夏宮

營業中

休息中

Staycation 飲食plan $2450 包$800 飲食餐券安排了今次去試早茶😬😬 除了一些經典點心，餐廳餐牌會不停轉變，所以前人想食的點心，我今次去已經無咗。出發前於官網可睇餐牌，不用白跑一地👍🏻👍🏻這個讚賞時間： 一早去，其實坐唔滿。雖然訂咗位，0等候。上菜時間都合理，唔算耐。服務： 可能早茶關系，同我上一次尖咀晚飯服務咗差少少，職員無咁細心主動，但都合乎酒店水平環境：枱與枱之間都有些距離，而且客人都較有禮，環境尚算清靜舒服。食物1） 帶子燒賣皇 - 超正，帶子好滑，無蒸老，而且内面豬肉沒有肥油流出，但又唔會鞋。算得上數一數二的級數。 平時普通酒樓，我好少食燒賣，唔太掂。當然這個忡價錢 平日的3倍。 （$98 好似咁上下） 2） 黑松露准山餃 - 這個偏向普通，無咩特別，正常味。3） 磨菇雞批 - 好重牛油味，都幾飽。內餡乽系無特別4）豆腐魚蓉卷 - 因為餐牌點心選擇不多，無理由食春卷, 但點知中招😆😆一食落口…..原來老少平安脆炸版😅 味道清清地，正常，但真被佢名呃咗。想像總是完美……5） 經典焗蟹蓋和葡汁响螺 米豬蓮焗蟹蓋，我覺得金鐘比尖咀出色，尖咀味道偏淡，有點唔夠味

。黎到港香 當然要黎夏宮食啦😋佢地係米之蓮餐廳黎既，lunch都爆晒 我地2點先有位，去食記得要book左先🫣小妹最鐘意食點心架啦，等我試下好吾好味先😘-椰皇鮑魚灌湯餃$160🥥係成個椰子上，椰香淡淡好清新，鮑魚新鮮彈牙，灌湯餃好大隻好足料💯💯😋-雪山叉燒包$78外皮好酥脆，入邊亦都好多叉燒，皮薄 👍🏻👍🏻，記得趁熱食會更好味😋❤️-上素芋荔盒 $78芋泥香濃👍🏻，係芋頭迷必試😍佢炸到好酥脆，好好味呀熱辣辣😋-雙拼燒味$328我哋叫咗燒腩仔，外皮皮脆，腩肉肥瘦分明，好有層次，真係💯😘😘 同埋叉燒，燒到非常焦香，肥瘦適中，其實份量都幾多㗎，蜜味充足😋💯-其他點心冇乜特別我就唔介紹啦，真係好鍾意佢哋餐廳嘅復古華麗風，加上水晶燈 真係好靚😊-港島香格里拉-夏宮✅

早兩星期已訂定位7月1日加拿大國慶同老爺奶奶飲茶。可能因假期關係，分兩場時段，我地就訂左11:00時段。去到夏宮時，枱已準備好即刻可入座。燒腩仔次次都會叫，真係好好食，皮超脆，肉淋多汁，水準之作。鮮蝦春卷炸得香脆唔油膩，蝦肉非常彈牙。腐皮卷甘荀絲冬菇絲等餡料好夠味，腐皮炸得香脆唔會因為餡料獻汁而變軟淋。鮮蝦燒賣帶子鮮甜，蝦亦非常彈牙，味道唔錯。春風得意腸腸粉皮薄滑，包住炸脆彈牙蝦卷，好食。油鹽水金銀蒜炸豆腐豆腐本身應該用油鹽水浸過再炸，已經好夠味，加埋炸蒜，令豆腐生息不少。蜂巢紅棗糕唔太甜，好夠紅棗味。食物保持水準，服務更加唔駛講，做足五星級酒店應有服務態度👍🏻👍🏻👍🏻。

