夜館 (已結業)

海鮮極新鮮，勝價比高！老闆和藹可親，年輕有為！十分好客！最重要係唔會趕你走🤨可以慢慢飲，唔怕你坐！用水果煮菜，創意搭夠！大量唔同酒任你叫，一定能滿足喜歡喝酒嘅你😛環境乾淨，服務到位

一向有習慣喺OpenRice搜尋餐廳嘅我終於第一次寫食評。見到呢間新開無耐嘅小店嘅定食相當吸引就過黎試下，結果冇令我失望。呢個和風玉子牛肉丼，配料豐富有粉絲青椒冬菇洋蔥紫菜，安格斯三角肩胛肥牛呢個部位比較少見，牛肉味好濃，溫泉蛋汁香滑撈落充滿牛肉汁嘅飯度一齊食真係超正，仲有切件嘅橙多汁清甜，CP值唔錯。呢度環境舒服裝修日本feel，仲有消毒用品提供相當貼心，睇得出係一間用心製作嘅小店，值得支持！

生活在繁忙的香港好難得遇到咁用心既地方，價錢非常合理之餘，每一道菜式都可以感受到有用心泡製。非常推介特色釀雞翼，雞春卷，炸蠔，羊架，鹽燒牛舌，清酒煮蜆，焦糖菠蘿。一定要試佢地雞翼，可見大廚真係好手勢。佢地搭配串燒既秘制既水果醬汁，好特別好清新，配合串燒，恰到好處。清酒煮蜆食得出食材好新鮮，蜆肉同湯都好甜個焦糖菠蘿實我實在太鍾意，燒得啱啱好，出面一層脆脆既焦糖，一個字「正」。而且店內環境好好，佈置得都好用心，真係好適合三五知己座低飲兩杯，食下嘢，吹下水

早幾日陪媽媽去深水埗行街，行得咁上下媽咪話不如今晚係深水埗食野唔煮飯，我話好，之後就帶媽咪來新開的居酒屋小店。媽咪見到呢到裝修都話好有特色好似係日本D小店咁， 難得媽咪鍾意拿拿聲叫左幾樣媽咪最愛的食物擦下鞋啦！先來開胃的明太子沙律，每粒明太子都好爽好爆😄，夜館特色釀雞翼，原來用幾隻雞翼釀成一隻去燒夠哂特別，店員仲推薦我地點他們自制的水果汁，真係好味， 之後就是鹽燒牛舌，好咬口正，大蔥雞肉串，燒完的雞鮮味夾著大蔥一口過爽 ，燒茄子媽咪大愛，因燒得剛好上面仲加了小許辣椒粉提味，燒粟米就我自己最愛，因為甜甜的，最後我們食了鰻魚定食作結尾， 鰻魚份量多，日子米煮得粒粒分明， 食完個燈超滿足的一餐。

情人節正日食好西實貴貴貴...老公就早一日約啦，我地鍾意食新野，一到步嘩～真係好新喎，咁多花～剛 開張哈哈！有廚師推介，當中我地都有幾款食，望價錢都幾OK～老闆推介，燒雞翼～都真係好喎，佢係去骨攤開入翼來燒，味道、口感都好平均，嫩滑脆因新開張，鋪頭個枱都送杯香檳慶祝下～幾有心^^  另一推介：雞肉春卷，有別平時食既，佢個餡好JUICE。點少少隔離既蛋黃醬好好食果汁燒物　個汁是自家秘制，帶到肉的質感　也因果汁的香甜果酸混和了當中的油"脷"感特色三色釀椒，好食在唔食椒既老公都讚好食，因為啲肉碎醃得好好夠味，當燒完隻椒後個辣椒鎖住晒當中的肉汁。好好食肥美的鰻魚。。。見樣都不用多介紹～正！價錢抵食

好正的日式餐廳，好有品味，又好有良心!環境好乾淨企理，野食家好好！又會有防疫用品提供，見過有KF94，都係買$20！最近人少，有包場feel,不過希望能多d人幫襯，艱難時期，大家都要互相支持！

見佢新店開張係屋企附近 嗰日又諗唔到食乜 所以就入咗去其實佢選擇唔多 但係等候時間就睇得出店主係即點即燒有少少厚度嘅牛舌 配咗個少少燒汁有酸酸地嘅醬 牛舌係有口感而且越咬越香牛味 但係又唔怕好蘇 粟米係有個甜豉油 加木魚 燒得一粒粒幾香 可惜太細舊真心好食嘅雞腎 好難得 佢又唔會乾或太硬實 仲保持到嗰種爽脆口感我見佢都仲有啲飯類 可惜嗰晚真係冇乜胃口食飯 不過見到人哋隔離枱條燒鰻魚好似幾正 其實如果雞扒都有得單點就好啦整體體驗唔錯

