夏麵館 (荷里活廣場)

營業中

休息中

蟹粉小籠包有蟹殼 嫩菜煨雞麵好少雞 菜比較多 其他食物ok 第一次食呢間 還好 希望下次食小籠包沒有蟹殼 外賣自取好快拎到 15分鐘就有 唔洗點等 在openrice叫外賣好方便 又有優惠。

一年一度 #大閘蟹 季節又嚟到，身為 #為食貓 嘅一眾，又點能夠放過😚 不過呢排公私兩忙，只好辛苦大家，就我過嚟東九嘅 夏麵館 集合，試吓佢哋新出嘅「江蘇清水大閘蟹宴」。未夠七點，餐廳已經一早坐滿八成客人，似乎大家都同我哋一樣，過嚟湊吓熱鬧🥳 由於係期間限定，套餐都以二人為起點（$598/2人份，茶芥加一另計），可惜我哋只得三個人，唯有叫個二人餐，加錢要多兩隻 #大閘蟹 同 #蟹粉小籠包，以免重演眼闊肚窄咁浪費😅 可能係太好生意嘅關係，師傅似乎一早已經準備好食物比客人，我哋落單唔夠5分鐘，套餐裡面嘅 #精裝五小碟（鎮江水晶肉、虎皮素鵝、糖醋小排、雞絲粉皮、蒜香四季豆）、#黑醋話梅肉、#蟹粉扒菜心 已經先後上枱😅 五小碟屬於一個冷盤菜式，各款食物嘅味道都唔錯，而我就鍾意佢哋個 #四季豆，啖啖蒜蓉香味，啱晒我胃口🤤 不過個黑醋話梅肉，同埋個蟹粉扒菜心，就真係有啲令人失望🤔  話梅肉嘅口感話我知，似乎未夠熟😅 而個菜心都係凍嘅，師傅只係將啲 #蟹粉 鋪上菜面就直接上枱😅 好在同阿姐講完之後，佢主動話幫我哋拎碟話梅肉入去炒過… 算佢啦😅 之後再上嘅係 #蟹粉小籠包，算係最新

早幾日10齋日…所以我要在當天整天持素…碰巧我老友當天常食肉…所以就特別揀咗間有佢食佢自己嘅肉…又有我嘅素食嘅餐廳我叫咗呢個素鵝…又真係炸得好香脆鬆化..裏面有少少金菇和木耳絲…的確真係好好味….連我朋友都食埋一份最緊要我唔夠喉…額外再叫多碟素鵝食😁😁😁我再叫多咗碗陽春面…店員知道我食素就配咗一個比較清嘅素湯…當然又真係冇乜味不過好彩有素鵝配搭….都總算食咗一餐豐富嘅午餐我老友就是佢最鍾意食嘅肉餃麵…

好耐之前食過太子嗰間 冇話點出色但係食物普遍都較為正常 隔咗咁耐第一次喺荷里活呢一間分店食 叫咗個上海粗炒 我可以話我未食過咁難食嘅 就算普通街邊賣豆漿嗰啲細店仔或者茶餐廳都好食過佢 個味道係直情有啲奇怪 都唔同平時啲上海粗炒嘅味道 淨係食到老抽烏冬 另外嗌五小碟拼盤 個豬手唔好食 鎮江肴肉麻麻地 最過份應該係糖醋骨， 乾到咬唔入 我真係好想叫個老闆自己試下 呢個係今餐最難入口嘅一樣嘢。。炸卷嗰個唔錯。最正常係個酸辣湯 七十幾蚊可以有四五碗。唯一讚嘅就係佢嘅雞絲粉皮 呢個係好食嘅 因為個粉皮 夠薄夠軟。

好耐之前食過夏麵館, 印象幾好, 又想再食。叫左午餐2個小籠包, 嫩雞煨麵, 豆漿。小籠包皮比較厚, 肉有啲鞋, 味道就幾好。嫩雞煨麵雞唔嫩, 但個湯味道幾好, 好大碗。$62再加一, 食物質素未好到想再食。同埋啲待應阿姐好多都對客人呼呼喝喝, 唔太有禮貌。

未試過夏麵館， 星期日即興去食下。位於鑽石山龍蟠街3號荷里活廣場1樓173A號舖。 大約8點45分到，唔使等位。 餐牌上的菜式不算多， 我們點了三鮮炒年糕$68、 老上海炒麵$70、 鮮肉鍋貼$36、 鮮肉小籠包$38、 牛肉生煎包$30、 凍豆漿$15、凍酸梅湯$15。 ▫️鮮肉鍋貼🥟 ～ 鍋貼一貼有三隻，味道正常。 ▫️鮮肉小籠包🥠 ～ 小籠包的皮太厚。 ▫️牛肉生煎包🫓 ～ 原先我是點原味生煎包， 但來了牛肉生煎包， 跟店員說的時候她的態度有點惡劣， 我都不想與她計較了。 講返牛肉生煎包的味道， 牛肉餡死死實實， 不太好吃。 ▫️三鮮炒年糕🧈 ～ 味道清清地， 年糕煙煙韌韌。 ▫️老上海炒麵🍝 ～ 蔬菜菇菌份量正常， 但炒得不夠鑊氣，偏油。 ▫️凍豆漿🥤 ～ 凍豆漿都幾大杯，味道正常。 ▫️凍酸梅湯🥤 ～ 點了兩杯酸梅湯， 一杯有很多冰，一杯沒有冰，很趣怪。 整體味道普通， 勝在不用排隊。

