夏捌月 (已結業)

每次去到元朗總會有好多好野食。今次黎到朗屏附近又有咩好野食? 好多人都以為朗屏邨呢類舊屋邨唔會有好野食，但其實朗屏西鐵站對開既街市附近就有一間好食又有D 情調既餐廳 - 夏捌月。呢間餐廳食西餐為主，各類海鮮﹑扒類﹑意粉都唔錯。我同朋友叫左兩個dinner set之後, 好快就有餐湯同蒜蓉包。餐湯好濃郁，蕃茄煮到溶哂落個湯度，正。配埋香脆既蒜蓉包，令我地胃口大開。主菜黎喇! 主菜黎喇！呢個意式茄茸大蝦意粉加左勁多茄醬，茄味濃郁，每一口都充滿一陣濃濃既鮮茄味。 大蝦亦非常大隻爽口，整個配搭非常健康惹味。另外仲有好大隻！真係好大隻既德國咸豬手！呢隻咸豬手真係重量級。平時見到咁大隻豬手都會好苦惱：咁大隻豬手要點切？店員就好貼心咁一早已經幫你切好哂，食客們可以直接享用呢隻肥美既豬手，正！豬手仲配有一個蜜糖芥茉醬，甜甜地既感覺唔錯。意粉上面仲有少少茄茸，一齊食個味道好豐富。最後到餐飲。不得不提既就係佢地呢到既凍朱古力，全部都係佢地自家製既。因為係冰震既關係，唔會因為溶冰而沖淡左飲品既味道。呢支朱古力味道香濃，飲完又想飲多支。

難得去元朗，老婆帶左我去外家附近的餐廳食晚餐，呢度以西餐為主，款式唔算太多，價錢合理，仲無加一服務費。我地黠左2個晚餐套餐，奉送餐湯、法包、熱飲(凍飲另加兩蚊)。餐湯一紅(羅宋湯)一白(忌廉湯)，羅宋湯材料豐富，忌廉湯好香濃，仲配上餐廳自家製作的新鮮法包。我地2個都點左西冷牛扒併法國鵝肝配薯菜，一個洋蔥汁，另一個就加五蚊要蒜泥汁，西冷扒都幾大塊，而且幾厚身，牛扒肉質鮮嫩，肉汁和鮮味都鎖住，證明廚師有一定的功力，估唔到元朗都有禁多唔錯的餐廳。

試過有一晚想黎食晚飯，點知摸門釘，全晚滿座，所以今晚來之前特登打咗個電話問walkin有冇位，佢好友善咁回覆我話大概八點三，應該會有位叫我去等，所以就那那林揸車去等位了。去到等左一陣，大概八點度就已經有位啦，試咗佢哋全店最出名嘅蟹肉蟹膏意粉，之前睇過食評/面書啲人嘅食後感都話呢一個意粉好食但係食得多會有啲漏，我個人反而覺得佢好似唔夠味，可能自己重口味。男朋友一食就話好有蟹膏味。另外我哋仲帶咗個羊架，不太好肉嘅我哋都覺得佢煮得唔錯，調味幾好，我鍾意食呢個多嗎個意粉，大概＄140仲有三件羊架配意粉飯或者薯菜重連埋湯同埋飲品呢個價錢非常合理。如果可以，想lunch time 再黎多一次。

