夜上海

營業中

休息中

公司夜晚去吃大閘蟹餐，6個人去。 吃每位$900 餐，本來令人期待。卻⋯⋯⋯⋯⋯⋯全晚每一樣菜，都係十分滿意。但服務員完全係酒樓的水準，大聲講野，上菜時服務講28號台，全場都聽到。裝修係靚食物有水準，但服務員工甚差無水準。我覺得連鴻星都好服務態度過‘夜上海’6:30 坐低叫茶，但吃到尾先記得我地無茶，仲問我地點解無茶。係滿心歡喜去吃令人失望，可能今次係第一次，不過我諗好大機會無第二次有時吃野我都明，貴係吃氣氛，但服務態度都好緊要，但我係尖沙咀夜上海睇唔到，華麗嘅裝修，酒樓級數的服務員‘ 好嘈’

搬了新地址後首次光臨 環境比以前的確是好很多,燈光昏暗, 氣氛不錯 侍應比舊舗時換了不少, 服務比以前有進步 食物質素正常,沒有大驚喜,但又不會令你有投訴 但如果以米之連一星來說, 似乎沒什麼理由可以摘星 涼拌海參, 口感及味道一般 鎮江肴肉, 夾起時間有些散開 古法燻鴨蛋, 蛋味夠但燻味不足. 腌篤鮮, 這個應該是整晚最好的一度菜, 不油膩, 入口清甜 燻鴨 乾身左啲 魚龍鬚炒魚絲，鹹左少少 菜 ， 上海菜正常，應該好難煮得難食 素餃，一般，不過不失

今日黎試K11嘅夜上海好耐無食過上海菜都知道距唔平我地去到原本想坐windows seats不過距話要每人$300 minimum charge所以我地無要 (雖然最後其實我地3個人$887埋單）距lunch 有lunch set有單點我地都係單點首先以坐低就叫左個鮮肉小籠包先$64皮薄個小籠包湯都好味唔錯即刻再叫多次花雕醉雞($98)好有花雕味雞好滑之後蔥油餅包括有古法煙燻蛋($25一隻)都幾重煙燻味牛油果素鴨卷 ($80)距牛油果係先整到蓉都幾特別有d fusion嘅感覺蘿蔔絲酥餅 ($48)黃橋燒餅($57)距個皮幾薄暖暖地幾好味素菜飽($48)都唔錯煎鍋貼($64)擔擔麵($56)普普通通唔係好夠花生味同辣味蔥油開洋拌麵 ($56)都係普普通通整體黎講服務同食物都唔錯但由於分量非常非常細所以其實都幾貴

前公司經常在夜上海金鐘店宴請客人，那時幾乎每個月都會到訪。事隔多年，仍對夜上海的牛肋骨念念不忘，所以相約朋友到尖沙咀分店享用晚餐，可惜比起當年金鐘略為遜色。⁡👉🏻食物: 4.1/5⁡▪️牛肋骨以前金鐘店岀品的是非常軟腍、入味！今次肉切得太厚，肉質略柴、要咀嚼好一陣，而且中間味道極淡，頗令人失望。⁡▪️蟹粉釀蟹蓋適合撈飯！蟹肉混上蟹粉，入口濕潤，味道正常，不算太有驚喜。⁡▪️蔥香泡椒脆蝦球有驚喜的一道菜👍🏻入口惹味，不會太辣。蝦球肉質爽嫩，而炸菇而十分香！適合當下酒菜。⁡▪️紅棗糕加分項目😋甜度適中，紅棗味香濃，幸好沒有酸味。中間夾上一層椰汁糕，配合得宜。

星期一放假，本想試吓佢既下午茶，訂了兩位三時三十分。電話接待員兩次話下午茶係4:30last order，5點要離場以準備晚市。結果我3:40到，門口小姐話4:00last order, 4:30要離場。掃興啦！咁究竟係門口小姐錯抑或電話接待錯先？事實上，門口接待處的小姐當時態度亦都明示暗示我唔好坐低。算啦，唔阻你提早落場啦。😒好彩，轉個身落去Ground floor 的Artisian Lounge食AFTERNOON TEA, 仲好味😋