我個人對食物嘅美味程度重要過環境，所以真的較少去酒店搵嘢食，今次有張酒店coupon 用下，就選擇左喺夏宮食 lunch, 因為我覺得lunch 比較 free d, 晚餐好似好隆重咁其實 lunch 都比較爆，我哋兩人就真係只安排到2人枱俾我哋，我見人哋兩人都可以坐4人方枱，但好彩張枱都係大嘅，環境亦闊落Welcome tea… 玫瑰花茶，但其實唔知做咩本來都諗住食二人套餐，但原來套餐嘅兩款點心唔係自己揀而且每人得兩粒，所以最後決定叫兩個餸，再加3個點心呢個叉燒包真係非常非常非常之好味 暖暖哋，皮薄，叉燒好味，好有份量當然要試下佢嘅蝦餃燒賣啦，燒賣上面有好大粒帶子，感覺上好抵 當然味度質素都很好，$100 一籠，即$25 一粒，酒店黎講接受到喎！成三百幾蚊半隻嘅炸子雞當然唔可以唔好食啦 咁又真係幾好食嘅，好香好脆口另一個餸明明係食東坡肉煲，但個樣出黎係梅菜扣肉煲有點奇怪，但梅菜好甜，不用飯一齊食都得，肉就可再淋d 仲好總括嚟講，點心價錢相對性價比都高，但不大多款選擇，餸菜價錢都係酒店價格吧，我覺得價錢貴好食係應該嘅，如果嗰啲店價錢唔貴又好食就係攞獎架啦，同埋會大排長龍了！

📯吃過夏宮的點心，當然要訂位品嚐晚市菜餚。果然沒令我失望，幾款小菜都好吃，叫對了✌🏼😁👇🏼 陳醋爽脆海蜇頭$180，果然爽脆非常，陳醋味飄香，味道又不過酸，份量比預期中多👏🏼，醒胃好吃👇🏼頭抽鴨舌$180，鴨舌淋而入味，不錯👇🏼化皮乳豬件🐖$390，乳豬皮香脆可口👍🏼，無懈可擊💯，乳豬皮下夾著一塊甜花皮，小花皮下夾著一件鮮嫩的乳豬肉，沾滿不可缺少的乳豬醬，絕對是出色的化皮乳豬件👇🏼椒鹽田雞腿🍗$460，以椒鹽烹調，惹味可口，一定要趁熱吃，才可吃到外層脆內裏熱的田雞腿，愛吃的我大滿足👇🏼鹽香黃油雞🐔(半隻)$340，皮脆油香肉嫩，皮下有一層薄薄的黃油脂肪，配以剛好的鹽香鹹味，鮮嫩肉滑的髀位令人垂涎P.S.這半隻雞當然有雞胸，而雞胸大部份都是嚡的，這黃油雞也不例外，因此我讚賞的鮮嫩除雞胸外😏👇🏼豆腐花$75，熱騰騰，質感滑，吃到舔舔脷🤣入住酒店的package有$2xxx餐飲消費額，實在吃得很愉快😄

👇🏼水晶蝦餃皇$100，蝦餃表面圓潤飽滿，蝦肉是爽的，餡料也有Juice之感，但味道只屬正常👇🏼鮑魚滑雞扎$90，喜好這點心的家人都說用炸腐皮不好吃，其餘的餡料不過不失👇🏼帶子蝦燒賣$100，帶子本身是沒什麼味道的，放在燒賣上，只能說看似有點矜貴，燒賣的肉餡是一舊舊的，也看到切成迷你的小冬菇粒，味道正常👇🏼家鄉煎薄餅$85，不油膩，不錯的鹹薄餅，餅邊煎得香脆惹味👇🏼六十年陳皮十勝紅豆沙$220，確實有遠年陳皮的香，紅豆沙也綿香不膩🫘，味道不錯，但價格實在很貴，就是有入住酒店消費額才品嚐這道甜品🤣👇🏼香芒楊枝甘露$80，味道ok，但質感偏稠，芒果粒也不多，個人喜愛尖沙咀國金軒的出品，質感清香甜滑，芒果粒份量多✨富有中國色彩的裝潢，也有金壁輝煌之氣派✨。座位之間有足夠的距離，故進食時也感安心。職員的服務到位，但尚有進步的空間