閒日放假最好就係親親大自然。兩口子行完河背水塘過到黎朗屏啱啱好晚飯時間，所以行左陣見呢間個名幾得意就坐左入黎了。 雖然餐廰細細，大概容納到廿個人但裝修幾有心思，星戰同漫威都係本人最愛。打開餐見呢度選擇都真係幾多的，所以都睇左一陣先揀到主意。羅宋湯非常足料，酸甜味道啱啱好而且月桂葉個味又突出，加上大大粒牛肉，完全係水準之作。忌廉湯同樣有大量粟米粒同煙肉粒，煮得濃稠得黎又香甜。依家好少餐廳會咁有誠意的了。食埋個香脆嘅蒜蓉法包，其實只飲湯都可算接近半飽了。肝醬鮑魚意粉最先送上，而且一上枱已經聞到好香。兩大隻鮮鮑魚都煮到好腍滑同入味，鮑魚肝醬食落一啲腥味都無反而仲有陣白酒香，真係唔錯。意粉食落彈牙，配埋個肝醬真係食唔停口。第一次嚐試呢種配搭就愛上了。 紐西蘭牛柳配黑椒汁。五成熟啱啱好，兩面都煎封得焦脆香口，中間保持細嫩多肉汁。食得出牛肉本身質地唔錯一啲肉筋都無，加上個黑椒汁真係畫龍點睛，辛辣味帶出左肉香，又平衡到牛油脂嘅膩口感覺。 不得不提個脆薯格，連皮炸得外脆內軟之餘薯味仲好突出，輕輕撒上椒鹽真係算得上今個月食過最好嘅薯仔。 呢度個奶茶都好有心思，用左個別緻嘅樽仔裝住之外，仲係原支雪凍。所以

今次第二次回顧試左豬仔骨，失望而回。落單後差不多45分鐘先上台，上台時件豬仔骨面仲有火燒住上，表面鋪滿蕃茄蓉，心情本來好興奮。不過，唔知係咪煮得過火左，舊肉鋸極都唔入，要找男士出大力幫手先鋸到，咬落d 肉完全無味道，仲起渣。上次質素尚可，今次真的失望，唔夠穩定，有待改善。

之前家姐竟然向我推介, 位於朗屏西鐵站附近的一間餐廳小店 - 夏捌月, 說它的蟹肉蟹膏意粉'very good'! 可要知道嘴刁的家姐所給予'very good'的勻是具有很高質素。不過身為地頭蟲的我, 竟然懵然不知有這家人氣餐廳！真是愧對為食的稱號呢, 於是星期日午餐就去拜訪一下！於朗屏西鐵站下車後, 走下梯級, 沿著高架鐵路的橋底走, 走到俊賢坊的路口, 見到一群等候的人潮, 猜也不用猜就知道小店一定是在這裡！因為位處橋底得不到太陽的直照, 加上正正是橋墩隔離, 小小的門面真的有點不起眼, 如不是等候的食客於門外聚集, 很可能會錯過吧。 左右鋪都是做街坊生意的地道小店, 所以小店門面的工業風玻璃窗跟水泥牆身是挺出眾的。正正是下午一點的開飯時間, 等是必然的事, 可是等候的食客眾多, 而店內的座位大概只廿多個, 苦苦等了半小時才輪到我們, 空肚等食午餐, 能量燈也轉紅了。 因等侯的時間實在太充裕, 所以把餐牌看了又看, 款式選擇較一般的小店甚為多: 肉類有豬、牛、雞、魚的扒餐, 澱粉質則有飯和意粉, 更有一整頁的咖喱系列, 最平的單點不過是$4、50, 想吃得豐盛點可以加錢追加小

本打算和男朋友在西鐵朗屏站附近找找有沒有西餐好吃，想不到會有驚喜門面簡約，但食物卻令人驚喜。牆上的掛畫。餐廳推薦了情人月限定二人餐，我和男朋友立刻雙目發光光看頭盤已令人很期待。白酒很入味，充滿酒香沙白蜆挺大顆的，肉質也較豐厚雖則是脆炸，不過只是元貝的外皮脆炸了，元貝和海膽則是入口即融的感覺食蟹有蟹膏是很高的享受，如果整個意大利飯都撈滿蟹黃，實在太滋味了每一啖都有濃郁的蟹膏而且啖啖蟹肉醬汁自選很大塊肉眼扒我們選了七成熟肉汁不錯餐後甜點挺有趣呢，有枝裝奶茶。很用心的西餐廳

