夏捌月 (已結業)

今日我放假，應承阿囡去接佢放學，接完放學就梗係喺附近覓食啦。見到呢間夏捌月，個名好特別， 門口個餐牌都好似幾多嘢揀喎，又見有位，就入去試下啦~裏面裝修幾舒服，有啲avengers嘅裝修，小朋友見到都幾開心~望下餐牌先，真係好多款式揀喎~套餐由$40~$228都有 我地叫左4個餐先黎餐湯，有羅宋湯同埋忌廉湯~羅宋湯 - 好足料呀，裏面舊肉大大舊，雜菜都好多，滿滿的~忌廉湯係煙肉忌廉粟米湯 - 好creamy 煙肉味好香，呀囡用黎點麵包，佢話超級好味！另外蒜蓉包真係有粒粒蒜蓉喺度，好香口~到主菜上場喇！ 呢個蟹肉蟹膏意粉 ，不得不讚，食落有香脆蟹肉味，而每一條意粉都被蟹膏佈滿左，啖啖肉，啖啖香，我地4個一致認為呢個意粉掂，實屬必試！蟹膏焗鮮元貝飯 - 粒元貝好大粒， 食落幾新鮮唔會腥，呢個蟹膏嘅味仲重，個飯係炒底，鍾意食焗飯既可以揀呢個~1855 黑安格斯西冷牛扒（10安士）- 叫7成熟， 上到黎岩岩好，有牛味。喜歡伴菜既薯格，炸得好脆又調得好味~醬燒豬仔骨（半份）- 呢個豬仔骨上菜時候真係有驚喜呀，原來佢係火焰豬仔骨嚟㗎！ 侍應攞過嚟嗰時仲著緊火，唔只阿囡，我地見到都嘩嘩聲，好開心。上到