大家樂 (淘大商場1期)

營業中

休息中

今晚無飯食，去左大家樂！試咗佢新嘅啫啫花雕雞鍋, 都見到好多人食, 買完等左10分鐘左右就有！個石鍋都好足料下, 又有薑粒又有椒仲有好多葱，配料夠曬多，夠曬正！佢配有一碗醬汁, 感覺就好似鐵板餐啲醬汁咁，落幾多可以由自己話事, 我就中意一野倒曬，淋落去就有沙沙聲,聽到都覺得正！隔左一陣我就勁撈，撈起撈起，d花雕雞好入味又夠嫩, 仲有少少酒香, 送飯簡直一流！冬天去食就暖笠笠！

88超強性價比@大家樂2人餐88元，有肉醬意粉，粟米，蕃薯，測水同檸檬海鹽燒雞。意粉肉醬很多，意粉煮得比較腍身，仲有小小芝士。蕃茄是黃心，吸夠甜同好爛，水氣在表也屬一般。粟米夠清甜，yummy(留意沒牛油)，食原汁原味，要健康還是塗滿牛油的鹹看，還是看個人炸春雞肉多，皮好彈性又有鹹香，連家中狗狗聞到都瘋狂。兩個人吃飽飽後更餘下半隻雞。

是日到九龍灣吃下午茶點了一個雪菜肉絲午餐肉米粉配熱檸水，雪菜肉絲午餐肉米粉加有幾條熟到透同變埋色的荷蘭豆，一少撮很淡的雪菜肉絲和只煎了兩下就上碗的午餐肉，熱檸水內的檸檬薄薄四塊而且帶澀味。

「大家樂見」〜呢句對白成日系廣告都會聽到 但系我真系好耐無食大家樂 大家樂比我既感覺就系吾抵食 可能普通一個焗豬都要$40 所以已經好長時間無去食嚕 淘大的確有好多食店 好多吾同既選擇 不過有好多都吾平 食個下午茶都要$50 除左吉野家 大家樂之類 大家樂雖然無咩特別野食 但系價錢好實際 下午茶時段都有好多人食 我地都搵左陣位先有得坐低〜我地叫左2個餐都系$54 其實吾算貴 出去茶記都系差吾多呢d價錢 但茶記質素就未必間間有保証了〜雪菜肉絲米粉都系好普通 唯一吾系甘好既就系d米粉碎d 但系味道吾差既 因為我比較中意無甘咸。燒雞翼同多士原本系我至愛 吾知系米一早整好左 一上碟就吾熱 但系味道吾差既 個熱狗就幾好食 超級大條司華力腸 個皮仲系脆卜卜架 仲要大大個 食完熱狗再食米粉夠哂飽！無食甘耐 質素算系ok拉 但系野食吾特別 味道都系好普通 如果平d就抵食喇！

現在大部分茶餐廳的下午茶都要$25以上，大家樂仍能二十元吃飽、喝夠，是抵食的選擇。看戲前，我們吃了～火腿通粉($20)：通粉份量足夠，火腿亦多，通粉不會淡而無味，味道合格。奶油包：正！想不到如此脆，令我喜出望外。紅豆冰：二十元的茶餐配紅豆冰，真實惠！質素也不差，只是冰略嫌多。雞槌魚蛋燻蛋米粉($22.5)：雞槌炸後放在湯米粉內，變軟了，質感不好。魚蛋兩顆，不特別彈牙，不過不失。燻蛋有半隻，不太入味。整體而言，這碗米粉只屬一般。即磨咖啡：普普通通。

菠蘿生炒骨+普洱+飯+湯 +$7(?)楊枝甘露MAIN好食既,但醬汁好少湯OK,真係有大舊肉係入面同埋雖然都係取巧鍋,但入面都OK深,單人份量夠哂楊枝甘露幾好飲,D味幾mild,但得d西米同柚

出左一段時間既和風紙上燒終於有機會試,選左牛豬雙拼既配搭...其實坐左10分鐘先落單係因為收銀小姐話廚房準備中...於是我就等而朋友就叫了焗豬扒飯,個飯colour睇落ok...但撈完後發現其實汁好少...食到底有d乾要靠野飲沖落去...紙上燒準備功夫長d...仲要搵阿姐幫手起火...其實所謂紙上燒都係一個黑色鐵兜上面加張紙...基本上唔係好清楚張紙用途...真係可有可無...份量呢對女仔來講絕對夠食因為仲有烏冬...牛呢就2-3片 豬就4片...另外一堆菜係底...基本上要靠佢個2個汁來配住食...但絕對份量唔夠...所以見好多人都走去問佢拿多d汁...(燒燒下d汁冇晒)... 老實講呢d野試一次過下癮就ok...絕對唔平 純粹係卓頭野 下次可免!