我一直都會留意住元朗有咩好食，有咩新店開。最近呢新店間最多人讚係用心之作。 一於同朋友來試試！之前已經試過打黎book 枱，佢分兩批嘅，一批係７－８點半，另一批係８點半打後，試過我打黎book 第一批已經冇晒位。今次同朋友就黎等下位啦！ 我哋都等咗１５分鐘。 店面不大，座位較窄，基本上係一張細方台坐咗兩個人。 叫多點野食都唔夠位擺。因為朋友唔食牛，又冇晒最出名豬手！！！嗚呀！我就係想食豬手！大家下次黎食豬手記得打電話黎book！我哋嗌咗豬仔骨試啦！上菜時，有少少白酒點咗火燒一燒，所以個面係燒到脆卜卜，豬仔骨唔夠多汁，唔夠入味，但都幾林嘅。最令我驚喜係係蟹肉意粉，蟹膏咸咸地已經點綴晒成個意粉，而且蟹肉都好多，好香濃好味！有點似蛋黃味道咁。 最後嘅支裝朱奶同奶茶都好香滑。哎呀~ 下次一定要來試豬手！p.s 本身９點門口冇人等，但我地食食下又突然又多轉人，跟著我地食到臨尾聲時，就係咁幫我地收晒野想我地走咁，雖然態度都算好，但咁做有點不太舒服。想慢慢食都唔得😂

無論你幾攰都好啦，都應該入黎元朗行下囉 ~ 多美食之餘又夠集中 ! 朗屏西鐵站附近有間特色樽仔奶茶，幾攰都好啦......係要試下既!小店裝潢簡約樸素，而型格灰色牆上掛有 Starwars 畫作，別具一格!近門口位置有一排窗戶可將天然光帶入餐廳，感覺更加舒適悠閒。午餐包括餐湯、法包及餐飲。湯碗上面哈哈笑的圖案非常有趣，看了令人會心微笑! 蒜蓉法包烘得非常香脆，忌廉湯味道則比較淡。羅宋湯相對味道較濃而且材料豐富，值得一試!卡邦尼煙肉腸片意粉 $45意粉醬汁調較得適中，不會太稠身 ; 芝士及忌廉味道非常香濃，雞蛋的味道亦相當出眾 ; 意粉亦煮得煙韌，不錯!芝士焗龍利柳 $44賣相相當吸引! 面層鋪滿烤至微燶既芝士，驟眼望落以為是櫥窗的展示品似的 ~ 厚肉的龍脷柳相當嫩滑，整體味道不錯! 唯獨是意粉不夠煙韌。主角 (樽裝奶茶) 終於出場!!!加$5可以升級至珍寶樽裝飲品 (350毫升)，可以選擇香滑奶茶、咖啡或朱古力。樽裝奶茶除了樽裝外型有特色之外，味道亦非常濃滑，由於沒有冰塊關係，所以不會溝淡 奶茶味道，原汁原味非常出色! 必試 !!另外值得一提是餐牌上有一段餐廳信息，希望客人食得開懷 ^

放假去元朗一日遊，係西鐵朗屏站附近的「夏捌月」雖然鋪頭細細，裝修一般，但絕對高度推薦。佢主打係西餐，都係意粉同扒類，但睇得出誠意十足。先講價錢，大部分菜式都係超值價，午餐如果點最普通的雞扒只係$40，包湯、香蒜包同熱飲，可以跟飯、意粉、薯菜，大大碟雜扒都只係$55。午市光顧的話，可以有九折，仲有原本係單點的菜式都可以免費升級至套餐，係咪好抵先？雖然平，但一點都唔馬虎，質素甚高。佢最出名係蟹肉蟹膏意粉（$98），蟹膏幾乎覆蓋每條意粉，好香濃，但最特別反而係蟹肉，因為係炸過，所以有點酥脆口感，更加香口，而家諗返起都回味。另外都要講下個湯同包，羅宋湯非常足料，唔會過酸過辣，蒜蓉包都塗滿蒜蓉，一般餐廳唔多重視的環節佢都照顧到，確係有heart。本來想叫另一款人氣菜式德國鹹豬手，但原來唔係晚市食的話要預訂，咁唯有轉食焗寶雲酥羊扒（$138），有三大舊羊扒都唔算好貴，市區多數食唔到呢個價錢。可以配醬汁（黑椒、洋蔥等等），但醬汁完全可以慳返唔駛點，因為羊扒已經簡單調過味，上面仲塗左一層芥末醬，就咁食已經好味，仲品嚐到肉味，羊肉少少羶帶點咬口，唔錯。旁邊的薯塊炸到金黃色，但又唔燶，調味恰到好處，就算熱

