大壹燒鵝 (MOSTown Street新港城中心大街(3期))

營業中

休息中

👧🏻Wodafoodie in Ma On Shan勁鍾意食叉燒既我 發現呢間除左出名既燒鵝叉燒都好正 所以我不嬲係佢叉燒既捧場客 但今次下午茶時段特登帶屋企人黎一齊試 無論食物定服務都覺得好失望！！！👎🏻👎🏻👎🏻😤😤😤首先無安心出行要填紙先入得 我以為入去先俾紙我填 因為有d餐廳係咁點知佢話舖出面排隊個位有紙 要我出返去填 但佢既員工完全無提過客人出面放左紙！！🤷🏻‍♀️🤷🏻‍♀️🤷🏻‍♀️我已經入左佢門口 佢個收集箱都係店內 咁佢咪俾紙我企係到填埋先囉 又極唔情願係咁話出面有紙要出去填 之後要我問佢幾次先肯係店內俾紙我🤷🏻‍♀️🤷🏻‍♀️🤦🏻‍♀️🤦🏻‍♀️👎🏻👎🏻👎🏻✨咕嚕肉飯 $58👎🏻賣相幾靚仔 咕嚕肉份量都多 有椒又有汁 但炸得唔脆 無乜口感 食落仲要好酸肉量係多 但越食越酸 個汁真係較得好差非！常！唔！好！食！👎🏻👎🏻👎🏻✨燒味單拼粉麵 $42 (叉燒 瀨粉)👎🏻叉燒一上菜嚇親 因為勁肥🤢我每次不嬲無特別request 瘦叉燒 但都唔會咁肥我想換瘦d既部位 等左5分鐘店員就走黎話依家換左一批叉燒 最瘦只係半肥瘦 無瘦叉😵問我仲要唔要 唔要就轉食其他咁我見佢原來轉左 咁算囉 照食真係好肥

「叉燒、叉燒，斬大嚿叉燒!」要數最能代表香港嘅美食燒味絕對榜上有名好多朋友移民後成日話好掛住燒味飯嘅味道雖然周街都有得食叉燒但質素參差，唔係太乾就太油呢日中午難得嚟開呢頭隔住玻璃見到D靚燒味忍唔住入內叫返個至愛嘅雙拚飯叉燒燒腩仔飯 $56估唔到D肉份量都好多燒腩仔皮脆卜卜，肥瘦適中分明唔會成口油，仲好似有少少煙熏味道叉燒口感幾好但略嫌甜咗少少燒味飯用呢種配菜都係第一次見職員HELPFUL要求蔥油都即時奉上

燒味飯黎講，我最愛就係燒鵝同叉燒嘅組合，燒鵝皮滲出黎嘅油同肉汁仲有叉燒嘅蜜汁，試問有邊個可以抵擋？🐷 燒鵝叉燒飯 $63哩個燒味飯的確唔平但佢絕對對得起個價錢！燒鵝後講味道幾好，肉質厚實有油汁，外皮香脆滲鵝油，配酸梅醬一流！叉燒真心好好食，叉燒夠厚切入口淡淡口，外皮蜜汁好香有燶邊，仲要係半肥瘦叉燒，簡直係一流！📍大壹燒鵝馬鞍山新港城3期N座地下7-9號舖

我本身都好鍾意食燒鵝飯，呢間馬鞍山嘅大壹燒鵝我喺半年前食過之後就10分難忘，因為佢啲燒鵝係真係新鮮燒，口感一流入到去諗都唔諗就決定要食燒鵝，今日揀燒鵝飯，薑蔥分量十足，燒鵝外脆內軟，凍奶茶夠味其實佢個餐牌仲有好多其他燒味飯可以揀，我之前食過佢嘅燻蹄飯，份量唔算多，但叉燒就10分出色，油雞就不過不失啦但呢間餐廳我估算係區內其中一間受歡迎嘅餐廳，因為每次下午茶時間都大排長龍，今日就等咗大約10分鐘就有得入座，建議想去嘅人可以早啲去排定隊攞位

成日都幫襯佢㗎，成個馬鞍山嘅燒鵝我最鍾意食佢㗎啦，佢嘅乳豬同埋燒腩仔、燒鵝都好食，啲皮通常都脆卜卜，仲有佢個士多啤梨骨都好好食㗎！有少少甜甜地酸酸地叫個飯好開胃！$98今次試咗爽蝦脆脆麵，$88，有個憲俾你浸林啲面，其實似酒樓嗰啲，酒樓收百幾蚊，所以都抵食嘅！最鍾意食炸嘢同埋脆卜卜嘅嘢就啱你啦！啲蝦都係雪櫃蝦，但都可以。不過真係食到成張枱都係😂一插開佢d麵係咁彈出嚟！好趣！但份量都比較多真係要兩個人先食到！但我身邊嗰位唔肯食搞到我都食唔晒浪費咗⋯怕熱氣嘅人就唔啱了～

