夏娃 (已結業)

食物好好味，色香味俱全，環境好！是北角中的德國及西班牙餐好選擇！曾經在灣仔兩間不同的餐廳食，但這間餐廳毫不遜色，有的食品但價格合理近乎抵食。所以值得大家一試！！！

今晚試一試這一家位於北角和炮台山之間的餐廳，因為一個人，所以都爭扎了一陣究竟叫意粉好定係德國豬手好，因為如果兩樣都叫晒就一定食唔晒，但係佢嘅價錢又真係唔貴，所以有一下真係想叫晒兩樣，食唔晒就算數，不過最後都係天使打低魔鬼，只叫了一樣，就係有少少辣的海鮮意粉。話明係海鮮意粉，佢D海觧都非常OK，有大蝦、蜆、青口同埋魷魚，我自己覺得D海鮮都算新鮮，同埋我都鍾意佢個意粉汁，再加埋少少香草，同D海鮮好夾，好味。另外叫了一杯麥啤，呢個牌子出面少見D，麥味好香，都算易入口，大熱天時飲返杯冰凍啤酒本身就已經係無敵。

北角食晚餐有乜好選擇？朋友二話不說就介紹我去試下呢一間。二個人去食，叫了德國香腸拼盤同埋德國豬手兩樣野，我朋友飲可樂，而我自己就叫了一杯無酒精啤酒試下，心入面其實諗緊如果叫得做無酒精，咁呢杯野仲係唔係啤酒呢？不過個樣真係呃到人，如果唔講真係唔會知呢杯係假啤酒，下次約朋友黎劈酒先。香腸拼盤入面，兩款細條的都好味，另外的長條維也納腸都好食。我自己覺得佢個豬手最好食，皮夠脆，肉夠嫩，配埋個蜜糖芥辣真係無敵。埋單每人唔洗$200，真心抵。

長假期一定要有個好開始。 周圍去， 和富中心對面有好多食肆仔， 今次就揀咗間類似西式嘅酒吧lunch。 因為疫情依然， 限聚令都只係最多四個人食飯， 今日雖然係weekday， 但係係公眾假期， 所以店舖內 唔多人， 不用排隊。磨菇忌廉湯有很多碎蘑菇肉， 雖然個湯稀咗啲， 但係啲蘑菇水好有咬口。 烤德國春雞， 夠熱夠汁夠嫩滑， 味道可以。 德國豬仔髀雖然得一嚿， 但很入味及軟熟。 黑松露意大利飯不是太硬， 食咯有咬口， 適合香港人口味！ 因為真正傳統的意大利飯是緊緊熟， 很硬的， 香港人會覺得生米。 雖然係酒吧格局， 但係非酒精類飲品都好多選擇！ 博士茶及石榴汁都ok。咁嘅價錢， 午餐絕對超抵食！

突然好想食德國豬手，又咁啱行經北角見到呢間餐廳，就入去一試。翻看餐牌既時候，見到有個2人晚餐set，有湯、沙律、德國豬手、帶子海鮮意粉、甜品及餐飲，成為$399，都算幾抵，所以唔算點諗野既情況下點了呢個set，貪心的我又想食腸仔，所以再單點一個。另外，男友叫咗生啤，話咁先至係食緊德國菜😝食到真係捧住個肚走！細食既朋友，呢個2人餐可以3個人食都絕對冇問題。如果係東區想食吓德國野，呢間都係可以一試的。

見到佢出咗個幫襯滿$500，可以加$3就多一個豬手的優惠，於是決定去試吓。原來佢d野偏平，3個人去，要飲埋啤酒先至夠$500(因為要留返個肚食豬手🤣)，我地叫咗炸蠔、西班牙海鮮飯，再加上每人一杯啤酒。先講啤酒，佢地嘅主打啤酒喺出面似乎比較少見，佢隻生啤好爽好好味，隻麥啤(深啡色樽)好香麥味，另外我哋仲要咗個無酒精啤酒，口感真係好似啤酒，幾有趣。到d野食，西班牙海鮮飯好食，魷魚、蝦同帶子都唔係用淨係得雪味嗰啲下價貨，個汁都好好，乾身得黎少少濕，啱啱好。至於個$3豬手都竟然無欺場，好大件，皮夠脆，肉又唔太乾，真係好食。一定會再黎支持。

took too long for food to come during lunch hour; sauce for the spaghetti is too watery; paid and got the wrong change, went back to ask for the right change, but the guy insists that he gave the right change and someone else must have taken the missing 20 bux, so ended up leaving the restaurant with 20 bux tips forced to be given.

