大家樂 (淘大商場1期)

營業中

休息中

繼上次去吉野家打邊爐 今日黎到大家樂打 ;)朋友話大家樂個邊爐好大個 仲大過吉野家果個果然係真嫁啵 兩個人食先食得哂1個大盤 2個細盤 雖然算唔上咩上盛材料但係勝在乜都有啲 啲丸唔錯 ;)仲有條蝦餅(?)食落都覺得幾新鮮下 牛肉都好肥美 而且都有五六片最抵讚係佢啲菜好鮮美 連放響啲野食底果啲都係絕對唔係菜頭菜尾 同埋有好多款菜 可以滿足哂好多個願望 另外加左十蚊要左兩杯 青檸唔知咩個味道都唔差 以大家樂既價錢 十蚊兩杯算唔錯 ;)p.s. 記住如果唔係好大食既 2個人share1個就夠嫁啦

又到午餐時，周圍行唔係多人就係無位，是是旦旦見無人排隊就走入來﹗叫左個五寶飯，$27.5，一點也不便宜呢﹗五寶包括叉燒、紅腸、雞翼、墨魚、仲有咸蛋半隻。叉燒比較瘦我鍾意，食落甜甜的充滿蜜香，又估唔到幾好食喎﹗紅腸普通貨色。雞翼、墨魚新鮮，咸蛋我麻麻不過打散佢用來撈飯都不錯﹗整體幾滿意，飯比較少左0的﹗我呢0的體力勞動人士唔太食得飽﹗在大家樂食咁多次最滿意係呢次呢﹗

星期六都要開工，仲要返足成日，由朝返到晚﹗真係痛苦﹗炎熱天氣下都係等食飯，大家都無咩戰意，為求快捷都係食番大家樂﹗口痕痕決定叫番最鍾意食既叉鵝瀨，28蚊仲要無野飲好鬼貴呢﹗叉燒很瘦，我就最鍾意，見親肥的叉燒我就唔多開胃，不過0的鵝骨多過肉，計計埋埋都唔知食唔食到兩件鵝係有肉的，唉﹗呢個絕對係個敗筆﹗湯送分開上是細心的行徑，今日發現大家樂的員工同0的客講唔再係 "多謝哂﹗"，而係轉左做 "聽日見﹗" 聽落幾有心思的呢﹗

我地呢0的做地盤的人lunch成身汗其實都唔太鍾意去0的冷氣地方食飯，最主要費事臭親人比人白眼啦，所以通常都係吃外賣。話說有天工頭話放飯叫阿姐去買飯，佢買左幾盒野返來，成班工友們爆哂粗，唔信你地睇下喇....................鮮茄肉片飯，得0的蕃茄，搵舊肉填下肚都唔得﹗有冇搞x錯？痴孖根，最後係用汁撈飯﹗﹗﹗大佬，廿幾蚊盒唔洗咁嘛...............我決定以後唔食佢﹗

集團式快餐店要不時變款，才能留住食客，所以大家樂都在一定的時間變換菜式。昨天才推出的泰菜晚餐，抱著姑且一試的心情，因為它畢竟都不是專家；一試之下，喜出望外，雖然與真正泰菜還有點距離，但大熱天時不想走來走去九龍城，這裡的泰式晚餐都是一個不錯的選擇，還有，假使你是獨行俠，到九龍城只可以吃碗米線吧！兩款晚餐我選了肉碎和菠蘿炒飯那一種，37元一客，果然，有驚喜啊！單是賣相已令人垂涎，蝦餅炸得脆脆，很討人歡心，川椒雞可惜是有骨的，正宗的是沒有骨頭的，另外還加上凍青檸水，這個晚餐夠看頭了；肉碎生菜包為了迎合港人口味，都不會弄得太辣，較甜，味道剛好，但若是正宗泰國人便感到欠了什麼似的；菠蘿炒飯不膩，開胃，吃得人也開懷。綜合整個晚餐給人的印象蠻好；另外，，原隻燒春雞都只是32元，皮脆之外肉質也嫩，熱烘烘的，抵吃喇！

呢間大家樂就做得唔好。等咗五至十分鐘。一睇，嚇一跳。飛邊？唔緊要。飛到梯形，失笑。拎起，不妙。一咬，軟了！（「多士」無力歪斜；我則軟倒在地。）平日食開嗰間大家樂，烘厚多士幾乎係即有（一分鐘左右），亦唔會飛邊，趁熱食有勝香園八成功力（無冴島鋼牙變身GARO咁耐，頂多得三十秒時間。～無睇日本特攝的食友唔洗理前面半句～兩者其實仲有好大差距，即係絕頂高手同高手o既分別。）。今次呢件，飛完邊個樣好可憐。點解飛完都仲有邊？點解淨係烘一面？咖啡已經要少奶，都係好淡。我，無奈，喊。（無事，喊面啫）

點了個雞翼炸春巻,配新出的士多啤梨冰,嘩!呢個冰難飲咯!我原本打算叫少甜,點知個職員話一早調好左甜度喎! 唉!算啦! 點知甜到漏咯! 總之味道唔多好啦!件春巻好多油呀 仲係淋啫啫咯! 件雞翼都ok la!唔g點解我發覺呢間d 質素係差少少架噃!

最近食過呢間大家樂。既鱆魚雞粒肉餅飯,十分唔得!首先個蒸飯係用膠盒而唔係以前。既錫紙盒裝,根本唔係蒸熟!另外,個飯比以前細起碼三份一;鱆魚雞粒肉餅根本連一粒鱆魚都搵唔到,有冇搞錯?!肉餅d味怪怪地,好彩食完冇肛痾!簡直係超搵苯!永遠都唔再幫襯!!!!!

今日我去大家樂食拉麵,唔知點解Ｄ拉麵好碎,舊日式豆腐一Ｄ都唔熱兼且好淡,望住Ｄ垃圾無哂胃口!

你知道嗎?....大家樂的形象一向都不錯, 坏奶茶好飲, 服務唔錯, 但今星期二約5:30-6:15pm這段時間, 實在太恐怖啦, 我入到去買左份茶餐, 之後就坐下來, 食食下.....覺得台上有隻野自由活動緊....那隻當然唔係烏蠅....而係小強仔(蟑螂)...本來餐廳有呢類野就很多時見, 但呢間簡直係離譜兼嚇人..我在短短呢段時間...竟已踏死6隻小強, 我自己都唔可以相信.. 整個茶餐食得很不安心, 因為地下十分dirty, 有多垃圾紙, 我一路食一邊望下地下和座位, 怕(小強仔)怕上來, 最後我投訴給經理知, 他話他們隔一段時間就會有大型滅虫行動, 但講真, 就算有這些行動, 平日都應勤清潔丫, 唔可以賴(小強仔)係附近其他店走來的, 如果自己係清潔, (小強仔)點會揀你呢間舖呀??????? 唔好姓賴先得架...