夜館 (已結業)

生活在繁忙的香港好難得遇到咁用心既地方，價錢非常合理之餘，每一道菜式都可以感受到有用心泡製。非常推介特色釀雞翼，雞春卷，炸蠔，羊架，鹽燒牛舌，清酒煮蜆，焦糖菠蘿。一定要試佢地雞翼，可見大廚真係好手勢。佢地搭配串燒既秘制既水果醬汁，好特別好清新，配合串燒，恰到好處。清酒煮蜆食得出食材好新鮮，蜆肉同湯都好甜個焦糖菠蘿實我實在太鍾意，燒得啱啱好，出面一層脆脆既焦糖，一個字「正」。而且店內環境好好，佈置得都好用心，真係好適合三五知己座低飲兩杯，食下嘢，吹下水