大和堂咖啡店

營業中

休息中

終於搵到時間黎九龍城呢間大和堂咖啡室☕☕☕之前睇Fb已經睇到好多post介紹呢度！因爲係用左傳統中藥醫館改建而成，所以成間店既裝修好古色古香，而且仲保留左好多以前嘅裝修，例如鐵閘同埋百子櫃😲😲 好難得香港仲可以搵到啲咁傳統嘅嘢！而家變咗文清必到嘅打卡熱點😆😆😆我哋點咗一人一杯咖啡同，一個洋蔥湯同一份牛油果蟹肉沙律呢杯係大和堂咖啡， 佢係用左伯爵茶同咖啡做底，再加上蜜糖，成杯咖啡唔會好甜，啱哂香港人口味，係一杯好值得一試既咖啡。另一杯鮮奶咖啡亦都好有水準，咖啡師拉既花好靚😍牛油果蟹肉沙律都幾大份，好Fresh好多蟹肉，鮮甜美味👍👍👍湯洋蔥湯好可愛啊，用左中藥壺黎裝起，自己親手倒落個碗好似飲緊中藥咁🤣🤣🤣佢另外仲配埋蜜棗醬多士，細細件味道好特別😋😋

你想飲苦茶定係咖啡，哈哈~大和堂是一間有多年曆史的中醫館，而家已轉為一家咖啡店，但名字依然固用大和堂，現時名叫「大和堂咖啡店」。咖啡店保留部分醫館擺設，好似個百子櫃及鐵閘等等，裝修設計仲keep住舊有景色，再加點時代感。環境咁有特色，呢間咖啡店必定係打卡好地方，咖啡當然都有質素啦，叫的咖啡店主打必定係咖啡。我先來一個Piccolo 迷你鮮奶咖啡，用玻璃杯配上印有大和堂字樣的碟裝起鮮奶咖啡，仲有拉花圖案，單睇已經好吸引，飲落咖啡好順喉，仲帶點鮮奶香，咖啡果然不錯。朋友為了養顏就點了桂圓紅棗杞子茶，喺一間咁懷舊嘅中醫館咖啡店， 飲一杯咁中式滋潤嘅飲品， 格外感覺更養生。嚟到梗係要醫下肚啦，我哋叫咗黑松露豬肉腸潛艇， 潛艇份量剛好，材料有黑松露、炒蛋、豬肉腸、大啡菇及生菜，味道不過不失啦～另外再叫了自家製新鮮牛油果多士，單睇已經覺得好新鮮同健康， 材料相當健康，有車厘茄、櫻桃蘿蔔、 乾蔥、無酵母麵包及沙律，食後感好light，唔會覺得有飽滯感。

我喜歡懷舊咖啡店， 緣起自我第一次在京都幫襯一間昭和年代的咖啡小店，由一位老婆婆經營， 煮的是毫無花巧嘅虹吸式黑咖啡，但古老嘅佈置，香噴噴嘅濃厚咖啡味，加埋甜甜嘅班戟香味， 感覺好舒適好親切。在香港反而比較少這類型的咖啡店， 之前在深水埗有試過一間， 不過店面很少， 很難慢慢嘆咖啡。知道九龍城有一間由藥材舖改建成嘅咖啡店，一直都想試， 但由於位置唔近屋企公司，所以要等到今日半收爐，先至可以嚟試。咖啡店前身嘅藥材舖，經營超過八十年，屈指一算，都是昭和年代的耶！其實咖啡店都已經重新裝修，不過傢俬佈置都以原木色為主調， 去配襯番由藥材舖保留下來嘅百子櫃、舊相、認証書等懷舊感覺。因為藥材舖原身建築都係一座騎樓舊樓， 有個小天井，所以咖啡店會有個露天位置。我因為很早就到達，八點幾，上班日嘅早上店內人較少， 我通常都會揀呢啲時間去我喜歡嘅咖啡店，所以慢慢享受咖啡，又唔使同人迫嘛。跟所有咖啡店一樣， 先到櫃位點單， 再找位置坐著等。他們的menu都做得很精美，選擇都幾多，咖啡價錢合理，食物價錢就唔算便宜，餐廳級數，不過聽說食物質素是較精緻嘅， 所以我都想試試。我點了一個all day breakfa

早排見阿嬌黎打卡，令我心思思都想黎，就趁今早有時間就黎食個早餐兼「朝聖」舊藥材舖被活化成型格cafe ~ 好有味道，環境舒服，可以坐足全日雪櫃仲有一支支cold brew好好奇 唔知百子櫃而家放左咩呢⋯⋯價錢相對是有點小貴的黑松露豬肉腸潛艇塊包先烘過，外脆內軟， 黑松露炒蛋非常香濃，仲加了豬肉腸粒、磨菇粒，口感豐富 沙律菜🥗 新鮮，配以黑醋很清新開胃～牛油果多士多士上有厚厚細滑的鮮牛油果蓉，配車厘茄，辣蘿蔔，用料非常新鮮桂圓紅棗茶材料有雞心紅枣、桂圓、杞子，補血養肝，焗了幾分鐘就已經出味 味道清甜，好養生養顏呢