近來大家樂的霜花牛肉板燒飯咁hit，然後就來了一試！牛肉份量不會太少，而且是靚料，都算OK，不過個醬汁配落d飯同牛肉唔係好襯，絕對扣哂分！如果有黑椒汁配會好好多，其實呢個飯都冇我想像中咁好味，好普通，而且加上個份量真係唔係好夠，唯一覺得個珍珠奶茶幾滑幾好味。

呢排大記出左至cool冰冰，都吸引左我食多左大記。可能平時加凍飲都要三蚊，而家飲冰冰都係加四個半，又夠大杯。真係幾划算架。西多士唔係新鮮炸起，所以暖暖地既。但味道都唔錯，又唔會太硬，花生醬搽得幾均勻。當然，西多士新鮮炸係最好食既。凍珍珠奶茶雖然係普通既飲品，但勝在茶味夠濃。呢樣就幾吸引我，因為台式既奶茶無咁濃茶味。不過珍珠就唔太甜，咁樣同個奶茶唔多夾。加四個半就有杯冰冰，真係好抵飲。除此以外，呢間既店務助理好俾心機教個新人沖珍珠奶茶。雖然等得耐，但見到職員咁為左杯野飲咁落力。呢種人情味真係好難得見到既。

今天的午餐是大家樂的吉列豬扒雞翼煎蛋飯，因為擔這個夠抵食！味道還是一般而己，吉列豬扒不會炸得太乾，而且也脆口，雞翼是下午茶供應的那種燒雞翼來的，不夠入味，大快活的燒雞翼好吃得多了！另外，外賣的飯份量太少了，不夠喉

21 Apr 2009難得平日放假，同媽咪食完別府lunch，行咗一陣街之後，醒起大家樂星期一至五，下午2:30 - 5:30有$1奶茶優惠，去到啱啱好2:31 pm，睇餐牌原來每間分店只限50杯，不過我哋都應該係頭兩杯喇掛另外見到好多新出嘅下午茶餐，除咗一直都有嘅雞脾，熱狗，燒鴨瀨粉之外，見到有一個迷你义燒飯下午茶餐，加埋飲品都係$20，如果可以食late lunch，呢個都係一個非常好嘅選擇，希望下次有機會試！大家樂嘅奶茶一向有水準，茶味夠濃，仲要係$1杯，掂！

已記不起為甚麼有這次的下午茶不過大家樂的西多士及凍奶茶確是有水準的, 先說西多士, 外皮炸得金黃香脆, 且收乾多餘油份, 做到外脆內軟的口感, 非常鬆化, 加上牛油和蜜糖, 令人食指大動; 凍奶茶日日有專人評審試味, keep到水準, 茶味奶香互相輝影, 不比茶記出品的差

繼上次去吉野家打邊爐 今日黎到大家樂打 ;)朋友話大家樂個邊爐好大個 仲大過吉野家果個果然係真嫁啵 兩個人食先食得哂1個大盤 2個細盤 雖然算唔上咩上盛材料但係勝在乜都有啲 啲丸唔錯 ;)仲有條蝦餅(?)食落都覺得幾新鮮下 牛肉都好肥美 而且都有五六片最抵讚係佢啲菜好鮮美 連放響啲野食底果啲都係絕對唔係菜頭菜尾 同埋有好多款菜 可以滿足哂好多個願望 另外加左十蚊要左兩杯 青檸唔知咩個味道都唔差 以大家樂既價錢 十蚊兩杯算唔錯 ;)p.s. 記住如果唔係好大食既 2個人share1個就夠嫁啦

又到午餐時，周圍行唔係多人就係無位，是是旦旦見無人排隊就走入來﹗叫左個五寶飯，$27.5，一點也不便宜呢﹗五寶包括叉燒、紅腸、雞翼、墨魚、仲有咸蛋半隻。叉燒比較瘦我鍾意，食落甜甜的充滿蜜香，又估唔到幾好食喎﹗紅腸普通貨色。雞翼、墨魚新鮮，咸蛋我麻麻不過打散佢用來撈飯都不錯﹗整體幾滿意，飯比較少左0的﹗我呢0的體力勞動人士唔太食得飽﹗在大家樂食咁多次最滿意係呢次呢﹗

星期六都要開工，仲要返足成日，由朝返到晚﹗真係痛苦﹗炎熱天氣下都係等食飯，大家都無咩戰意，為求快捷都係食番大家樂﹗口痕痕決定叫番最鍾意食既叉鵝瀨，28蚊仲要無野飲好鬼貴呢﹗叉燒很瘦，我就最鍾意，見親肥的叉燒我就唔多開胃，不過0的鵝骨多過肉，計計埋埋都唔知食唔食到兩件鵝係有肉的，唉﹗呢個絕對係個敗筆﹗湯送分開上是細心的行徑，今日發現大家樂的員工同0的客講唔再係 "多謝哂﹗"，而係轉左做 "聽日見﹗" 聽落幾有心思的呢﹗