大壹燒鵝 (MOSTown Street新港城中心大街(3期))

營業中

休息中

已經食過兩次大壹燒鵝，分量夠又有穫氣，所以寫篇食評推介下，兩次黎都係8-9點，2個人叫左3樣野~椒鹽九肚魚：即炸熱辣辣，炸到皮薄，內軟，啱啱好，略嫌椒鹽唔係太夠味，整體黎講好味腐乳通菜：菜份量好多，對於鍾意食菜既我，非常滿足叉燒切雞飯：叉燒係半肥瘦，無咩肥肉，夠淋夠味；切雞肉質有少少鞋，切得偏大舊份量夠，價錢正常價，有機會會再黎試下其他菜式~~

呢間大壹燒鵝門口經常大排長龍，門面不算太亮眼，但可清楚看到以燒味作招徠的自家燒鵝、自家乳豬、自家叉燒等等⋯⋯門口更有標示那種燒味暫時售罄，可見食客多點選招牌燒味。晚市燒味飯套餐：選擇了馳名燒鵝和叉燒雙拼配米粉，燒鵝上枱配甜酸醬，蜜汁叉燒帶點燶邊，賣相已令人食指大動。果然，燒鵝外皮香脆且肉味濃郁，蜜汁叉燒肥瘦均勻肉質嫩帶點甜味，從未食過熱辣辣又多汁嘅叉燒！套餐配飲品更加抵食。熱烈推薦！椒鹽鮮魷魚：絕無花假，的確是鮮魷魚。分量十足，大碟程度可以足夠5至6人分享，椒鹽鮮魷魚真夠鑊氣。除了蒜香外，沾上一些喼汁更能提升鮮味，廚師手勢一流之作。蠔仔粥：超級大碗蠔仔粥，材料豐富。除了大量大隻蠔仔之外，所有配料都配合得宜，包括有豬肉碎、冬菜、香蔥、芫荽、大地魚乾等⋯⋯將蠔仔粥烹調得更香更鮮更甜。建議大家加胡椒粉更好味！

每次去大壹通常都是買外賣燒味回家吃，很少會在店內進食，今次難得有朋自遠方來，所以選擇堂食。除了燒味之外，還有很多菜式可以選擇。例如：海鮮、小菜、煲仔菜等等，一般炒粉麵飯都有。晚市時段(17:30-22:00)會有燒味飯套餐供應選擇，價錢由$58起。這間大壹最出名的就是燒鵝和燒腩仔。我和朋友約好了19:30門口等，但等位的時候發現當晚燒腩仔一早經已售罄。唯有叫個大壹燒鵝(例牌)先夠盡興！果然不負所望！燒鵝上枱時熱辣辣，熱到出煙！燒鵝層皮又脆又夠入味！還有我最愛的燒鵝髀！平時都是食燒味飯多，很少叫炒粉麵飯。大壹炒飯入面會有燒鵝粒和一些小辣椒粒。原來炒飯都幾好食，夠鑊氣，有少少辣，加上燒鵝粒有少少鹹鹹地，味道都幾夾。我們還叫了個小菜 — 拔絲咕嚕肉。本身以為「拔絲」只不過是一個噱頭，估不到原來這個咕嚕肉真的可以做到「拔絲」效果！咕嚕肉外脆內軟，配上菠蘿、喬頭和無花果，味道酸酸甜甜，很適合喜歡吃微酸的我。

今日放工入馬鞍山新港城逛逛，要去百貨公司看看一些家庭電器，逛到晚上七八點，係時候搵地方醫肚，之前同朋友食過 大壹燒鵝下午茶，今次帶老公來試下晚飯小菜，店外都見有人等外賣，店內有七八成滿。坐低打開餐牌，小菜款式琳瑯滿目。燒鵝雙拼飯(併香妃雞)~燒鵝依然高水準，皮脆肉香，要讚。今次香妃雞雖然是雞胸，但一點兒也不鞋口，加蔥油最正。香煎蓮藕餅~巨型大大個，蓮藕爽口，咬落豐富肉汁，食肉獸一定喜歡。啫啫通菜煲~上菜時店員先放低一個燒熱的沙鍋，然後加入炒好的通菜，啫啫聲，非常香口，]這菜份量都好大，廚師選用XO醬加蝦乾，增添惹味，越食越開胃。整體上廚師功力有大酒樓風範，菜式有鑊氣，值得讚賞。西洋菜蜜~《大壹燒鵝，明爐燒味，名廚主理，自家燒製》

