壽司郎 (已結業)

今日一早去排隊食 記錯時間早到咗45分鐘好彩佢地都好準時開鋪，行樓梯上到去先再拎飛 再等咗陣 啲店員開始帶位好有日本既感覺 今日我去睇到在場起碼有兩三個係日本人終於坐低，第一時間沖茶飲，佢啲抹茶粉好濃，沖水時會起比較多泡泡 （聽講咁樣既抹茶係比較正宗）整完茶就整wasabi 反而覺得佢啲wasabi無咁好味因為係一包包個隻，入正題 望一望壽司司有好多壽司🍣係壽司帶運黎運去，我當然立刻試佢地個吞拿魚壽司 可能係第一批人入去 所以吞拿魚既部位都幾靚下食落叫無話即溶但係都唔會有根 以呢個價錢我覺得係好抵食，起碼好味過元x 另外，個人覺得佢啲飯好大舊，尤其是係啲卷物 好大舊食到好飽我地三個人 埋單食咗$480幾蚊 我會等熱潮過去 無咁多人排隊個陣先再食過🤣

據說是近期排隊熱店，以平民價錢吃到新鮮美味的迴轉壽司而出名。試業完畢，沒有特價限定壽司了。特選中吞拿魚腩壽司，本身不太吃吞拿魚剌身，點解？因為常常吃到有筋或不新鮮，腥味的，所以多數沒有點。但很多人都點讚這店的中吞拿魚腩壽司，所以還是試了。目測密麻麻的油花平均分佈，色澤亮亮鮮紅，而不是瘀紅色的。吃進口，真的入口即溶，完全沒筋在魚腩內。$17/件，便宜得很，終於吃了2件，物是超值了。厚切三文魚壽司，又是$17，但是有兩件，三文魚肥美。海螺壽司，海螺片唔算厚，但是落爽脆，有海水味。北寄貝壽司，$12/2件。醬燒日本產帆立貝壽司，$22/件，又厚又大隻的帆立貝，開邊切開也咁厚呢！醬烤鰈魚邊壽司，烤過魚油更看，滑滑的魚邊肉。原條海鰻壽司，有差不多1.5碟的長度，鰻魚肉鬆化軟綿綿的，熟魚肉也一點不差的。全部都很新鮮，沒有一件是有腥味的。其次壽司飯小小一塊，上面放有大大件的食材，吃起上來令囗腔內都充滿鮮甜味。

開幕後在app預約等了2星期⋯⋯ 終於食到了🍣👍🏻😋 強烈建議要用app預約，因為人潮實在太多walk in 要等2至3小時才可入坐。 坐位很寬躺舒適，用餐時間是60分鐘，用pad下單後，食物傳送帶送到🍣壽司價格分4種，12，17，22和27元🍣款式真的很多，價錢不貴，但食材很新鮮很好吃🤤😋綠茶粉也很有日本🇯🇵的風味🍵很好喝👍🏻看到有拉麵烏冬🍜和炸物🍤也有甜品芭菲🍨🍮🍰最後因爲太飽沒有點，蜆肉麵豉湯也很好喝，期待下次預約後再來吃👍🏻😋

今早9點多要去QE 產前檢查醒起有間過江龍迴轉壽司店正正喺QE 附近出發前做定功課，知道walk in 既情況後未到11點已叫陪我產檢的老公先去壽司郎拎飛等我結果平日既11點前去到唔洗等位已可直接入座我產檢完後大慨11點幾去到join 老公幸好老公已預先入座因為11點幾門口已經有很多人等位了！ 大肚婆不能食生野但今日破戒食少少吧！ $12 大吞拿魚腩已經沒有了店員話這個優惠只做到25號一來到先食極上大吞拿魚腩沒有筋，入口充滿吞拿魚油香食完成個口都充滿了吞拿魚味必食！ 油甘魚必食！ 很厚很大片，入口亦是充滿油甘魚的魚油香三文魚都很好食的不過比起上面2款就有點比下去因為吞拿魚腩和油甘魚實在太好食了！其實三文魚都好鮮甜好好食的三文魚子軍艦必食！ 軍艦最好用點餐機叫送上來時紫菜還是脆的迴轉上的軍艦紫菜會比較林赤蝦也是必食！ 超鮮甜老公食完赤蝦後未夠喉來多碟蝦三味食蝦三味會抵d , 比赤蝦只貴$5 但有多2款蝦壽司3款蝦壽司都是超鮮甜好食！ （ 大肚婆只可以食中間熟的😭 ）這個鰻魚卷也是必食！ 上面那片鰻魚很好食食過美味既吞拿魚腩後以為吞拿魚軍艦都應該不錯但這個味道較淡，沒有吞拿魚油香所以這個一