次次嚟馬鞍山都見到呢間店排哂長龍，今次晏晝過嚟一樣咁多人！🙊 之前食過一次堂食，燒鵝唔錯，所以今次再翻撻，叫外賣食！本來想叫燒鵝乳豬飯，點知乳豬售罄，又撞正是日暫停燒腩😅 唯有齋叫燒鵝飯....❤️ 燒鵝飯 $58一打開盒飯....ehhhh好少肉😬有一半燒鵝都係得薄薄嘅肉。燒鵝無我堂食嗰陣咁juicy同肥美，得一兩嚿係比較入味。另外，外賣無俾埋秘製佐醬，有少少失望😞 值得一讚嘅係個皮食落唔係腍，依然係脆嘅👌🏻好食度：⭐️⭐️✨ (2.5/5)餐廳推薦度：⭐️⭐️⭐️ (3/5)我唔知係水準唔穩定定係點，上次堂食真係比今次叫外賣好得多，我建議大家如果要試都係堂食啦💁🏻‍♀️

馬鞍山地膽朋友帶路去咗一間餐室吃小炒和燒味，這裏環境雖然不算得華麗，但感覺尚算乾淨。來到呢度，又點會唔叫燒未呢。燒鵝髀燒腩飯果然名不虛傳，燒鵝的肉質十分鮮嫩， 皮薄肉靚，肥瘦適中。而燒腩仔層次分明，外皮燒得非常脆又唔會太硬。椰菜粉絲櫻花蝦煲分量十足，粉絲煮得夠乾身 ，完全吸收了櫻花蝦的鮮味， 有肉碎調一調味不至於太齋，整碟餸一啲都唔肥膩。拔絲咕嚕肉呢味餸好多好評，試吓先。。。 份量同樣十足，咕嚕肉炸得脆脆的又不會太硬， 除了加了麥芽糖有拔絲效果，還了加了一個很重要的配角蕎頭， 豐富了層次，酸酸甜甜，好味!

馬鞍山友注意，燒鵝、燒腩仔、乳豬都好食，經過呢間餐廳就試吓，今日食過燒味的確唔錯👌晚市燒味飯套餐滿足有燒味又有飲品👍🏻。馳名燒鵝和叉燒雙拼配米粉好食，配白飯更加好食，最喜歡燒味汁撈飯。燒鵝配秘製甜酸醬，更具風味。當然，燒味熱辣辣又即製確係頂呱呱。套餐配飲品都係63蚊，OK抵香煎蠔仔餅：蠔仔分量十足，大大碟。蠔仔餅的鑊氣比廟街更出色，除了大隻又多的蠔仔外，蛋漿經過香煎後更加脆口。最重要是辣醬，沾上辣醬的蠔仔餅真係好正😋

爸爸好鍾意食燒鵝，難得今晚有時間同佢食飯，我就提議不如去食燒鵝，其實之前都食過一次，就係覺得好味所以今晚又再去!!晚飯時間六點鐘左右去到，都已經有唔少人。坐低之後，即刻叫姐姐留一份下庄先，再睇睇餐牌，我再叫多個燒味飯，另外爸爸想試下脆麵，於是兩個人就叫咗三份首先主角出場，一係唔食要食就食下庄啦，一大隻燒鵝脾，爸爸食得好開心。入口香濃，肉質又嫰又厚，重要係燒鵝皮燒到又脆又香，啖啖肉汁，高分! 而我的燒味飯亦都係高質出品，叉燒肥瘦適中，肉質鬆軟，最重要係味道十分討好；而油雞亦都好嫩滑，肉味香濃，配埋薑蓉，成碟飯食哂!!之後就到蝦球脆脆麵，最令我欣賞的係脆麵同蝦球係分開上，咁樣脆麵就唔會因為蝦球而變腍，食到最好都依然係咁脆! 蝦球十分彈牙，大隻有啖啖嘅鮮味，加上有蛋花濃湯一齊食，兩個人真係清哂三碟! 爸爸仲話，下次再食!

好耐冇寫食評，難得食到一間心水餐廳就寫下馬鞍山大壹燒鵝 每逢食飯時間， 門口都係人山人海。這一間非一般嘅燒鵝飯店， 究竟有啲乜嘢魔力? 首先佢啲燒鵝真係好好食， 脆卜卜嘅燒鵝脾 , 暖笠笠嘅燒鵝肉 肥瘦恰到好處。 好難搵到有第二間嘅燒鵝去作同級比較 比較。 在點埋佢 獨家燒鵝醬 美味層次再次升級!除咗燒鵝之外佢仲有一味 頂級水煮魚， 同一般水煮魚店好唔同的地方就是它的水煮魚是無骨的龍躉肉！ 新鮮，啖啖肉，白雪雪，香噴噴，熱辣辣！ 一個人輕易食曬一盤水煮魚。 最神奇嘅地方就係這盤水煮魚 都會覺得好辣，但你又唔需要飲好多水。這種刺激麻辣，但不傷胃的快感。 究竟大壹 燒鵝 是怎樣可以做到呢?食到底仲有最强配搭紅薯粉！真係可以一個人叫一碟當一餐嘆下~❣一般茶餐廳都會有例湯， 大壹燒鵝翼都唔例外分別在於濃度和材料的份量，湯水和料差不多是一比一，呢d老火湯真材實料呀！

