大公別館

營業中

休息中

食飯最緊要坐得舒服😌呢間火鍋店幾有私人空間。同朋友可以慢慢傾偈enjoy個晚餐！火鍋加配價$480有西澳龍蝦刺身🦞龍蝦大大隻，肉質爽口鮮甜！點了火焰酒香薑蔥鵝鍋，店員喺你面前整，有火焰效果🔥 鵝嘅酒味及蔥味好香，好味道～火鍋配料點了日本薩摩和牛 、台灣鴨血、招牌四寶丸、千層枝竹、紫准山、生菜、順德魚麵。和牛好好食，肉味超香！魚麵粗身，有魚鮮味而且好爽口😋甜品係和牛雪葩，雪葩整成和牛樣好搞笑，心理上我都想揀件冇咁肥🤣味道係士多啤梨味！

成日行D2 place，都唔知原來樓上有間高檔火鍋店！適逢上星期父親節就揀咗嚟慶節食飯，環境裝修好靚好別緻，食物都有驚喜，想食優質火鍋嚟呢度就一定啱🙆🏻‍♀️✨• 火焰酒香薑蔥鵝鍋 $288上枱時店員會贊酒再點火，記得準備定相機，用鏡頭去捕捉呢個moment (而我就偏偏呢個時候記憶咭冇位😀)，鵝肉皮脆肉嫩，贊酒後更增添一抹酒香，食完個鵝就可以叫店員幫忙加湯開始打邊爐🍲• 西澳龍蝦 $480依家只要早一日預訂就可以用優惠價食到西澳龍蝦！龍蝦刺身唔係成日食到，每片龍蝦肉都晶瑩剔透好似識發光咁，食落爽口又清甜，我同屋企人都要爭住食🤣• 日本薩摩和牛翼板肉 $328油花紋路靚到癲，有圖有真相！輕輕淥下就食得，肉質勁軟滑，冇咗平時食肉嘅纖維感，又唔會完全冇曬口感，味道香而不膩，推介🧡• 招牌四寶丸 $128四寶丸有芝士墨魚丸、芫荽牛肉丸、XO豬肉丸同烏雞脆骨丸各兩粒，全部都係新鮮手打，口味幾有特色。我自己就最鐘意墨丸嗰款，口感爽彈仲包住濃郁芝士✨• 台灣嫩鴨血 $58呢度嘅鴨血都好好食好滑溜，配搭濃郁湯底索曬味就最正最夾🤤• 千層枝竹 $48平時打邊爐都係食山根響鈴呢啲豆製品，孤陋寡聞嘅我真係第

🎉中菜節日慶祝首選🎉每逢大事大節，最鍾意搵啲特色餐館去試吓，今次就揀左朋友一直推薦既-大公別館，以前都食過佢哋嘅午餐，俾我印象中係每一樣都好精緻，餐廳地理地址好快便，老人家唔洗行好遠就到，係荔枝角D2 Place 1期10樓。餐廳兩邊有兩個雄氣磅礡嘅深紅大門，好有古代特色，推門一進，餐廳擺設高雅大方，啱晒過嚟慶祝父親節！日式薩摩和牛 Zabuton 和牛份量都極多🥰，攞盤精緻， 頗有氣勢，和牛粉嫩且油花重，口感柔滑濃郁，入口即溶，且肉味超濃 ，深得食肉父親既喜愛！推薦！推薦！😋台灣嫩鴨血 鴨血結實飽滿，軟腍嫩滑，吸曬湯底既精華，超級入味！🤤絕對係開胃不二之選！千層枝竹 千層枝竹入口香軟順滑，口感特別，多層枝竹壓製而成，層次多變，枝竹層與層之間吸曬湯底精華，另一開胃之菜！🤤順德魚麵職員介紹係魚麵係順德特產之一，麵條用魚蛋為主要材料，將魚肉打磨成條狀型。煮開之後，魚麵口感彈牙爽口，啖啖魚肉😋