情人節前夕想同老婆靜靜地食一餐，朋友介紹深水埗太子附近開左間居酒屋小店，已經試業左一個月就地食一餐去到時7:00，仲有空位。朋友已代我book左枱留左個門口二人枱，鋪頭唔大，連bar枱大概坐25個到。望下menu主要係小菜+填肚定食組合。鋪頭咁嘅吉日正式開張送我地香檳串燒雞翼開法好特別，只有一支骨尖位容易燒得脆口雞春卷好有特式，夠脆雞腎好有腎味燒得好味鰻魚不過不失牛舌夠肥滑，但最特別係自家柚子醬汁好夾最後，我自己唔多夠食叫左個定食試下，飯量都幾豐富，食完飽晒一人二百幾，小店價錢合理，地區店鋪要支持

呢日要返Office跟跟啲嘢，朋友呢輪都喺長沙灣返工，所以約食久違嘅Regular Lunch哈哈。條友最鍾意食日本野，所以我特登帶佢嚟試下呢間新開嘅居酒屋餐館🏮，我自己都未試過！餐廳喺楓樹街遊樂場對面，都算易搵。餐廳細細，容納約20人到，其裝修亦幾唔錯，居酒屋風，格調偏黑色。牆身用上唔少鏡面，增加空間感，同時再寫上食物同價錢，同畫畫，你懂的💛。餐廳好似主要係賣串燒同定食套餐，我哋嚟食晏，所以就一人一個Set好了🍱。定食有七款揀，由$48-$78，唔收加一，跟味噌湯、沙律、前菜同水果，飲品加$6-$10有可樂、玉露或咖啡。留意返呢到賣嘅係全日定食套餐，即係晚市都係呢個價錢，超抵啊👍！我要咗和風玉子牛肉丼($68)，牛肉用上安格斯三角肩胛肥牛，真心覺得比起平日一般打邊爐嘅肥牛好食，有啲似好薄嘅牛扒片🐮，牛肉片份量同大小都正常。丼飯超級大個，飯量十足，我差啲食唔哂🙈。丼飯上面仲有隻溫泉蛋添，督開佢之後爆哂汁，但撈埋後個飯就濕咗少少。我朋友要咗豚肉生薑燒定食($58)，呢個嘅造型同我碗飯唔同，飯同餸分開上。🐷豚肉生薑燒份量又係巨人級，豚肉仲要有勁多片，而且好濃薑味，唔錯！豚肉另一邊就放咗好多

今日去左一間店舖，入到去真係好似去咗日本嘅居酒屋一樣，relax我就叫左佢個牛肉丼飯，材料做得好好，牛肉既醬汁做得岩岩好，唔會太鹹，甜甜地，容易送飯老闆仲好好，問我平時飲唔飲酒，送咗一瓶細嘅sake比我，所以真係良心老闆之後老闆坐左係我旁邊一齊食飯，佢食咗一個十勝豚丼，佢仲叫我試一塊，真係幾好食，豚肉好嫩口，一d塊唔肥膩，塊係送飯首選泥得呢間餐廳，可以講係價錢唔高，但做得好用心

深水埗開左一間新嘅居酒屋🏮朋友知我中意食日本嘢 就帶左我去試下🙇🏻‍♂️.重點全日定食😌 有湯 前菜 仲有生果好抵食 而且唔係好貴😆價錢由$48-$98不等 性價比好高🥰另外都有串燒可以點 食得出餐廳嘅用心製作😊.蒲燒鰻魚定食 $98一整條鰻魚 完全唔吝嗇😍鰻魚醬汁同時亦配合得好適宜醬汁夠撈飯😛和風玉子牛肉丼$68 牛肉選取安格斯三角肩胛肥牛無肥膩感仲有隻流心蛋 撈埋沾有牛肉嘅蛋汁味道一流響鈴彩椒 $38香脆彩椒 包住美味嘅豬肉碎做成外脆內軟效果🤤正👏🏻配上香香嘅木魚 同 芝麻增添味道同口感✨.鹽燒牛舌 $38燒至爽口金黃嘅牛舌配上香香嘅清新水果醬汁令到牛舌冇咁油膩😋又清新香口.特燒釀雞翼 $38特燒不是特別地燒 而係佢材料上嘅特別一串雞翼 用上三隻雞翼肉黎釀去骨同時釀得非常美味 配上廚師燒烤技術 雞翼脆脆又香口雞翼王小妹表示❤第一次食咁特別 同時 好味嘅雞翼好滿足🥰

