大井町日式放題 (已結業)

D野食真心好麻麻..選擇又唔多.......兩個鐘任食放題.....但食左9個字已經唔想再叫...野食係上得快..但好劣食囉！叫炸物..上台一睇就知用萬年油黎炸..真係睇見都唔開胃...刺身又唔夠新鮮...絕對無下次....亦都唔會推介囉！真心想知呢間既係咪呃返黎...大家有心想食放題真係唔建議你地黎...未試過食左唔夠一個鐘就停晒手..停手唔係因為飽而係無得揀...268一位未計加一真係唔抵食...

這間日本放題在荃灣，我們今日食午餐，原來選擇都十分多，地方也好大！！刺身選擇也好多！！鮮甜的大蝦，十分正，夠大夠新鮮，帶子好甜好好味，北寄貝，三文魚，吞拿魚，鮑魚，螺仔也是好鮮甜新鮮夠晒凍！！出面可以拎菠蘿，西瓜，蜜瓜，冷盤有豆腐同蕃茄，飲品有幾個櫃選擇，啤酒也有，罐裝汽水，紙包飲品，熱茶。甜品櫃，一小一小件的。冷豆腐也好滑好香麻屬味道，小小一件。雞亦係雞全亦，炸到金黃色好味。一口牛肉好味道，炒到幾香口，唔鞋，有少少蒜片。炒雜菇，有冬菇，白菇，雞脾菇，炒到幾香。好味有水份！！洋蔥帶子，帶子份量同洋蔥好似幾賠，洋蔥將帶子埋住左，炒到幾香的！帶子不是好大粒。蝦多士也有，有一隻暇，芝士同菠蘿，幾特別！茶碗蒸蛋好味，蛋夠滑身又有冬菇同蟹柳絲。正！！玉子蛋刺身也是好認真的上菜。整體感覺很好，價錢抵食，服務快！！

係荃灣行完街，當決定唔到食咩既時候，放題可以話係一個最好既選擇，問過幾個朋友，大家都係推介大井町，所以就去試下。食放題一定要會點既食物，一定係刺身，唔單只因為刺身好食，仲可以話係一間放題評分既準則!!!而大井町既刺身亦都唔錯，非常新鮮，不論係魚刺身定係蝦刺身都非常鮮甜!而天婦羅同炸物亦都整得好好，蝦天婦羅外皮香脆，炸皮好薄，蝦肉彈牙，而其他炸物亦都一樣，鬆脆可口，炸物黎講水準一流!!蝦多士亦都好食，雖然唔似平時食開兩塊包中間夾住蝦既蝦多士，但係依個蝦多士既口感都好好，蝦肉十分彈牙，唯一整得唔係幾好既就係佢既面包有d位太燶，如果無咁燶既話就更加好啦!另外值得一提既就係佢既鐵板料理，鐵板牛油帶子同鐵板牛柳粒都整得非常好!!鐵板牛油帶子既帶子好肥美，食落去牛油既香味亦唔會蓋過左帶子平身應有既甜味。鐵板牛柳粒同樣出色，牛肉唔會抄得太熟，咬落去亦有好多肉汁，加上鋪係上面既炸蒜片，非常香口。最後就係甜品!!雪糕有Movenpick同Dreyer's兩個牌子可以簡，而兩個牌子既雪糕都非常好食，雖然每人只可以食一個，但係依個雪糕作為一餐放題既結尾可以話係完美!!

一入到場，本身已經勁多人。1910到，叫我地等到1930就有得入，結果最後等到成1955, 仲要坐門口位。食物水平方面，首先自助區位置是經常性空的，醬料也是，而熱茶都不怎麼熱。反而點叫的東西，速度都頗快。除了刺身外，好像也沒什麼食得落口，服務生態度都挺好，個個都跑黎跑去咁，餐廳是否應該多請人手呢？除非下次有折扣，貴過100都唔會再去食。