今日我放假，應承阿囡去接佢放學，接完放學就梗係喺附近覓食啦。見到呢間夏捌月，個名好特別， 門口個餐牌都好似幾多嘢揀喎，又見有位，就入去試下啦~裏面裝修幾舒服，有啲avengers嘅裝修，小朋友見到都幾開心~望下餐牌先，真係好多款式揀喎~套餐由$40~$228都有 我地叫左4個餐先黎餐湯，有羅宋湯同埋忌廉湯~羅宋湯 - 好足料呀，裏面舊肉大大舊，雜菜都好多，滿滿的~忌廉湯係煙肉忌廉粟米湯 - 好creamy 煙肉味好香，呀囡用黎點麵包，佢話超級好味！另外蒜蓉包真係有粒粒蒜蓉喺度，好香口~到主菜上場喇！ 呢個蟹肉蟹膏意粉 ，不得不讚，食落有香脆蟹肉味，而每一條意粉都被蟹膏佈滿左，啖啖肉，啖啖香，我地4個一致認為呢個意粉掂，實屬必試！蟹膏焗鮮元貝飯 - 粒元貝好大粒， 食落幾新鮮唔會腥，呢個蟹膏嘅味仲重，個飯係炒底，鍾意食焗飯既可以揀呢個~1855 黑安格斯西冷牛扒（10安士）- 叫7成熟， 上到黎岩岩好，有牛味。喜歡伴菜既薯格，炸得好脆又調得好味~醬燒豬仔骨（半份）- 呢個豬仔骨上菜時候真係有驚喜呀，原來佢係火焰豬仔骨嚟㗎！ 侍應攞過嚟嗰時仲著緊火，唔只阿囡，我地見到都嘩嘩聲，好開心。上到

今日應承家姐仔湊佢放學，帶佢食野， 所以事前做足功課，搵到呢間新派餐廳，就決定來試一試。12點半嚟到，已經坐滿左九成，最後一張枱都俾我哋坐左。牆上掛左幾幅super hero 人像漫畫，估唔到年紀輕輕的家姐仔都認得佢地。Lunch係3courses, 首先頭盤可以揀煙肉粟米忌廉湯或者羅宋湯 。侍應好快就送上熱騰騰的湯。羅宋湯，酸中帶點辣，真材實料，連牛肉都煲到好林。至於煙肉粟米忌廉湯，充滿鮮忌廉牛奶香味，一定唔係罐頭湯。另配上一塊外脆軟嘅蒜蓉包。黎到主菜，梗係要試試大獲好評嘅蟹肉蟹膏意粉$98。賣相已經非常吸引，每條意粉都沾滿了黃色的蟹膏， 加埋爽脆蟹肉，口感非常豐富，餐廳咁慷慨， 值得俾10分。蟹膏焗鮮元貝飯$138， 最搶眼當然係瑤瑤咁大粒嘅元貝， 肉質鮮美，爽口唔會過熟。焗飯鋪滿拉絲既芝士，見到都流晒口水。當然佢既香濃蟹粉汁都唔少野啦。美國特級肉眼扒12oz$228， 7成熟， 份量十足，保留原有肉汁， 配上燒汁更惹味。醬燒豬仔骨$138，火焰雪山咁上碟非常吸引， 睇到大人小朋友都眼定定。 薯格炸得鬆脆， 小朋友都食唔停。 另外值得一提既係樽仔凍朱古力， 唔太甜， 飲落有d似盒仔