晚上與友人去了位於深水埗的夜館一聚。餐廳雖小，但店員招呼周到細心。晚上的居酒屋主打串燒，亦有非常抵吃的全日定食，當然亦提供不少酒類選擇。我和友人分別點了十勝豚丼和和風玉子牛肉丼，定食已包味噌湯、前菜和水果。豚丼的豚肉片燒得甘香，肥瘦適中。牛肉丼用的是安格斯三角肩胛肥牛，肥牛煮得入味。串燒方面我們點了雞翼、牛舌、牛柳粒和粟米。雞翼外皮燒得脆身，而且已去單骨方便食用。牛舌和牛柳粒牛味香濃而且稔身，不錯。跟串燒的醬汁是餐廳自家製，以果汁調配，酸酸甜甜，能減低串燒的肥膩感，非常細心。

深水埗美食多，但只要慢慢行遠一點，便會發現不少隱世咖啡室和小店，譬如這間新開不久的「夜館」。餐廳是一間由中午十二時營業至凌晨二時的日式居酒屋，晚上主打串燒，午市提供全日供應的定食。餐廳標明「絕不添加任何味精」，感覺加分而且價錢實惠，定食價錢由$48-$98連加一。《果味雞扒丼 $55》（跟味噌湯、沙律、前菜）雖然是雞丼，但附有雞翼。雞翼大隻有肉，連雞扒輕煎過帶點香口，肉嫩不乾又入味，味道微甜好吃，配上一片橙肉感覺清新又汁潤。《巨峰提子玉露 +$8》大杯，杯底的玉露又有口感。《和風玉子牛肉丼 $68》（跟味噌湯、沙律、前菜、橙）牛肉用上*安格斯三角胛肥牛*，牛肉味香濃，夠嫩又少脂肪，加上日式牛肉醬汁調味很提味。丼中除了有牛肉，還配有粉絲、溫泉蛋、菇、青椒和洋蔥，溫泉蛋增加滑溜感，其餘配菜增加味道豐富感及口感層次。《咖啡 +$10》感覺比一般的專業。服務：女服務員親切有禮，主動性強，時常幫忙添水。

最近行過長沙灣道，見到開咗一間新嘅居酒屋，環境幾有日本氣氛，就入去食個lunch。佢哋嘅食物強調冇味精，用料健康，一個定食只是48蚊起，抵食。每個定食仲包味噌湯，沙律或水果，同埋前菜。我叫了原條鰻魚定食，朋友就叫咗和風玉子牛肉 丼飯，用上安格斯三角肩胛肥牛，用料上乘。每個飯份量都好大，鰻魚定食嘅鰻魚好大條，肉質肥美。牛肉飯嘅牛肉好嫩滑，牛肉味濃。水果的香橙切得好靚，方便食用。呢度嘅店員姐姐好熱情，服務有善，令人想再光顧👍

今日諗住同朋友食個早飯，搵咗間人流冇咁多，係太子深水埗附近既餐廳食晚餐，6點就到左，佢既全日定食都幾抵食，有埋味噌湯、前菜同生果，串燒都好有質素，仲要無加一。先黎清酒，天之户吟釀，聞一聞格外開胃，酒精味道不算濃烈，不會搶走食物味道，非常適合搭餐。不論配搭串燒還是鰻魚飯，都能平順自然品嚐，口感滑順。親子丼有滑蛋同雞，仲有d青椒、香菇、洋蔥、紫菜既配料，非常豐富。滑蛋既色澤雖然唔算好靚，但食落同雞一樣好滑嫩可口，基本上每口飯都有主食或者配料相伴，豐盛美味。蒲燒鰻魚定食既鰻魚魚肉細緻，油脂豐富，肉身夠厚，亦不會「嚡」口，似係即叫即燒，帶點膠質又煙韌。日本珍珠米脹卜卜，形狀短而飽滿，煮得極好，分明且彈牙，富有米香，鰻魚醬汁亦給得大方適量，剛好裹著飯粒，又不會太糊。每次去串燒店居酒屋都必叫牛舌、雞腎。呢度啲鹽燒牛舌($38)同雞腎($28)有鮮嫩口感，經過燒制之後，香氣四溢，軟脆又帶彈性的口感，咀嚼起來實在教人回味。蟶子嗌左兩隻，$68/隻肥美鮮甜又鮮嫩，佢無用好多調味去整，但出黎既口感同味道都適中，爽口美味。