來到大鴻輝中心，大多人都會到較高層的店舖吃火鍋，而我這天則選擇到三樓的「大井町」吃放題，享受一下久遺的日式放題。「大井町」設有自助區，就在門口的位置。這裡提供了數款冷盤可讓食客先醫醫肚，我最愛是蝦和翡翠螺；而甜品的款式則為數不少，有各種的小糕餅、泡芙等，種類繁多。飲品區則提供各式汽水或紙包飲品，不愛喝有汽飲品的朋友亦滿心歡喜呢。在自助區取過食物後，當然開始點餐時刻吧，率先上場是這盤刺身。從點餐紙可見，刺身和一般的日式放題餐廳分別不大，基本的都應有盡有，唯獨是中拖羅則不是每個地方都有。三文魚，白肉豚和甜蝦都相當鮮甜美味，而當晚最出眾的莫過於油甘魚刺身了，粉紅得像櫻花般的色澤，彈牙的口感都反映了它的鮮美程度，賣相不錯。地獄辣蜆名稱雖可怕，可不是想像般辣，辣辣的味道很襯托出蜆肉的鮮甜，用作前菜剛剛好。以店名命名的創作料理「大」「井」「町」當然要一試，會以店名命名可見餐廳對它的自豪感，「大」是蛋黃醬風味配以熟蝦的彈牙口感；「井」則是香蔥吞拿魚碎，而「町」則是甜酸醬蝦刺身壽司，各有不同風格，這樣的創意也算是有趣。鐵板牛柳粒水準不錯，牛柳充滿油香，肉質軟嫩易入口，再加上蒜片加持，滋味非常。手捲當然

呢間日式放題環境真係超大間，座位全部都係卡位，私隱同空間都好足夠。放題飲品款式超多，除了有罐裝飲品，還有鮮榨果汁，更難得一見的是，竟然有熱的維他奶及紙包飲品，冬天有熱飲，真是十分窩心喔。自助bar，還有凍蝦、凍螺、同青口任君選擇，亦有多款生果同花生糊，真係好多嘢食。魚生很新鮮，很乾淨；壽司細細件，款式有創意;燒物款式都有好多，放題經常見到的燒菠蘿、燒羊架、燒牛舌，燒蝦等全部都好好食，尤其是燒羊架，外層燒得好香脆，肉質非常嫩滑、鬆化！炸物都有好多，好似芝麻雞翼、炸天婦羅等等，個人極力推薦來此店必食炸天婦羅，因為它外層的粉漿很薄、很剔透，也很脆，一點也不誇張，真是好食到極點！呢度仲有一個特色，就係無論街邊小食嘅碗仔翅，或高檔食物花膠鵝掌，甚至蟹粥都一應俱全，而且味道也挺不錯的！飯後甜品除咗有不同軟式的迷你蛋糕、甜點之外，還有一個驚喜就是每人可揀一款movenpick 雪糕, 呢餐真是好食得無言以對！

記得之前都有食過大井町，在荃灣是數一數二好味的放題，雖然在大鴻輝，但是只在3樓，不用等lift，節省的時間足夠吃一盤刺身了！還有還有，座位真的很寬敞！見第一輪食物還未到，就去拿海鮮先，想不到放題有海鮮呢！十足十酒店buffet，有螺、有蝦、有青口，我鍾情青口，加上檸檬汁僻腥味，青口用冰雪住，保持鮮味，咬落一點也不靭！返到座位，剛好刺身來了，首選當然是三文魚，魚油甘香，切得很厚，咀嚼時很有口感，吞拿魚偏向瘀紅色，但味道不錯，甘甘又帶點苦澀的魚油味很特別。跟手就到火灸壽司，一向都覺得火灸比較好味，我推介左口魚邊，首先，造出來跟照片是一模一樣，左口魚邊燒得剛好，開頭都會感覺到一片充滿口感的魚片，慢慢已經融化了。汁燒和牛壽司不是乾身的，真的有燒汁味，和牛也是半融化。火灸三文魚腩我彼喜歡，因為上面有一片芝士，增添了三文魚的味道。卷物也是很有創意的，首推軟殼蟹卷，不止是用飯包著，還有牛油果！想不到和軟殼蟹的味道咁夾，牛油果已經是熟透了，甜甜的味道加入了軟殼蟹的咸味，味道不錯！和牛卷和剛才的和牛壽司不同，這個包得更結實，而且還有蒜片在上面，未入口已經聞到蒜香味，一咬得卻有點像蒜片炒牛肉呢！到熟食了，

星期六下午食放題，我今次選擇呢間，因為見平，其實無抱好大期望，純粹想食下熟食，又食下刺身。12:30上去，得幾枱，個下心諗「咁少人應該唔會喪走單啦」出面沙律吧選擇少，但野飲選擇都幾多。不過個人建議睇清楚冷盤先好食，因為螺肉「益益地」，聞落味道酸酸地，怪怪地，所以拎左都無食。可能唔知擺左幾耐，或者本來係咁吧味掛。走單情況，無熟食味道，不過不失，仲好大碟！服務態度，唔錯，問乜都即比，唔黑面，都幾好禮貌推介：炸雞冀，羊架炸雞冀佢做得好好，外脆內嫩，唔乾身，我食完兩隻之後忘不了，一直喪點，食左應該都有七隻。羊架，同樣唔乾身，唔好同酒店比較，咁比一定無得比。但以呢個價錢，呢隻羊架都算好略嫌嘅地方係，如果有炸雞軟骨會更好，呢啲只有柚子雞軟骨，咁嘅配搭麻麻地⋯仲要堅大碟

