大光明燒臘飯店

營業中

休息中

最近在小店買了燒肉和燒鴨回家,食後感觉素材本身已經很豐富味道,但 salt 分量似乎加得有點多。肉食和鴨食的口感都很鹹,吃起來不太舒服。或許老闆剛剛準備時,無意中放錯了醬料量吧。日後建議可以減少些許食材上的salt,保持原本豐富的滋味就可以了。或許也可以想想其他調料,例如些許胡椒粉,可以起到適度增味的作用。相信如此做法,不但可以節省成本,也可以吸引更多顧客。生意最重要是口感讓顧客 satisfing 了,相信老闆一定也很重視食客的體驗。唔該哂！

今日(5-4-2012 Thur)放工返到屋企,有一盒叉燒,我又隨手攞一件食,唔係半肥瘦,但肉質鬆軟,唔硬唔柴皮,我問爸爸o係邊 o度買?佢答呢o度.好食o左喎,爸爸話係佢買返o黎後自己打直切至咁鬆軟.我問佢呢度幾多錢?佢答$30.00,我影好相後繼續食,都有啲肥o既部份,但仍然冇心目中想食o個種半肥瘦叉燒o既感覺,而蜜汁味都唔夠濃甜.

前晚(28-10-2010 Thur)放工返到屋企,睇爸爸買o左咩餸先,咦?!乳豬醬喎,買乳豬?問爸爸o係邊o度買?佢答大光明.啊,咁幾錢呀?佢答$60.00.然後又見到碟橙色o既豬大腸,爸爸話$10.00,都係o係大光明買.嘩!$10.00得咁少.我試吓乳豬先,皮仍好脆,不過脂肪幾厚,蘸乳豬醬食好食好多.不過佢o既骨都燒得好香,好味啊.味道: 4.5分而豬大腸,咦……見到有啲黑色,係未洗乾淨定本身係咁?我就唔敢食,只食冇黑色o既.咦……..口感就只係滑滑滑,天氣轉涼下食呢個冷盤覺得麻麻.不過男友大讚好食,好香麻油味,又爽.味道: 4分PS: 不嬲覺得乳豬醬有酒o既成份,睇睇乳豬醬包裝,原來冇喎,反而有麵豉同芝麻醬,真係估唔到.

今日(27-3-2009 Fri)放半日假,先買個飯盒返屋企食先.o係o度買我至愛o既瘦燒肉半肥瘦叉燒飯,亞姐畀o左盒半肥瘦叉燒飯我,我話要雙拼,不過佢聽唔到,咁算啦.返到屋企打開,個樣好靚,食吓先,真係半肥瘦,比例好均勻,口感鬆鬆地,好好,而佢甜度適中,唔太甜,好味,不過飯就硬o左啲.$18.00(lunch)

今日(20-1-2009Tue)放工買燒肉做餸,男友又o黎我屋企食飯,加多佢至愛o既叉燒啦,兩樣都要半肥瘦,斬料o個位師傅話畀瘦少少o既叉燒我,我話驚瘦o既會好硬,佢話唔會.返到屋企影吓相同偷食先.$12.00o既叉燒味道唔夠,口感亦唔太硬.之後我男友o黎到,佢話淡淡地,好食,.而$24.00o既燒肉,凍晒,但皮仍脆,肥o既地方唔多.

尋晚(16-12-2008Tue)要準備媽媽回魂o既食物,由於要有燒鴨,咁我放工就o黎呢o度買啦,佢有$19.00下半截o既燒鴨賣,買o左一個,請佢幫我分開髀同下半身.之後又買瘦燒肉,要o左$30.00.返到屋企,我夾開o左燒鴨髀同一啲燒肉留畀媽媽,我o地就食其他o既.燒肉皮仍脆,瘦燒肉依然好味.但燒鴨,今次唔知發生咩事,好鹹,真係鹹到我爸爸都忍唔住問今次攪咩?好似得我同爸爸兩個食,所以計二人.

** 此 食 肆 的 第 二 個 OK **今日(10-11-2008Mon)放工冇去醫院睇媽媽,自己o係o度買個飯盒返屋企食,o黎到,諗吓買乜先.um….燒肉雞飯.返到屋企,唔知係咪天氣清涼.飯盒只變暖,燒肉竟然係半肥瘦,雞就係雞髀下面o個截.份量唔算少.燒肉皮已經唔脆,我最驚食鹹o既肉,雞肉都冇乜問題吖.

