大家樂 (廣福商場)

芝士黑椒汁焗牛扒飯是一道充滿創意的料理，結合了酸甜與濃郁的風味。牛扒煎得恰到好處，內裡肉質鮮嫩多汁，與黑椒醬汁完美融合。蕃茄🍅和菠蘿🍍的酸甜為整道菜增添了清新的層次感，加上面層配上蘑菇同香濃嘅焗芝士🧀，則帶來濃郁的香氣和滑嫩的口感，與牛扒相得益彰。不過焗飯控制火喉方面需要作出改善😝另外，咖哩牛腩飯香氣濃郁，帶有微微的辛香，層次豐富。牛腩燉得軟嫩入味，幾乎入口容易溶化，與咖哩的香氣完美融合。馬鈴薯吸收了咖哩的精華，口感綿密，每一口都充滿滿足感。整體來說，連鎖食肆品質保持水準，但bar 枱服務員態度有待改善。…查看更多

突然間好想食鐵板餐，所以就去咗大家樂睇下晚市有無得食。好開心有鐵板餐，但見到個餐牌竟然又無酥皮湯，又無薯菜同白飯揀，只係得意粉、法蘭克福腸同埋牛油餐包，真係有啲失望。不過冇辦法真係好想食，所以最後叫咗紐西蘭西冷牛扒鐵板。紐西蘭西冷牛扒鐵板 ($59) : 牛扒都算幾大塊，不過可惜欠缺牛味，同埋黑椒汁不夠惹味，而意粉、牛油餐包、法蘭克福腸都屬一般，最慘係食完成個鐵板餐都唔係咁飽肚，鐵板餐既性價比真係一般。…查看更多

今日下午途經大家樂就走左入去睇下呢期有咩下午茶抵食，睇左一陣發現有一個好似幾抵食又好飽肚既餐 (N4) 鮮蝦一口雲吞湯配細碗叉燒飯。細叉燒飯其實都幾大碗一啲都唔細，叉燒燒得唔錯，好香口之剩不韌，而且個汁重好濃味添 ; 不過啲飯就完全係失敗之作，啲飯煮到好黏好似食糊仔咁，失敗。。。。。。食完咁濃味既飯之後，剛好有一個較為清清地既雲吞湯，配料有火腿絲、蛋絲、生菜、冬菇同有五粒雲吞。總括黎講，如果以 33 蚊有飯又有湯算係咁，可以飽肚得黎又唔太差既午餐。…查看更多

放假嘅日子，好正常會將午餐延遲到下午茶時間，而大家樂2點半岩岩好。作為大家樂嘅fans之一(雞翼fans)，大埔依間分店味道就一般，炸菜米量小唔入味，冇咗食開個種味，雞翼唔夠香唔夠甜，檸茶正常味，pizza厚多士好似係新產品，皮脆有驚喜。…查看更多

是夜家裡不開爐，放工後便得立即走去廣福的大家樂，皆因經驗所得，這分店每晚8點後便要乜無乜。廣福能吃的實在不多，即使吃大家樂大概也只是吃焗豬扒飯。這夜一於狂熱一下，點了份久遺了的鐵板餐。鐵板狂熱 (栗飼豬扒‧非洲雞扒) $55大家樂的鐵板餐雖然大致上也離不開西冷與雜扒兩款，但其他經常轉換的配搭也算是沒有心思中的心思吧。而最近則是配上旋風脆薯。是日餐湯是羅宋湯，看上去異常足料在大家樂來說是很罕有的！入口帶辣的茄香似乎有點驚喜，可惜越喝越鹹，最後放棄了。暖笠笠的餐包烘得微脆，塗上牛油後夠香口，不錯。在西冷與雜扒之間，最後選了栗飼豬扒與非洲雞扒。肉質結實的豬扒嚼勁十足，勉勉強強也吃得到肉香。至於非洲雞扒也夠大塊，惟脂肪十足，吃時得邊吃邊吐，不喜。雖然不是甚麼新東西，但在大家樂出現旋風脆薯總予人新鮮感。味道就是薯條的旋風版，吃來有點點的咸味，大概是經過調味吧，表現可以。兩塊扒與一個炸薯，味道雖然不算太好，但總算吃得超飽！…查看更多