冬天凍冰冰最岩打邊爐今次屋企人揀左e 間坐得更舒服嘅店。雖然佢係荔枝角，對我黎講唔算太就腳，不過坐落係d2 place, 都幾方便，食完野又可以行下街睇下文青野，唔錯唔錯張枱幾大，食物會放係隔離嘅車仔度，唔會堆到成枱都係打邊爐第一樣野一定係調醬，九格醬比我地調湯底揀左一辣一唔辣，唔辣個個我地首先一人飲左一碗，飲完服務員再加湯底先真正開波肉類真係好正，雖然望落牛花好似唔係特別多咁，但食落依然好細膩😍😍滑到傻雞都係重點，哈哈。依張係食左少少先記得影lol叫左唔同款式嘅丸最尾上個甜品：芝麻卷，有金箔架！！整體黎講食物都好精緻，坐得又舒服，好岩同屋企長輩黎共聚天倫一下。遲d 疫情冇咁嚴重個陣會再book 同屋企人黎食

朋友生日飯，佢鍾意打邊爐，要揀間有質素嘅火鍋店 。呢間火鍋店環境設計帶有中國特色，座位舒適，服務態度良好，一入黎感覺舒服。餐牌上選擇唔特別多，但食材精緻，唔似平時嘅港式邊爐配料。首先嚟到店員畀好多火鍋醬料我哋揀， 外表睇落都好有特色， 可以自製自己鍾意嘅味道都唔錯喎。湯底揀咗鴛鴦鍋，一邊係麻辣鍋，一邊係花膠濃湯雞鍋。麻辣湯底夠哂火紅，味道嗆。 湯入面有鴨血，朋友食過大讚。濃湯雞鍋以為只有雞件兩件，點知嚟咗半隻雞， 上枱嘅時候嚇一下，以為送錯雞。 雞肉夠厚，雞肉嫩滑，有雞味，唔錯。正式火鍋前先飲碗原汁原味嘅濃湯，奶白色嘅湯已經好正，花膠大件，湯味香濃，要添多2碗。牛小排， 紋理清晰，油脂分佈均勻，牛肉味濃，又唔會太肥，正。鮑魚雞粒餃，真材實料，真係有鮑魚粒喺餃子入面，雖然細粒左啲，但都有驚喜。猴頭菇吸哂湯精華，好食。總括而言，餐廳有特色，服務又好，食材高質好味，下次可以再安哥。

天氣凍凍地最啱就係去打邊爐 今次係二訪大公別館火鍋，上次食完對佢地的湯底十分回味佢哋啱啱出咗兩個新湯底，一個係火焰鵝鍋一個係冬陰功乳豬鍋🤨聽個名有啲奇怪🤔點樣將乳豬放落火鍋湯底呢？配冬陰功又會唔會好奇怪呢？但有位朋友非常鍾意食蟹，所以我們決定一試🤪上枱兩大隻膏蟹，隻腳仲郁吓郁吓，果然係新鮮即劏，等隻蟹滾熟咗之後，先試一試個湯底😍果然十分有驚喜，湯底少少辣但係相當鮮甜，湯底裏面仲有蜆同蝦，膏蟹十分肥美🦀最特別係個乳豬件，煮左咁耐都唔會散晒，仍然食到乳豬件既爽口，同埋好入味，同個湯底意外地夾😋😋配料在嗌咗好多海鮮，有白鱔，珊瑚蚌貴妃蚌全部同個湯底好夾另外仲叫咗佢地招牌四寶丸，當中我最鍾意都係烏雞丸，出面真係未見過，識落中間有啲雞軟骨好有口感另外在試咗兩款牛，牛頸脊一上到枱已經比朋友搶住食，冇影到相🙂 另外一款日本牛叫薩摩牛幾有驚喜，普通食親日本牛都冇乜牛味，但呢個脂肪比例唔錯得來又有牛味

