大家樂 (淘大商場1期)

營業中

休息中

好耐無食過大家樂嘅厚切焗豬扒飯，心血來潮，晏晝就去咗食喇😂。 晏晝嚟講都算幾抵，$43再送係一杯14安士嘅凍檸樂。飯依舊係炒飯底，亦照舊有茄汁、番茄、芝士同洋蔥。豬扒都一樣咁大塊，味道都咁好。唔知我有無記錯，往日嘅一哥焗豬扒飯，塊豬扒有層薄薄嘅蛋包住，現今嘅厚切焗豬扒飯就好似唔見咗果一層薄薄嘅蛋喇😞😞。凍檸樂就無咩特評價喇。😅😅大家樂雖然有回收餐盤車，可惜好多時都滿哂無職員清理。加上依舊好附人都仲係依完起身就走，食客自覺咁拎自己嘅餐盤去回收餐盤車嘅意識仍然未夠。大家樂應該再加強推廣一下喇。

無懈可擊，絕對Number1大家樂焗豬扒飯.KO其他兩間.話知你咩餐廳出品.豬排厚滑，外層香.面頭番茄，新鮮.無過乾.飯底炒得出色.再加埋茄汁.無得輸.唯一唔好，食得多熱氣.

香港嘅快餐店來講，大家樂算係一個幾好嘅快餐選擇。今晚一個人就食返個菜飯加個肉，如果有多幾條菜會更加健康🤣啲肉份量真係算好多下，不過個菜飯覺得有少少油膩。快餐店嘅質素係咁上下㗎啦，收貨！😝

今年響大家樂訂了一個鮑魚瑤柱福袋盆菜$828和金湯開運翅$198。鮑魚瑤柱福袋盆菜 ～ 份量夠10至12位用， 今次都訂得幾急， 年三十晚先到大家樂訂，幸好都畀我哋訂到。 盆菜賣相都很精美， 味道也不錯， 屋企人都食得好開心。金湯開運翅 ～ 這一個翅有五磅，入面是南瓜竹笙蟹肉仿翅。 這一個味道比較普通，不過勝在個名幾好聽，又有一個瓦煲贈送， 新正頭最緊要個個食得開心。以前都有試過訂大家樂的盆菜， 後來因為太多選擇的關係已經好幾年沒有到大家樂買盆菜了。 今次有驚喜， 味道已經比往年提升了，下次節日可以再考慮到大家樂啊！

今日只有15分鐘食飯時間，因為太趕了，見到大家樂就馬上衝入去。一看餐牌原來以過午餐時間轉了下午茶，我就揀：蛋沙律牛角包 + 韓式雞翼 + 熱咖啡。牛角包係我至愛。呢個餐的牛角包味道鬆軟好味。蛋沙律都整得幾好味。份量亦多。出乎意外的好吃！韓式雞翼味道有點似烤雞翼。味道帶點辣很惹味！餐茶我叫左咖啡，是即磨咖啡不錯不錯，我還叫了啡走，將練奶叫落咖啡度又香又滑！哩個餐真抵食，有野食又包飲品，只需要$29！ 間唔中食下都唔錯！

大家樂最有代表性食物梗係一哥豬扒飯啦，豬扒夠厚，加上炒飯底，伴有番茄，青豆，菠蘿，還有大量芝士，焗出黎香噴噴，大人小朋友都咁中意食，每過一段時間都要過黎食一次，滿載回憶。

下午茶，想食平平哋又有質素保證，都會揀番大家樂。今日就試咗佢個新嘅麥精紅豆冰，開頭覺得個組合好似怪怪地，但原來飲落口個味道都幾好味^_^仲比平時嘅紅豆冰冇咁甜，配合得非常好。😀😀最鍾意佢夠晒足料，你睇到入面係好多紅豆👍🏼而且唔會溝水溝到淡晒所以好滿意既。🍹🍹🍹今日叫咗雞翼餐，西多士配雞翼。大大隻仲燒得好香口，西多士就不過不失，但呢個價錢係香港來講都仲係好OK😀😀😀下次會再試埋其他野，但麥精紅豆冰真係推薦😛😛

2011年於金鐘大家樂吃了一個名為揚州實為洋蔥炒飯並寫食評，其後可能管理層見到，多年晚市再冇推出。寬別7年再重新推出，此次份量正常，主要有义燒，蝦，少量洋蔥，不過沒有午餐肉（茶餐廳多數有），味道就油左少少。此次突然有番，估計係义燒和蝦存貨過剩急於散貨有關。至於價格係48元（包飲品），比2011年的35元，增幅37%。