大閘蟹季節開始，選了個尚選大閘蟹套餐，對住個維港夜景嘆大閘蟹。前菜：香葸雞髀菇、古法煙鴨蛋、葸油海蜇頭、花雕酒醉雞、鎮江肴肉，每樣一口，不錯。高湯蟹粉燕窩湯，味道一流，正！接住是龍井蝦仁，勁多蝦，不錯。主角上場，清蒸大閘蟹，很好，幾多膏，若大隻點應更好！蟹粉釀蟹蓋、啖啖蟹肉，超滿足。銀鯚魚燉蛋，配得很好，食到停吾到口。蟹粉小籠包熱騰騰，好好味，也很好！配埋陳年花雕，很襯！最後食埋蛋白杏仁茶，很完滿！

收工夜差不多九點，到K11 Musea吃晚飯，幸好這間可以吃到11點，我們5⃣️要坐C區，點了以下食品：風味醬蘿蔔：微辣、開胃、惹味古法燻鴨蛋：燻味不夠，不似鴨蛋似鷄蛋涼拌海參：口感一般脆鱔：酸酸甜甜味道不錯泉水珊瑚魚頭煲：大魚頭滑魚丸，湯清味美干燒明蝦球：蝦球爽口，微辣酸甜配洋蔥粒加薄脆正酒釀蒸銀雪魚：酒釀味甘香少甜，魚肥美滑溜。岩米醋燒六月黃：岩米細粒煙靭，醋味酸甜適中，可惜蟹太細隻，有少許羔。肉汁小籠包：普通花素蒸餃：普通生煎鍋貼：普通

☆ 夜上海尖沙咀梳士巴利道18號Victoria Dockside K11 Musea 7樓702號舖✦ 維景下午茶咸點滬式豬扒包*精製粉粿*黃橋燒餅蘿蔔絲酥餅*甜點玫瑰草莓慕絲蛋糕抹茶觀音扭紋餅脆葡撻*特色豆腐花布甸*本身無特別期望過味道，只係諗住揀個地方可以舒服坐下食個tea咁，點知無期望就無失望，而且仲有d驚喜，每一樣野都幾好食，特別我打左星個d。粉粿其實似蝦餃多d，不過更加岩我口味，蘿蔔絲酥餅好酥脆，蘿蔔絲一條條好分明，豆腐花布甸豆腐味好重，落左少少黃糖真係好有豆腐花感覺，好好味！(*¯︶¯*)成個tea set除開一個人都係200頭，而且環境舒服，真係性價比好高，我見到有戶外座位，某d枱亦可以望到維港景，服務都不錯，所以呢個價錢真心值得一戰！

上次去「夜上海」的時候，仍在Marco Polo，而家搬咗去K11 Musea，又再來試試。 景觀當然比之前好，對住尖東海旁，香港🇭🇰的夜景🌃真是百看不厭🤩舖面好大好Grand, 原來有2層，7樓有張頗大的梳化🛋️，牆上掛著不少舊照片，吊燈好有特色，光線柔和舒服，整個裝潢都有著濃厚的懷舊感覺。 內裡還有一條長樓梯直達樓下一層的座位，也有一部內置lift，方便長者或有需要人士使用，很貼心啊！必食片皮鴨，一心都是為了片皮鴨而來🤩，所以，訂座時已預訂一隻，師父刀🔪工好，片得好靚，完全沒有沾上鴨肉，而且不肥膩，真係好好食😋。 而鴨肉就用來炒芽菜青椒作為第二度菜。其他必點的有：蒜泥白肉鎮江肴肉肉汁小籠包（四件）生煎鍋貼（四件）酸辣湯🥣擔擔麵🍜最後，又怎能少得必食嘅甜品呢，一共點了三款甜品作結尾，大滿足了👏🏻香蕉🍌高力豆沙雷沙湯丸豆沙鍋餅整體而言，是次晚膳好滿意😊，唯獨是張枱比較細，沒辦法，香港🇭🇰真的是寸金尺土😌。 值得一提的是，服務員💁🏻‍♂️的態度很好，很細心👍🏻

之前同朋友黎度呢間充滿古典氣息嘅中餐廳食生日飯❤️ 一入到去嘅時候係差唔多日落 更令餐廳蒙上一層醉人嘅金黃色 好靚🥺 食物方便 更係出色 絕對要再幫襯😚片皮鴨兩食: 皮燒得好脆 加上特製嘅醬汁 回味無窮 🥰 鴨肉用左黎炒芽菜 好惹味啊 不過係油左小小🙈炸子雞: 皮炸到脆卜卜 雞肉好嫩滑 又入味 👍🏻蟹粉釀蟹蓋: 好鮮好濃郁嘅蟹粉味!!! 絕對可以再食❤️鮮肉小籠包: 皮薄餡靚 一咬入口所有湯爆曬出黎 好正啊🥺It’s such a pleasure having one of my bday dinners here! This restaurant is glamorous itself, and it looked even more unbelievably beautiful upon our arrival as it was around sunset time! The food was amazing too, and it’s definitely worth a second visit! ❤️Whole Roasted Duck: Crispy skin with ta

