多利牛石焼き (已結業)

呢排做gym食多左扒，去呢間充滿日式風味嘅自助石燒牛店，店裡面有自動售賣機，有幾款唔同部位嘅牛扒同豬比大家揀，除左西冷肉眼呢d常見嘅位，仲有翼板呢d比較特別嘅部位！重量分200、300、400g咁樣，落單之後好快就有🥰呢度每個位都有獨立煙管，咁就唔驚食到成身都係煙味啦🙈-安格斯三角肥牛 300g $178之前食嘅肥牛多數係切曬片去shabushabu🍲依家成舊石燒黎食真係第一次🤩口感都幾嫩滑，而且油花均勻，其實一人嗌200-300g就已經十分足夠🙈-安格斯翼板 300g $168呢個位筋絡同油花都比較多，食落有嚼勁，嚼著時滲出十分香嘅油份，油香十足呀😍🤤建議大家煎到5成熟嘅時候就好放落口啦！呢個時候嘅肉質係最嫩，而且最juicy🙈❤️

生活忙碌 同男朋友見面少左難得見面 我搵左一間佢一直都話想食既石燒牛肉店多利牛 位於深水埗 超易揾食店感覺光猛 清潔用點餐機order 有飯，沙律，飲品肉呢就點左兩款 安格斯三角肥牛$128上餐時 肉當然係生既 按自己喜好而控制熟成度石版好夠熱我男朋友鍾意食5成熟我睇得出佢真係好鍾意食好似大廚上身教我 乜乜熱傳到 乜乜唔好一次過切好哂 仲做示範我睇一邊食一邊就話好味 無簡錯 好淋而又真係點少少鹽 牛肉味好出 又唔會難咬醬汁任君選擇安格斯翼板$128牛扒厚 足足有5cm厚度 入口無跟腱位不過因為我心急 快快手切好 再燒熟 就發現自己煎得過熟 浪費牛扒跟餐有白飯有沙律菜飯係日本珍珠米 配牛肉食正正沙律菜新鮮 未見有出水 加入芝麻醬 均衡飲食唔可以只食肉類呀 仲有個湯仔 都幾好飲非常滿足 讚一讚職員 話說我地放工一袋二袋職員安排左個大位比我地 仲可以放袋 好好呀

深水埗 有3間石燒牛 呢間 啲牛都ok 平均120一個人心信 上枱前廚房落左油係石板到！ 啲油彈得好勁（好在有著圍裙） ！ 但塊牛扒就唔貼底 ！呢間最可惜係啲湯、飯同沙律係無得無限添 但其實都夠食 ！最好既一樣野係有煙通放係扒上面可吸走哂啲油煙 成間鋪 都唔會好大氣味！最後走個陣件圍裙 好多油漬🤣 真係好彩！唔係件衫 貼哂油！百幾數 質素都ok 嫁啦！

可以透明玻璃窗睇到廚房運作，證明左佢地自己對衛生好有信心，睇落都好乾淨甘。【安格斯三角肥牛】$128 / 200g呢舊肉系肋骨附近常運動到既位置，嚼勁十足的瘦肉搭配豐富既油脂恰當好處。【安格斯肩胛翼飯】$128 / 200g肉質比較堅實，有少少細筋，口感Q，油花多。除左例牌西冷肉眼，呢到仲有罕見d既部位食。【白桃汁】+$22 &【香橙果肉汁】+$22呢到賣既飲品都好高質，真系有果肉，味道又吾會假水果味。【牛骨湯】好重牛骨味，加左蘿蔔去煲，balance返哂又去膩。

呢排都好興石燒牛🔥🥩，影相打卡靚之餘😍，牛肉又可以按個人喜好烤成不同的生熟程度😘！多利牛石焼き可以自選份量，女士👧🏻選200G都夠，$100左右就有交易，300G啱晒成年男士👦🏻，大胃王👑可以揀400G！🥩安格斯肩胛翼板（300G）$168厚身的牛扒🥩燒至油脂開始溶解之際，就係落鹽同黑椒嘅最佳時機😆！入口油香滿溢🤤，肉味濃郁，唔洗點任何醬料已經非常可口惹味，正🤩！🥩安格斯三角肥牛（300G）$178僅烤香🔥了兩邊就放上熱石♨️，嫩紅的牛扒🥩帶細緻嘅油花令人垂涎三尺🤤，牛扒有基本的調味，薄薄地輕輕切開再燒幾秒就食得🤪，肉質鮮嫩可口，配燒肉汁真係一流😝！套餐白飯🍚煲得啱啱好，配埋飯素真係多多都食得啱！最令人驚喜嘅係碗湯🍲，初時以為係普通麵豉湯，飲落先知原來係牛肉湯🥩，仲要落足料嗰隻，湯底充滿了牛脂的香味🤤，正到爆炸！