天增歲月人增壽，儂加一歲纹亦長，要選擇喜歡事去做，去想去地方就來此處。 脆皮叉燒餐包$78,餡好飽滿，漲卜卜，餡與皮不會有空位，脆皮薄，叉燒味宜，碳燒香不濃。 椒鹽豆腐，上枱已經跌眼鏡，過燶，乾，好似多士粒，豆味淡，因overcook，無豆腐肉，走否如此簡單菜式交俾徒弟做；不要浪费，食了一半，忍唔住都要反應，最後結帳，侍應自動取消。 椰皇鮑魚灌湯餃$160，有好食評所以試，餃大隻多大蝦，蝦鮮，清雞湯，用椰青燉，但無椰青水味？ 翠竹顯（改獻會開心的）金錢$280，名子特别又是廚師精選，勝瓜切成圓柱型，釀入魚肉及猪肉，每件放上咸蛋黃，波菜葉墊底，估不到份量多，賣相與名字貼切，有意境，如加幾粒杞子，會更好看（好似金魚仔游）；波菜滑香嫩不澀，豬肉魚肉扎實彈滑，咸蛋王有味不咸香些更好，勝瓜爽，整體清爽。 餐牌無蛋白杏仁茶$75,問侍應有，略甜，無我上次在香宮，即做，要等30分，又香又滑多蛋白，貴過此價，而且碗特別不同，此次都是一般水準，翻查香宮餐牌，都沒有供應該質素。 點解喜歡，整體環境，装修是我杯茶。

上次嚟香格里拉食咗日本菜，今次嚟埋佢哋中菜部飲菜。平均一樣嘅要80蚊 兩個人 4個點心加茶芥，已經五百。值唔值真係好睇個人。讚：地方舒服，闊落，除口罩食嘢好放心。燈光好，唔會太有情調又不至于好光，好坐讚：食物水準 above average 必食係雪山叉燒包！一定一定要食！除咗開果壺茶，仲俾多杯清茶開一開胃！幾細心！疫情之下其實佢哋都full 㗎！ 可能D枱隔得開，少咗枱！不過都可以估計，之前佢哋應該又係要1個月前訂位果類餐廳！

慶祝媽媽生日，特意到夏宮食午餐。一直都想試試夏宫的點心，我印象最深刻嘅是椰皇灌湯餃及鮮蝦腸粉，啖啖大隻鮮蝦肉，真係非常滿足- 其他點心都保持卓越質素，服務員態度又殷勤。5月生日又再光顧下

上次去完萬豪金殿朝聖完, 有個非常好嘅餐飲體驗, 今次去呢間同屬一星米芝蓮, 不過就有天壤之別嘅感覺👇🥢椰皇鮑魚罐湯餃 $160👍湯底有淡淡嘅椰香味, 清甜好飲, 鮑魚有湯羹般大, 新鮮彈牙, 花膠大大件, 灌湯餃亦大大隻, 餃餡足料多蝦🥢越式脆蝦腸粉 $110👎粉皮卷住蝦春巻, 粉皮唔滑及比較淋身, 蝦春卷嘅炸皮唔脆, 蝦嘅份量極之充實, 雖然有份量十足嘅蝦, 但喺食唔出蝦的鮮味, 失望之作🥢水晶蝦餃皇 $100蝦餃皮彈牙煙韌, 鮮蝦爽口彈牙, 不過就唔算juicy, 冇咩驚喜🥢帶子蝦燒賣 $100帶子鮮甜, 燒賣豬肉爽彈juicy, 不過調味略為濃, 失了鮮味🥢瑤柱小籠包 $100👎包皮乾身, 摺口嘅地方頗硬及厚身, 餡料內肉汁好少, 餡料豬肉食落乾身及唔香, 亦都唔發現有瑤柱在內, 可能係攪碎哂啩🤔🤭🥢如意髮菜海鮮餃 $78餃皮淋滑, 多餡料實泵泵, 不過饀料唔算juicy, 中規中距因為無景觀嘅原因, 所以感覺唔開揚, 但裝飾陳設確係富麗堂皇, 檯與檯隔得寬闊, 算坐得舒服, 不過唔明點解有吉位都安排我哋坐二人檯🤔, 雖然我哋真喺得兩個人🤪驚喜位就係一坐低就有杯清淡嘅玫瑰花茶

