42
12
3
港鐵藍田站 A 出口, 步行約4分鐘 繼續閱讀
所有分店 (16)
電話號碼
25250568
附加資料
不能使用EPS和Tap&Go作為付款方式。
營業時間
今日營業
10:30 - 22:30
星期一至日
10:30 - 22:30
*最後落單時間: 22:00
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay
以上資料只供參考, 請與餐廳確認詳情
食評 (79)
等級4 2022-06-16
635 瀏覽
呢度既壽司款式比我想像中多, 仲會定期出唔同既限定款, 最驚喜既除左壽司, 連甜品都唔錯😍 同其他壽司店一樣都係係Tablet自助度落單, 再用輸送帶運去你張枱度☺️ 呢度主要分$12/ $17/ $22/ $27 四個價錢既壽司, 另外仲有唔同既小食, 甜品, 飲品🍣 今次我地都叫得算幾多野, 叫左咁多野食完出黎既價錢仲要比想像中平添👍🏽 呢度既staff係超勁, 如果第一次黎既話係會好認真咁講解好多野, 不過因為朋友黎過所以我地就skip左呢part😂🎏期間限定🎏鮑魚壽司🍣($27)一蒸一生既配搭, 結果係麻麻地, 有啲過韌同埋攞黎做壽司有啲怪🤭灸燒赤鯥🐟($17)微微燒過既赤鯥魚都係有啲腥, 對腥味超敏感既我絕對係唔鐘意😨白桃味芭菲🍑($32)牛奶味香濃又滑溜既新地配上桃味雪芭, 香甜既桃肉, 同埋底部既蛋糕, 鐘意食桃既人一定唔可以錯過😍📌恆常款式📌長鰭吞拿魚🐟($12)比起普通吞拿魚佢既質感好稔身, 食落都幾新鮮, 呢個價錢抵呀🤩鮮蝦天婦羅🍤($12)炸到脆卜卜, 蝦肉彈牙☺️蟹膏軍艦🦀️($12)呢個配搭係我黎講好新穎, 蟹膏一啲都唔腥得黎味道又幾濃, 配埋紫菜,青瓜, 飯係幾出色既, 仲要呢個價錢食到蟹膏都幾抵😄芥末八爪魚軍艦🐙($12)基本上去到邊我都會叫呢個, 呢度既wasbai 食落唔夠衝擊, 同埋八爪魚再豐滿啲會更好😅南瓜天婦羅🎃($12)4塊炸粉勁薄又脆卜卜既香甜既南瓜天婦羅真係好正, 太好食既關係我地最後叫左兩份🤣芝麻漬海鮮紫蘇包 ($12)滿滿既魚籽舖左係壽司上面, 食落好新鮮完全冇腥味, 紫蘇葉令到成件事更加清新🍃鱈魚白子軍艦 🤍($17)白色既部分好似個腦咁, 食落口感幾得意又唔腥, 上面既橙色啫喱酸酸地, 成個配搭幾有趣🤔油甘魚🐟($17)呢個都係新鮮, 配埋我最愛既柚子醬油簡直係一流😚蝦三味🦐($17)全場最抵食既一款, $17食到三隻玻璃蝦, 仲要幾鮮甜, 食完真係會好滿足🥰炸雞軟骨🍗($17)呢個我覺得正常發揮, 冇咩太特別😅三文魚牛油果卷🥑($22)呢個基本上係冇得輸既配搭, 不過就細件左啲🙃醬烤日本產帆立貝🍣($22)帆立貝幾厚身, 食有微微火灸既香味, 好食🥰卡達拉娜🧈($22)呢款源自西班牙既甜品個味道好似食緊焦糖燉蛋咁, 厚實既奶凍上面舖左一層薄薄既焦糖, 真係一試難忘, 終於明白點解朋友會極力推介🤩入口即溶宇治抹茶蛋糕🍵 ($22)入口即融既口感就冇, 不過佢都係一件抹茶味濃又勁鬆軟既蛋糕, 再配埋綿滑輕盈既忌廉係勁正😍極上海膽海苔包🍙($27)海膽好creamy一啲都唔腥, 配埋紫菜同細舊飯, 呢個價錢食到呢個質素, 絕對值得一試🥳鯛魚湯蜆肉拉麵🍜($32)三粒連殼既蜆肉食落正常, 鯛魚湯好清甜, 拉麵幾彈牙, 仲有少量既海帶, 比想像中出色😚雖然等兩個鐘係有啲耐, 但係佢既質素絕對冇令我失望, 最有驚喜既居然係甜品😂 如果唔洗排咁長龍我諗我都成日食😎 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-18
506 瀏覽
今期嘅賣點係「三貫盛」,意思係一碟可以試三款唔同壽司😍 但啲款都係常規menu有,所以唔係話特別驚喜🙈 軍艦三味 $17(葱花吞拿魚軍艦•飛魚子軍艦•甜蝦軍艦)甜蝦軍艦好食😋甜蝦鮮甜彈牙,而且份量唔少;葱花吞拿魚軍艦一向都會嗌,吞拿魚蓉打得好細,如果有啲吞拿魚粒咬下更好;飛魚子軍艦有青瓜平衡味道,飛魚子爽脆,一咬落去成口都卜卜聲🙈。美中不足係紫菜上枱嘅時候已經係淋嘅。貝三味 $17(赤貝•海螺•北寄貝)三種貝都有鮮味有咬口,正常發揮。日本真鱸 $12完!全!比!紫!蘇!搶!哂!味!食呢件嘅時候都有少少嬲😂明明真鱸口感好好,再咬第二下已經完全食唔到魚味,一路食到尾都係得返紫蘇味🥺擬目烏賊 $17烏賊好厚,彈牙有咬口,但同平時魷魚/烏賊分別不大。炙燒太刀魚 $22太刀魚炙燒後超重油香味,可惜燒得有啲乾,同埋有魚皮,所以有啲韌。炸水牛芝士 $22本次最期待款式! Mozzarella上枱已經係暖暖地唔熱,用上天婦羅炸皮,配上(自己mix出黎嘅)綠茶鹽都幾好食。我自己就prefer美式脆炸皮多啲😋 繼續閱讀