安格斯肩胛翼版300g套餐，包括有安格斯肩胛翼版、白飯、沙律、蘿蔔牛肉湯、零系可樂；安格斯肩胛翼版油脂分佈均勻，口感薄身，肉質嫩滑，肉汁飽滿，加入左岩鹽、黑胡椒調味，牛味更突出，配以燒肉汁、黃芥辣，味道咸鮮，味道更加豐富，蒜片口感香脆，羅馬蕃茄味道酸甜；白飯，口感軟硬適，食落有咬口，配以拌飯香鬆食用，味道好香口；沙律，各款蔬菜都好新鮮，味道清甜，口感爽脆，配以金芝麻醬、柚子醋食用，味道更加清爽；蘿蔔牛肉湯，蘿蔔、牛肉口感軟腍，味道咸甜；零系可樂，飲落好清爽。黑安格斯肉眼300g 套餐，包括有黑安格斯肉眼、白飯、沙律、蘿蔔牛肉湯、零系可樂；黑安格斯肉眼，口感厚肉、腍身，食落肉嫩多汁，牛味濃郁。

鐵板牛排開得成行成市，除了價錢平，而且準備功夫簡單，喜歡燒多熟也可以，彈性極大，是我非常喜愛的方式比傳統的鐵板更好的是，上桌時牛排僅有一成熟，控板更易，不過，對於煎牛排沒有概念的人會比較差一點全店抽風系統很好，沒有太大油煙安格斯肩胛翼板 300克$168厚薄大約1吋，以鐵板的熱度來說，非常快達到3-5分熟，脂肪跟肉的比例剛好，大約7:3，如果想吃生一點，記得要快手下鹽 胡椒，然後反轉，不然好快就會過熟只要眼明手快，加上面頭的炸蒜，絕對juicy好吃牛柳 300克$108全牛最軟嫩脂肪又少的地方，適合中火慢煎，燒到一半我又換了一塊鐵板，把六邊都煎過了之後，中間剛好是3分熟，非常柔嫩，外邊脆口，這塊牛柳很厚，所以可以慢慢下鹽跟黑胡椒，沒有肥油但不俗！任點的沙律跟湯，沙律可以配柚子醋或者金芝麻醬，也是一個補充纖維的不錯選擇，兩份不夠可以點三份！湯比較普通就不說太多了

石燒店在香港已經流行了一段時間，一般都是以食牛為主，所以沒有刻意去試，今日同朋友到深水埗買東西，見到食牛石燒嘅新店-多利牛石燒，除了牛柳、西冷、安格斯三角肥牛、翼板、牛小排和黑安格斯肉眼外，有一款西班牙杜洛克豬，朋友喜歡食牛🐮，我可以食豬🐷，既可以試試石燒風味，朋友又喜歡，一次過滿足兩個願望😁。餐廳地方不大，近門口位置，設有兩部自助點餐機，顧客可按個人喜好選擇肉類和份量（200 克、300 克及 400 克），並提供多種付款方法，非常方便快捷。如果不太熟悉點餐機的運作，店員也會非常主動幫忙，服務態度真的很好👍。每個座位均有獨立抽煙喉，食完都完全沒有油煙氣味，非常貼心💕。所有肉類包括沙律、飯和湯各一客，朋友點了300g黑安格斯肉眼$160，牛味十足，非常軟腍，牛骨湯味道濃郁，湯裡面仲有很多湯料👍，配埋沙律和飯，朋友話超飽超滿足。我選了300g西班牙杜洛克豬$158，口感鮮嫩，只需簡單調味，就保留了肉類的原味和鮮味，少量鹽和黑椒，少量蒜片，加埋迷迭香點綴，又靚又美味，肉類上檯時是用火山石盛載，仲可以自行決定生熟程度👍。沙律方面，餐檯上擺放了多款醬汁可供選擇，我選了金芝麻醬，味道很夾。

星期六陪朋友去咗深水埗買玩電腦嘢，就決定喺附近搵食啦🤣咁朋友係牛魔王，見到呢間好似新新地既石燒牛一於試吓！咁佢店面都好光鮮，有啲日本feel仲有自肋機買野，每個位都有條喉吸走油煙，個feel幾舒適乾淨👍🏻👍🏻👍🏻佢有唔同部位既set可以選擇，包飯、沙律、石燒牛、湯仲有野飲，牛仲可以自選幾多gram，百零蚊真心幾抵！呢度店員話一上枱舊牛就2-30%熟，可以自己玩吓燒到鐘意既熟度！舊石真係好熱一路燒一路食好有風味！我舊牛燒得勁靚😆肉質唔錯有牛味，300g已勁飽好滿足👍🏻😆

今日去了深水埗行街！朋友帶左我去"多利牛石燒牛"近排好流行食石燒牛！石燒的好處是可以按照個人喜好有熱石板煮熟！點餐用點餐機，機上有詳細的介紹！都幾方便！我們點了肉眼300g配飯+沙律+飲品+湯安格斯肩胛肉300g配飯+沙律+飲品+湯點好了找位置坐好！店員會給我們送餐！安格斯肩胛肉300g肉味香濃，油香嫩滑！飯都好甘香鬆軟！肉眼300g肉味香濃，比較有肉質！比肩胛肉瘦，肉眼淋滑！每張桌上都會有一個抽油煙風口！