之前未聽過呢間餐廳，都係朋友book跟住去，但估唔到咁正，真係好值得介紹俾朋友！入到去係一間中式嘅餐廳，同附近枱都好有距離，空間感足夠，傾計又唔怕俾人聽到。坐底店員就俾啲火鍋醬料我哋，就咁睇外表都覺得好靚，而且好多款可以揀。我哋叫咗個鴛鴦鍋，一個係川蜀麻辣鍋，另一邊係花膠濃湯雞鍋。我哋飲咗雞鍋先，味道好清甜，而且仲連埋好多雞添，雞好滑好好食之後試個麻辣鍋，都幾辣下。招牌四寶丸 - 店員話係手打嘅，料好足，好好食，特別鐘意墨丸個款，入面仲係芝心嘅。手打魚腐 - 食落口個感覺軟冧冧，好得意。自家製千層枝竹 - 第一次見呢個款嘅枝竹，好驚喜，好啱打邊爐用，可以吸晒啲湯，但我就唔敢落落麻辣鍋度啦：Ｐ豆腐紙 - 口感好得意，好薄一片，本身仲以為係枝竹嚟本地嘅牛頸脊 - 超好食！又大份！牛味勁重，根本唔洗沾醬都已經好夠味！黑和牛封門柳 - 呢個好大一片牛，又係好好食，不過都最愛牛頸脊鮑魚雞粒餃 - 第一次見到鮑魚係餃子入面，我哋都好奇叫嚟試下，食落去好match，個鮑魚好好食芝麻卷 - 朋友叫嘅，因為戒咗糖就無食到，但朋友話超正，好芝麻胡嘅感覺除咗食物質素高，餐廳環境好，店員都超有禮貌好好服務，會

天氣開始轉涼，一於約埋班朋友去打邊爐啦！今日黎到D2 Place呢間大公別館，見到裝修都好中式風，環境都好大，台與台之間都好闊落，令人好安心！我地先叫一個鴛鴦鍋，選左川蜀麻辣火鍋配花膠濃湯雞鍋！岩返有朋友鐘意食辣！湯先黎到要倒d雞件落去煮，煲熟左之後我地試一試個花膠濃雞湯，一飲落去都好香濃，補充骨膠原啊！我唔食得辣，都覺得麻辣果邊食到，個湯底好香！必試！好多配料，比自己加添落豉油到！飲品我叫左黑豆水 甜甜地幾好飲～鮑魚雞粒餃呢個餃好勁，真係有隻鮑魚係內面架！成粒餃好足料又好味～美國極黑和牛封門柳，呢個牛肉肉味較重，夾埋麻辣火鍋果到超正！本地新鮮牛肉-牛頸脊黎到今日主角：本地新鮮牛，真係見到都吸引，雪花好靚，輕輕拖一拖落個火鍋就可以食，真係好香牛味，入口即溶咁啊！自製千層枝竹呢個枝竹好特別，要浸耐少少，等佢吸滿曬湯底，好好食！手打魚腐，招牌四寶丸魚腐軟綿綿，好似綿花糖咁，但索埋d湯又好正～四寶丸有脆骨烏雞丸，芥末豬肉丸，芫茜牛肉丸，芝心墨魚丸，幾款都係新鮮製造，我就最鐘意脆骨烏雞丸，咬落有口感，又實在！豆腐紙好特別既豆腐紙，非常薄，輕輕拖落湯底就食得！好香豆味淮山麵為我地火鍋做個小結尾就

同大家介紹超高質嘅火鍋，完全係酒店級嘅享受💕🌟餐廳嘅地理位置好方便，依間餐廳就喺荔枝角嘅d2 place網上，極度方便，同朋友行完市集就可以過嚟，第一次過嚟食，一嚟就比佢嘅大名吸引住，呢邊嘅裝修好靚好高貴，而且環境好闊落，加上職員嘅服務態度超級友善，依度嘅服務都係超高質🌟😛重點係嘢食好好食，我哋被安排去其中一個室內到食，私隱度十足，重點係嘢食超級好味😋首先我哋叫咗一個鴛鴦湯底，一個係麻辣鍋，令一個係花膠雞湯，特別推介依個花膠雞湯，真係真材實料，敬祝了，裏邊仲有好多花膠，勁保身💕另外推制者喺依度四寶丸，係招牌菜嚟㗎 ！最好味係牛丸同埋墨魚丸，超級彈牙😛另外依度嘅魚腐都好正，推介俾各位朋友食👅🌟

