大圍小食

營業中

休息中

大圍嘅圍方開左好耐，一直都好多人，最近終於搵個週末去左，輕鬆逛完，突然諗起附近有間有名嘅小食店，充滿港式情懷😁🐟燒賣 10粒／$12見到佢係領展早幾年舉行比賽中嘅魚蛋燒賣組拎金獎，一定要試下佢嘅燒賣😆價錢完全係抵到飛起，12蚊有10粒🤩粒粒都大大粒咁，魚肉燒賣餡料十足，而且煙煙韌韌🤤🍆煎釀三寶 5件／$20已經好一段時間無食過煎釀三寶，揀左我最愛嘅茄子，青椒，紅腸😆雖然唔係即刻炸起，但可能因為有個爐烘住所以仍然熱辣辣☺️！茄子食落多汁軟淋，加埋果塊魚肉真係無得頂🤤大大塊連埋茄子一齊食，仲有青椒都係🥰煙煙韌韌！價錢親民，選擇又多，性價比高，真係難怪鋪頭前一直都有人排隊光顧😆

經過大圍 一定去鐵路對出條街覓食今次都唔例外 買港式街頭小食返屋企係等待期間,店鋪客似雲來.多人多到,做唔停手豬油渣狗仔粉超鍾意油渣脆脆口感, 加上清湯+麵,邪惡之味, 對我必點之選有另外附上菜脯, 不過悿想像中辣好多, 唔食辣嘅唔好食煎釀三寶 巨大化, 大大件, 意想不到仲有2件炸餃子,外面脆口脆口碗仔翅非常足料 稠密度啱啱好 配上紅醋+胡椒粉 一流 都幾飽肚💛臭豆腐💛 $15/件重頭戲臭豆腐, 出面少左好多地方有得買, 買少見少, 而且古法製作,食落口滿滿豆腐冇空口. 唔油膩. 大大件 ❤️炸大腸❤️ $15必食街頭小食, 外面炸到脆卜卜, 內面軟軟, 加上甜醬一流串燒豬肉 串燒雞肉$16/串 $30/2串雞肉串嘅肉感較腍身, 唔會太乾身，依然保持到嫩滑肉質🐥而豬肉串香口野味,烤得啱啱好😆除左上面個D 仲叫左其他小食, 韭菜豬紅生菜魚皮餃真係好耐冇咁樣掃街法, 食到極滿足!!

住沙田區嘅朋友應該一定識呢間小食店次次喺大圍轉屯馬線都望到勁多人排隊今日同朋友去圍方行街前特登去掃下街邊小食先魚肉燒賣同魚蛋係掃街必食啦呢度係用陳皮魚蛋 好有風味最重要係個醬汁香辣惹味 價錢抵過夜繽紛好多即燒串燒都好香 原隻魷魚 雞肉 豬頸肉各一串魷魚燒完仲係好軟好彈牙 豬頸肉好爽口加埋蜜糖沙嗲醬超正超香韮菜豬紅豬腸好大碗 最初以為得好少豬紅豬腸原來收埋喺下面 豬腸超正 夠乾淨又油香碗仔魚肉翅食過咁多間碗仔翅 呢個真係數一數二正勁多料 入面竟然有竹笙 特別爽口煎釀三寶大大件 層魚肉夠厚唔係薄薄一片食左都唔覺嗰種仲食左超臭嘅臭豆腐 滷水八爪魚 椒鹽燒賣真係咩都有得食 大圍掃街首選！

