夏銘記

營業中

休息中

佐敦夏銘記真心正！難得老字號得來又不坑人的！作為本地人，發現在旺角的白加士街有很多網紅店，一個很普通的常餐也要排隊？我就寧願走多一步路去白加士街後一點的夏銘記，雖然也要排少少隊，不過肉眼所見全部都是本地香港人，滿滿的質素保證。.他們家主打用鮮魚製造魚蛋，魚片頭，食過酒之，真的很不一樣。炸完條魚片頭彈牙得來又好滑口，而且滿口都是魚的鮮香。.我也發現他們的雲吞也是一絕，一個雲吞內有1.5隻蝦，令人超級滿足呢。足料就是足料。.如果想一次過吃勻他們家的招牌，可以點紫菜四寶，then you have everything!.作為老字號，他們的價錢我覺得也算很公道，而且份量夠，所以很多街坊也喜歡來吃。食完的時候大概兩點，後面也有人龍。我吃得慢，不過店員也沒有驅趕，服務而言算是很不錯。

好鍾意喺佐敦搵嘢食，因為食品種類繁多、有特色、而且性價比較高。今日經過一間「夏銘記麵家」，見到食客叫咗碟大大條嘅魚片吸引住，決定入去試吓。鮮炸黃金魚片（一條）一條足足有半尺長嘅黃金魚片十分吸睛，一上碟就聞到陣陣魚香味，外層鬆脆，內裏鬆軟，魚肉味鮮甜濃郁，感覺好似食咗好多條魚，呢個必食。淨食魚蛋食咗個魚片之後，決定試埋個魚蛋，果然冇令我失望。魚蛋質感比魚片較彈牙，魚肉嘅密度好高，用料十足。蔥花鵝腸撈麵除咗主打魚蛋之外，仲有我最鍾意嘅鵝腸，鵝腸份量不少，而且幾大條，食落爽脆，味道甘甜，清洗得非常乾淨。餐廳奉上秘製醬汁，醬汁掛上鵝腸上，真係食唔停口。撈麵還跟上一碗蔥花魚湯，味道鮮甜，有別於其他餐廳。水餃米粉（加紫菜）可以用皮薄餡靚嚟形容，豬肉和蝦嘅比例適中，蝦肉夠彈牙，配上木耳，味道夠正中。

夏銘記是間手打魚蛋老字號，餐廳座位不多，星期六下午兩點到都要等位的。餐廳是採用軟漿方式手打魚蛋，至少兩種魚起肉打漿，每粒魚蛋皆用人手製作。點了一碗紫菜魚四寶，一碗有齊魚蛋，魚片，魚餃及墨魚丸，份量都頗大碗。魚蛋口感爽滑，但不是好彈牙的那種，反而魚味比較濃。炸過的魚片更好味到我地額外要再點一份原條的鮮炸魚條。魚餃就跟潮洲的那款相似，口感比較煙靭。雲吞水餃粗麵，水餃有兩粒，雲吞更有四粒之多，粒粒都很皮薄飽滿，內邊的蝦隻大粒爽口。水餃更會多了一份木耳的口感。另外餐廳的自家製辣椒油都很推介，加少少落粉麵當中，更好味。

好耐無去佐敦覓食。近排多數係元朗覓食。因老婆想去佐敦按摩。所以今晚好理所當然在佐敦找吃。**蔥花鵝腸**如同一首清新的樂曲，輕輕撩動著味蕾。鵝腸的鮮嫩與蔥花的香氣交織，讓人感受到一種獨特的風味，徬佛在品味著大自然的恩賜。每一口都帶來了脆爽的口感，令人心情愉悅。**雲吞河**，這道菜品如同一幅精緻的畫作，雲吞的柔軟與河粉的滑順相得益彰，湯底清澈而鮮美，徬佛在訴說著一段悠久的故事。每一口都讓人感受到家的溫暖，令人陶醉於那份熟悉的味道。**水餃河**則是另一種風情，水餃的鮮香與河粉的Q彈相互輝映，讓人忍不住一口接一口，享受這份美味的幸福。**時令油菜生菜**以其清新的口感為整個餐點畫上完美的句號。油菜的鮮綠與生菜的脆嫩，讓人感受到自然的純粹，為這場美食之旅增添了一抹清新。