大壹燒鵝一到食飯時間實要排隊先入到，除左燒味之外，佢都會有炒粉麵飯同小菜嘅選揀，但排左咁耐隊就緊係試下佢啲燒味啦。燒鵝乳豬米配中湯 $68俾左燒鵝髀已經好有驚喜，而燒鵝肉質厚實，食落又好嫩又有肉汁，仲有陣陣燒鵝味，燒鵝皮脆卜卜，燒得好夠火喉，但酸甜醬味道較淡。乳豬皮脆肉嫩，食落好香口，肉質好滑，再埋燒肉醬夠哂惹味。大壹燒鵝嘅燒鵝真係無得輸，見到隔離枱嘅食客會叫半隻品嘗，下次都要叫半隻先夠喉，另外偷食左朋友嘅叉燒都係好正。黃店一定支持。

有朋友住左附近的好處就是可以一起在家附近吃個飯。今晚我們去了常常光顧的食店，我們稱之為街坊食堂的大壹燒鵝。朋友很喜愛吃泰式酸辣鳳爪，幾乎每次餐廳有都會叫的😂百吃不厭，順道比較一下那間好吃。這間鳳爪的份量不少，比配菜多，其他很多店鋪都是只有幾件鳳爪，要和朋友搶食的，這間份量有驚喜👍🏼👍🏼味道酸酸的,很開胃呢！而且辣度適中，適合我這種怕辣的人。專賣燒鵝的食店怎可以不吃它的招牌燒鵝？我們怕兩人會吃不了太多，又想試多些不同的菜式，所以叫了雙拼飯過過口癮。燒鵝皮香肉嫩🤤想不到叉燒也燒得非常香口，是一陣陣燒烤的味道，朋友還說是她吃過最好吃的叉燒。士多啤梨骨的份量都很大，啖啖肉的排骨配上士多啤梨醬，味道很特別，還有士多啤梨肉，想不到士多啤梨都是甜甜的。最後出場的蓮藕餅是最好吃的，一共有六件，煎得非常香口，調味調得剛好，送飯吃很不錯。

今日去到馬鞍山搵朋友，講起想食燒腩仔，朋友就話去呢度，平時佢屋企都會買呢度啲燒味返去加餸wor🤣夜晚7點半去到見到入面超多人，我地等左10分鐘左右先有位，最可惜既係去到見到門口有個牌寫住是日燒腩仔售馨.... 😭冇燒腩仔唯有嗌其他野食，兩個人嗌左一小菜一炒飯拔絲咕嚕肉份量勁多，啲肉食極都有，甜酸醬開胃，仲做到少少外脆內軟既口感！超推介！大壹炒飯加左辣椒同香料，食落有少少泰式既感覺，食到停唔到口😆啲人成日話馬鞍山係美食沙漠，但我去過幾次都食到好好食既野😆 都唔係咁沙漠姐😆

一直都未食過呢間餐廳，直至最近有朋友推介，話呢度嘅小菜非常高質，於是跟佢嚟試吓。今晚叫咗三個小菜，第一個係蒜蓉炒油麥菜，啲菜炒得脆卜卜，質地好爽口，非常好食，而且好翠綠，可能有人會嫌太多油，不過就真係好好食。第二個小菜係例牌燒鵝，呢度既然叫得做燒鵝專門店，對佢嘅燒鵝都有返啲期望。好在都冇令我哋失望，燒鵝真係好香，雖然好多脂肪肥膏，但係真係好滑，醃得好夠味，而且唔會太鹹，我嘅肉質亦控制得好好。第三個係薑蔥魚頭腩煲，嘩呢個真係好驚喜，第一係佢份量非常之大，三個人食完全夠食，而且唔使就住就住。入邊嘅薑及葱都揸得好好食，非常高水準嘅小菜。

這天到馬鞍山影打風前的日落, 然後在附近吃晚餐, 上次來只點了小菜, 這次要試試招牌燒鵝燒味蒜蓉時蔬(西蘭花🥦) $68份量很大, 西蘭花炒得入味👍椰菜粉絲櫻花蝦煲 $98足料好味, 很多櫻花蝦🌸🍤, 非常惹味香口👍燒鵝乳豬飯 $68有驚喜, 燒鵝竟然是整隻的燒鵝脾, 乳豬燒得外皮香脆可口, 肉質有點入口溶化的感覺, 老公吃到讚不絕口👍😋燒味雙拼飯(叉燒燻蹄) $56叉燒又是一絕, 肉質軟嫩, 色澤鮮明, 肥瘦均衡, 叉燒及燻蹄的份量也不少😋例湯 $12一碗有南瓜🎃蓉, 雞腳等材料, 用心之作👍

喺馬鞍山想搵好嘢食，【大壹燒鵝】一定係其中一個選擇。因為燒味又出名，小炒海鮮飯類樣樣都齊全 ，而且價錢貼地，絕對係首選。今次去叫咗燒鵝飯、薑蔥魚雲、同埋士多啤梨骨，加多一杯凍鴛鴦。燒鵝飯唔使多講，真係冇得輸，皮脆肉嫩，點埋個燒鵝醬食令人再三回味。士多啤梨骨好大碟而且放滿士多啤梨醬汁同埋士多啤梨肉，甜甜酸酸加埋金沙骨嘅鮮味，下次嚟一定要再試。薑蔥魚雲煲就有鑊氣，而且最緊要魚雲好新鮮，如果鍾意食魚或魚雲嘅朋友我會極力推介。凍鴛鴦有傳統茶餐廳嘅味道，依餐真係食到好滿足……

