大丸ラーメン (已結業)

西九匯主要係啲小朋友興趣班嘅地方，見個度餐廳選擇唔多，就決定係附近揾地鋪，揾到依間Daimaru Ramen位置都容易揾到，相信奧運站行過去都好方便。間店係Bar枱咁坐嘅，比較啱自己，或者同一至兩個朋友去，如果太多人一齊去傾計應該無咁方便啦！同拉麵專門店一樣，我哋可以撰湯底、麵嘅粗幼度同油量。我試咗蝦豚骨拉麵(幼麵、普通油量)。湯底好足料同濃郁，而麵唔太軟唔太硬，幾乎合我口味！溏心蛋嘅蛋漿配一口湯同一口麵好夾🤤我仲試咗關西風味日本式餃子，可能因為蝦豚骨湯底味道已經好濃，再食關西風味嘅餃子好似太重口味。不過餃子皮厚薄適中，整體個餃子都幾好味，建議大家趁熱食！

除咗座銀 我喺香港嘅拉麵No.2就係大丸 雖然好近我屋企不過我都只係第2次去食 只怪我太鐘意試新嘢第一次去試咗蝦豚骨 好鬼正 所以今次叫朋友試 我就試吓鹽味豚骨 都好味 不過要贏嘅都係蝦豚骨 我認為佢個蝦湯係超越一幻煮嗰個兼老闆係大阪人 之前出過報導都盛讚佢靚仔 咁呢啲就各花入各眼啦 與其講外表 不如講態度 無論係佢定老闆娘或者staff 服務態度都好好 係好温柔令人好舒服嗰種

🇭🇰凍冰冰就會好想食一碗熱辣辣嘅拉麵👍🏼呢間鋪頭長期好多人排隊，我叫咗碗白湯拉麵整體來講不過不失，湯底熬得幾入味但係又未至於別人吹捧得很好吃😯📍大角咀博文街💰$1xx pp⭐️6.5/10

呢間鋪頭雖然細，但係煮面嘅師傅係日本人，煮出黎嘅拉面好有水準👍🏻👍🏻叫咗個白拉面試下👍🏻湯底飲落好濃郁👍🏻而配料都幾多。塊肉好軟熟好好食，得幾片真係唔夠喉😂溫泉蛋都整得好出色👍🏻流心又好食😋不過呢間餐廳最吸引我嘅唔係拉面，而係個煎餃子😍，餃子個皮好薄，煎到外面脆卜卜，一咬落去啲肉汁就係個口到爆開👍🏻超好食。佢嘅餃子仲有三種口味，我就叫咗關西風味，有啲沙律醬同木魚係上面👍🏻

午餐時間到門口已經有人在外邊排隊店內坐位唔多只有十幾個，但非常之有日本風味，裝修睇得出係非常日系。我叫左醬油豬骨拉麵就88蚊（好似）咁拉麵來講最緊要都係湯低同麵先講湯低：飲一啖醬油豚骨湯比我印象係鹹無咩豬骨味麵：幾好夠爽口都掛到湯上去餸：有半個溫泉蛋，2片叉燒同木耳仲有蔥花都放得幾靚味道都唔差咁我見佢有餃子🥟有好多唔同味都叫左份來試吓咁係幾特別木魚加沙律醬=大阪風味好似35蚊唔知有4定5隻佢埋單只可用cash /八達通，就無得用信用卡果d 總括來講都可以一試 lunch食百幾蚊都唔算平

剛好病癒梗係9衝出去食嘢啦🏃🏻‍♂️🤣🤣🤣🤣🤣又係🇯🇵🇭🇰日籍夫港妻經營嘅小店🎌一嚟就叫咗碗白湯拉麵🍜豚肉加底🤤🤤嗌埋關西風味嘅餃子🥟拉麵真係好醒胃😋湯底夠熱又淆得好濃郁😋拉麵有粗有幼🤔我就揀咗粗夠爽口彈牙👍🏻👍🏻餃子又好味😋好耐都無食過咁正嘅拉麵👍🏻👍🏻👍🏻而重點係個日籍拉麵老闆好後生又靚仔🤣🤣🤣我諗好多女仕們除咗想食佢整嘅拉麵同埋可以好近距離咁望住佢食嘢😳😂🤣強烈推介快D去食📣📣📣

