大吃大喝 (已搬遷) 新店位置

去食之前要三思，因為佢3點至5點落場，其他時間去買，你要預左等20至30分鐘是常識，因為即叫即造嫁。厚切午餐肉，見到都吸引啦，仲要配芫荽炒蛋，無得輸。我覺得個芫荽可先炒再落蛋，咁個芫荽味會再出D囉。個麵包算厚切，三樣咁厚，咬一啖要擘大個口呀，三樣嘢放埋一齊完全無違和感 ，有芫荽香不會蓋過蛋味同餐肉味，主要餐肉夠厚點會無味呢，食完想再食嘅。仲要隔左大半個鐘先食仲熱嫁，佢個包裝夠精美，一盒裝住，紙啱啱包實份三文治，食時好放心唔會掉食物。忘了影相，但必須一提，就係加錢買佢嘅樽裝奶茶或者檸檬茶，2款都甜度適中，奶茶香濃得黎唔澀，而檸茶酸酸地，好正。個茶味又唔算太濃，叫三文治加$7有一支，抵到無朋友。叫三文治唔叫飲品呻 笨呀！

大吃大喝既芫荽治熱潮好似減退左d，今日路過終於買左勁芫荽餐肉滑蛋三文治($32)加埋烘底(+$2)試下。所有三文治都係即叫即整，好足料，餐肉超厚切(有一節手指咁厚🤏🏻)，煎到好香口；滑蛋入面有海量既芫荽，多到突晒出黎，每一啖都有好重既芫荽味，滑蛋好厚又好滑，d蛋汁多到沿住隻手係咁流出黎🌊另外買左一支鮮檸紅茶($15)，酸味好夠，少甜，茶味唔濃。如果遲下可以除口罩即刻食，享受到最新鮮熱辣既三文治，一定更加正🤤

【是日午餐】芫荽控表示，芫荽同餐蛋治絕對係 perfect match，炒蛋混合芫荽不單止增添了香氣，同時減低了餐肉食的油膩感，入口齒頰留香。

一直想試呢間既三文治，因為覺得個樣好吸引，而且有朋友食過風評甚佳，但可惜位置不是我平常會去的地方，而且份量大也不是隨手可以KO的小食，所以要直等待合適機會。今次終於安排到時間，原本打算WhatsApp 先order 後取的，但大概太忙，所以沒有人應機，所以就乖乖的去排隊order 吧，不過order 其實都好快，只不過要預20分鐘時間。因為難得一次，而且真的有很多款想要試，所以就order 了2款，其中一款是勁芫茜餐肉滑蛋三文治，另一款則是芋泥肉鬆三文治，再另加一支樽仔奶茶，大概等20分鐘就有得攞，行一個圈就差唔多，可以接受。雖然只得外賣，但返到屋企份蛋治仲係微暖的，而且味道真係超級好食！不枉我特登去買，成份三文治超大份，細食既女仔應該食半份都夠飽，芫荽味好香，但唔會太過份太搶，加入蛋度炒得剛剛好，而餐肉係煎/炸到香脆果隻，有少少略硬，可能咁先唔會被滑蛋整濕，因為另外一面既包就濕濕地，影響咗個口感，份三文治即使我翌日再用焗爐整番熱食都仲係好好食👍🏻至於個肉鬆同芋泥又係無敵夾，因為我本身就好喜歡食芋泥，呢份三文治既芋泥唔太甜，剛剛好，不過如果肉鬆再多啲就更好。至於個奶茶其實都幾好味，茶味

見大家讚好咪去試吓  點知唔係個回事平時經過見佢大排長龍，見30/4 下午 得1-2人等緊 甘我就去排買香蔥鹹牛肉炒蛋三文治，等左5-10分鐘已經有 馬上食啦梗係，一開見到已經唔似人哋影相爆曬餡，香蔥唔多，鹹牛肉炒蛋都只係微微暖，連旁邊塊芝士都只係溶左小小😫味道就一般。呢份三文治好老實茶餐廳一定好食過佢， 起碼茶餐廳係熱辣辣。真心好失望，唔會有下次😢見到好多次好多人排，結果都只係一份普普通通厚面包三文治。究竟已經退步左？ 俾人誇大咗？