之前見有人食，好似唔錯，今日去鑽石山一於試吓啦。黑金蟹粉撈麵個面似係墨汁意粉，個人覺得用呢個意粉麻麻哋，好似好無誠意，因為我來上海餐廳冇諗過去食意粉，不過個蟹粉唔錯小籠包不過不失，都多汁，皮都薄紅油抄手塊皮好大塊，佢個汁係甜嘅，唔啱食！bad豬扒菜飯，正正常常，菜飯幾香炸銀絲卷唔掂，入邊銀絲一嚿嚿，個皮又唔脆，bad泡椒鳳爪，唔錯，不會太辣，有葱頭有蒜粒，i like it但係之後好頸渴，唔會再去食，之後兩個小朋友都同我講話要飲水

講咗好耐，話要陪mammy去食 #小籠包，今日終於夾好時晨，可惜天氣麻麻，只好喺附近搵食😏 Mammy提議近近地去 夏麵館，食飽仲可以搵我幫手去超市入貨😅 難得佢唔使我揸主意，我當然唔會say No啦☺️ 嚟到門口，服務員最擔心就係我哋有無 #針卡，同埋有無Do到 #安心出行😅 不過以我經驗，佢哋個 #針卡scanner 準成度認真麻麻，好多時都搞到啲客發哂忟憎都搞唔掂… 睇嚟 #腦細 真係要考慮投資吓🤭 搞完一輪，我哋終於可以坐抵，望望餐牌，估唔到星期日佢哋都仲有做下午茶餐，除咗 #主食 湯麵/炒飯、#飲品，仲可以加錢要 #小食。唔好以為下午茶餐份量唔多，其實佢啲湯麵都幾巨型吓㗎😏 所以我哋只係叫咗碗 #鮮蟹粉黃魚片麵、#豆漿、#小籠包 食住先，無謂浪費吖嘛🤭 先上枱嘅係熱辣辣嘅 #小籠包，咬落去啖啖肉汁，真係好好味呀🤤 之後再嚟嘅當然係呢餐嘅主角 #鮮蟹粉黃魚片麵 ！賣相就夠哂吸引👀 不過第一啖食落口，啲黃魚片有輕微腥腥地嘅感覺😝 而且湯底都比較淡😅 不過當Mammy加咗啲 #豆瓣醬 落去又變得另一番風味🤤 成個口感都變得鮮味好多，加埋啲 #蟹粉 一齊食… 我終於明白咩叫做 #齒頰留

平時喺鑽石山基本上試晒佢出名嘅餐廳，今日就試吓呢一間有好多唔同連鎖餐廳嘅夏面館！其實不嬲對連鎖餐廳唔會有好大嘅要求，今次嗌咗佢嘅午市自選套餐，揀咗手拍黃瓜，川味口水雞麵，同埋一杯熱豆漿！手帕黃瓜嘅辣到對於香港人嚟講適中，酸味亦都唔會太過酸，唔錯！另外川味口水雞麵真係好惹味，食完一啖會再想食一啖，面嘅質感都好爽，唔會林啤啤！熱豆漿就基本啦，冇乜特別！最後埋單$100樓下，都覺得幾抵食，推薦！❤️👌🏻

홍콩의 상하이 식당👍🏻오늘은 중국식당을 방문 해요. 상하이 요리를 전공한 식당이에요😁 우리 거의 3시 쯤 도착하니까 애프터눈 티 세일을 하고 있었어요~홍콩의 식당을 아침,점심, 애프터눈 티,저녁을 똑같은 메뉴라도 가격이 시간따라 달라요~ 그중에 애프터눈 티를 젤 싸요🤣오늘메뉴:-개살 비빔면 세트세트는 음료수를 포함합니다. 솔직히 좀 실망해요😞개살을 맛있지만 면을 너무 싱거워요☹️ 잘 섞어도 별로예요… - 돈까스 단단면 드디어 맛있는거ㅜㅜ 단단면을 베스트 셀러이라서 진짜 맛있고 돈까스도 맛있어요❤️-샤오룽빠오 세트를 시키면 추가 가능✅ *여러분 여행하로 오시면 안 가도 되는 식당이에요烏金蟹粉拌麵🥶排骨擔擔麵👍🏻小籠包👍🏻