今日去左食午餐，叫左燒春雞Risotto。等左20分鐘食物終於嚟，有半隻燒春雞，外相唔錯。但金玉其外 敗絮其中，春雞雖然唔dry但冇味道，好明顯冇調味好。Risotto好濕，唔知以為食緊湯飯😪飯仲要好軟唔夠硬，Risotto 唔合格! 午餐有飲品，但Iced black coffee要加$12，有啲貴。Overall 食物外相幾好但真係唔好食，所以下次不了。最後佢找少錢俾同行朋友，朋友之後發現問返收銀，收銀態度差。服務態度加上食物質數，呢間餐廳真係可一不可再🤭

餐廳位於北角和富道，個名都幾有趣，叫「夏娃」🙈環境相當闊落，坐得幾舒服，可以散叫Menu或者叫Jumbo，3-4個人share食都夠飽－－－－－－1. 西班牙風乾火腿配哈密瓜田園沙律 4/5田園沙律味道清新爽口🤤鹹香的西班牙風乾火腿加上黑醋再配爽甜味哈蜜瓜，很開胃2. 德國鹹豬手配蕃薯條鹹豬手上菜前已幫客人切好，十分貼心🥰豬手焗得皮脆肉嫩，唔會好咸，已伴碟炸番薯條亦炸得香脆，唔夠分🤤3. 波士頓龍蝦配西班牙海鮮炒飯 4.2/5原隻波士頓龍蝦係道菜既精髓所在🤣龍蝦有牛油香氣，啖啖肉，而炒飯吸哂龍蝦汁，非常香濃，好好食🤤

尋晚同友人飯聚，由我推薦食咩好西，呢間'夏娃'餐廳我想試好耐但一直未有機會，友人去開果頭就梗係一齊黎試下啦！'夏娃'响北角和富道，同一條街有鍋心，呢間鍋心我食過好多次，即係原來我經過呢間'夏娃'好多次，但我一直都吾知原來我想試果間餐廳就係佢！😆之前睇過好過食評都話抵食，睇左Menu的確係大部分都價錢相宜，意大利飯同意炒嘅主食大約$80至$120左右，而小食類都係幾十蚊貨仔，飲品都只係十幾蚊廿幾蚊咁，CP值都幾高！👍我地兩條友吾係嗌好多野，我叫左個帶子南瓜湯，個湯帶有少少南瓜蓉好好飲，入面仲有粒幾厚實嘅帶子，都只係$20咋，吾叫點得🤗。友人想飲黑松露 蘑菇湯，但果日無所以佢無得飲🤣🤣。主菜我揀左燒豬脾意大利飯，個飯正常質素好好食，豬脾啖啖肉又夠林，飯嘅份量好夠。友人叫了煙三文魚卡邦尼意粉，個意粉夠晒多汁要加分，配煙三文魚無得輸，亦吾會係細細碟吾夠食果種。我地再加左個炸水牛芝士沙律同兩杯石榴汁，個沙律無話有咩特別，但水牛芝士炸得香口，配上清甜蕃茄，好fresh！石榴汁都幾驚喜，夠甜但吾會係加糖水果種甜，友人都話好好飲！😋整體黎講，呢間餐廳無令我失望，下次再黎試下佢個燒豬手！😎

未去之前其實已經做好曬功課，包括OR呢度同埋FB都有加左，一路都有留意住呢間餐廳，終於有機會去食，非常開心！以裝飾睇，佢好似行工業風，簡單裝潢，牆上酒樽，水泥鋪嘅牆身同地下，加埋金屬英國旗嘅櫈，真係好有味道，唯獨是近門口嘅幾張枱稍為比外面招牌大燈射到正，有少少唔舒服。。。黑松露磨菇忌廉湯 $ 18雖然有做功課，但係再睇到呢個價錢我都呆左一下，因為佢出品係高級西餐嘅帽型湯碗，而湯色係灰色，真正磨菇湯色，加上居然仲有黑松露醬比你，飲落仲有幾粒好爽彈嘅菇粒，我估係雞脾菇造成嘅口感，一流海鮮龍蝦湯 $ 20顏色好靚，飲落足料，雖然都知道大部分龍蝦湯都係以蝦殼打成，不過依然係好好飲，唔會好濃又唔會好淡，仲有細細粒海鮮係入面咬下煙三文魚凱撒沙律 $ 58呢個沙律三文魚超多，醬汁足夠，好好味，煙肉係一絲絲炒香左嘅煙肉絲，唔係平時現成或者烘到乾晒深啡色嘅煙肉碎，我好鍾意呢個沙律脆炸蟹鉗 $ 35蟹鉗賣相吸引，價錢吸引，味道中上，不過外皮硬少少，內裏都有少少硬，唔夠彈日式唐揚雞粒 $ 42呢個雞粒好大件，而且炸得多汁脆口，抵食碳燒珍寶原條鰻魚飯(10吋) $ 108鰻魚肉比較淋但滑，飯嘅量多左啲，另外個

