壽司郎 (啟田商場)

營業中

休息中

今晚食完飯，個肚仲餓餓地，8:30pm去到藍田排壽司郎，出奇地等咗10分鐘就有位。可能就收舖嘅關係啦，店員話咗俾我哋知last order係9:15pm，仲有半個鐘可以叫嚟食，夠晒時間啦。數一數張印花咭，今次已經係第18次食壽司郎啦，店內環境一貫嘅乾淨，店員服務有禮。入座前會提供濕紙巾同膠袋俾你裝口罩，入座後店員都會細心咁問你之前有冇嚟過壽司郎啊？ 有咩需要可以搵店員。張枱旁邊有熱水出水口，餐具都放咗喺座位旁邊，可以自己拎黎用。我好鍾意飲佢嘅綠茶，食每款壽司之前可以清一清喉嚨。壽司郎每個月都有唔同嘅新推介，真心覺得好正，但因為食飽咗嘅關係，所以我揀咗幾款最鍾意嘅黎食。呢款特盛甜蝦好正呀，$12咋，我揭起數一數，總共有8隻甜蝦，真係好crazy😋😋😋，加埋紫蘇葉一齊食，甜蝦鮮甜，紫蘇葉清新好正呀！蔥花吞拿魚軍艦一向都係我嘅至愛，而家出左期間限定特盛蔥花吞拿魚軍艦，個份量加碼大左，食落去吞拿魚茸勁多，喺口入邊實在有難以形容嘅感動。😍😍😍呢個中吞拿魚魚腩配醬漬海膽，$17!! 上面嘅海膽又大份又完整，食落去充滿甘甜，加上吞拿魚魚腩鮮甜嘅配搭，實在性價比超高呀！最後要推介俾大家嘅，就係呢個「

今日生日，咁就去食壽司郎。上年生日食唔成，今年點都要食返一餐㗎！對呢間野真係又愛又恨，排隊一定係排到懷疑人生，但性價比又高過其他人。d野又新鮮。呢間分店唔係第一次幫襯，上次同樣11:30左右離到啟田商場。上次係排隊等人帶位同埋填資料。上次來又係慶祝嘅（慶祝考到車牌）！今次成個世界唔同曬，要等成一百八十幾張枱！今日幾耐都要等！我見時間都有好多，於是返咗觀塘整啲嘢先！整完返嚟就差唔多啦！終於到我啦！前後大約等咗150分鐘啦！等得最耐就係今次啦食物質素方便係咁多間分店來講，算係中上級。除咗海膽唔新鮮之外，海膽有啲苦，相信同季節有關，大部份我都覺得滿意嘅！都係新鮮嘅！環境衛生方便都算乾淨嘅！同埋呢個價錢係識得飽嘅。飯嘅溫度都係適中嘅！至於服務方面就，都冇問題嘅，有一份壽司嚟到，我並唔係太過滿意，佢哋都馬上換過一碟給我！亦有禮貌去講解怎樣操作怎樣點餐，亦會簡單介紹新產品，就與日本壽司郎嘅服務態度距離拉得非常接近！這個是極滿意的！

每次響社交平台睇到壽司郎既宣傳都會令人期待，因為壽司郎每月都會推出特別餐單，而同時又會積極研究將受歡迎既特別菜式轉換成常規餐單去滿足大家既訴求，呢點係小編好欣賞既地方。今次二刷再次黎到藍田既壽司郎，響平日星期五既情況下，人數還比之前光顧個次為多! 10:45到達取票後，雖然只係40個號碼既籌但等候時間就需要1小時喇! 不過都理解既，因為壽司郎10:30開門，而每位顧客既用餐時間為1小時，所以小編點都要等候第1批客人用餐完畢先有位坐。入返正題，今次既二刷最主要係為左壽司郎2周年而推出既特別壽司，當中包括小編最鍾意既海鰻 (仲要寫到係梳乎里海鰻，唔通係甜既!? 響度留返個關子先)。下文都解說下小編享用既壽司同感覺，希望食評出左後大家都可以有機會試到啦!1) 日本產烤牛肉海膽 ($27)：大家都可能會問，海膽同牛肉既味道可以夾到咩? 小編食完既感覺係... 都算夾到既，不過食出黎總係會覺得分開食會更加有價值，而烤牛肉因為製成壽司關係，所以唔會整得太熟，但小編個舊食到有筋腱就令觀感上大打折扣喇。2) 特盛甜蝦 ($12)：睇到張相個陣都諗，平時甜蝦都係2件加埋大約4條左右，究竟特盛有幾多呢?