同朋友一齊嚟咗呢間麵家諗住食吓雲吞水餃牛腩咁🤣$60「鮮炸金黄魚片一條」：原來呢個可能係餐廳旗艦食物👍，見到差唔多枱枱都嗌同埋好多外賣👍，咁又真係幾好食，魚片非常鬆軟，好魚味，外皮脆脆哋，炸過之後好香口🤣$42「淨水餃🥟」：大大隻，裏邊有鮮蝦仁、豬肉、仲有脆脆哋嘅木耳，落足材料，好味😋$42「淨雲吞」：都係有鮮蝦仁，好味😋$60「牛筋腩撈麵」：「牛腩牛筋」夠軟熟兼好牛味🤣，麵係粗麵，幾彈牙🤣$20「新鮮油菜」：叫咗兩碟，一碟係芥蘭一碟係菜心，蔬菜夠新鮮😋$8「大紅袍」：凍冰冰👍

相信如果以前係何文田返學的朋友，一定會食過夏銘記的魚蛋粉，勝利道果間關門之後，係唔同既地方都有開過，而今次就係佐敦開店，當然要去食返個回憶啦！餐廳舖子小小，座位不算好多，平日非繁忙時間去都爆滿，可見受歡迎程度！紫菜魚四寶河，四寶河有魚蛋、魚片、墨魚丸同埋魚餃，不過沒有墨魚丸，轉了雲吞！魚蛋同蛋片魚味濃郁，口感唔錯！魚餃都好濃魚味，比平時出面食到的更美味！雲吞有大大隻蝦仁係入面，鮮甜彈牙！紫菜份量好多，再加埋佢地既辣椒油食，夠哂正！牛筋腩麵，幼麵彈牙，牛腩入味鬆軟，牛筋彈牙！鮮炸金黃魚片，魚片味道咸香，魚味濃郁，差不多每枱都點一份黎食！食夏銘記當然要飲返枝冰凍玻璃樽裝汽水啦，回憶返哂黎呀！

今日試咗魚蛋魚片河粉🍜$5️⃣2️⃣有3粒白魚蛋3片魚片（切薄身）夏銘記魚蛋同魚片咬落淋身，唔係平時坊間食開爽彈的口感，同我預期有落差，食落只係一般普通嘅河粉。本來想試埋炸魚皮，可惜店員話沒有。是日消費$52回頭指數低

Lunch 時間，行行下見到好似開咗間新食肆，就諗住去試下，先唔講個面好唔好食（湯底無味似白開水、雲吞同牛腩麻麻、菜心正常），店內比較擁擠（店面唔大、好正常）埋單時店員打多咗個0（由＄78埋單 變咗$780）之後，我並無出聲 以為退返錢畀我就無事店員不停係度責怪我點解會咁快擺個八達通上去（閙完後都有退返差額畀我）店員閙得啱，責任全部在於我，多謝貴店畀個機會我入去食嘢、多謝貴店畀咗張台我坐低、多謝貴店畀咗個機會令我有溫飽，再次對個店員講聲對唔住，令到佢激氣係我錯，真心道歉

見到網上評語好評，於是專登搭車去試食，結果大失所望。魚片係鬆弛，不過無咬口，而且又油膩，味道偏咸，一點也不好吃，價錢貴，伙記冇禮貌，隨便呼喝客人，個個要睇佢面色，唔怪之得客咁少，不會再幫襯

老字號, 慕名而來, 十分失望. 叫墨魚丸, 無墨魚丸, 話貨未送到. 乜系送來嘅貨, 又話手打墨魚丸? 叫魚皮, 無魚皮. 不知道什麼原因.                                                                                                                                                                                                      呢間最出名系油炸黃金魚片. 上時一啲都不似炸. 只係似就咁煮熟, 完全不香口, 大中伏.                                                                                               另外叫咗碟魚蛋撈麵, 魚蛋又粉又軟, 一啲咬口都冇. 完全不合格. 今次中伏後, 下次無幫襯.

三十多年前，通街都喺，好味，正宗嘅，魚旦粉麵舖及大排檔，呢個品牌嘅魚旦粉，在何文田區亦有名氣及人氣，揾食肥華，亦曾慕名一試，結論喺，講好好食唔到佢，喺一碗普通，平凡，大路水準嘅魚旦粉，就有佢份，估唔到在幾拾年後嘅，一碗好味，正宗，魚旦粉難求斧，在7月13日揾食肥華和靚媽，竟然在佐敦區，此品牌粉麵店食到一碗，湯底，魚旦，魚片，河粉都有幾拾年前風味嘅魚旦粉及有水準嘅，柱候牛腩米，真喺有驚又有喜，而食魚旦粉面嘅，最佳配搭，潮式辣椒油，此店亦做到當年味道，再加上，用筷子到挾得起嘅河粉底，此店如不是，畫蛇添足，在粉面内加上生菜，此店呢碗，鎮店名物，肥華會俾個A++評分佢👍👍👍👍⭐️⭐️⭐️⭐️⭐️