今日收工同媽咪去荃灣食放題，黎到大井町侍應安排左我地坐入面近窗卡位!兩個人坐足夠有餘，十分舒適！坐低立即點野食，呢到都有幾多選擇下，點食物紙都有數十張👍🏻(包括刺身、壽司、炸物丶燒物、天婦羅、蒸焗類......應有盡有岀面仲有個自助吧（🈶️飲料、甜點、小食、少量海鮮、熱湯......）任均選擇!!地方夠曬闊落 三樓全層都係螺同青囗都好爽口 又夠新鮮首先上場既係刺身 1⃣️睇賣相就知夠曬新鮮啦咬落去鮮甜 唔會有雪味炸榴槤 炸紫薯餅 炸墨魚餅全部都係新鮮滾熱辣 即叫即炸炸得非常香脆可口 串燒我地叫左鹽燒牛舌 好爽口 味道剛剛好仲有醬汁🔥雞柳 味道甜甜的 雞柳肉質嫩滑焗生蠔有大大隻生蠔係入面 好肥美加埋洋蔥等配料1⃣️齊食 口感1⃣️流焗薯仔入面有1⃣️粒粒薯仔係到 配上茄汁特別開胃焗蟹蓋好細隻 1⃣️啖1⃣️口 有濃郁既芝士係面最後各式甜品 賣相味道都很好

如果身邊有食量驚人的朋友，口袋裏總要有些質素不錯，而價錢合理的放題或任吃火鍋的餐廳資料。這次和朋友去了荃灣的大井町，平日最貴的時段連加一也只是二百尾，價錢算合理。看這裡的點餐紙，還真的有不少選擇，生的熟的炸的燒的都有，最適合什麼也想試的人。這裡的飲品選擇也一樣的多，有罐裝、紙包、即斟，凍的暖的熱的也有。還有一些自取的冷盤和新鮮水果。當然甜品也是不會少。第一回合當然要點些刺身，沒有腥味，算是合格。壽司是最吸晴的，很多款特式壽司，感覺新鮮而且整體質素不錯，小小一件不會太飽肚，有些我們也有再點。熱食方面，個人覺得茶碗蒸真的不錯，蒸得夠嫩滑，台灣腸和炒帶子更是一定要點。炸物方面，大都炸得不錯，粉漿不會太厚，亦不會炸到很乾硬，亦不算太油膩。還有燒物，已經飽到一個點，只能淺嚐其中幾樣。這裡的雪糕雖然不是任吃，不過有Dreyer’s 及MOVENPICK，也算不錯吧。最愛MOVENPICK 雪糕的我，當然選了MOVENPICK，這餐真的超滿足。我吃到幾乎是脹爆肚子，連大胃王朋友也吃得非常滿足。

今日放假入荃灣搵食，偶然行完街經過眾安街見好多野食揀，就來個即興就食放題啦😛上ᴼᴾᴱᴺᴿᴵᶜᴱ睇過好多食評話呢間都唔錯咁，一上到去店面闊落，座位寬堂舒適充滿空間感!不過冇得安排坐卡位😞.👉🏻晚市放題 $228(19:30前離座)選擇足足有13張紙之多😌食物有刺身、壽司、創作壽司、軍艦、天婦羅、燒物、湯麵、鐵板燒、甜品等。飲品方面有紙包裝、樽裝汽水、啤酒等，另外有個好大既甜品櫃啊，正🤫拎左罐解茶後✨來點刺身吧！夠新鮮爽口沒有腥味！三文魚、北寄貝、中拖羅、甜蝦、赤蝦，有些入口即融好喜歡💕除後火炙壽司同其他卷物都到了記得點了火炙芝士玻璃蝦、火炙左口邊、火灸三文魚腩、青瓜鰻魚反卷、大、井、町、水晶香芒大蝦卷⋯⋯仲有⋯⋯都忘了我最愛的左口魚壽司真的很好吃！要點啊🤗炸物及串燒 也不錯,炸物叫左芝麻雞翼、榴槤炸彈等等!ᴮᵀᵂ雞翼很香牛油味!好食。⭐️(((((整晚最有驚喜的是這個榴槤炸彈因為外皮炸得10分鬆軟內裡的榴槤味道跟以往的不同榴槤味很重很香一點也不會過甜)))))另外一些鐵板及小食就算是合格吧!鐵板牛油帶子用牛油炒超香 但食完罪惡感好重,油油的最後一個大的 甜品 櫃💁🏻‍♀️在我面前！大量甜品選