📍夏宮______旦媽媽的點心之選 ,位於港島香格里拉酒店5樓的夏宮。 如果想和親朋戚友享受一頓環境幽雅又寧靜的中餐，來夏宮吧。 蘿蔔絲酥餅考究在於酥而不膩，外酥內嫩同時保留蘿蔔之清甜濕潤並去其苦澀。夏宮廚師明顯游刃有餘！帶子燒賣，椰皇鮑魚灌湯餃理所當然是穩陣之選。灌湯餃靈魂不在於鮑魚，精華在椰皇燉湯之清甜。招牌粵式脆蝦腸粉最適合愛蝦但懶於去除蝦殼的人，每啖都是滿滿的蝦肉。軟滑腸粉，香脆春卷皮和飽滿鮮甜蝦肉，一口便能有三種質感，令人份外滿足。寫文之際，發現點心價格已作調整，可以先致電查詢不定期推出的優惠。______點心由 HKD 78 - HKD 160 不等______📍 夏宮 (金鐘)金鐘金鐘道88號太古廣場二座港島香格里拉酒店5樓

每次到年尾也要看看Shangri-La的Golden Circle會籍, 有沒有將近過期的積分, 比起其他大型連鎖酒店的Loyalty Program, 它的消費兌換積分更慷慨, 而且又可以在餐飲消費中扣除, 不似一般的只能兌換酒店住宿. 今次吃的是港島Shangri-La的夏宮, 與香宮同出一系, 但單以午市點心而言, 其表現比香宮更出色.圖一是粵式脆蝦腸粉, 其實就是腸粉內裏包着炸蝦春卷, 粉皮偏厚但不會如吃河粉般, 有米香, 就算包着炸蝦春卷也沒有油膱味, 後者在濕潤的粉皮包圍下依然保持香脆, 蝦肉爽彈夠鮮香, 是一道看以, 簡單但需要很小心處理各類食材的點心.圖二的燒賣最欣賞是其麵皮夠薄夠濕潤, 不會吃起來如吃硬塊, 麵皮濕潤但不會糊化而黏在筷子上. 圖三及四的焗雪山叉燒包外面夠酥香, 中間口感實在, 內裡半肥瘦叉燒粒和醬汁結合起來的甜鮮香味, 絕對是大人和小小朋友的最愛.圖五的避風塘炒粒粒芋頭糕的芋頭糕有什麼問題, 但以避風塘炒法處理, 其蒜香和辛香不能深入在芋頭糕中, 有點為做而做的感覺. 最後是圖六的蘿蔔絲酥餅, 用上格仔而非捲絲狀的外皮, 除了可營造出視覺效果外, 也令

朋友訂咗夏宮食午餐，要提前兩星期先有位。香格里拉既裝潢一直都好傳統地華麗, 所以夏宮既設計都好華麗宮殿feel 。一坐低有杯玫瑰花茶做welcome drink, 個樣都幾靚。午市都有幾多選擇，但因為我哋只有兩個人所以唔叫唔到幾多嘢食。最後點左三個點心，同埋兩個小菜就已經食得幾飽下。首先嚟嘅係鵝肝醬煎牛仔骨，佢本身係Signature Dishes 之一, 真係冇令人失望! 呢個真係超級值得推薦, 整個配搭都相當適宜! 鵝肝切碎晒, 融入個醬汁度, 令到整個醬都好綿好滑, 味道係少少甜, 好濃好香! 牛仔骨做得好淋, 食一啖牛仔骨既肉再搭配個醬, 真係好好食! 竹笙蛋白豆苗，呢個素食看來很清淡，都係好好食。啲竹笙好厚身，咬落去有點爽既口感; 下面嘅蛋白嘅量好多，味道有啲似平時食賽螃蟹嗰啲蛋白，好滑;  豆苗夠新鮮。呢個餸都係十分推薦!點心揀咗水晶蝦餃王，鮮蝦豆苗餃，羊肚菌上素餃。呢三個點心就正常水準發揮。期待下次試佢其他小菜!