📍大吃大喝📍💡油麻地☺️一訪油麻地平靚正☺️❤️超足料超人氣 厚厚切三文治🥪❤️未行到已經見到好多人等緊，流緊口水啦，私心想黎試下佢個芋泥肉鬆三文治，可惜黎到已經賣哂🤧下次一定要黎試下佢同沙嗲牛🐥招牌勁芫茜炒蛋餐肉三文治($32)超推比芫茜控！！芫茜餐肉夠哂厚，每一啖食落soksok勁有口感，感覺好清新，芫茜量都比我想像既多。勁多茜同蛋一齊煮，真心正，仲有餐肉勁厚切又煎得好香，大滿足🥰🐥香蔥芝士鹹牛肉滑蛋治($32)大大份既三文治🥪超足料，蛋治既滑蛋超多，好似支哂出黎咁又嫩滑，一咬落去啖啖既牛油同芝士同埋鹹牛肉香，非常邪惡☺️下次試下烘底先🐥炸紫薯餅($10)🐥樽仔奶茶(跟餐+7)奶茶飲落香，濃郁唔澀，同茶餐廳既港式奶茶好似，真正香滑醇#油麻地美食 #美食 #美食日記 #食好西 #油麻地 #大吃大喝 #油麻地三文治#香港美食指南 #香港美食 #香港美食 #香港 #hkfoodie #hkfood #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #globaleats

路經油麻地看見這間大吃大喝三文治店，相片頗為吸引，於是外賣回家跟家人分享。滑蛋牛肉三文治 $32一口鹽酥雞 $22士林臺式香酥蛋餅 拉絲芝士火腿餡 $32椒鹽炸燒賣10粒  $10招牌芫茜炒蛋餐肉三文治  $32香蔥芝士鹹牛肉三文治 $32樽仔奶茶 跟餐 $7樽仔薏米水 $7共計 $174買完即刻打的回家，前後大概10-15分鐘馬上開餐。我的結論是一口鹽酥雞 炸燒賣 效果還不錯頗為香口； 至於三文治，餡料還可以，但麵包就已經完全吸收晒蛋汁，又腍又爛非常難吃，相信如果是即場吃會好好多，但問題是 大吃大喝只提供外賣沒有堂食，疫情關係又不可以隨街飲食!

想食左好耐，平時好小去油麻地，今日終於得閒去買黎試下，睇圖片已經好吸引，買左3個2個烘底，買果時排好長隊，可能係假期所以要等成20分鐘先有，不過店員落單時有溫馨提示鹹牛肉炒蛋唔烘底都好好食，佢個面包係好軟，不過無烘底個包有小小濕，鹹牛肉多小小個比例會更好，芫茜炒蛋餐肉三明治，芫茜味好出，鍾意芫茜既人一定要試，餐肉好厚身有d鹹，烘底加2蚊，不過烘到燶左，食落有苦味，比錢買難受，呢到扣左好多分，唔係既話佢直5星

聞名已久，見好多Foodie一訪完再二訪，今日終於輪到我🥰第一次去嘅時候係收工時間6點幾，去到竟然賣晒😭第二次專登lunchtime 出去，成功買到✌🏻貪心的我一次過買咗4款口味😎🥪香蔥芝士咸牛肉滑蛋治蔥味勁香🤤食得出芝士味但咸牛肉味未算突出🥪芋泥肉鬆三文治肉鬆好香，芋泥好綿好順滑👍🏻🥪招牌勁芫茜炒蛋餐肉三文治餐肉係厚切🤤係炒蛋入面見到明顯嘅芫茜，食落口係有濃烈嘅芫茜味👍🏻🥪香濃沙嗲牛肉滑蛋三文治四款口味入面，我最鐘意食哩款👍🏻真係同個名一樣係香濃嘅沙嗲牛肉👍🏻沙嗲略帶花生醬味，食落口感豐富❤️牛肉都好有誠意，大大舊啖啖肉❤️真心推介⚠️由於餡料太多，食嘅時候記得小心啲，以免食到一身都係🫣大吃大喝 (油麻地)油麻地窩打老道9-11號榮德大厦西翼地下A2-A3號舖

油麻地地鐵站附近有三間在最近大受歡迎的食店，位於彌敦道的「權發」主打經濟飽肚的三餸飯，我在早前已試過了，這天來到油麻地，便想一試另外兩間紅店「嘉多利餅屋」和這間「大吃大喝」的招牌出品。可惜這天我雖然在「嘉多利天然酵母手作麵包店」的爆紅「法式麵包布甸」出爐前15分鐘已到達麵包店門前，但店外原來早已有超過三十個人在等候，既然來得太晚，根本不知道輪到我時還有沒有麵包布甸，便只去幫襯這間「大吃大喝」吧！這小店其實只做外賣，主打的是各款即製厚切三文治，此外還有台式蛋餅、一些飯類和小食售賣，至於飲品方面，就以一些自家製的微糖飲品做賣點。 「香蔥芝士鹹牛肉滑蛋三文治」（$32）是我與太太心意相通的選擇，這款兩夫妻不約而同點選的三文治，麵包確是切得厚身，兩片厚厚的麵包內夾著軟滑的餡料，鹹牛肉、芝士和滑蛋全部融為一體，帶來充實的味道，那些混在餡料內的青蔥就讓這三文治的口感變得更加豐富。整體來說，的確物有所值，比一般的三文治來得好吃，性價比不低。要了三款店家推介餡料的「士林台式香酥蛋餅」（$37）則是兩夫妻分甘同味的選擇，三款餡料分別是拉絲芝士、肉鬆和火腿，這蛋餅跟三文治一樣，做得有板有眼，味道宜人，那似