大丸拉麵創辦人兩公婆嘅事蹟我諗都唔使再多講, 好多媒體都已經報道過, 典型香港精神, 由日本人老公及香港老婆演繹, 值得支持!今次想講下佢哋嘅「辛丸」; 香港日日新鮮製造嘅拉麵彈牙好食唔再講, 個醬油味十足啱啱好嘅溏心蛋都唔使再費唇先介紹, 我今次想講係佢哋嘅辛辣湯底, 唔係好似其他拉麵舖, 一味靠啲辣油令到碗麵淨係得個辣字, 佢哋嘅辣味係混合咗係濃厚嘅豬骨麵豉湯底 裏面, 均勻咁掛喺麵條上面, 我亦都肯定佢哋冇加味精, 我連碗湯都飲埋!當然佢哋嘅關西風味餃子亦都係一絕! 用關西燒嘅方式增加餃子嘅鋒味, 實屬少有!但今次我最想講嘅係從一間食肆嘅細微之處, 可以見到小舖店主細心嘅一面, 亦都係大家值得支持嘅原因。 好似佢哋嘅紙巾, 每一張都散開, 好容易就攞到, 又唔會整污糟其他 未用過嘅紙巾。 即磨芝麻容器用原裝膠蓋蓋住, 而且細心咁有提示教你點用。 呢啲細微嘅點點滴滴, 非常窩心!希望大家光顧小店嘅時候, 用心去感受下店主嘅細心, 唔好淨係睇個價錢!

呢間拉麵店充滿濃厚日本地道風味，雖然面積細細，只有約12個座位，但係無論門面、店內裝修、擺設、員工等，都滲透著日本風味，連老闆都係日本人，感覺就好似去咗日本橫街小巷嘅拉麵店，份外親切！雖然要排隊，不過好快就輪到我哋，唔算好耐！入到去望下餐牌，主打4款拉麵，我哋就點咗個人氣推介嘅「蝦豚骨拉麵」同埋「激辛豚骨拉麵」！蝦豚骨拉麵 （$98）好濃郁好好味嘅豬骨湯底，寫明無添加味精，雖然濃味，但係食完唔會好口渴！我揀左幼麵，麵幼彈牙，豐富口感！薄切豚肉，易入口，加上脂肪比例唔多，食落唔會好溜！配上十分香口嘅櫻花蝦乾，令拉麵錦上添花，一流！激辛豚骨拉麵（$88）呢個拉麵嘅麵底同湯底基本上同蝦豚骨拉麵差唔多，最大分別係多咗啲辣椒絲同辣椒粉，辣辣地食落去幾開胃，啱晒鍾意食辣嘅朋友仔！此外，服務值得一讚，店員有禮令客人感覺賓至如歸，一定再嚟幫襯

大角咀小區拉麵店 店內環境小小的 不足10個吧枱位 裝修簡約中帶有日式風情 凳底亦有小籃子🧺讓客人放下行裝貼於眼前便是這張餐牌 種類真得不多 只有4款拉麵 3種風味餃子🥟點餐紙跟其他店一樣 都可選擇麵的粗幼&油量 會發現當中的字是有齊中英日 當我把點餐紙遞給眼前的職員便發現 原來是日本人 難怪了 當他遞上煮好的拉麵更會說小小中文 相信他是台柱吧等的期間 再細看周圍 這店十分貼心 提供了圍巾/橡筋給客人 真的是頭一次在香港看到👍🏻除此之外 這店亦標榜不添加味精 可自行加蒜蓉 芝麻 黑胡椒 七味粉 而且有杯 有水 隨便斟《蝦豚骨 細麵 少油》蝦乾十分香蝦腥味 混入湯及麵條中一起吃 令味道提升 麵條亦十分爽口彈牙 薄切豚肉有齊肥瘦部位 有肉食之餘 亦有肥脂香 配料有木耳絲 十分爽口 為這拉麵增添口感 正 當然少不了溏心蛋半顆及一大塊紫菜不收加一 可用現金/八達通 $100有找 不錯

上網見呢間食店食評評價很好👍👍👍👍👍👍本身我好好好鍾意食拉麵同沾麵❤️❤️❤️❤️❤️凡係有新麵店都會幫襯, 不過通常好多時都係失望收場之前上網見到呢間野係兩公婆辭左份高人工既工去開呢間野於是去食今次已經係第二次幫襯今日同老公來到排隊等左一陣入面冷氣都夠地方乾乾淨淨員工服務有禮熱心👍蝦味噌蝦味好真, 唔似開粉整的湯蝦湯唔潔, 亦唔油淋淋麵有咬口好多拉麵店的拉麵都會overcooked淋晒醬油拉麵湯亦好香, 我揀左幼麵麵仍然有咬口餃子幾好味皮脆醬亦好夾希望佢可以保持水準

