夏麵館 (H.A.N.D.S)

營業中

休息中

今天趁著紅日假期 又係app見到有特價時段優惠訂枱同屋企人黎夏麵館食晚餐～四人叫左一個涼菜 四款熱菜 一個甜品涼菜叫左上海水晶肉 味道同口感都唔錯熱菜叫左乾扁四季豆，炒鱔糊，糖醋魚同小籠包小籠包令人失望，絕對算不上好吃反而另外三樣菜都唔錯！甜品的豆沙窩餅普普通通 外皮不夠香脆 但夠熱，都算合格～

之前食過荃灣分店 覺得唔太抵食今次嚟到屯門咁啱想食上海野 決定俾多次機會佢😂餐廳位於屋村商場但裝修都算有心思 入面好闊落我哋兩個人星期日夜晚 唔駛等就可以入去不過如果一家人要等大枱就要等一陣我哋叫咗一個鱔糊淮山麵一個賽螃蟹加碗白飯同埋一碟青瓜淮山麵好大碗! 係成鍋咁😂鱔糊好好味! 個醬好濃好重口味😂應該有辣椒同老抽🤔不過有d咸同淮山麵一齊食啱晒😊另外賽螃蟹都好大碟! 好足料蛋白都算幾滑 唔算好油 而且有好多蝦可惜啲蝦都比較細粒而且有屎😂要自己咬走不過都可以送飯 清清地咁作為小食 青瓜份量都夠味道正常 不太特別覺得呢餐幾抵食不過要收茶錢 但價錢都合理嘅 可以再試

我個仔係麵怪，總之出街食飯都一定要食粉麵，而佢呀媽我又鍾意食上海餐，所以去夏麵館，我地兩個人叫左一碗雪菜肉絲麵同埋高力豆沙，如果唔大食，兩個人食剛剛好雪菜肉絲麵，麵質爽口，味道唔濃，好適合小朋友食高力豆沙夠彈牙，豆沙唔太甜，飯後甜品一流

這間店已經開了有三、四年，當隔壁的店不停轉換，它依然屹立不倒，靠的是保持質素。今日和朋友一起去吃，叫了一個紅燒獅子頭淮山麵（淮山麵需另加$5）、夏伯伯酸梅湯、高力豆沙。淮山麵毫無特別，下次可以無需轉換，湯底是清湯、都挺好喝、不鹹。最好吃的當然是獅子頭，切開一半，可以見到內裏是粉絲色的豬肉，不是不熟，而是軟霖不膩，非常好吃😋！而且吃起來完全感覺不到它是炸過，而是吃到肉的鮮甜，只可惜配菜毫不吸收肉汁，好像吃白灼的菜，這是敗筆！酸梅湯很適合在熱辣辣的天氣喝，非常開胃，不過愈喝感到愈酸！至於高力豆沙，也一樣好吃，最喜歡是一層外皮，令不喜歡吃豆沙的我也吃得下，是頗有特色的甜點。

推出左團購，72折現金卷，其實加埋茶介及服務費，大約等同八折。鮮肉鍋貼：皮脆肉嫩，非常美味上海醬鴨：甜甜地，又惹味，肉質又靚。獅子頭擔擔麵：獅子頭肉質鬆軟，擔擔面湯底惹味，香濃辣辣地好好味，唔知道原來可以選擇辣度及麵質。下次我會要求辣度加多一些哆唻咪：失望左少少，味道一般般，唔覺有蟹嘅味道如果佢唔講係蟹粉，其實我都唔知自己食緊乜蒸饅頭：鬆軟高力豆沙：正常啦！夏麵館大推的蟹粉類出品，令我大跌眼鏡，講真其他嘅都真係好好味。壺茶飲完好耐，都冇人自動加水，侍應好忙碌。

今日同屋企人都想一齊食啲中式啲嘅食品，見到呢到附近有間食上海麵嘅餐廳，於是我地就入咗黎食🤪入到黎座位都幾舒服，可以坐到卡位，同埋呢到係自己填食啲咩，好似酒樓咁樣，所以我地可以一次過選好嘢食就比張餐單佢😆我地3個人每人都叫咗一碗麵，佢仲有其他炒飯同小食但係我地都唔算好肚餓就冇叫到。而我叫呢個係嫩雞煨麵，份量好多，而且雞肉同菜都有好多添🥰 印象中呢個唔洗60蚊，就有個飽肚又好食嘅麵，仲要個湯底唔咸但又好香🤪 好抵食！

服務唔算差，因為無😅，坐底都走都沒有充過茶，但每位要收茶錢，我們一家五人同行，第一次去食，叫了6人餐，另外再點了小食，6人餐份糧足夠，菜色極美，但味道偏差，酸辣湯咸到飲唔到，小籠包一夾起就爛了，個皮淋pat pat，蒜泥白肉，真的白肉，滿心期待的松鼠桂魚終於上枱，卻換來又腥又臭呑不下去的感覺😭😭徹底失望，還好仲有甜品，薑茶湯圓，呢個值得比個👍🏻，不過上湯圓時，差一點媽媽全身飲薑茶😝所以真的沒有下次，唯一安慰係同服務員反應條松鼠桂魚時，她有說不好意思😊

今晚想食D重口味嘢，上海菜係入選之一，咁就去左呢一間開餐 叫左呢客五小碟拼盤，可從數款小食中自選5款，今晚就選擇呢D : 酸辣木耳，香蒜四季豆，水晶餚肉，鷄絲粉皮及涼伴海蜇 作為前菜，份量都夠四人分享，一次過可以試到5款小食，最愛爽脆海蜇，加埋醬汁一齊食相當開胃又清涼! 上海菜點少得小籠包，上枱熱辣辣，當然要趁熱食 皮厚薄程度中等，輕輕咬一口個頂位，好等熱氣散開，咬落肉汁爆出，加少少薑絲醋食，味道唔錯! 仲有呢個蔥爆牛肉，加埋大量京蔥一齊炒，入口帶甜，好食; 另外牛肉鬆軟，無梳打粉味道，混和濃味醬汁一齊炒，送白飯一絶!