淘大的大家樂新裝後，以黃色作主調，店內的佈局亦作改動，座位多了，比以前坐得更舒服，「靚仔」又實用。門外掛著宣傳焗豬的橫額，我想寫這個焗豬已久了。如果要我揀一款連鎖快餐店的飯餐類，我只會選大家樂的焗豬。這個飯似乎穩坐「一哥」的位置，現在叫做「芝味厚切一哥焗豬扒飯」，即使已經漲價至$42，又沒配飲品，焗豬仍是我的首選。原因很簡單，就因為好吃。再者，我相信沒有多少快餐店的出品，宣傳照與真實食品的份量接近，這個焗豬卻可以拍心口說「與相片實物相符」。舉例說，很多朋友拿著「麥記」的實體包，拍在海報前合照，並大呼搵笨！「一哥」經過多年來的精益求精，味道已經達至頗高的水平，要挑剔的，只是服務的水平而已。要知道，焗豬的工序繁多，記得有部陳年港產片，是張耀揚唯一挑正做男主角的，他在戲中鑽研焗豬給張曼玉吃。片中有場對白大概是：做一個好的焗豬，有接近廿個工序，若非煮給心愛的人吃，誰會花這個心思呢？！焗豬的飯先要炒過，加蛋絲，飯要乾身，否則稍後加上茄汁來焗，飯便會變得過濕。豬扒加上蛋汁後煎炸，形成蛋塊包圍著豬扒。做得時間長的話，外層蛋會變焦，時間短的話，豬扒又未必夠熟。還要是塊有1.5cm厚度的豬扒，「一哥」不

今日自己過咗黎淘大商場買啲野，行到有啲肚餓，見到大家樂仲有下午茶，就平平地食咗餐醫下肚啦。單拚燒鴨瀨粉，跟可樂，另加一隻燒雞翼，都係27蚊加9蚊，姐係36蚊，好抵食。燒鴨切得每舊大小都好平均，皮好薄，肉嫩，瀨粉爽口彈牙，份量多。燒雞翼係全翼，食落唔油膩，燒得剛剛熟，好多汁肉滑。

尋晚無聊走左去食大家樂，其實平時食依d快餐店就唔會出食評的了，但今次要介紹下就要出下去到叫左個$92二人餐，檸檬他他烤雞餐，有個肉醬意粉，二條粟米，二塊薯餅，一隻烤🐓同2杯雜果賓治一拎完，就梗係試烤雞先，有手套提供可算係相當細心，他他汁就用另一個膠盒仔放，雞都算大隻而且肉質唔乾有肉汁，個皮亦好香口，俾Aeon超市的好好多個意粉就較失望，有倒汗水喺入面令原先淡味嘅汁更加水同稀至於，粟米同薯餅就係普通正常野；雜果賓冶就只有兩粒細小嘅🍍，咁又唔太算雜果但總括而言，以依個價錢，咁嘅質素算超值！

來淘大行街購物，原本見到大家樂的牛扒，好耐無食，勾起小時候的童年回憶，雖然價錢比當年貴左唔少，但見好似幾多野食咁，所以就揀選它。一上枱就覺得牛扒又薄又細塊，令人失望，個焗薯好似白烚薯仔咁，都唔香又無味，張相明明影到薯仔有料好靚，薯仔上的粟米沙律少得可憐，粟米都無幾粒，麵包就一般啦，個龍蝦湯用味精溝出來咁，雖有龍蝦味，但太咸，份量少，質數低，以這種質數來說，價錢偏貴，下次都係揀食其他，唔好食牛扒餐啦。

大家樂經常都有優惠，聽朋友講最近又出左個烤雞套餐，$88又有雞、又有飯、又有野飲，呢晚唔想煮飯就決定去外賣返個烤雞餐食下。烤雞餐下晝5點開始有得賣，我地6點左右黎到已經見好多人都叫呢個餐真係好抵架，呢個價錢有咁多野食我地另外再加左$10兩個紅豆西米布甸，不過晚飯時間比較多人，等左幾個字先拎到個外賣烤雞唔算好大隻，二人份量啱啱好，烤雞既肉質比想像中好，我同屋企人都唔鍾意食雞胸，但今次既雞胸竟然一d都唔「鞋」，反而仲幾嫩滑至於呢個茄汁海鮮飯就hea左少少，味道都一般般薯餅有4小塊，但就冇比茄汁紅豆西米布甸好香甜，$10兩個都幾抵檸樂配烤雞呢個配搭都幾match，呢餐真係好抵食，而且都好飽

my brother friend just liked cafe de carol Curry beef he was totally satisfied Always eating Tonight I will have to try myself 46$Price is too okay rice and fried small tomatoes And the pineapple cubes even the rice 🍚 is good 3 big pieces of potatoes Lots of sauce curry 🍛 Delicious 😋 Plus plenty of beef Lean and tender

作為大眾化嘅foodie, 一星期裡面總有hea食嘅時候.  嗱~ 不過hea食還hea食, 都keep返 #手機食先 #影靚啲食物 嘅態度先!紫米露配火腿碎蛋厚吐司 ($25)呢個火腿碎蛋厚吐司嘅芝士超厚, 芝士味好搶, 頭一兩啖OK嘅.  之但係食多兩啖發覺配埋蛋有少少漏, 食咗一半要搵人幫幫口. 呢個紫米露仲配有我鍾意嘅香芋粒!! 出品味道其實同糖水舖冇分別, 一碗份量都唔少㗎.   如果你都係啲時間失調, 鍾意下午食糖水可以買嚟過過口癮, 嗰刻我嘅諗法係如果有芝麻湯丸配埋就更加正啦!講到呢度, 你仲俾$25 夜麻麻食紫米露? 不如3點3落嚟食返碗, 仲有得配小食!  不過Timing 呢回事, 真係睇你like唔like.