幾經辛苦都終於試到依間壽司郎唸住下午茶時間会少人啲唔使排甘耐，我三點十攞飛，距話要等八十分鐘好，我就忍住肚餓，反屋企等夠時間再黎食距最後都要差唔多等到一百分鐘先入到去食如果唔係住附近都唔知要有幾大既決心先可以食到距如果想手機預約好似最快都排緊十幾廿日後真係就黎難約過寿司之神當係門口等梗既時侯最好就睇下有啲咩想食，因為入坐時間只係得六十分鐘，如果坐低再慢慢研究就可能唔夠時間食野係等候區会有餐牌係度俾你睇定有咩好食餐廳都算幾大差唔多每一個坐位都会接觸到迴轉帶如果係從平版電腦order既食物就会係迴轉帶既上層送到你面前仲有一樣野幾好既就係就算你一個人去食，距都会安排個二人吧枱俾你，夠哂私人空間俾你食得舒服啲飲品方面就有迴轉寿司必備既熱綠茶啦亦有自助凍水，以及可以加17蚊任飲氣水依個就係自助飲料吧，除左氣水，仲有一啲即沖飲品一坐低，職員就会講解一下啲基本設施，例如平板電腦，餐具放置既位置之類距一講完我已經快速攞野食，因為太肚餓火炙三文魚幾香，赤貝都好鮮甜依個冷製茶碗蒸係mean無既食物，侍應姐姐每阻一段時間就会捧住啲特別啲既食物，問下客人要唔要黎到一定要試依一個大拖羅寿司，一咬洛去魚油四射，非

終於試左新黎香港既壽司郞，用app預約，夠鐘到場就可以立即入坐。服務上面除左門口叫飛既有D心急同忙亂之外，內裡員工都有禮同耐心解釋坐得舒服，一人都會比二人位置，每二人位置中間有木板相隔，私隱度足。壽司飯岀色，微暖，醋味不會太搶，比香港任何一間迴轉壽司店都做得好，wasabi用上包裝生山葵，比用水開成的wasabi膏多一份清香。醬油有分上普通壽司醬油，柚子醋及鰻魚用的甜醬油吞拿魚赤身沒有怪味，質素頗高，大拖羅略嫌有少少根，呢樣我諗就要睇運氣。魷魚用上既唔係坊間迴轉壽司既雪藏貨，通透程度完全呈現新鮮感，入口亦鮮甜黏口。香港少有既生八爪魚壽司，半透明既八爪魚足片，口感未必每個人都中意，但我喺日本食過就愛上。茶碗蒸比想像中岀色，水份唔會太多，唔會水汪汪，而且用料足，$19超值。見有好多人反映紫菜淋身問題，但我今日又唔見有咁既情況，送到上黎既軍艦紫菜依然脆口總括黎講個人覺得用料好新鮮，加埋呢個價錢，實在底食，$12赤身，$17三文魚子，都絶不欺場，現場等候人數好多，建議先用app預約再去！今次得一個人。試到既野唔多，下次再戰！呵呵呵！#香港壽司郎 #sushirohk