又係時候去大圍買一埋小食做小食放題自己真係好鍾意去呢間大圍小食買一堆熟小食開咗咁多年咁旺場真係有原因佢嘅小食真係好多元化基本上你諗到嘅小食都有燒賣魚蛋梗係唔少得最鍾意係佢嗰個特色辣醬用薑炒出來越食越有滋味佢嘅煎釀三寶大大嚿款式真係好多有傳統嘅魚蛋豆腐紅腸冬菇，西蘭花，餃子都有韭菜豬紅豬腸，再加埋佢嘅辣菜甫同埋一啲炸蒜幾種嘢食唔同嘅口感正仲有佢哋嘅串燒雞肉同埋豬肉，一啲都唔鞋口豬頸肉仲要爽身配埋啲孜然粉惹味啊呢度臭豆腐都有得食加埋豆瓣醬同埋甜醬外邊脆波波入邊軟林林識食一定要食呢個最後嚟多個魚肉翅仔翅其實開小食party一間大圍小食都可以搞掂

最近有朋友喺外國返嚟✈️帶咗佢去掃街嚟咗呢間好近大圍站嘅小食店掃街試咗勁多款小食🍡🥓🍡🍢📝煎釀三寶茄子🍆青椒🫑紅腸🌭餃子🥟睇個顏色份量就知係招牌❤️見到人人都叫黎食😍最愛既茄子🍆超大舊好正🥹 📝燒賣/魚蛋抵食💯放工口痕真係路過食一碗好開心🐟魚蛋係比較辣 怕辣記得問小辣🌶️🥵📝豬頸肉/雞肉串燒🍢雖然要等 但係真係好好食既串燒🐓🥓即使我返到屋企加返燒都依然唔乾🍢🍡📝炸大腸好邪惡又好正既街頭小食🍢炸到脆皮真係幾正📝魚肉碗仔翅超多份量既魚肉🐟加左醋超正燒魷魚🦑加左特製蜜糖🍯好香📝滷水雞髀🍗大大隻好juicy😛抵食

内地人来香港，感觉好多店家都不太友善，但是这家大围小吃的老板人真的好好喔👍看着排队人多，不知道怎么点，就问了刚买完的小姐姐，结果老板声音非常温和地对我说，直接来问他就好啦！然后给我捡了一兜，才二十港币！而且味道也特别好吃！面糊裹的刚刚好，没有掩盖食物本身的口感，酥脆的外壳与食材本身的软糯脆爽搭配得刚刚好，还有甜酱，辣酱，酱油和黄色的好像是蜂蜜芥末的蘸料，没敢加太多，打算以后有机会再去尝尝～他们家服务也特别有秩序，几种小吃分类摆放，每个人负责一个部分，虽然人多但是等待时间并不会久～

《大圍小食》Duck duck又黎抽下水帶大家一齊感受下大圍平價夜繽紛🤭💫燒賣魚蛋 必食❣️之前燒賣出個食評，水準依然！燒賣質地煙煙韌靭 ，而魚蛋質地係港式街頭小食陳皮魚蛋，幾彈牙配招牌辣汁都幾正重要性價比高 唔洗捱貴野嘛💫臭豆腐 必食❣️呢個臭豆腐真係驚喜一黎超大件 二黎外脆內軟滑 配上甜辣醬 非常惹味 姐姐仲勁細心 知我地外賣 分開咗啲醬💫串燒 燒豬頸肉必食❣️蜜糖沙嗲汁 豬頸肉勁彈牙 燒起黎勁香口，好好食 燒魷魚，唔會乾，加埋啲醬汁，好食！💫煎釀三寶 超多款式，而且每件都大大件有魚蛋，豆腐，紅腸，茄子，冬菇，西蘭花，原條青椒等最推薦係魚蛋同埋釀豆腐魚蛋係好實在既魚肉感，而釀豆腐啲豆腐超級滑，好好食💫碗仔翅、生菜魚肉、紫菜魚皮餃 碗仔翅真係好足料，而且非常惹味生菜魚肉啲魚肉超多😂魚肉有咬口得黎都幾軟滑紫菜魚皮餃啲紫菜多到唔夠錢咁😂魚皮餃都唔錯我地叫細碗 但都好多.__. .__. .__.🐥🐥🐥.__. .__. .__.總結: 非常推薦大家去試呢間多年老店，咁多人排隊唔係無道理，好地道且性價比就既港式小食環境：/5 服務態度：🐥🐥🐥🐥🐣/5 食物質素：🐥🐥🐥🐥🐣/5性價比：🐥🐥🐥🐥🐣