(以上食評乃用戶個人意見 , 並不代表OpenRice之觀點。)
等級4 2022-07-29
0 瀏覽
每次壽司郎有每月新推介 都會嚟捧吓場😉 由於呢排工作有啲忙 呢次個食評有少少時差🤣 但都俾大家做個參考 首先講吓每次嚟都會嗌嘅食物炸蝦牛油果卷$12來講真係好抵食 因為牛油果卷好大件😋 蝦肉好彈牙 而且牛油果絕對唔係好細粒嗰種鹽味牛排呢個同壽喜燒牛扒一樣 由於係放喺壽司上面 所以件牛係凍嘅🐮 鹽味牛排就係簡單用鹽來做調味 簡簡單單都幾好食蟹柳沙律醬呢個其實主要係食邪惡嘅沙律醬🫢 配埋一隻手指咁粗嘅蟹柳炙燒芝士三文魚呢碟真係每一次嚟都會叫 因為邪惡嘅芝士配三文魚好夾😌赤烏賊雙味分別係生同炙燒 覺得一碟有兩款口味都唔錯🦑櫻花蝦銀魚仔 軍艦雙味呢碟真係認真唔推介😐 雖然佢廣告話呢兩種食物都好高鈣質 但係坦白講大把食物都有鈣質㗎啦😵‍💫 呢兩件壽司係完全冇味 銀魚仔面有少少薑絲 所以其實只係食到薑味😞北海道野菜可樂餅外面都炸幾脆 入面就真係普通可樂餅咁嘅樣囉😅 又冇話好特別推介呢樣大人的焦糖慕絲撻呢個係佢大推嘅焦糖蛋糕 其實食落味道唔差 但係點解叫做大人的呢 就係因為佢嘅味道偏苦 可能小朋友冇咁鍾意食😙由於壽司郎越開越多分店 但係每一間分店依然係咁受歡迎 所以已經越來越少食佢啦🥲 仲要佢啲每月推介每況愈下 如果下次有再吸引啲嘅先再食啦 繼續閱讀
(以上食評乃用戶個人意見 , 並不代表OpenRice之觀點。)
每況愈下既壽司郎🥹🍣雖然無幾耐之前食過覺得水準下跌,但因為搵唔到其他替代品同見到又出左新系列,所以又忍唔住再食多次,但好可惜今次都同樣係麻麻地,下面主要會介紹熟食系列既壽司~🧡鰻魚三味(蒲燒/白燒/山椒)$27呢款鰻魚三位既鰻魚細過平時單件叫既鰻魚好多,食起上黎都無平時食開咁肥美。蒲燒就平時嗰隻味啦,唔特別講啦~白燒就真係顧名思義就咁燒,無咩特別調味味,鰻魚味會相對上出,但個人麻麻地鰻魚本身既味山椒反而有驚喜,本身山椒除左辣之外都有獨特既香味,出乎意料地同鰻魚好夾,可以一試👍🏻🧡珍寶魷魚天婦羅壽司 $12炸粉略嫌太厚,表面有d好似天婦羅汁咁既醬,唔洗特別點汁都ok魷魚無咩鮮味/魷魚味,但勝在咬落幾爽,口感煙韌,都算幾好食,$12黎講算唔錯😆🧡鯖魚壽司 $12鯖魚好厚肉,$12好抵食,面頭既蘿蔔蓉同鯖魚都好夾,唔想食生野但又想食得飽既不妨考慮下呢個😂另外,今次朋友試左好多新系列壽司,自己無食就唔特別comment啦,但有一件黎到係舊魚跌曬落黎,賣相分扣到落0😵‍💫如果有日本駐場師傅應該唔會比呢件事發生,希望餐廳可以改善,因為我仲好想食好睇好食既壽司郎🥹味道:6.5/10性價比:7/10📍各區都有,當日去既係藍田分店➡️藍田啓田道50號啓田商場2樓208號舖📌人均消費: $101-200#hkfoodie #hkig #hkfoodieblogger #美食 #pasta #foodiegram #foodiehk #foodblogger #foodielife #foodie #香港美食 #香港好去處 #hkfood #hkfoodlover #hkfoodpic#hkfoodblog #打卡餐廳 #壽司 #sashimi #sushi #sushiro 繼續閱讀
(以上食評乃用戶個人意見 , 並不代表OpenRice之觀點。)
等級1 2022-07-13
54 瀏覽
私心推薦海螺雙味同魚子!好鮮好好味😋蝦三味可以一碟食晒啲三款蝦,對鍾意蝦嘅我嚟講好正🙈嗰三碟貝都唔錯~松阪和牛就比較普通,有少少失望🫣而海膽都算平,唔算好有味但可以拎嚟過下口癮🙌🏻其他嗰幾碟比較普通就唔講了甜品小食方面嗌咗我每次嚟都必嗌嘅嘢😽脆薯必點!南瓜天婦羅就係個人喜好🤣白桃芭菲係期間限定,啲桃好甜,幾足料🤩卡達拉娜推薦俾所有frd佢哋都鍾意,表層啲焦糖勁脆,下面就好滑好重蛋味,唔算膩超級好食😭 繼續閱讀
(以上食評乃用戶個人意見 , 並不代表OpenRice之觀點。)