星期六一點左右到達，場內已經超級多人，walk-in 拎飛，超級混亂，原因係剛好出飛部機無紙，又有五至六組人啱啱到達要拎飛，負責帶位 戴眼鏡的女店員我想應該是新來的吧，無紙又唔同顧客講，一換完紙大家搶着拎飛，店員完全唔理到達既先後次序，由得你哋搶...... 無言==拎完飛望一望要等二百幾張枱，等左半個鐘，都係叫咗10張枱左右，由於太肚餓所以放棄了出外餐廳食少少野再返嚟，返嚟嘅時候3點左右，由於食完野嘅關係，唔肚餓所以可以繼續等繼續等.......等多半個鐘左右，有得入去啦!!!!結論假日午餐walk in，由1點拎飛，係3點半先有得入去,強烈建議大家，download佢個Apps，早個幾兩個星期預約吧。由於唔太肚餓嘅關係，一開始只係叫咗3,4碟，第一碟吞拿魚 12蚊， 睇佢價錢所以期望不大，一食落，哇哇哇，好好食呀!!!!!對於大愛吞拿魚對我來講，好正，之後長鯨吞拿魚，中吞拿魚,大吞拿魚(唔記得左明確個名)總之所有吞拿魚我都各點左一碟，最後總結$12嘅普通吞拿魚係最抵食，仲有醬燒帶子，甜蛋同埋$27果隻鰻魚(不是海鰻)都係極級推薦，抹茶甜品都好好食。對於啱啱食完意粉同burger完全

話說呢間真係會食上癮，食完唔夠一星期，已經心郁郁想再食，結果今次同同事一齊黎好好彩同事11:15am就黎左排隊，排左45分鐘就入得去食，限時60分鐘～經過上次經驗，避左d中伏位，淨集中叫回本野一坐底即叫特價既大拖羅，好新鮮，魚油味重，勁幸福！而左口魚背壽司都值得推介，加埋紫蘇葉，口味好特別～帆立貝大大粒，略為烤一烤，口感更正，必點美食！！呢到既油甘魚都係我既最愛，因為呢到勁新鮮，而且好厚切，真係非常抵食！

朝早11:38AM去到呢到拎ticket, 我地係No.94. 等左大約1.25個鐘就入到去食啦~ 期間限定優惠有拖羅魚腩﹑三文魚腩同赤蝦。咁一開波就已經叫左4碟拖羅 魚質好有咬口，唔多筋，魚既鮮味好重，可想而知魚既油脂令到魚身軟焾。望落去又反反地光，好新鮮。三文魚腩好軟熟，新鮮到爆~然後，有店員捧住一盤壽司向我地推介呢款壽司，而呢款係menu冇既。我地就試左一碟 —— this is legit. 如果點醬油食既話，真係對唔住呢條魚！一定一定要原汁原味。赤蝦入口淡淡肉，蝦身爽口又厚身，真係叫完一碟又一碟。由於我地太愛蝦，又叫左三色蝦。我冇食到熟蝦，但甜蝦真係好正。味道名如其實，甘甘地。係元氣都未必食到呢種味道。鰈魚薄薄地咁切左一塊，放係紫蘇葉上面。呢種魚係好香，比較油膩，但入口即溶！！加上紫蘇葉既香味，令到成件壽司唔會太油，反而更清新了。呢碟係普通既吞拿魚，好滑好有咬口，唔會好似爭鮮咁望落去「血淋淋」同好多筋。我本來就好鐘意鰻魚。一見到原條海鰻，仲要摺左一下，我諗都冇諗到就攞左一碟。魚身又係好林，望落去唔係蒲燒鰻魚咁深色，好似冇咩味道，但係佢仲有燒汁既味，完全唔單調。帶子甘甜滑溜，係

平日下午一點半到達，隊號叫到108，籌號郤派到404。等到兩點三都只叫到130...雖然是這樣忙，員工仍然好有禮貌，抵讚。辦完私事，四點多再回去看看有無得食。籌號已叫到489，理論上籌號過了半個鐘，就不會補發坐位。但最後亦能成功食到。最難忘係香蔥吞拿魚軍艦，小妹就覺得比大拖羅還香。三文魚有薄切和厚切之分，薄的真係非常薄，但不乏魚香。其他壽司亦不過不失。結果吃了9碟$12蚊的，非常滿意，會再排隊幫襯。

今日放假12:20到壽司郎，派飛巳排220号，人山人海。因有位坐，冷氣又夠所以坐下休息玩手機慢慢等。一等就下午15:00終於到我地，大堂派飛和叫位待應真係好EQ和好禮貌。客人多控制得好，又要不停解釋如何用app訂位。不久有位台灣籍女侍應細心介紹和帶位的侍應可用ipad點菜，或在㢠轉自取食物。同其他迴轉店不同之處，地方大，但枱只有四十幾張所以等得耐。不過坐位舒服空間感足夠。壽司新鮮美味，款式多，特別有肥牛壽司，燒靖魚壽司。新鮮彈牙 漢堡扒壽司肥牛壽司好特別抵