** 此 食 肆 的 第 四 個 笑 **尋日(15-8-2008 Fri)晏晝會有人到我屋企裝冷氣機,爸爸一定忙個不停,連買餸o既時間都冇,於是放工後打電話問佢要唔要買呢間o既燒肉返屋企,佢答好.而佢要o既係半肥瘦燒肉,我就只鍾意全瘦,去到,冇晒爸爸話要o個隻o既燒肉,我見有全瘦,於是買o左$30.00.都幾多.而師傅都搭o左條豬脷同畀o左一包芥辣我.返到屋企打開影返張相先,都食返件先,皮有啲脆有啲唔脆,不過依然好食.而其實爸爸一向鍾意呢間o既燒肉,因為佢冇一大陣煙火味.

** 此 食 肆 的 第 一 個 OK **今日(14-8-2008 Thur)晏晝放半日假,諗住返屋企幫爸爸執o野等人拆同裝冷氣機,點知誤會o左唔係今日,但都請o左假,買o野返屋企食啦.行經大光明,不如買燒味飯食啦,就買o左叉鵝飯,只係$20.00.返到屋企打開影相,飯就固然係多,我撩開啲餸想食,嘩!原來都好多o架.咁又影多張先.好,開始食.叉燒又係我最鍾意食o既半肥瘦,佢唔硬,鬆鬆地,味道又o岩o岩唔太鹹.而燒鵝皮就已經唔脆,不過又唔係好肥,且啖啖肉,OK.而飯就已經唔熱微暖,可能係我等車等得太耐啦.總括o黎講呢個係好抵食o既.

早幾日打完波同班朋友响附近揾嘢食, 是但揀左一間 - 大光明。我地7個人,見入面冇位老闆就响出面開張枱比我地, 仲正，冇入面咁逼添。見隔籬枱碟魚香茄子好正, 終於7個人叫7碟餸:魚香茄子 (正! 雖然唔係用煲上, 但都好夠鑊氣!)黄金蝦 (夠香口,唔油膩, ,but 怕膽固醇高)魚湯浸勝瓜 (冇味精,又好清甜)白切雞 (好夠雞味,D肉又滑,啱啱好)清湯牛坑腩 (我唔食牛,但D friend 話好淋,好好味)燒肉拼义燒 (义燒一般,但燒肉就好脆, good)清蒸紅鮋 (D肉好滑,下!一定再叫)每人都係六十蚊, 抵食又好味,下次打完波可以再嚟!

** 此食肆的第二個笑**尋晚(23-1-2008 Wed)放工返到屋企,見有碟支竹羊腩,問吓媽媽,佢答係爸又o係呢o度買.開餐喇.今次啲汁冇咁’杰’,稀o左啲但仍好夠味.所有料除馬蹄外,都好腍,羊腩羶香味依然,尋晚係咁食,攪到我想減肥都冇意識停.抗議,食上癮呀.

** 此食肆的第一個笑**前晚心血來潮發覺今個冬天爸爸冇整羊腩,於是提一提,佢話好,聽日整.但唔想佢太勞碌,於是同佢講不如我聽日放工落光輝圍(唔係呢間,我亦唔知呢間有)買返o黎,佢竟然搶住話佢o黎買,@@”呢樣都爭?算啦,由佢啦.尋晚(17-1-2008 Thur)返到屋企,發現有兩大盒滿滿o既羊腩,嘩!駛唔駛買咁多啊?爸話唔知一盒有幾多,所以買兩盒喎.未整返熱之前先影張相,打開睇,嘩!好滿啊,又多羊腩,其他材料除o左唔少得o既支竹同薑片外,重有馬蹄同冬菇..好,開飯食得喇,整返熱後係好香,羊腩肉好夠腍亦帶有少少羶,不過有小部份o既皮仍然係韌,冬菇又大大隻,我食o左一件可以大到有成大半隻掌心咁大o既,但都好腍同入味.其實我唔多好馬蹄,不過都試吓,馬蹄o既size就略略細過一蚊硬幣,食落,可能一齊炆,已冇咁爽但都入晒味,反而我覺得好食過爽o既馬蹄喎,但我都係只係一粒.支竹亦都好腍好好味.而啲汁都好正,鹹淡適中,撈飯食一流呢.呢味餸o既味道好有家庭feel,似爸爸自己煮o既,亦唔覺有味精.我問爸爸一盒羊腩煲幾多錢?佢答:人o地買就$55.00,佢買就$50.00,原來佢係呢o度o既熟客,失