呢度除咗食燒鵝之外，晚市都有唔少小菜。而且價錢唔貴，分量多，鑊氣夠，真係好食！叫咗拔絲咕嚕肉，咕嚕肉份量好多，新鮮整起，超級熱。外皮脆，入邊啲肉夠林，仲有菠蘿。酸酸甜甜，呢個好食！椒鹽九肚魚都好正。又係熱辣辣，炸到金黃，面上有辣椒、蔥花，配上避風塘風味。炸得香脆，九肚魚又滑。再叫左菜心炒牛肉，呢個鑊氣好夠，牛肉食得出質素唔錯，牛香又好味！唔會似出面嗰啲用生粉整到滑嗰種。真心正！加個白飯食到舔舔脷。

今日喺馬鞍山，成兩點先有時間食午餐，經過呢度嘅時候，見到竟然仲有人排隊，咁估計應該係好嘢，而龍尾嗰幾個客人啱啱入晒去，咁我都即刻排吓，結果等咗3分鐘就可以入去坐低😁叫咗$56嘅午市套餐「叉雞飯」，包一杯熱飲；餐廳個名叫「大壹燒鵝」，咁我好肚餓就想食埋佢個招牌燒鵝，結果就加咗個$118嘅例牌「大壹燒鵝」😋😆叉雞飯好快就嚟到，叉燒好瘦冇肥膏，但係肉質一啲都唔硬，反而非常軟熟；切雞就係雞胸部份，幾好雞味。仲有，嗰碟蔥油非常美味，沾雞連飯一齊食好香好正。「大壹燒鵝例牌」要咗上庄，鵝肉多汁好有鵝味，鵝皮仲有少少脆，唔肥，好味，平時最多食一兩塊皮，今次竟然連皮全部食晒😆；仲加咗啲燒鵝汁撈落碟叉雞飯度食😋熱奶茶就幾香幾滑。我明白點解咁多人排隊啦😋

今天去馬鞍山探朋友， 跟他吃個晚飯。朋友介紹之下今次選擇了吃燒餓。拔絲咕嚕肉 $98這個咕嚕肉很出色, 拉起每件肉也有拔絲的效果，咕嚕肉脆身身帶甜，那種果甜味來自菠蘿和無花果， 入面的肉鬆軟， 味道入口難忘馬介休香煎蓮藕餅 $98馬介休是經由鹽醃製而成的，味道會有點似鹹魚， 但海鮮味更甚， 蓮藕餅的肉香配以這種鮮咸，非常匹配。大壹燒鵝髀飯飯 $98燒鵝髀大大隻,已經切件,方便進食, 燒鵝皮的皮笑得香脆可口， 帶有陣陣鵝香， 內裏肉嫩多汁。咬下肉汁溢出， 香齒頰留香， 肉汁流入內裏嫩肉中，沾染一些油膩感，更顯得燒鵝的皮香脆嫩可口。

疫情放緩之後，餐廳都開始多返人啦~我同朋友兩個人嚟到大壹燒鵝。仲記得細個個陣放學屋企人都會帶我食瀨粉下午荼呢！首先上嘅係香妃雞配叉燒瀨粉，香妃雞肉又香又滑，叉燒都軟嫩多汁，顏色鮮明，好高質呀。我仲叫埋鹹檸七，味道又甜又咸，仲有檸檬既清爽，好解渴呢~.而燒鵝飯嘅燒鵝實在太吸引，本身只係叫咗兩份套餐，但係我哋都忍唔住再叫多份燒鵝呢，燒鵝嘅肉同脂肪都多，皮脆肉嫩又多汁，食落好香但係又唔會油膩呀~好彩叫多一份，可以好好過下口癮，下次晚市可以嚟斬料送飯呢！

又入馬鞍山搵朋友食飯傾吓偈，這間之前已經食過他們的燒味非常之出色，今次就試吓他們的小菜小炒啦。蠔仔粥一大窩熱辣辣蠔仔粥非常足料，蠔仔每粒都大大隻叫大蠔就差不多，粥底綿滑又香濃，有肉碎芫荽同柴魚令粥底提鮮。椒鹽九肚魚又是大推頭平時在其他餐室吃，都是只得十件八件到，但這裡真的吃得好滿足，九肚魚肉質鮮嫩又鮮甜，炸得香脆惹味。涼瓜炒牛肉涼瓜翠綠又爽脆有回甘味，而牛肉又是很足料一啲都不會吝嗇，牛肉鮮而肉嫩炒得火喉夠，食到舔舔脷。凍檸茶茶底夠濃又夠凍，喝飽食醉很滿足啊！