老實講，壽司郎呢間嘢出名就係人都知，但我自己係第一次都食，第一次仲要叫外賣返嚟，我覺得味道好似冇啲人講得咁好食，唔知係咪有外賣送嘅時間關係影響咗壽司嘅鮮味同埋味道下次要去鋪頭食，試真啲先

呢間壽司舖由朝到晚都長期有勁多人喺出邊排隊。如果想食嘅話，無論你咩時段，平日或假日，都要等起碼兩小時排隊。由開業到而家，都係咁多人，一直想試但係都等唔到少人嘅日子。今日就同朋友癲一癲，一於喺出邊等兩個鐘！藍田呢間壽司舖原來入邊都幾闊，侍應嘅態度亦都唔錯。叫飛嘅時候，侍應係會話〝唔好意思要你久等，請問有無xxx號飛〞。呢個細節位都比較少見。我會覺得呢一小小嘅細節位會令到我哋喺出邊等緊嘅時候亦都冇咁燥底，亦會開心好多。喺出邊等咗兩個鐘超肚餓，我哋一入到去就叫咗超多嘢食。整體來講佢啲嘢食都係唔錯嘅，性價比都好高，甚至有啲我係好少見。我覺得好好食嘅有茶碗蒸啦，北海道產特大帆立貝，蝦三味，特選吞拿魚腩。呢d 都係超好食。

⋆⁺₊⋆.壽司郎 sᴜsʜɪʀᴏ....壽司郎特製盛合 - 一人前/ $88 / 🥨🥨🥨🥨個人好鍾意燒熟左嘅壽司ㅋㅋ然後呢個set就非常之可以滿足到我ㅎ唔同類型嘅壽司都幾乎有一件～基本上食一個一人前都夠飽(ง'̀-'́)ง.超值三文魚盛合 - 一人前 / $88 / 🥨🥨🥨呢個set就非常之適合鍾意食三文魚嘅人ㅋㅋㅋ因為全～部～都係三文魚😹😹 有燒嘅/煙燻/三文魚腩/厚切三文魚/軍艦.超值三文魚盛合 - 二人前/ $176 / 🥨🥨🥨係一人前嘅延續版本😹😹😹因為咁多件都係三文魚（食完之後短期內唔想食三文魚ㅋㅋ.卡達拉娜/ $22 / 🥨🥨🥨🥨同傳統嘅Catalana唔太相同！不過佢呢個甜度適中～口感有啲似雪糕(•̀ᴗ•́)و食落有好濃厚嘅蛋味～值得一試［滿分5個🥨］...⌫ 壽司郎 (藍田)藍田啓田道50號啓田商場2樓208號舖.#藍田咔嚓

老家附近開咗壽司郎 ,門口總係排每滿人! 一直都想同老婆嚟食, 趁今日放假, 終於的起心肝去排隊!等咗差唔多個半鐘!終於到我哋啦! 服務就真係冇得彈嘅!店員小妹都非常有禮貌 ,自已用電腦下單後食物轉眼間就送上嚟啦 !食物有貴有平。最平紅色碟嘅12蚊,最貴嘅黑色碟27蚊一碟! 12蚊既都有好多選擇 !我最鍾意就係呢度啲藍鯨吞拿魚, 蟹膏軍艦, 蝦三點壽司, 同埋三文魚刺身都非常推介! 兩個人埋單二百五蚊有找,好抵食, 雖然係等得耐,但都值得嘅