呢間好易摸門釘既店，之前一次已經話三文治賣晒，所以提早關門，今日去又見到佢落閘😵⋯⋯幸好問清楚佢話半個鐘後開返。一早諗好想食啲咩：芫茜滑蛋餐肉三文治 & 芝士培根肉鬆蛋餅好足材料既三文治，因為係招牌所以試試佢，係好味既，好香新鮮芫茜味，蛋同埋餐肉都好大塊，鍾意芫茜嘅朋友一定會鍾意。本身冇特別鍾意芫茜，但佢芫茜味道係新鮮既，感覺容易接受。另一樣芝士培根肉鬆蛋餅，係好好味！🤩其實蛋餅都冇得輸，加上呢個組合好夾，口感味道都好豐富！佢整到好香口！值得一食！💡 想食既朋友可以打電話去落單先（見佢張單咁寫😛）如果唔係好易食唔到喔🙈因為之後再經過間舖佢話已經賣晒了

新鮮三文冶 每份都係即叫即整 所以等侯時間唔係一般長係超級長8:30落order 9:00先拎到今日試左芝士鹹牛肉香葱炒蛋三文治烘底 （34元）咁味道方面都 ok,餡料多到滿哂 炒蛋都夠滑芝士味不是太濃如果唔洗等咁耐 都可以一食🤤

最近睇左好多介紹已經好想試吓。今日我家老闆有時間，專登車我出去走一轉買嚟試到左門口已見有4、5個人等緊，明白好嘢一定有人等嘅道理馬上落單。芋泥肉鬆三文治（大愛）x2勁芫茜餐肉滑蛋三文治 x2樽仔奶茶+ 樽仔咖啡各1沒有選擇烘底不是因為要加$2而係因為不是即食嘅關係。由於疫情，最近都少咗外面食嘢，所以今次都一樣，買回家至慢慢食（雖然這店都只做外賣，但我都沒有上車即食忍忍忍）回到家先試芫茜餐肉這件，勁厚嘅餐肉配上芫茜炒蛋，賣相相當吸睛，但食落芫茜炒蛋好夾，但塊勁厚嘅餐肉就好似多左格格不入咁，變左可有可無而塊麵包仍然軟熟，唔會因倒汗水令到塊包濕晒所以唔選擇烘底係正確嘅再試芋泥肉鬆，曾在台灣某小店食過之後，一直念念不忘，可能抱住期望吧！今次這件三文治真心沒有太大驚喜，芋泥夠綿中仍保留一些芋頭粒帶有兩個口感，芋泥唔會太甜，但可惜無味嘅肉鬆把整件三文治拖低了分數，芋泥好多，但肉鬆好少，食落芋泥味多過肉鬆，有啲失望樽仔奶茶跟三文治一起只需+$7，抵飲。茶味濃，夠滑樽仔咖啡，同罐裝咖啡差唔多，勝在唔太甜。整體可以一試，但要專登去食就未必會有下次

上年食過呢間最近超人氣嘅吐司店，依家見到假日大排長龍，平日聽講都要等半個鐘。真係好彩上年食咗⋯厚切餐肉滑蛋三文治 $27勁芫茜滑蛋三文治 $25餐肉激厚、滑嫩炒蛋加烘底多士（另加$2），簡簡單單都可以好滿足。滑蛋有芫茜蛋同蔥蛋嘅配搭，但我就唔食芫茜所以點咗普通滑蛋。另外見到佢地依家仲有芋泥肉鬆口味都好吸引呢～可加$2轉麥包健康啲！整體又唔會話好貴，食物選擇都幾多，難怪咁多人排隊幫襯呢！PS 包裝都幾方便食，唔會怕食到成手污糟。

呢間三文治專門店你可以當佢係小食店外賣店 喺正油麻地地鐵站出口而佢又喺交界轉角位叫咗個芋泥肉鬆三文治🥪所以點解係 大紫🤣🤣🤣🤣而佢又整得大大份好厚所以點解係 大治🤓