岩岩去完啟德新商場AIRSIDE，除咗新又假期所以真係超多人，去湊完熱鬧行個圈都唔排隊食野，間間餐廳都應該最小要等大半個鐘…. 😅咁反正搭屯馬線大圍轉車返屋企，當然出出閘過對面大圍小食掃小食返屋但做晚餐啦，每次都好唔小心叫好多野食😂 近期係人都講燒賣，我都唔執輸叫嚟抽吓油水先🤣 ，人家攞獎辣汁+一串燒賣6粒❌不用$20❌ 每次必叫臭豆腐、燒豬頸肉、煎釀三寶、燒賣及油渣麵😋今日加碼再叫埋燒雞串、魚肉碗仔翅、牛栢葉、陳皮魚蛋🤓入秋後好快會有雙腸生炒糯米飯🍚，好快我又會再嚟掃❣️❣️❣️

大圍小食由細食到大‘’老字號‘’還記得學校放學鐘聲一嚮衝出校院，篤吓篤吓煎釀三寶，臭豆腐，魚蛋，燒賣，數知不盡小食....…等。今天適逢中秋節，來個小食懷舊晚宴迎中秋，也可以緬懷昔日的美食和點滴❣️煎釀三寶件件都大件夾抵食，夾著厚厚的魚肉，紅腸、青椒、魚蛋，還有大棵西蘭花好少見❣️魚肉碗仔翅街頭小食必選，材料極為豐富冬菇絲、蛋花、肉絲、木耳絲，竹笙，魚肉份量超多，加埋胡椒粉，麻油，少少醋非常惹味❣️魷魚/牛柏葉/墨魚口感非常爽脆，配上金獎人氣辣汁醬汁，簡直冇得輸❣️魚蛋燒賣細細粒魚蛋彈牙，濃厚陳皮味，魚肉燒賣煙韌，配上招牌自家製辣汁，香辣俱備，實至榮歸'金獎'🏆❣️沙爹串燒雞烤得啱啱好外層焦香肉質嫩滑❣️串燒豬頸肉燒得惹味，嫩滑多汁❣️原隻烤魷魚鮮香惹味，肉質爽脆❣️臭豆腐配入混醬，更加無法抗拒'臭香味'❣️炸大腸油脂豐富，口感煙韌❣️豬紅韭菜豬腸店員姐姐好細心，湯面寫'胡'字，濃郁胡椒香味湯頭，配上豬紅嘅嫩滑，豬腸嘅煙韌，韭菜惹味❣️狗仔粉軟腍唔糊口，吸到湯味，豬油渣香脆，不油膩，伴入辣味菜脯更添惹味這個中秋節一次show off 所有兒時懷舊美食好窩心💗

今日真係好想食街頭小食，終於忍唔住去返之前食過嘅大圍小食😆 呢間老店真係好多年啦，到而家水準都仲係咁好😋燒賣陳皮魚蛋真係街頭小食必食，燒賣煙韌煙韌，一d都唔粉。而陳皮魚蛋彈牙仲有少少陳皮香😋點埋佢個袐製辣醬超好食👍🏻燒豬頸肉燒到外脆內軟好juicy，肉質好爽口😋佢嘅醬汁咸咸甜甜，好快清咗2串😋炸大腸外脆卜卜，炸到唔會乾身👍🏻點埋豉油好好味，一串真係唔夠喉😭碗仔翅唔會過份杰👍🏻煎釀三寶好多款，不過我最鍾意嘅係魚蛋😋好大舊又唔粉👍🏻臭豆腐好香脆，加埋甜醬好好味，好香口😋豬油渣麵嘅豬油渣脆卜卜，浸落湯食又另一番滋味😋韮菜豬紅蘿蔔豬腸，豬腸一d都唔腥👍🏻又唔會太肥😋 韮菜、蘿蔔吸收晒啲湯汁，夠哂入味😋