.《夏宮》米芝蓮一星皇室氣派，中式古典美學融合，餐廳無因為經過歲月嘅洗禮而變得殘舊，金色使用比例唔會話特別多，配搭左紅木嘅裝潢令人入到去就感覺到傳統建築風格，整體感覺乾淨寬敞舒適…Set Dinner $2800@3+10% -松露醬鳳尾蝦多士…比天龍軒嘅蝦多士仲要出色，多士脆身乾爽吾食油，新鮮鳳尾蝦口感彈牙加埋松露醬增加味道層次-姬松茸黃耳燉菜膽湯…個湯係一滴油都冇野菌同金華火腿嘅味道好出菜膽完全冇渣-六十年陳皮炒金銀鮑魚…我食唔出六十年陳皮，反而好慶幸佢陳皮味唔係好出因為我唔鍾意，鮑魚軟淋-正宗杭州肉…成餐飯嘅亮點終極東坡肉，醬汁濃稠帶甜，五花肉燉煮到完全唔油膩-鮑汁鱆魚雞粒撈飯…普普通通鮑魚汁撈飯，鱆魚味吾係好覺-化皮乳豬件（另外）…一件冇脂肪嘅乳豬，皮與肉之間夾住小圓餅，係出色嘅乳豬件-香芒楊枝甘露…份量好足但芒果同柚子比過分嘅奶味搶左戲整體對得住價錢，我無上去睇嗰幅勁大嘅山水畫呀，好唔開心…

環境非常豪奢富麗，氣派堂皇，是我目前去過的中菜館之中最華麗的，難怪叫夏宮。🌸前菜送了麻油醃酸黃瓜🥒及花茶：黃瓜醃得非常好，軟淋之餘，調味把草青味完全剔除了。花茶味道香濃，這邊用的水，水質也不錯。🌸化皮乳豬件——很久沒吃過乳豬了，這邊的乳豬皮非常香脆，皮肉之間夾着高級片皮鴨才會附的厚甜麪皮，豬肉鬆軟新鮮，完美的乳豬。🌸清酒鵝肝——普通，不過清酒味濃度剛好，不會蓋過鵝肝的味道。🌸菠蘿咕嚕肉——要試廚師手藝，必試咕嚕肉。可惜這碟完全不合格：醬汁太酸而涸喉、咕嚕肉皮太厚且煮過火了，都炸燶了，伴炒的菜又煮得不夠，太硬，碟上僅有的兩塊菠蘿也不太新鮮。🌸「廚師精選」的米湯勝瓜浸花甲——身為主角的花甲既腥且韌，伴菜的節瓜煮得還好，但紅蘿蔔竟然是生的。🌸「廚師精選」的梅辣醬蒸原條沙巴龍躉斑——龍躉非常新鮮，蒸的時間剛好，肉質鮮美，嫩而多汁，梅辣醬出奇地完全不會蓋過魚的鮮味，不過服務員去骨有點不夠仔細，而且友人跟個人都認為，這條龍躉還是清蒸更好，不需太多花巧。🌸「廚師精選」的豉椒羅勒炒蟶子——蟶子非常新鮮，炒得也非常好，軟淋沒有腥味，調味也洽到好處，是我吃過最完美的炒蟶子。🌸甜品：六十年陳皮紅豆沙——之前