每次經過壽司郎，長長嘅人龍都叫我卻步，但我又好想試下究竟呢間過江龍嘅魔力係邊，於是係放假嘅平日，一早嘅十點半就到達，好好彩咁唔使排隊就可以入去啦🙆🏻‍♀️，而且仲可以坐卡位，場內好闊落，環境算乾淨🙂入到去職員會比濕紙巾同埋口罩袋你，非常貼心，而且服務態度好好，枱上有酸薑，甜豉油，壽司豉油同埋柚子醋，我比較鍾意柚子醋，用嚟點天婦羅味道好正🤓👍🏻📍壽司郎嘅炸物真係唔錯，天婦羅新鮮炸起，食落香脆可口，連帶壽司嘅炸物都做得唔錯，但有時啲壽司個樣整得係衰啲🤪，例如炸蝦天婦羅壽司，但味道係唔錯嘅📍火炙三文魚壽司三文魚算厚身，味道不同在於佢哋嘅醬汁，今次就試咗幾款📍松葉蟹軍艦蟹肉蟹膏味道鮮甜，值得一試😙👎🏻📍拉麵真係唔使叫，味道係超鹹📍藍田分店嘅弊病都係壽司飯太過黏，壽司飯握得唔太實，所以出現飯粒痴碟同埋一夾就散嘅情況🙅🏻‍♀️🏦是次消費總額 $297（人均消費 $99） 🍴須加一服務費👅好味度：8（10分滿分）對於今次喺壽司郎嘅體驗係好嘅，重點係唔使排隊就入到嚟，如果要排隊我諗我唔會嚟🤪，員工服務好好，講解好清楚，壽司價錢唔貴，味道可接受，會返嚟再幫襯，重點係唔使排隊🤣🤣

無得返鄉下🏯食壽司🥲，好彩有壽司郎喺香港開左好多分店，可以解一解鄉愁😋。壽司郎間間分店都好多人排隊，今次去探親戚順便可以食壽司郎😍!!!今期有軟殼蟹同特大帆立貝，我同媽媽至愛呀❤!!!每月有新款～大埔都開左喇👍🏻Tablet落單，簡單又方便～🦀軟殼蟹壽司🤩🤩期待已久!!! 炸得金黃，入口酥脆，配上蟹籽，多重口感😋🍣特大帆立貝😍帶子好大粒，大到好似一張棉胎甘，啲飯都睇唔到🤣，入口鮮甜，肉質細緻💗🔹️和歌山釜揚銀魚仔軍艦🔹️銀魚仔加上少少薑蓉，入口都清新，但比較普通～🔸️富山產炸玻璃蝦🔸️玻璃蝦唔算太迷你，蝦殼軟身，可以連殼食～如果提供醬汁，例如: 檸檬/沙律醬，會更加正😊💓明太子溫泉蛋拌烏冬配珍寶魷魚🦑💓CP值好高，集齊哂我喜愛嘅元素!!! 拌勻後，明太子微微嘅辛辣，配上被溫泉蛋滋潤過嘅烏冬烏冬，好正呀😋😋😋!!!💗白桃芭菲💗白桃甜美，以佢嘅價錢，當然不能要求是新鮮白桃~仲有桃味雪芭同牛奶雪糕👍🏻，呢個甜品真心唔錯!!!🔹️濃厚芝士味卡達拉娜🔹️用上北海道牛奶同忌廉芝士，味道濃郁🤤，面層焦糖香脆，推介👍🏻👍🏻👍🏻總結黎講，壽司郎CP值高，大推🆙️!!! 但排隊等位真係好耐，希望開多啲分店!!!