好耐之前喺金鐘食過晚餐，而聽朋友講喺尖沙咀K11 Musea呢一間可以望到海景，但記住要提早book！整間餐廳空間非常之大，總共分咗兩層，兩層都提供窗邊位，所以想望到海都有機會。呢度嘅裝修非常之有氣派，而且具有現代設計感！因為訂位嘅問題，所以都同職員溝通咗好耐，職員嘅服務都唔錯，所以問題都快解決。今次主要嚟都係食點心，仲嗌咗少少前菜，配合埋個海景真係一流！食物質素整體都唔錯🥢小籠包🥢鎮江肴肉🥢江南脆鱔🥢翡翠帶子餃🥢腌篤鮮🥢…….

忙內偷閒，一個人去了高水準的上海菜晚膳，餐牌也不看，叫了久違的松子魚，一個白飯，一杯茶，萬分期待。松子魚比我預期快到，心中有數，已覺得不妙。果然今次水準熟平時水準之下，魚不脆有點硬，估計魚預先炸定，或許正有套餐做松子魚吧，不是即叫即炸。汁今次調得有點過甜。白飯，茶不過不失。不知是一個人食多了點孤單，無人分享，覺得味道差了還是真的失準。總之失望而回，但會給夜上海一個機會，下次會繼續光顧，但會要求要即炸的魚。

Clear skyVictoria docksideIt is soooo greatful to have such good meal with my lover and enjoy such good view also.粉果，很好食，內面有很多虾；蘿蔔絲蘇餅，炸得香口，脹卜卜；豆腐毛士小餅，豆腐味濃，好像食豆腐花般，很好食；其餘的甜點都不錯，不會太甜。

一直聽講這間上海菜館好好食，我同朋友今日約埋一齊去試試。我地先係K11等，然後一齊上去夜上海。店裏沒有人，我們是第一枱客人。因為店內只有我們，我們見到外面是維港景色，非常美麗，就請服務員為我們拍了多張照片，服務員的態度一流。我們點了午市特備套餐，不貴，每人要港幣280元，包括2款前菜、湯、2碟主菜和2款點心，但因為沒有飲品，我們要另外再叫。每種食物都非常美味，再加上外面美麗的景色，覺得非常值得，價錢並不貴。下次我們仍會再來，在此欣賞维港景色，真係賞心樂事。

其實一直都好想去夜上海食😳，不過覺得佢唔平，今次見到佢有下午茶，價錢都唔算好貴（$3️⃣8️⃣8️⃣），決定試下！佢望落去份量比平時去酒店嘅下午茶少，但食完都覺得飽飽地🤪，同埋我覺得每樣嘢質素幾高，有啲驚喜！1️⃣滬式豬扒包媽媽話呢個好好食，豬扒肉質幾好😍，做法好上海式。2️⃣黃橋燒餅一直都好鍾意食呢個，但香港食到正宗嘅好少，呢度整得好好食😋，真係超鬆脆。3️⃣蘿蔔絲酥餅每件都好飽滿，蘿蔔份量好多，有少少肉碎同埋好多汁。4️⃣粉粿我覺得佢比較似蝦餃，同平時食既粉粿唔同😃，我就鍾意呢個版本。5️⃣脆葡撻估唔到呢度又整得幾好食，不過我諗你都估到係咩味。6️⃣特色豆腐花布甸我幾鍾意喺呢度啲甜品唔太甜☺️，豆味好濃，如果覺得唔夠甜可以加黃糖。7️⃣抹茶觀音扭紋餅其實我就唔鍾意抹茶嘅嘢🤪，但呢個我食落味道可以接受，佢入口即溶，有啲朱古力脆粒，幾特別。8️⃣玫瑰草莓慕絲蛋糕呢個係我覺得最好食嘅😍，酸酸甜甜，帶有少少玫瑰香，中間口感比較似啫喱，食完都唔會覺得漏！我覺得整體來講，佢比我食過既酒店下午茶都好食🤣，價錢仲要再平啲，而且環境比起酒店都唔輸蝕，坐得好舒服😌，如果佢有新嘅下午茶餐單，我一定會再去食。