今晚同老公試下呢間，星期六晚7點，有訂位見店內都有點full, 入到去都有少少bar既感覺比佢既二人餐吸引住388 set for 2, 有最想食既豬手同龍蝦汁海鮮意粉，一於叫先~頭盤係煙三文魚沙律，兩份一碟上，有兩塊都大既三文魚連菜，份量都充足。個汁係芝麻醬，佢落唔多都係圍住個碟邊，唔會好傑咁。餐湯係薯仔粟米忌廉湯，飲得出係自家製有薯粒 口感幾好，又唔鹹。跟住到主菜喇先黎既係龍蝦汁帶子海鮮意粉。帶子煎得香，半生熟，但得三粒。其餘海鮮係tiny size既魷魚仔居多，個汁調得幾好味，size初時覺得細，但黎埋豬手就覺得岩岩好。主角出場上碟時感覺份量都好足，食落去唔鹹，易入口，大部分皮都好脆，部分就有點硬。肉質唔乾，真係好唔錯有點可惜係個甜品窩夫…店員特意話係即做所以要等，結果等完個窩夫係微暖，仲要係硬的呢樣要扣點分…不過整體而言，以佢既價錢同食物質素，絕對合理

My bestie brought me to try the dinner at this place. First we ordered the Deep fried mozzarella cheese stick with tomato sauce, the hot cheese sticks were melting cheesy inside, they are so irresistible.For Salad we chose the Black truffle sautéed mushroom with balsamic sauce, the mushroom was juicy and flavourful with the balsamic, the salad green and cherry tomato at the bottom were also fresh as well.We also picked the Deep fried seafood platter, which included crab claws, potato shrimps, cr

一直都唔知原來北角都有間咁有水準嘅德國餐廳，位置近和富中心附近，今日有朋友生日特意到來慶祝食飯🥳🥳。選了4人餐，拼盤，沙律，餐湯，2個主菜，甜品及餐茶，都係$688，好抵喎😊😊香腸拼盤~3款都唔太咸的脆皮腸，中規中矩餐湯~紅蘿蔔薯仔湯，有強烈姜味👍Ham哈密瓜~味道清新，蜜瓜好甜豬手薯條~豬手肉質juicy,外皮好脆😋😋龍蝦西班牙炒飯~原隻龍蝦好好肉，好新鮮，可惜d飯好油😅😅雪糕逍窩夫~窩夫唔夠鬆化，雪糕普通😐整體質素ok,抵食，但全晚只有2個待應，服務有點亂。

和富道真係好多食肆，如果無做好功課，真係會花多眼亂，因為之前同朋友食過覺得唔錯，所以今次帶阿媽嚟撐枱腳，其實係我好想試咸豬手🔘蒜蓉包 $10⭐️包太薄又焗得太耐，無口感一味死脆，蒜蓉包無蒜蓉，唔好食！🔘黑松露蘑菇忌廉湯 $18⭐️⭐️⭐️⭐️好多蘑菇粒粒，松露味又香濃，好味，一碗湯份量都唔算少。🔘意大利牛肝菌雲吞伴黑松露忌廉汁 $88⭐️⭐️⭐️⭐️唔太食得出牛肝菌味道，但雲吞口感一流，松露忌廉汁唔會太杰身，可以令你一口接一口咁食，所以勁推介呢個雲吞！🔘脆皮德國咸豬手伴酸椰菜、脆薯角$168⭐️⭐️⭐️⭐️見食評勁讃，所以叫咗一隻，份量真係唔少，而且肉唔乾唔韌好juicy，皮仲非常香脆可口，配菜方面，酸菜做得唔錯，味道帶少酸，同我響德國食過嘅相約，食完幾開胃，而薯角就響我哋食完半隻豬手先嚟，所以完全無胃口試！二人共消費：$295(溫馨提示：滿$300先可用信用卡)