今日過開嚟藍田所以就去壽司郎食而家首先我都開咗好多間分店但次次都好多人排隊所以冇食過今次去壽司郎就叫咗啲甜品分別叫咗個牛奶燉蛋、芝士蛋糕同埋有個哈密瓜甜品味道都唔錯下次可以再試吓其他甜品整體評分：4/5味道：4/5抵食：4/5

朱古力香莓芭菲 $32上面放左舊brownie 同埋啲乾雜莓及雪糕，brownie 同雪糕夾住食都吾錯，單食有啲膩，雜莓粒偏酸，下層係朱古力忌廉同啲粟米脆片，朱古力忌廉偏甜，上層比較好食 6.7/10炸蝦天婦羅拼盤 $27有炸蝦、炸冬菇、炸南瓜同炸紫蘇葉，估吾到炸物幾好食，即叫即炸，外皮香炸，我覺得炸南瓜好食 7.0/10卡達拉娜 $22食落好似焦糖燉蛋的雪糕，口感creamy，入口即溶，表面的焦糖脆面都好食，係壽司郎最好食既甜品 7.5/10蟹膏軍艦 $12蟹膏醬吾會好鹹，加埋青瓜一齊食，會無禁膩，呢個價錢食到蟹膏，CP值好高 7.0/10鰻魚海苔包 $12飯上面有好多鰻魚粒同蔥粒，味道同普通鰻魚壽司一樣，無咩特別，我覺得原條鰻魚好食啲 6.9/10壽喜燒牛排壽司 $12壽喜汁味都出，牛排薄身，無咩牛味，但整體都好味 6.9/10蜜糖蕃薯條 $12蕃薯條係凍身，食落偏硬，蜜糖汁淋左係面，味道正常 6.8/10燒牛舌壽司 $12牛舌超軟身，但無咩牛味，口感太淋，所以個人吾太中意 6.5/10

趁放假， 10:30鐘就嚟食壽司郎。果然冇乜人，唔使點排隊。因為一個人嚟食，其實食唔到好多嘢。參考上次吞拿魚的經驗，所以除咗吞拿魚之外其他都係我嘅心水範圍。小肌魚及池魚都係性價比之選。$12一碟真係抵食夾大件。其他壽司也比城中一些連鎖店出色。海膽係智利海膽，所以也是不過不失啦。結尾來過熱辣辣嘅竹荀茶碗蒸，簡直係完美。

今日係星期六都預咗多人，所以一早11點45分去攞飛，已經要等200張枱，之後就返屋企坐，再喺YouTube睇住直播，仲有50張枱就出門口，最後2點45分，即係足足等咗3個鐘終於俾我食到啦可能等得太耐，點咗超級多野食，我就重點講下我最推介嘅食物吞拿魚腩，呢個唔洗講，$12實在太抵，必嗌，不過都食到有筋呢個係期間限定嘅特盛帆立貝，雖然帆立貝嘅size係S size，但有足足4塊！好滿足！呢隻海膽唔記得叫咩名，但極鮮甜，相比另一款一碟兩件嘅海膽壽司(嗰隻啲海膽係苦嘅)，所以一定要叫呢款海膽！左口魚邊，魚油香，推介卡達拉娜係必食嘅甜品，口感係比較實身嘅Creme brûlée，上面加一層膽焦糖最後宇治金時芭菲，牛奶雪糕好滑，紅豆都好大粒好甜，麻薯煙韌，但綠茶味欠奉，墊底嘅粟米片同抹茶味cream唔係好夾，淨係嗌牛奶雪糕性價比會高好多

環境好企理，但食物質素監控卻比較差。食過四-五間壽司郎，呢間可以話係最差。輸送帶上面啲壽司真係慘不忍睹。轉咗幾個圈都無職員處理，都幾有礙觀瞻。唔係一件半件，而係起碼有三四件。除咗賣相之外，部份食物質素都好有改善空間/比其他分店失色:海膽都幾難食。好苦。不過呢個可以理解，$17碟海膽都預咗。炸物: 基本上每間分店都係即叫即炸，之前試過幾間水準都唔錯。今次叫咗一round，全部野都炸到over晒。油甘魚: 其他分店好靚仔，每次食幾碟，但呢間好削，完全無令人叫的衝動。希望之後會做返好啲，同其他分店水準睇齊。

前幾日去藍田嗰個壽司郎,等位等咗好耐,入到去座位寬敞,點咗幾種唔同嘅嘢食,首先炸蝦天婦羅,虾細細隻,天婦羅粉包着香脆的虾,虾咬落去很彈牙,加埋天婦羅豉油,味道非常合拍,吃完一碟又一碟,大家可以去試下！