打卡就不錯，但食物質素就不太好，而且價錢偏貴。點了一碟虎蝦意粉$128， 但意粉較硬。汁和蝦不太入味；另外點了傳統英式早餐 (all day breakfast) , 其實冇咩特別，普通煎蛋茄汁豆麵包，但一杯飲品都冇，就覺得有點不完整。但另加飲品至少$40，就完全冇加飲品意欲。 (雖然呢度食裝修，食舊中藥店內環境，但價錢比預計貴很多和同食物質素好唔相稱。)去洗手間時，出去沿路看到洗手間有張枱，上面錫紙盤裝食物，但保鮮紙又蓋唔唒。不論食物俾客人定員工食物，食物都唔應該禁樣處理。 (衰啲講一係就唔好俾人見到）其實唔搞好食物質素同衞生情況，就算點打住“保育” “活化” 牌頭 都只會做唔長同浪費唒呢啲元素。

Tai Wo Tang was once a Chinese Medicine Clinic and now it has converted into a coffee shop so you will see those typical wooden drawers etc.I liked the modern and historic contrast as you are sitting in this Chinese Med Clinic eating modern fusion dishes.As I was late, I was joining some friends who had ordered some food because I secretly had some satay skewers at Lan Ying nearby as they are closing down.They were tucking in this American inspired chicken waffle but with a Hong Kong twist as th

I was told this cafe looks like a Chinese medicine shop, so I was wandering around, looking at real Chinese medicine shops before coming across this one lol. Really interesting theme! I ordered the chicken and eggs and the portion was pretty big, but it took a while for the food to come out... My friend's food was already cold when my chicken and eggs came out, but she insisted on waiting, so I felt bad I really liked the fried chicken. It was really crispy and the sauce went well with it. It w

一直都知呢間cafe 由中藥舖改裝而成。今日終於黎到打卡～望完咖啡餐牌覺得飲品款款都好吸引，但招牌咖啡就望完都唔知咩 😂😂 店員好細心講係會茶味重啲，帶有蜜糖味嘅咖啡。難得黎到就試下啦。呢款要點熱飲先帶得出招牌嘅特別。其實係咖啡*earl grey 茶葉*蜜糖。 第一啖飲落有淡淡嘅earl grey 香味，冇諗過會禁夾 👍👍都幾特別，蜜糖味較淡可能沉底我冇點撈混，可以一試 飲完有字睇😂再點大和堂沙律，有不同沙律菜， parma ham, 啲菜好新鮮同有好多唔同款，好清新。但如果佢系溫泉蛋就perfect~朋友一樣點左招牌咖啡，亦點多個蟹肉多士。師傅將多士炸得好脆，同蟹肉都擺得好滿；另外配上 (我估）蘋果蓉，少少酸甜，不錯。舊式樓宇樓底高，平日黎都多坐滿人，但都幾好坐。亦有户外地方選擇。 呢度留下好多以前東西:牌匾；鐵閘；百子櫃。如果可以鑽研融入養生食材系食物就更好。

網路上近期出現九龍城打咭熱點，今天下午在九龍城，自然要來看過究竟。這裏保存着中藥百子櫃，聽講業主堅持要保留這些百子櫃，所以變成為了這間咖啡店的特色。除了百子櫃，這裏還有一些懷舊的相片，可以話呃like熱點。這裏是先向收銀拿取餐牌，然後點菜，最後付款，跟住會有侍應送上食物。Cappuccino $40，拉花的圖案很美麗，咖啡亦夠熱，味道亦濃郁。不用加糖可以喝到咖啡的美味。溫泉蛋肉醬扁意粉$128，用了自家製肉醬（牛肉和豬肉)、半乾車厘茄、溫泉蛋。溫泉蛋非常流心，穿了之後，和肉醬及意粉混成一起，味道更佳。肉醬帶點酸味，是非常開胃的味道，而意粉帶點嚼勁，配合肉醬、芝士、溫泉蛋，味道更加豐富。

住係土瓜灣，咁近九龍城，聽朋友講有間前身係中醫館既cafe，梗係要同最愛咖啡既家姐泥食反個下午茶啦我從來唔飲咖啡，一飲就爆瘡，家姐話我失去一嚐人間美味既機會就咁係門口經過，唔望真啲都唔知佢係一間cafe，保留左好多以前中醫館既舊面貌，cashier後面既百子櫃，店員真係會擺野入去架！咁當然唔係擺中藥材啦坐位唔多，不過勝在都夠闊落，連行動不便既老人家都可以連人帶輪椅入埋泥，仲有室外位，夠哂customer friendly!家姐揀左杯有earl grey味既大和堂latte，伯爵茶好香好香，同咖啡好夾，口感比較creamy我就飲反我最愛既朱古力見隔離枱飲緊碗中藥咁既野，原來係洋蔥湯！好搞笑呀，家姐一路飲一路笑話自己飲緊世上最美味既中藥！洋蔥味好濃郁，洋蔥都十分之多，配上一件甜甜既多士，另一件芝士多士，好似中西合璧咁，將啲好簡單既食物提升到唔同既層次Carbonara 一望就覺得非常濃郁果然！食落係超足料勁豐富！對中意食芝士既我，簡直係大愛呀！兩個人share已經夠哂飽，見其他人都食得好滋味，下次再試下唔同既野，去九龍城廣場行下街先