自細已經好鍾意食燒鵝，聽馬友介紹呢間係沙漠中的綠洲，講到咁嚴重梗係要試吓啦！去到坐低，打開餐牌！Oh my God.... 價錢都唔平喎！所以都唔叫咁多，自己一丁友食，叫個例牌燒鵝試吓算。估唔到真係冇失望😋一上枱已經覺得隻燒鵝燒得好香、好靚。肉和皮脂比例唔錯，唔會太油膩，但係肉質鮮嫩，又夠juicy，真係同普通燒味檔嗰啲冇得比，一個人食都忍唔住食晒😆見到隔離枱啲小菜都幾吸引，下次帶定銀両再過嚟食吓其他小菜先。

個燒鵝肥膏仲多過啲肉拎到返屋企先發覺仲要係生日飯主人公見到都眼冤真係唔掂wo見到都唔開胃明明見到人哋同堂食好似好正常人哋嗰啲相好似啖啖肉咁淨係食咗三分之一 咋 成盒要揼落垃圾桶唔會有下次······························⋯⋯·····

一早已經知道馬鞍山係美食沙漠，聽聞呢間燒鵝好好食，自家製作，曾為馬友嘅我梗係要去試一試啦！餐廳都幾多人去食，但係上菜都幾快。我哋兩公婆叫咗一份例牌燒鵝、拔絲咕嚕肉、雲耳百合蜜豆炒鮮淮山。燒鵝賣相已經好吸引，燒得好靚。食落皮脆肉嫩，還很 juice😋😋拔絲咕嚕肉，用了無花果，新鮮菠蘿加蕎頭來煑，甜酸味很夾，夾起一件真係見到拉絲架🤩而雲耳百合蜜豆炒淮山，清得來夠鑊氣。總括來說，價錢雖然貴啲，但燒鵝美味，小菜也不錯😊

呢間燒味店係簡直係馬鞍山嘅首選，而且性價比高！1️⃣燒鵝乳豬飯 $68燒鵝皮薄脆，燒鵝肉質鮮嫩！乳豬夠哂肥美！飯嘅份量好多！🙆🏻‍♀️美味指數:7.78/102️⃣拔絲咕嚕肉 $98呢個真係可以拔出絲！配菜有無花果，菠蘿🍍及喬頭！咕嚕肉酸酸甜甜，外脆內軟！🙆🏻‍♀️美味指數:7.56/103️⃣椒鹽腰果雞軟骨 $88雞軟骨好有咬口，椒鹽令雞軟骨更惹味，配上腰果更香口！🙆🏻‍♀️美味指數:7.56/10💡整體來講，性價比高！仲要冇加一！大壹燒鵝 (馬鞍山)地址🐾:馬鞍山鞍誠街8號新港城3期N座地下7-9號舖

今天放了自己半天假，約了友人到馬鞍山吃午飯，因朋友家住馬鞍山，對這裡的食店都瞭如指掌，我提議吃燒味，她就二話不說地帶我到這間茶餐廳，她說她男友很喜歡到這家茶餐廳吃叉燒燒鵝的，所以都帶我到這裡給我試試。到達門口，雖然已經下午二時，但門口還有一些人龍在排隊等候，可能因為時間不早，裡面的食客都開始離開，所以我們等了十五分鐘就可以入去。裡面環境同一般茶餐廳相若，但就額外見到有一廚窗放置了一些風乾緊的乳豬和燒鵝，朋友說這裡的燒味是自家製的，質素不錯的。我聽到她的介紹下，就當然不會錯過這裡的燒味，所以我們要了一個燒鵝拼叉燒，額外再每人點了一個午市套餐。等了一會我們的燒味來到，看來碟頭不少，燒鵝份量很多，叉燒也不少，首先當然夾件燒鵝試一試它，咦！果然不錯，肉質很嫰，不粗鞋，皮也吃到脆脆的，吃上去很多肉汁，叉燒也很出色，肥瘦適中，咬落去很易咬開，肉質也很嫰，不粗鞋，一點也不靱，吃落鬆軟，味道也調較得很好，很久都沒有吃過咁高質素的叉燒了，午市套餐未到我們都很快地已經差不多吃了一半，真得很不錯！我的午市套餐是蠔仔肉碎粥，湯很鮮甜，蠔仔不是太細隻，裡面的冬菇，肉碎也很多，吃上去也不會覺得很鹹，加上芫茜，份外