山長水遠來到元朗，友人找到這家餐廳，決定特地去試一試去到門口已見到有不少人在門外等候我們去到打算取票等位，老闆（應該是老闆）卻說今天已滿座，沒訂位的就so sorry 了byebye 下回再見～本來以為連個天都唔鍾意我，怎知道正想離開時，老闆問我們從哪來的嗚，我們來自遙遠的山區，攀山涉水又越過高山又越過高來的然後，神奇的事發生了，原來個天都幾鍾意我地，老闆說如果我們不介意一個小時內還枱的話，也可以安排座位給我們先來一碗暖暖的足料的羅宋湯，配一塊香脆蒜蓉包當然要點蟹膏意粉😍 意粉控表示，這個真的很好吃，每條意粉都蘸滿了黃黃的蟹膏。其實我平時也不太吃蟹，但也覺得這個意粉惹味可口！五星星！再來一道德國豬手，外皮炸得脆脆的，超邪惡的好不好～～蘸芥末醬很好吃！奶茶也是吸睛的～好了因爲我詞窮了，我只懂說好味與不好味今晚的晚餐我會說是很好味很好味，還有很多人情味，因為老闆會偶而過來逗逗你說話，愉快的晚餐除了滿足肚子，也應該滿足一下心靈╮(╯▽╰)╭對於喜歡的東西，就算要再越過高山，還是會心甘情願的，係咪呀哈姆太郎（≧∇≦）為了紀念這小小的緣分，就寫一段短短的文字

今天來到這裡試試這家新開的西餐小店，這裡位於朗屏站旁，算是方便。這家店子位於天橋底旁，有點隱蔽，店面積不大，但裝修很花思，看得出店主很愛英雄角色。 午市都很滿座。 午餐點了羅宋湯($40)，很足料，味道超濃，蒜蓉包夠香脆，蒜蓉味濃。 蟹肉蟹膏意粉($98)，賣相佳，每條意粉均被金黃色的蟹膏完全包著，味道甘香，啖啖蟹肉，好味！ 黑松露忌廉海鮮意粉，海鮮雖是冰鮮，但仍然口感爽嫩多汁，感覺新鮮，黑松露味不太濃，但意粉的忌廉醬汁調味得已，有水準！ 這裡的凍飲全是以樽裝上，賣相特別，餐飲點了凍奶茶，茶味濃，口感香滑。 另一餐飲點了熱朱古力，略嫌太甜。

住在元朗多年，但相反卻比較少去朗屏，所以壓根就不知道朗屏附近有什麽好吃。可是這次經朋友推介後，說這裏的蟹黃意粉很好吃，而且價錢又不貴，便決定找天中午和媽媽一同前來了。我們已經是中午12時來到，可是餐廳内已經全滿了，可見這裏的人氣真的很旺盛呢。幸好我們不算等了很久便可以入座了。我們的lunch set款式衆多，menu多頁可供參閲，全部main course在lunch時段都包括餐湯和飲品呢。不過我們一心為蟹黃意粉而來，於是其中一個lunch set便毫不猶豫地點了一試。另一個lunch set則點了紐西蘭牛柳配黑椒汁。飲品方面我們點了兩杯樽仔奶茶。這裏的樽仔奶茶果然很贊呢，奶茶非常濃郁，奶和紅茶的比例恰到好處。而且因爲裏面沒有加冰，所以不會有放久了便變稀的情況。這裏還有樽仔咖啡和樽仔朱古力提供，相信味道應該也很不錯。餐湯我們點了一個忌廉湯和一個羅宋湯，另外跟了兩款香脆的蒜蓉多士。就連餐湯也毫不馬虎，兩碗湯裏的材料也很豐富，尤其是羅宋湯，實在足料！期待已久的蟹肉蟹黃意粉終於上桌了。看到黃澄澄的顔色已經非常吸引味蕾了，沒想到味道就如顔色一般吸引。每一口意粉都能夠吃到非常突出的蟹黃香，鮮甜無