呢日晨咁早10:30黎到因為之前見呢間野好多人打卡仲驚要大排長龍好彩早到即大和堂前身係一間中醫藥堂行醫左幾十年去到2017年就結束營業去到而家老闆將佢轉型為咖啡店但就保留左好多舊時嘅裝潢擺設一入去店員就比menu我地揀好可以出櫃台落單本身老公想點佢個大蝦意粉但原來有好多食物都要11:00後先可以order Egg Benedict佢底層係多士底黎個人麻麻呢個口感都係鐘意muffin底多dAvocado Toast咖啡唔算貴覺得佢嘅咖啡比食物出色Fruits WaffleWaffle 唔夠熱好一般我地坐到十二點到都開始人多好就好在冇人趕我地走亦都冇一開始話要幾點交枱喺呢d咁受歡迎嘅餐廳算少有

最鍾意搵啲相機食先嘅餐廳，最近知道九龍城有間Cafe由中藥鋪轉型，趁住今晚打邊爐，例牌動作就係去九龍城買牛肩脊，晏晝就去會一會佢啦。去到就發現排晒隊，但早餐都未食，所以就去咗食個蛋撻先，再返嚟排隊。返嚟當然人流都係咁上下啦，等左半個鐘左右，咁就入去朝聖下啦。環境既保留着以前中藥百子櫃既特色，同時加入左工業風嘅味道，中西合璧，再加上餐廳樓底夠高，透光度又夠，非常之適合晏晝過嚟tea tea佢。講咗咁耐環境，就知道食物唔算係一個重點，價錢唔算抵，講返食物先，個卡邦尼意粉好杰身，但偏偏唔夠濃味，all day就是正正常常啦，沒有什麼可以推介，你問我會唔會再嚟多次，我會因為個環境再幫襯，但就唔會搵佢填飽個肚啦，反而佢嘅咖啡，我又覺得OK喎，下次一於下午茶先過嚟，嘆住杯咖啡，感受下周圍，做下偽文青就足夠啦！

日前路過這裡，正時下午時段，看到有人在這𥚃排隊，抬頭望到，原來是保育建築物，改建而成的咖啡店。這裡有中醫的百子櫃，牆上掛著一些很舊的牌匾。　這裏是先付款，侍應後送上食物。白平咖啡$40，拉花圖案美麗，咖啡帶點回甘味。班尼迪蛋$78，另加$20配煙三文魚，有水波蛋，荷蘭醬，蕃茄，火箭菜，無酵母多士。兩隻水波蛋，非常之流心。煙三文魚煙燻味濃郁。荷蘭醬帶點鹹，配合多士和水波蛋，就非常適合。無酵母多士有點硬，點些水波蛋，變得有點脆。這個西式早餐，配搭上比較新穎，加上懷舊情懷，可以一試。

我latte控，今早特登約了九龍城地頭蟲帶我去呢期hit爆的「大和堂」。「大和堂」本來是百年蔘茸藥行，今日化身為充满浪漫主意的咖啡店。它有着高高的樓底，中式的擺設，但又跟西式的食物飲品出奇地合襯。我當然先來一杯拉花latte，很滑很香。朋友不好咖啡，叫了壼Earl Grey，可以慢慢嘆。如果可以heat住壺茶，就更perfect!我們開心share咗自家製新鮮牛油果多士。我很喜歡它的多士，吃到它很不同。原來他們的麵包是無酵母的。沙律菜也很新鮮。他們在食材用料也很講究。另外，我們也試了黑松露豬肉腸炒蛋潛艇。蛋又滑又香，黑松露味不太搶，剛剛好，麵包水準極高。這個地方很適合三五知己聊天共聚。

呢間前身中藥店，招牌係「大和堂」，現在變身為咖啡店，既保育又有創意👍🏻門面保留著舊式鐵閘，有兩張彷古高櫈，半圓形的玻璃窗，中西合璧😍牆身是水泥色，更顯古樸的味道，最吸引我的地方是，一大排百子櫃，是從前中藥舗的設計，用來放置不同的藥材，現在是沖調咖啡的位置👍🏻餐牌也有介紹這間藥材舖從前的歷史和變身的過程，食物種類選擇亦十分多🤗這裏的咖啡☕️當然是主角，我另外order了一份蟹肉多士，店員拉花的手勢絕對是專業的，盛載的杯碟也印着「大和堂」三個字，給人一種中西合璧的感覺，蟹肉多士味道不會太濃，帶有淡淡的蟹肉香味，不錯😍再嚐嚐他們的全日早餐，全部材料放在一個煎pan上🍳，賣相也頗為吸引，分量亦十足！夠我們兩人分亨😬這裏的環境氣氛營造出悠閒的感覺，店員的態度亦十分和藹可親，也有半自助的茶水服務，最適合打卡文青打發時間，個人來說甚是喜歡這餐廳😍