老人家特別鍾意食中菜🥢，貪佢夠熱辣辣又可以清淡啲。「夏麵館」係我中學時代已經有，當年食上海菜質素好似好啲🥡，今次去到覺得佈局同菜品有啲頹，當然價錢都反應咗一切啦————————————————👅 午市自選套餐B🔸點心🔸👉🏻鮮肉小籠包 一份兩粒，除咗頂皮比較厚👀，都有鮮肉味同湯汁，不過不失👉🏻上海春卷一份兩條，長形春卷一開二，新鮮炸起脆卜卜🔸主食🔸👎🏻烏金蟹粉拌麵（$82）全新蟹粉系列之一，餐廳寫到蟹粉菜式係主打菜，100%手拆江蘇蟹粉，蟹味濃郁。但係食入口不禁眉頭一皺，借問蟹味何處有🦀？所謂蟹肉似三文魚鬆，鮮味欠奉，仲有啲腥腥地，黑色麵條同粗麵一樣，不推薦👉🏻嫩雞煨麵（$62）大碗麵加菜同雞柳粒，湯底有啲金華火腿提鮮，淡味嘅健康之選👉🏻雞排菜飯（$68）炸雞扒ok，唔會太多肥油或者太厚粉🔸飲品🔸👉🏻凍/熱豆漿———————————————— 🚩總結：有性價比但質素普通———————————————— 🌟注意：供應時段星期一至五11:30至16:30，免收茶位費————————————————📍 夏麵館地址：鑽石山龍蟠街3號荷里活廣場1樓173A號舖.🗺地區：#bem黃大仙📥分類：#be

家人臨近新年先話要食盆菜🍲，好多出名嘅、好味嘅都已經無得訂，上網搵到夏麵館原來都有盆菜，見到都幾足料，價錢中等，經網上平台訂仲可以平多少少，就即管試吓。總共有18款材料嘅盆菜，包括鮑魚﹑茄汁煎大蝦﹑花膠﹑乾瑤柱﹑海參﹑頭抽豉油雞、髪菜、海參、鵝掌、花菇、蠔豉、豬手、貢丸、豬脷、客家豬腩仔、蘿蔔、蓮藕、枝竹、百葉結，大部分按人頭計，雖然每款每人只得1件，但食落都算足料，夠飽。鮑魚細細隻，但幾厚肉，口感彈牙；花膠以鮑汁烹調，幾肥美，非常入味；亁瑤柱係北海道帆立貝製成，大小適中，肉質柔軟，索晒湯汁，味道濃郁。鵝掌、花菇、豬腩仔、蠔豉等同樣都係好夠味，又夠腍。貢丸雖然唔係貴價料，但味道、口感都不錯。整體而言，夏麵館呢個盆菜都算OK，如果盛載個銻盆可以再大少少會更好，盆細望落咁多料，視覺係唔錯嘅，但盆太細，湯料跟本無法浸到頂，加熱時，頂層食物無法煮沸，也很難索到湯汁；以為可以先食底層那些較熱的材料，但盆太細又很難翻到底層的食物，而且蘿蔔、芋頭、蓮藕等亦根本未夠火喉、未夠腍，最後唯有自己將整盆倒落自家的鍋才能夠處理🥘。

星期日估唔到排左15分鐘就有位麵…真心抵食夾大碗.酸辣湯麵.酸辣度都岩岩好豬扒湯麵.豬扒太過林冇左咬口.味道好既高力豆沙.唔係差旦可叫可不叫蒜泥白肉.底有加粉皮條.可以一叫既姐係食左唔會後悔有緣可再食

一直以來，每次想食上海野，就會搵邊度有上海姥姥，從來都未試過夏麵館呢間餐廳，雖然成日行過會見到，但唔知點解每次都冇咩興趣入去食，前牌聽朋友講呢間野幾抵食，所以就去試一次🤔🤔-鮮肉小籠包 lunch set除咗主食之外，可以揀一款點心同飲品，小籠包餡入面雖然多汁，但皮有少少硬同乾😐-涼拌粉皮 味道不過不失，但套餐黎講，份量都算多👍🏻-川味口水雞麵🌶️🐔🍜 幾欣賞佢個口水雞，夠辣夠香口，麵都好大碗😮-烏金蟹粉拌面🦀️🍜 本身擔心個蟹粉會好淡味，結果相反，上菜嗰刻，見到咁多蟹肉喺面，真係好吸引😍 每一啖食落去都有好重嘅蟹肉味😋套餐除咗可以揀凍熱豆漿之外，仲可以揀酸梅湯或者西洋菜蜜，呢間上海餐廳都算唔錯，食物份量比想像中大，值得回頭再食😗

12點幾落咗order4：30pm外賣自取,去到竟然冇得攞，俾曬咁多時間都漏單，個阿姐睇咗我張單先入廚房落單叫我等一陣,不過廚師都算快手,5分鐘左右已經有,唔會再有第二次囉