好耐冇同朋友食飯啦，機緣巧合下見到呢間舖頭，決定試吓！雖然價錢唔平，但係勝在夠高質！美國極黑和牛封門柳封門柳風門樓肉質軟腍，味道濃郁，而且油脂勁香！本地新鮮牛頸脊牛頸脊比較爽口，而且少啲脂肪，食落有咬口招牌四寶丸我最鍾意食手打丸！每一款都相當出色，豬肉丸味道濃厚，而且仲幾彈牙！鮑魚雞粒餃鮑魚竟然都可以出水餃，真係好特別呀！食下食下會食到啲細細粒嘅鮑魚，非常煙銀，不過略嫌水餃皮淋咗少少湯底我哋食咗花膠雞湯同埋麻辣，兩者都相當出色！我比較鍾意食麻辣，真係超級辣，但係勁香勁正！值得一試

天氣開始轉涼，最啱就係打邊爐😍餐廳裝修充滿格調，店員服務態度仲好好添🤩一路邊爐一爐同朋友聚舊就最好不過！駌鴦湯底（$328）湯底叫咗花膠雞同埋麻辣😍花膠非常軟腍😚雞既肉質滑嫩，分量仲多添！建議大家開始邊爐前飲返碗先🤣麻辣湯底有鴨血🤩 愈食愈辣，勁過癮！招牌四寶丸（$128）四寶丸分別係脆骨烏雞丸、芥末豬肉丸、芫荽牛肉丸、芝心墨魚丸🥰 最特別係脆骨烏雞丸！啲軟骨令食落更有咬口，口感超特別😌鮑魚雞粒餃（$68）超級驚喜！餡料真係有粒粒鮑魚😍加埋雞粒令味道更豐富～美國極黑和牛封門柳（$288）封門柳紋理超靚，肥瘦分布均勻，食落肉味勁濃郁，而且油香十足🤤👍本地新鮮牛頸脊（$238）牛頸脊油花無封門柳咁豐富，但肉質依然爽嫰😋2樣都好鍾意❤️淮山麵（$38）食落有嚼勁，感覺比公仔麵更健康～ 煙韌有咬口！豆腐紙（$32）第一次食，有啲似薄咗嘅響鈴🤣浸湯幾秒就食得架啦😚索曬湯底幾正！金箔懷舊芝麻卷（$64）最後梗係要食埋甜品先滿足😋芝麻卷口感軟糯，芝麻香都幾出🖤如果有流心效果仲正！

天氣開始轉凍，今日同家人一起去吃火鍋來暖下身，一開始要點鴛鴦鍋底，麻辣湯底同花膠濃湯底。因為麻辣湯底拿來涮肉幾乎完美，非常推薦朋友們一定要點，就算吃不到辣都沒問題，可以同服務生講，辣度是可以稍微調整。至於花膠濃湯底真是超好喝，大大舊花膠，原汁原味，我們都先喝一口湯先。鮑魚雞粒餃另一個口感不錯的是鮑魚雞粒餃，吃起來還可以吃到鮑魚的鮮味，餃本身的調味不會太重，最主要是因為雞粒醃的時候帶少少咸味，所以就算不放在麻辣湯底裡面都可以吃的出個餃味道。美國極黑和牛封門柳餐廳招牌之一的美國極黑和牛封門柳，肉質本身就沒得挑，吃和牛就是吃油脂，同日本和牛比起來，美國和牛吃起來不會太油膩，所以當吃多的時候不會覺得太膩。份量上都算多，可以夠4個人吃，個人推薦可以涮麻辣湯底，因為麻辣味可以稍微解除和牛帶來的油膩感，除此之外還可以添加少少牛肉的風味，涮4-5 秒就可以吃了，不需要涮太久。涮到太熟反而吃起來會老。千層枝竹吃火鍋當然少不了枝竹同時蔬，這間的枝竹吸收湯汁一流，放在麻辣鍋裡面吃真是好過癮，一路吃一路流汗。時蔬方面是當季的蔬菜，吃肉太多的時候，涮蔬菜吃可以解下肉的膩感。