呢間多利石燒牛係深水埗，新開無耐，佢店舖細細間，點餐係用一部門口既點餐機，有d似日本既拉麵店格局。佢分左幾種牛肉同豬肉，同埋唔同重量就唔同價錢。我就點左一個300g安格斯肥牛，男朋友就叫左300g西冷牛扒。佢一個set係連沙律，蘿蔔湯，白飯、同石板燒肉，所以唔洗驚唔夠飽。佢好貼心係位就有圍裙提供，面且有唔油煙既吸管，唔驚大油煙。醬料亦都一應俱全，有岩鹽同燒汁等等，可以食到唔同味道。300g既安格斯肥牛好厚實，石板燒到滋滋聲，咬落食到好甘香，有少少肥肥地先正，我整到大約5-7成熟，面且夠曬肉汁配埋鼠味草加蒜，就算唔洗放調味都好正。至於男朋友300g既西冷都相當唔錯，較為薄身，不過睇落面積就更大。咬落都有香濃牛肉味，用黎配飯一流，真材實料。我地都食到肚腩都突出黎，啖啖肉，但埋單都係336，人均都唔洗170，真係好抵食，當去左一轉日本。

香港石燒牛越開越多 不過質素都幾參差 今日係深水埗食既呢間牛肉質素非常不錯 值得推介🤤同大多數日式石燒牛店一樣 呢到都係用自動販賣機自助點餐既 一共有6款牛同一款豬揀😍 每款都可以選擇份量 分別係200g 300g同400g👅 加$10起仲有飲品我地就揀左300g既安格斯三角肥牛同300g既安格斯翼板 每款肉類已經包左沙律 飯同湯 所以係非常夠飽😉 呢到一共有6款醬料 分別係沙律芝麻醬 柚子醋 芥辣 燒肉汁 黑椒同埋岩鹽 調味料乾淨 已經加左分😍每個位置都有獨立抽油煙系統食完唔怕成身油煙味👍🏻 而且仲有獨立圍裙 好貼心😆 個人就覺得安格斯三角肥牛出色 油脂更充足令肉質更加嫩滑juicy 安格斯翼板就比較厚身 更加容易控制理想熟度牛味濃郁 配埋旁邊既炸蒜片食更濃味🤩 總括來講性價比都算幾高 可以一試🌟

我同朋友去完黃金買完野唔知食咩好之際見到一間食鐵板牛扒，係用gram計算我見最平嘅有$88 200g牛柳就試試佢🤣我加多10蚊加野飲因為真係太熱🙈🙈🙈不過佢抽風算唔錯，每個位都有抽風牛柳方面，好juicy!! 我鍾意食生嘅多d，舊肉唔會好難咬而另有粗鹽，柚子醋等調味料可以自己揀泥調味本身佢係有個白飯跟，但係因為我唔太肚餓，所以揀左唔要誦有個少少沙律同湯跟又飽又滿足😋😋😋

自從堂食延遲到10點，都無機會同男朋友好好坐低食餐飯，今晚早左少少收工，同男朋友出深水埗做食肉獸。我叫左個安格斯肩胛翼版，配埋個正常份量既白飯同沙律，仲有個湯😋 塊牛唔算太厚但都好大件，送到上黎大概一成熟，可以按自己喜好再係石板上燒多陣，好重牛味，枱面仲有好多調味料畀你自己揀，個沙律我自己中意配芝麻醬，另外因為我中意食牛個原本既香味，所以我只係落左岩鹽同黑椒。男朋友就叫左個肉眼，夠厚夠大件，岩哂男仔食😂 肉眼雖然無咁重牛味，但個肉質咬落去，口感一流👍🏻最後個套餐唔少得野飲，男朋友叫左個烏龍茶，我見到個蘋果果肉汁就決定試一試，甜甜地都唔錯。

石燒餐廳真係越開越多！我都食過好多次呢類餐廳了！但朋友就話未食過，所以我就陪佢去試吓！不過我諗佢試完之後應該唔會想再試！因為食呢類餐廳真係要講技巧的，唔係就會食得都幾狼狽下！皆因係石上嘅扒如果燒得太耐又怕太熟，所以我通常會先處理左塊扒先，將扒全部切開，開在碗上或沙律上，食時再將肉放回石上加熱，咁就會避免有太熟嘅問題出現了！如果石頭不夠熱，可以叫店員更換的！今次我叫咗安格斯牛小排200g , 朋友就叫咗安格斯三角肥牛200g, 我個份嘅牛小排係另上的，當然可以好輕鬆咁燒！而朋友嗰塊就用我上述嘅方法去處理！呢度嘅扒望落都不惜的，我份牛小排肉質都好鮮嫩，油脂分布平均，雖然只叫咗200g，但都算幾有份量下！聽朋友講佢個塊扒都唔錯，牛味好濃，想問佢攞一舊嚟試吓時，佢已經食晒！哈哈！