早前去荃灣吃飯時，路過這裡，知道有間放題，今晚就早點過來吃飯。星期一至四，七點半前結賬，收費$208。食物種類有拾幾種，而飲品都有啤酒、汽水、包裝果汁。首先梗係點刺身，要了帶子、油甘魚、吞拿魚、甜蝦、赤蝦、劍魚、北寄貝、赤貝，解凍得剛剛好，仲要樣樣新鮮甜美，結果刺身點了三次，吃完都有點飽，非常回本👍👍👍👍👍熱食要了紅酒牛舌、燒蝦、酒煮蜆、燒菠蘿、蟹粥、燉蛋，我推介紅酒牛舌，不過份量都幾多。最後每人仲有一枝迷你雪糕批。價錢唔算貴，食物新鮮，坐得舒服，下次有機會再試其他。

朋友興致勃勃來電，邀約去在荃灣衆安街千色百貨對面的大鴻輝大厦的大井町食日式放題，說款式多，食材新鮮，環景ㄡ好坐。來到發覺店佔商場全層，有很多卡座，燈光調得剛好，確實坐得幾寬敞舒服。入口處除幾個玻璃直立式的汽水櫃，載滿左形形式式的飲品及甜品外，還貼心地在這寒冷天氣提供熱的維他奶，麥精，解茶，玄米茶及花生糊。還有十多款頭盤的半自助吧，生菓，枝豆及沙律菜，用餐、傾計的心情大增。選菜紙十多張，雪糕是名牌之選，仲要係Movenpick 同Dreyer's。款式真的昰花多眼亂。刺身質優、新鮮，最驚喜是那厚切旳油甘魚，肥美彈牙，還有那超人氣成4、5吋長的赤蝦，用一字形容它"鮮"。創作料理系列看得出有心思及值得一讚，的的色色，啱我要食又唔想飽的ㄧ族。三款中我最愛水晶香芒大蝦卷，香草搭芒果的甜酸跟蝦ㄧ起食，配搭得很滋味開胃。炸物都頗有水準，友人喜香口食物，所以今次都點試了多款，榴槤炸彈那榴槤餡真的多到爆炸，紫薯餅甜，墨魚漿餅有咬口，最討喜的是那鹽酥杏包菇，酥，脆，不油好好味。燒食中食了我必點的鹽燒牛舌及羊架，兩者都控制得宜，燒到香，熟汁多，不亁嚡。嘗了片罕見的千島汁蝦多士，可口是可口但不是我兒時的味道，

同事一個一個地離職，真係好傷心，所以我地化悲憤為食量第一次黎到荃灣食放題，同事話哩間好食又抵食，質素又唔差，係樓下係派傳單姐姐到拎張傳單，仲有9折添估不到刺身有新鮮帶子…赤蝦…北寄貝…白肉豚…油甘魚…赤貝，全部都係我最鍾意食架仲有海膽手卷…真係無諗過哩個價錢，食到咁好味，咁多選擇嘅野食，食下食下…好多都唔記得影相咯…食咗份唔記得影相嘅壽喜牛肉鍋，食得多凍野，一食個熱鍋，真係好正。仲有個好窩心位，就係有個自取暖飲櫃，有些冷盤，水果，甜品都可以自取添!最後仲食埋Movenpick嘅雪糕，簡直係perfect

趁住慶功，經朋友就介紹食呢間放題，係openrice都見到多讚既。但自己親身食過就覺得好麻麻。先講刺身，係算多款的，基本有三文魚、吞拿魚，油甘魚、希靈魚、北寄貝，赤貝、帶子、甜蝦，玻璃蝦都算新鮮，但唔係話好鮮甜肥美囉，海胆係韓國海胆，好唔掂，無鮮味，口感又黏黏地，好奇怪。到熟食就好麻麻，款式覺得好似好多，但其實唔係囉，味道方面仲好一般，唔覺好食，所以我無特別影相唯係我覺得好食係榴連波波，其他都無咩驚喜。