好鬼耐無黎喇😜原因係我媽子曾對此食店有不滿於是佢罷食😂今日我終於又黎😁當然唔係同老母🙈下午茶時段，大約2點半至3點唔算多人亦唔使等位👍話說睇落啲下午茶都算多款抵食呢啲套餐怕且唔太啱食🤣俾我見到個特別既菜式呀喂😎呢個我就有啲興趣喎👇😎😋喂📢張曼玉題名喎🤓唔係唔試呀🙈黎喇！終於黎喇😍堅係幾好食架喎💕蟹味十足蟹肉多似蟹黃羹👍👍蝦爽呀，唯獨薑味重左少少小籠包正常貨色，唔會令你失望✌️排骨擔擔麵👇排骨鬆脆，炸粉唔厚👍調味ok湯底有胡麻味無得輸店門口溫馨提示：雖然我曾經試過黎食到有燶味既粗炒，但又公平啲黎講今次食既又確係唔錯既😉

天氣愈熱，愈想食濃味既野，唔洗返工又係瞓到下午茶時間先食野由於下午茶唔多人，所以我地坐到卡位，好闊坐得好舒服一坐得會有一壺茶下午茶：酸辣湯麵 $42 雖然係下午茶餐，但真係好大碗，有滑豆腐絲、木耳絲、肉絲，味道好好好開胃，辣度啱啱好👍🏻 連一杯飲品，我揀左熱豆漿，好濃豆味，真材實料排骨麵 $45個炸排骨外脆內滑，好香口喔🤩 個麵就一般上海麵配凍竹庶水，好清甜埋單時仲有一張Coupon ，下次食滿$80 可換小籠包/ 豆沙鍋餅下次會再返黎試

星期日唔使等好耐呀媽又岩食其實有時質素都幾好新出泡椒鳳爪 硬左d但酸酸辣辣 又幾開胃再來 要食小籠包 同窩貼 真係推介小籠包皮好簿 記得反轉啜哂d湯先 再點醋食 再叫酸辣湯 一大窩 3條友飲到兩碗係幾抵食

 落單後，屋企人聞到座位有異味，要求轉位，店員稱已落單，不能轉位，仲問係咩味，然後屋企人轉至隔離的4人枱，店員走過黎，問幾多位，又話唔可以隨便轉位                                 另一位，戴眼鏡的女店員過黎執枱，一臉不滿地鬧：轉位又唔同佢地講當時餐廳好多吉位,店員唔多想客人揀位坐

去附近做完嘢見唔 多人，晚餐仲有8折又食吓啦。之前食過好似不過不失。入到去，店員態度已經唔多願做咁，問幾位我示意一位，佢就好似好唔願咁帶位。張枱仲有紙巾(未執枱啦分明) ，佢求其執走就算坐低叫完嘢食飲住茶等，都無乜嘢。 。。到啲嘢食嚟差啲想走人！！！！一拎起個碗!嘩隻碗食完未換嫁大佬好嘔心，到底我飲咗果杯茶隻杯有無換過但叫左嘢食唯有快食完走!!!叫咗個炸醬牛肉撈面，不過不失啦，有啲味大大碗咁 。 仲有個紅油炒手....又係食到 都唔知咩汁嚟!!淨係食到甜味，完全唔辣連咸味都無!!!!!! 嘩咩嚟嫁 食完一肚火咁走 。 話晒都係集團式點解可以差到咁!!!!啲碗筷唔乾淨真係好想嘔大家去食記得睇真啲先好放入口，包括水!!!

約左個朋友食飯諗住傾下計，點幾過左食晏時間，唔駛等仲可以慢慢坐！注意：依度既分量係大架，我地每人叫左一個餐..飽到呢我叫左排骨擔擔麵，朋友叫左金牌菜肉炒飯，小食有雞絲粉皮。擔擔麵要左正常辣，不過都食唔到有太多辣味，個人覺得個擔擔都唔夠「麻」既味，不過麵質係有咬口，唔錯既，至於個排骨送到黎熱辣辣，外而好鬆脆，裏面嘅肉都唔un，個人覺得ok。朋友叫左依個金牌炒飯，有d鹹香味，幾惹味！加上佢啲菜唔會腍晒，係脆綠咬落去唔會梅哂咁，我覺得個飯好食過擔擔麵，可以試下！至於個小食雞絲粉皮，一黎到見到佢咁多漿心諗應該會好食，不過佢既麻醬唔係我期望中有種麻既感覺，而係有種又濃又「結」身既感覺..青瓜唔夠多，有點失望

夜晚放工了後去安定村跟媽媽爸爸及妹妹還有她男友去吃東西,然後行過見到這間好像不錯,看到既然不錯就進去了喔,入到去位置也很好,於是吃薑汁素雞,內裡的素雞還不差,汁也弄得很好,最少不過不失!!!然後吃這個感覺像蛋做的包,裡面包煮熱燙燙的豆沙,口感一流!!!然後試幾棵這個,雖然是不錯,但裡面很多油,最後洗洗才可以!!!最後吃剩下的麻醬撈麵,還是不錯,很濃的味道,而且可以加湯去減低油性,整體味道提升吃到差不多是時候走了最後去回家了!!!