今日同同事一起選這這間火鍋店，打算吃麻辣鍋暖下個身。一開始就點左鴛鴦鍋，麻辣同花膠濃湯雞鍋。花膠濃湯雞鍋會另上半隻雞 ，雞好入味而且鍋底有花膠同鮑魚粒，立刻喝了一口非常非常鮮味。招牌四寶丸丸是吃火鍋必備，這間餐廳一次有提供四種丸的拼盤。四種裡面我個人都覺得不錯，吃起來麵粉味不會重，所以吃的出肉的成分比較多，咬起來都算彈牙。放在兩種不同的湯底裡面，丸的風味都會變得不同。我個人是推薦麻辣湯底多地。本地新鮮牛肉這間餐廳還有提供本地的新鮮牛肉，不同於日本同美國的牛肉，本地的新鮮牛肉帶來的口感是相對肉味濃，因為個肉本身新鮮。油脂方面雖然比不過和牛，但是新鮮牛肉本身會減少牛肉的腥草味，再食會點下本地的新鮮牛肉。准山面吃火鍋不配澱粉就會覺得沒感覺，所以我們加點左一份准山麵。麵放花膠濃湯雞鍋湯底裡面吸湯汁，奶白湯本身就帶少少甜味，再加上澱粉本身的甜，吃起來超滿足。如果3-4個人推薦可以點兩份，因為吃起來真是好爽口彈牙。手打魚腐手打會打到魚腐出筋性所以吃起來時特別彈牙。調味上不會太咸，魚的鮮味都還可以吃的出，份量上都不算少，兩個人一定會夠。金箔懷舊芝麻卷金箔芝麻卷，IG打卡的最好選擇，因為看起來真是好高

又到一期一會, 要搵個舒適地方聚一聚, D2都有好選擇!大公別館原來主打火鍋, 食材選擇多而又高質, 大家都非常滿意, 值得推介!!先講湯底, 鴛鴦鍋岩晒大眾, 有辣有唔辣, 麻辣鍋實在大推, 香而帶麻, 辣度唔算高, 但愈食愈過癮!愛辣既我地仲叫左腐竹, 豆腐紙等等索汁的食材, 好正!湯底入面仲有鴨血, 好滑好味, 同台灣吃到既都幾似!另外既花膠湯底都好滋補, 濃郁鮮甜, 雞肉嫩滑, 沒有味精感覺, 好好飲~~牛肉就推介牛頸脊, 牛味很重, 厚度岩岩好, 有口感又唔會鞋口, 配辣湯更上一層樓, 二百幾蚊一碟真係相當抵食!!

唔講唔知大公別館同大公館係分開既, 呢到主打打邊爐, 本身以為價位會好高, 點知原來唔係好貴, 而且質素仲好高!叫左個鴛鴦湯底, 一邊係花膠雞, 個湯真係超好味超多花膠, 有成6大片, 仲有半隻雞, 雞既份量都好多, 個湯底都係300幾, 真心抵食, 因為基本上食完花膠食完雞都飽左一半!!而麻辣果邊係好香, 愈食愈辣, 入面仲有鴨血, 好正!另外,, 叫左幾款火鍋料, 想重點推介鮑魚雞粒餃, 同埋封門柳!鮑魚雞粒餃只係68蚊有6粒, 平過食丸!! 而且入面係真係有鮑魚!仲有成隻蝦! 口感非常爽口彈牙, 亦唔會有肥肉既口感! 和牛封門柳切得好薄, 肉質好淋滑, 而且好香牛肉味, 真係好好食!總括黎講, 以呢個質素同SERVICE, 都係300幾蚊一位, 真心抵食, 約朋友一流!