，雪耳爽口之餘紅蘿蔔也夠清甜。至於牛油餐包，明顯是早餐麵包吧，普普通通。雙髀併所指的是煙燻茄汁燒BB豬髀及香草雞腿配意粉，不知是忙中有錯還是那樣，BB豬脾也添加了香草。先吃香草雞腿，其實是燒雞腿吧，至於香草味嘛，完全是吃不到的那種。還好僅熟的雞肉算是嫩滑。煙燻茄汁燒BB豬髀雖然茄汁甜味豐富香口，可惜肉質粗糙過至乾身，不過很厚肉卻是事實。本來為這份鐵板餐選配了黑椒汁，不過既然豬髀及雞腿都經過醃製調味，那就將黑椒汁、意粉及雜菜拌勻，一變而成黑

廣福的大家樂, 閒時都係公公婆婆既好地方, 夏天涼冷氣, 冬天就避下寒, 吹下水, 下午既大家樂, 門庭若巿... 但一到晚飯時間, 反而冇咁多人, 容易搵位... 厚切一哥焗豬扒飯 - 80後冇理由未食過, 由學生時期既$20 雞, 食到而家$39, 但味道有保證, 咁岩今日新鮮出爐, 更加香噴噴, 菠蘿粒仍然靚靚仔仔, 蕃茄仲係漲卜卜, 唔會溶溶爛爛.  豬扒一般, 勝在夠淋,  用匙羹都可以切開黎食, 多汁也是賣點之一, 如果食到尾唔夠汁會好掃興的, 今天的厚切一哥焗豬扒飯, 果然做到一哥風範!! 重鎚雜扒鐵板 - 50几蚊一個扒, + $6 有酥皮湯, 再 +$6 有特飲, 加埋唔洗$60當然咁既價錢, 我既既要求都唔會高既, 但近年大家樂既鐵板已經好唔錯, 酥皮海鮮湯塊皮太厚, 只有几粒湯料,雞肉脆皮腸好味, 其他肉類仍有少少雪藏, 但煎得几香口, 但整個套餐勝在夠大堆頭, 抵食!

今晚唔知食咩好,就去大家樂食吧!今餐我倆叫咗同一樣嘢食~~鐵板牛扒.我份鐵板牛扒配番茄汁,小妹覺得個汁太杰,而且右手邊兜薯角係凍,一D微暖都無,今餐唯一可取,就係件牛扒夠大件.老公份牛扒同我嗰份一樣,但老公份牛扒嗰塊鐵板唔夠熱.總括而言,只可以飽肚,不可以有其他其望.

正式上任新工的第一天, 就由大埔外母的家中出發. 因為要早, 出了門口先食早餐. 身在廣福邨, 早上有開的食肆已經食得七七八八. 就近, 就在樓下, 而且又夠快趣, 這一個早餐, 非大家樂莫屬了. 近來的早餐, 永遠都想食飽D, 所以都係叫了一個公仔麵餐來食. 不過, 本來叫了牛腩公仔麵的, 出來的卻是沙爹牛肉公. 雖然貨不對版, 但也不作投訴了. 始終時間是比較趕的.連鎖店的出品, 係就係有信心保證. 不過, 沙牛公呢一家野, 始終係小形茶餐廳做得比較出色. 這大家樂的公仔麵, 沙爹味較淡, 湯底也淡. 稱不上一碗出非常出色的一碗麵. 早上充飢, 過得去啦.食飽了, 為我的新開始....出發.

啱啱過咗端午節冇耐 , 屋企個雪櫃仲有好多"糉" , 咁我就是但食一隻做 lunch比我想像中既好 , d 料好足

好耐都冇食過下午茶.款式依然多不勝數,仲有D花多眼亂.迷你叉燒飯拼碗仔翅,送即磨咖啡.雖說迷你,但份量都唔算少.白飯都足一碗滿,而叉燒都有數塊.碗仔翅:材料多,但味道就麻麻地,淡淡既冇乜味道,而個獻仲煮到一patpat.燒鴨米粉,最初比個叉燒米我.我都覺得有D奇怪,原來個收銀姐姐入錯單.好彩個燒味師傅好好人肯換比我.

看戲後沒打算在東涌解決晚餐，乘車返家樓下大家樂。四人要了西蘭花斑球燉湯套餐、意式茄汁豬扒串燒拼司華力腸鐵板餐+酥皮磨菇湯和一個醉雞肥牛火鍋。再說幾次結果也是一樣，總覺得樓下這間大家樂的味道最好，質素穩定，西蘭花斑球雖然好似冇落鹽咁，但斑球肉質嫩滑，西蘭花又不會炒得過熟或太生，時間剛剛好；鐵板豬扒是雪肉，肉味是欠奉，但蘸上鮮甜的意式茄汁的同吃，又可以接受，串燒的雞件亦不錯，有少少焦香；蘑菇湯濃稠度適中，不會太奶，大量的蘑菇茸更令整碗湯充滿香氣，飲完有 encore 多一客的衝動。火鍋不太特別，醉雞湯底的材料太少，沒有醉雞鍋湯應有酒香和藥材香，勝在用料豐富，一鍋足夠二人享用。