重開後，都係第一次光顧。叫咗鮮炸黃金魚片一條（$60）：一開始都覺得貴貴哋，一上枱即刻覺得物有所值。因為係即炸嘅關係，上枱仲係熱嘅。外皮夠乾身，肉質彈牙可口。Oshii~ 紫菜魚三味河粉（$52）：有魚蛋、墨魚丸及魚餃各兩粒。魚蛋爽口彈牙，不在話下；墨魚丸，感覺有加咗啲香菜，有一點點淺綠色，真材實料，唔粉。魚鉸都係正常嘢。紫菜魚四寶河粉（$58）：同三味一樣，只係多兩片魚片。臨走前要咗一打生雲吞（$60）：返到屋企感覺好似好細粒，以為中伏！煮熟咗，裏面起碼有一兩隻蝦仁 🍤 ，新鮮爽口，冇加味精。正！

以前食過一兩次喺何文田嘅夏銘記，喺駿發嘅舖食得較多，今日佐敦第一次食，魚蛋或魚片都同以前一樣魚味比較多啲啲而較淋身(應該係魚肉比例較多)。我本人鍾意呢隻，不過建議湯食魚蛋，魚片齋叫唔好有湯。anyway,此食評重點係舖內有位唔算瘦少肥冇帶眼鏡嘅女人嘅態度好差，西口西面，埋單多謝都冇句(其他的店員都正常或ok)。因為我覺得佢味道唔係真係驚為天人，而一碗魚蛋魚片河又賣 42 蚊，面對食肆有啲咁嘅店員，包括員工又好，甚至老板都好，我最憎最唔buy,所以返食機會都好窄。以上純粹個人意見，有感而發。

用餐日期：2024/03/01用餐時段：午餐 用餐費用(每人）：$85餐廳環境：環境整潔乾淨 冷氣足 室內不多座位 人多時可能要搭檯 服務：服務員服務態度好 點菜上菜都快 也善意提醒辣椒油辣度 是服務加分之處 味道：點了鮮炸金黃魚片+魚片撈幼麵1-鮮炸金黃魚片$60: 整塊魚塊新鮮炸起再平均切成6塊 上檯時還是熱的 魚皮炸得夠香脆 魚肉有魚香味肉質嫩滑彈牙 這家的辣椒油味道香辣可口 點魚片一起食味道超好 推薦2-魚片撈幼麵$55*2: 份量足 魚片湯+撈麵分開上 魚片湯上有約7片魚片+唐生菜 撈麵上有淋了醬汁+匙羹上有蔥同炸蒜蓉 2.1-魚片湯：湯清甜不咸 魚片有魚香味質感嫩滑 唐生菜味道正常 可惜因浸湯關係魚片皮是稔的 如魚片皮是脆的更好 推薦2.2-撈幼麵：份量足 撈麵處理得很好沒任何鹼水味 麵煮得剛好不過稔 食前記得把麵和麵上的黑醬汁+蔥+炸蒜蓉撈得徹底平均 好辣的可加適量的辣椒油 撈好的撈麵爽口彈牙有濃厚的蔥蒜油香味 味道非常好 如蔥蒜再多些更好 推薦 總結：這家的鮮炸金黃魚片外皮香脆內嫩滑 撈幼麵爽口彈牙有濃厚的蔥蒜油香味 相對湯麵更推薦撈麵 希望這家不久將來可推出鮮炸金黃

这家最早是从千语bb推荐的辣椒油知道的其实鱼蛋和鱼片也是他家特色周围本地居民光顾好多年的小店不起眼的店面，一看里面坐满了人还有特别多都是中老年夫妻或者带着小朋友的就差把平靓正写在招牌上了🍜想一次性吃到就可以选紫菜鱼四宝有鱼蛋、鱼片、墨鱼丸和鱼饺鱼蛋不是常吃的咖喱鱼蛋那种弹牙的反而是软糯口感，能尝到鱼鲜味的那种看介绍说是因为这种软浆鱼蛋成本比较高要用鲜鱼，而且不添加杂质，很少店在做了强烈建议点一份鲜炸鱼皮泡在面汤里会有噼里啪啦的爆裂声不管是直接吃还是和面一起吃都特别香 口感超好还有黄金鱼片，看起来像鱼豆腐实则也是软浆的口感，鲜味更突出周边居民还会直接买生料回家煮的辣椒油也是经典 味道和品质都很放心