又嚟大圍小食嘅我，已經每個星期都會幫襯，最愛串燒豬頸肉！今次就再豐富啲，嗌多少少開party🤣 雖然圍方開咗，但人面都係連鎖野冇乜特色，有啲仲要唔好食，識食一定係食大圍小食喇🤣必食一定係燒豬頸肉，蜜糖沙嗲😍 有時唔煮飯都係食兩串填飽個肚就算，豬頸肉勁彈牙，仲要燒起熱辣辣好香，之前見過佢真係生燒架，唔係炸完之後再燒番熱水魷同牛柏葉都係一定要點佢個辣汁！話晒佢個辣汁都係拎過獎，頭一兩啖都覺得冇乜嘢，但係呢個辣汁後勁非常凌厲🤣煎釀三寶都係，幾蚊件樣樣都勁大嚿😱臭豆腐我覺得可以再臭啲😍😍但係好似話俾人投訴過太臭🤣今次仲嗌咗炸雞髀，我同男朋友都一次激讚呢個炸雞髀炸得非常乾身，外皮非常脆，但係雞嘅汁仲保留得好好，入面勁Juicy，夠乾身所以食落唔會覺得好油膩😍🍗第一次食油渣麵，油渣炸到勁香，配上入面嘅冬菇肉碎同埋好似烏冬咁嘅麵條😍 當然仲要加佢嘅辣菜脯，唔食得辣嘅記得落少啲！因為佢嘅菜譜同佢嘅辣汁都係非常之辣🤣🌶️🌶️🌶️紫菜魚皮餃，落咗成餅紫菜咁多，魚皮餃勁大粒，唔係平時食細細粒嗰隻。魚肉碗仔翅依舊係咁多魚肉，食到底都仲有😂😂街頭小食來講，大圍小食真係非常出色，每次食完都會好滿足。最重要係呢間鋪d姐姐

大圍小食 住沙田嘅人個個都識 一出地鐵站最多人排隊買嘢食果間就係 真係由細食到大🌸煎釀三寶$20/5件必食！煎釀三寶種類好多 有餃子 豆腐 茄子 西蘭花 冬菇 而我最鍾意呢度嘅魚肉釀西蘭花同魚肉釀冬菇 魚肉 分量多 大大件好抵食 必食魚肉釀冬菇 炸魚蛋🌸肉碎狗仔粉 （大）$43狗仔粉份量好多 而且夠晒多料 有冬菇絲 蝦米粒 仲有大量嘅蔥同勁辣菜甫 粉仔夠晒煙韌有咬口 加埋辣菜甫食 好夾🌸串燒 豬頸肉 魷魚$18@ ，$30/2記得整返串 豬頸肉 微微焦香 外皮趣肉嫩 好好食加左蜜糖 沙爹汁 魷魚夠晒吸晴 陣陣燒魷魚味 正呀🌸滷水雞髀$25 滷水雞髀拎到返去仲係熱辣辣入晒味好Juicy 🌸辣汁陳皮魚蛋$12個辣汁真係不得了 好惹味呀 辣得好滋味 陳皮魚蛋夠晒彈牙 必食🌸魚碗仔翅$30好足料呀 有大量冬菇絲木耳絲 肉絲 魚肉又夠晒大嚿記得落齊麻油 醋 胡椒粉食呀🌸韭菜豬紅豬腸 $35豬紅夠晒入味 份量都好多下 豬腸，夠晒多肥高油脂滿瀉 三個人食咁多嘢 真係飽到上心口 呢度性價比極高 🙌🏻🙌🏻支持本地小食店 📍大圍小食 (大圍)大圍富嘉花園22號地舖