壽司郎 香港首家分店 低至$12一碟 日本人氣迴轉壽司專門店 迴轉壽司專門店再度登港今次選在佐敦開設首間香港分店一百款以上既選擇,更有甜品,熱食,拉麵,限時60分鐘入座前最好拎餐牌睇定想食咩先,一埋位就落單或直接在轉帶上的壽司取件,以顏色碟計價 飲熱綠茶就好了,60分鐘加錢任飲唔係好抵開幕優惠有三款以優惠價賣 $12一碟 另外有八款香港分店限定,特大虎蝦天婦羅卷,花之戀等另外大力推薦鹽味牛排,炸天婦羅系列,我個人覺得牛肉幾好食,壽司米用日本米,有加醋製作而成,米粒有光澤暫時提供八款甜品,抹綠瑞士卷,卡達拉娜,千層蛋糕,牛乳布甸,雪糕等~記得預先安裝APP,登記取位,大約1小時就可以入座攻略心得,到鋪拎張實體單張睇食咩先埋位可以係回轉帶拎野食或平板落單,每次限4款會係自動送到,熱食類唔錯,飲品飲佢隻抹茶粉已經夠飲唔洗追加$17任飲,有兒童餐具,限時60分鐘

呢一兩年真係有好多日本嘅過江龍嚟咗香港開分店， 例如有： 最常見嘅拉麵， 鰻魚飯…… 不過呢一間係我食過咁多間日本過江龍入面最好嘅一間👍其實佢之前已經睇到唔少youtuber介紹呢間嘢， 有啲youtuber話佢啲飯太大嚿…… 嘅控訴 ， 佢之前都有啲驚，但我食完之後覺得好過而家市面上兩大壽司集團（爭x&x氣）首先我覺得魚生嘅質素比两大集團好👉 比較新鮮👉款式多👉 飯唔會太多👉 啲飯or魚生❌會太冰（ 一擺入口就知道喺雪櫃拎返出嚟）至於價錢方面就係兩間集團嘅中間， 大部分嘅食物都係十二蚊一碟， 最貴嘅係27蚊， 除非你夾帶到最貴啦如果唔係嘅話， 就會貴過爭x少少一定平過x氣

壽司郎Sushiro香港第一間分店係佐敦開幕, 新張期間極上大吞拿魚腩壽司, 赤蝦壽司都特價$12碟, 任點任食, 非常吸引。開店至今每日爆滿, 星期日專程預早開店前1個多小時到排隊試一試😁星期日10:45到餐廳, 前面只有3組客人排隊。連同App訂座客人, 我攞到10號籌。(全店約有45張枱, 11:30籌號派至100, 13:00左右全日400多張籌已派完)😲極上大吞拿魚腩壽司 $12大拖羅壽司冇將貨就價, 油脂非常飽滿, 入口即溶, 而且可以任點任食, 喜愛拖羅的朋友絕對會Encore再encore😋赤蝦壽司 $12$12碟赤蝦壽司, 赤蝦大隻鮮蝦, 而且一碟兩隻, $12非常抵食👍其他壽司普遍同比一般壽司店平, 性價比超高👍

聽聞11:30開始放門口條隊入去攞飛，派完排隊D人之後到嘅人攞飛就因為太多人塞住以致比較亂，11:42取票時顯示等110分鐘，雖然早咗10分鐘放人入去用餐，但結果都要14:10左右才入坐(等了148分鐘)。供應等候嘅座位唔多，希望將來會增加。2人比6人快攞到位大概10分鐘。用餐時間只限60分鐘，不過80分鐘都未有人趨埋單。注意：13:20已經唔再派飛！因為最後張飛要等915分鐘6人只安排坐4人卡位，有係兩個細路都覺得坐得幾逼吓，加埋枱面放咗醬油、筷子、姜嗰啲嘢令到張枱更加覺得唔夠用。食物以$12一件大拖羅最扺食(原價$27)，比想像中無咁薄兼新鮮+有油甘香。赤蝦$17兩件都新鮮好味。正價嘅油甘魚都好食。甜品大家都覺得有驚喜。等完咗試業就會有外賣供應，到時應該再幫襯。