大井町日式放題 (已結業)

今日同屋企人慶祝生日，所以同佢慶祝一下食個晚飯。佢地鐘意食日本野，特別係魚生，壽司、串燒。咁岩見到呢間新開，冇book位之下，就walk in 入去試下。我掛住食，好多相都冇影，影左少少。呢到有個好處有名貴雪糕食，一般放題得雀X雪糕，呢到魚生好新鮮，串燒都好正夠熱，特別係牛舌。好多時去食放題串燒都唔熱。我好少在放題叫炒飯食，見到格離臺碟炒飯好靚，於是叫黎食，飯炒得好乾爽，粒粒分明。下次一定會帶朋友黎食

早幾日，住荃灣同學同我講佢屋企附近有新開放題好多人排隊，於是我同佢兩個去試。放題地方必食刺身、串燒，天婦樂。首先黎個魚生，三文魚好新鮮，冇咩雪味，甜蝦好鮮甜彈牙。牛舌串燒，好正。蒸蛋幾滑，唔老。甜品方面不得了，有名貴雪糕Movenpick，同埋一些蛋糕，蛋糕唔差。成晚沒漏單情況，仲好好服務😁，下次我一定會再去。

今日同家人入到荃灣行街，諗住搵間似樣D既餐廳食晚飯見到大鴻輝三樓有新開張日本野任飲任食見價錢合理$238一位，又唔洗等電梯（扶手電梯上便可），即管試下。整體係唔錯既，推介芝麻雞亦必食刺身亦好新鮮有我最愛既蒸旦食下食下唔記得影相飲品方面都有成十款以上架仲有數款一口旦糕同埋雪糕，唔記得影相，幾好味既新開張環境一定最舒適，侍應服務唔錯，希望佢地可以keep住水準值得推介

見到有海膽放題～即刻去左試試！- 地鐵行去應該5-10分鐘，剛剛係荃灣&荃灣西站既中間！- 地方大，坐得舒服，服務非常好！- 多款選擇，上菜超快，完全唔漏單！- 飲料任飲，仲有個細salad bar&甜品區！- 最尾仲有Dryers & Movenpick雪糕～- 已推介俾多位朋友！希望食物質素&咁好既服務可keep住！

見佢新開咪試下，已經打左電話來！即刻有得book已經知5對路！上到去明明好多位！又5放人入去！但walk in 就系甘放！好丫，每人問完一次之後入得丫！刺身來到！海膽系溶哂。。。好腥好難食！其他又咸又難食！唉！仲要服務態度超差！

放工荃灣覓食，當行到大鴻輝中心，見到新開嘅日式方題就行上去試下，原來剛剛開咗三日入去已經覺得地方寬敞食品方面刺身都幾新鮮，重要推介，晚市海膽任食熱食方面，天婦羅可以，炒雜箘有D乾，燒雞翼好味，帶子北海燒讃讃讃，日式海蛯湯，羊架好味飲品種類算多，有甜品同沙律自助吧最後有movenpick雪糕送可以再嚟

今日放假出荃灣食飯，諗住上大鴻輝啲餐廳食dinner嘩，條龍排到打晒蛇餅出埋後門都係第一次見見3樓開左間新既放題就上去試下啦，個價錢都唔平架258加一，但盛在海膽任食，又唔洗等位就即刻入左去啲坐位好闊落，可能新開冇乜人知，唔多人所以俾左個4人位我地2個原來間野新開左2日咋，服務質素好好！侍應成日幫我地換碟，又好好禮貌海膽任叫任食，真係好抵其他食物既款式雖然唔算好多，但都有質素值得推介既係蟹肉蒸蛋，真係好滑😋😋😋不嬲唔鍾意食鍋物既我都不得不讚個壽喜牛肉鍋好好味！美中不足是，燒物冇燒海蝦

今晚我們去咗大鴻輝「荃灣」中心嘅「大井町日式放題」食晚餐放題！店內嘅環境裝修同坐位嘅距離好寬敞舒適，唔會有好逼嘅感覺！坐低嗰陣店員用有親切有禮嘅態度同我們講話他們做緊新張優惠，喺晚市時段嘅海膽刺身係任食，對於本人係一個超級海膽迷嚟講，真係一個極大嘅好消息呀！我們叫咗個刺身拼盤，刺身款式種類都幾多，而且相當新鮮，特別係海膽刺身，味道非常鮮甜軟滑，仲要係任點任食，真係超抵食呀！蔥花吞拿魚腩海膽壽司係用嫩滑吞拿魚腩蓉配上鮮甜軟滑嘅海膽，再加埋蔥花一齊食，真係超正呀！鱆紅魚薄切拌柚子酢睇得出師傅嘅刀功非常了得，切得極之晶瑩剔透薄身，加上少許和風柚子醋果凍一齊食，真係滋味無窮，係本人嘅必食推介！鹽燒鯖魚嘅肉質好結實彈牙！鹽燒鷄翼燒得相當香口乾身，肉質好軟滑！芝麻鷄翼炸得超金黃香脆，肉質極之嫩滑，加上芝麻令到味道更加惹味香口！甜品除咗有每人一支雪條或一杯雪糕之外，仲有自助沙律同蛋糕甜品，特別推介一款雪米糍，有芝麻同豆腐味，豆腐味比較清淡，芝麻味極之芳香濃郁，令人有一食再食嘅感覺，所以本人一口氣食兩個！

強力推薦個三文魚漬(軟骨)，清爽好味開胃刺身、海膽又新鮮食物款式都多壽司d飯同魚生比例岩岩好，吾會話好似出面果d咁勁大舊飯魚生勁細塊尼到d壽司真是全部都係一口size岩晒我尼嘴細既lady服務態度好好，我不停問長問短侍應都有詊細解答重點無漏單絕對會再去食,會介紹比朋友食

7點幾肚餓, 行過荃灣大鴻輝中心, 啊好多人排隊等LIFT上去, 本來想轉頭走人, 但被我見到這間新開張的日本放題, 在三樓扶手電梯上(不用排隊等LIFT, 天大的喜訊), 抱住試試的心態上來, 上到去環境很好, 四人座位坐到六個人, 這是放題中少見的.