大圍小食係大圍名物我平時好鍾意嚟買燒賣、魚蛋燒賣係舊式個種魚肉燒賣好彈牙好正，一d都唔膠！魚蛋就係陳皮個隻一定要試埋個辣汁自家製炒得超香！辣度適中🌶️.哩度難得仲有臭豆腐、炸大腸賣我有時都會買嚟食傳統地道嘅美食一定要支持！今次仲食咗：韭菜豬紅、生菜魚肉、煎釀三寶、仲有串燒三寶超級大件炸到好香脆食一份都好飽肚串燒有驚喜🍢好香燒烤味、外香內juicy彈牙可以其他口味 例如：孜然味、辣味而我揀左蜜糖味 香甜惹味！韭菜豬紅原來仲有爽口豬大腸 豬紅夠滑咁多美食 一定食買多幾樣返去慢慢嘆或者同屋企人分享🩵

朋友新居入伙 鍾意掃街嘅我幫襯咗大圍火車站🚉旁邊的「大圍小食」小食店 掃咗一大堆小食去朋友屋企開餐😬小食店屬區內多年老店 人氣甚高✨第一次掃街掃咁多小食，未食已經先興奮🥳全部小食醬汁、湯分開包裝 分開兜 上 唔怕浸到林bear bear 👍🏿🥢陳皮魚蛋🥢燒賣🥢煎釀三寶🥢炸燒賣🥢炸大腸🥢臭豆腐🥢串燒 豬頸肉雞肉🥢滷水雞髀🥢炸雞髀🥢生菜魚肉🥢肉碎狗仔粉🥢淨豬紅🥢碗仔翅小食店一次過可以品嚐咁多款小食 真係好少見🤩有幾款真係私心推介🥰雞髀打人牙骹軟 兩款雞髀都好正😋煎釀三寶$20有5件 平時食開都係豆腐茄子尖椒魚蛋等等、、驚喜有西蘭花魚肉同埋魚皮餃🤤蘸上辣醬好鬼正。仲有必試兩款串燒😛惹味之選❣️魚蛋細細粒一啖一口好過癮

今晚相約了朋友家玩，朋友提議買外面，朋友推介一出大圍站哩間外賣店，超多人排隊，行埋去望望，款式多之餘，還有好多特色嘅食物，即烤串燒點了燒原隻魷魚，豬頸肉同燒墨丸，原隻魷魚切開串住燒，彈牙爽口，豬頸肉上塗滿了醬汁燒得十分入味香口，墨丸夠晒大粒爽口；這個是必食推介秘製咖哩魚蛋，同店員說要多咖哩汁，魚蛋彈牙之餘加埋個咖喱汁真係十分惹味！當然在小食店另一招牌就係燒賣配招牌自家制辣汁，因外賣店員分開自家制辣汁，待回到朋友家即時加入，味道香濃夠晒刺激煎釀三寶款式多，比較突別嘅西蘭花，大大件釀滿魚肉，抵食大件，件件都大大份絕不將貨就價魚肉碗仔翅都係必食推介，內裡材料十足，加埋麻油同醋汁入口，啖啖都充滿材料，魚肉亦十分入味見到隻港式滷水雞髀超大隻，滷水雞髀超入味軟熟，一口就可以將骨同肉分開朋友追加埋件臭豆腐，即炸配埋個甜醬，外面香脆內裡軟滑，陣陣獨有味道，正狗仔粉同韭菜豬紅牛柏葉配胡椒湯底，兩碗嘅湯店員都會幫忙分開包好，狗仔粉上配了炸蒜粒、同香蔥、香菇絲等配料，加埋個湯，再邊食埋個韭菜豬紅牛柏葉，簡直就係絕配，爽口牛柏葉，加埋彈牙嘅豬紅，最特別就係個胡椒湯底，加埋入去一齊入口陣陣香濃胡椒撲鼻，正這個份