今次要介紹嘅係位於大角咀鄰近匯豐中心嘅大丸拉麵，店鋪由日本師傅主理，而所有拉麵一律冇添加任何味精，食完唔會有好口渴嘅感覺。要留意嘅係位置好有限而且逢星期三休店，最好就避免高峰時間光顧。Daimaru Ramen is located at Tai Kok Tsui, next to HSBC Centre Tower. It is managed by a Japanese chef and no MSG has been added to all ramen. It has limited seats and will close every Wednesday, so better not to visit during peak hour.蝦丸 (Shrimp Pork Broth) $98湯底以蝦香為主，豚骨為輔，味道較清。麵條可以選擇幼麵或粗麵，而依款我哋就選擇咗幼麵，質感有彈性。而表面上蓋滿大量櫻花蝦，品嘗拉麵時夾雜少量櫻花蝦使蝦味濃郁之餘又加強咀嚼時嘅層次感。半熟蛋帶醬油味，流心部份黏口。值得一提嘅係叉燒選用咗較瘦嘅部位，個人認為係值得加分嘅位，因為可以減少拉麵整體嘅油膩

終於一嘗大角咀博文街的大丸拉麵🍜，拉麵的質感不錯，所以經常有人排隊等。這一次就嘗試這一份普通型號的黑丸+幼麵。濃密的醬油豚骨湯底，帶着鹹鹹的豉油味，第一羹入口即時醒神，難怪隔離的顧客差不多整碗渇光。拉麵的精髓始終在於湯底。和和暖曖的糖心蛋也不錯，不像剛剛從雪櫃拿出來的那樣冰凍。至於拉麵，份量也不算太少，幼麵的柔靭程度也適中。特別是加多點蒜蓉醬，一口拉麵跟一羹醬油湯來慢慢咀嚼，能更加品嚐到豚骨的香濃滋味。比這兩塊珍貴的豚肉更加入味。看來這店是由日本師傅親自主理。九十元左右不用加一，不能說是便宜，始終香港吃拉麵不是廉價食物。

之前睇雜誌介紹呢間拉麵🍜店，係由一對港日夫婦🎎開的，最近小honey 成日都話要食拉麵🍜，趁佢考完試，就一家三口👨‍👩‍👦黎試下啦。地方唔大，但勝在裝飾優雅，唔講以為自己去左日本（hahaha......成日都諗住去日本）。呢度係以bar枱式咁坐，每個位都有熱茶/檸檬水比你。（真係好似左日本咁架🤪）一人叫左一杯拉麵🍜蝦🦐湯叉燒半熟玉子拉麵🍜鹽味叉燒半熟玉子拉麵🍜豬骨濃湯叉燒半熟玉子拉麵🍜再一人一枝梳打，櫻花梳打、蘋果梳打、蜜瓜梳打。真係好好味，湯夠濃郁，配埋半熟蛋，一流。唔得閒飛日本食，就黎呢間止喝先啦！

收咗工醫肚，走到大角咀匯豐中心對面，之前見哩間拉麵店門外經常排長龍，今日過嚟竟然冇人排隊，所以就走左入去試吓啦🤗餐廳入面地方唔大，大約只係坐到10多個人，有啲似札幌拉麵街日本傳統拉麵小店，坐低揀咗醬油豚骨拉麵同關西風餃子，見吧枱入面廚房嘅日本廚師，心想應該有返咁上下水準，食物嚟到果然冇令我失望😆醬油豬骨湯底味道濃厚鮮甜（佢話醬汁有用日本干貝製作）👍🏻拉麵彈牙👍🏻日式叉燒軟稔入味👍🏻糖心蛋滷味剛剛好👍🏻加上蔥粒黑木耳絲同紫菜，正👍🏻關西風餃子配上鰹魚木魚乾同沙律醬都好好味👍🏻

看到報導推介的有誠意拉麵 （由港日夫婦放棄高薪厚職來開的拉麵店，丈夫負責煮，妻子負責寫單，後現代夫唱婦隨），於是就來一試。大丸的店子細細，卻裝橫雅緻，五臟俱全。店子大約有十幾個座位，全部座位都圍著煮食吧枱，枱上每個位也有檸檬清水和熱茶提供，很有日本拉麵小店的感覺。無可否認，現在香港的拉麵店已經做得很出色，高下難分，各有各出色之處。而大丸的湯底、溏心蛋、麵條、叉燒，都做得很好，吃得出誠意，雖然仍未做到令人一試難忘的獨有味道，但也絕對值得排隊等候一試。