塚田食堂

營業中

休息中

囡囡鍾意食日本菜，知道將軍澳東港城開咗一間新嘅日本餐廳塚田食堂，趁囡囡放假同佢一齊去食lunch。餐廳環境舒適，我哋兩個人坐喺六人卡位超舒服。Qr code落單，叫咗一個親子丼（$78）畀囡囡，我自己就叫咗血鯛定食。（$98）每位包自助沙律吧同飲品，沙律吧有沙律菜，蕃茄，粟米，青瓜絲，洋蔥絲，西蘭花等等，好新鮮。飲品有多款果汁，咖啡，茶，或者罐裝飲品同紙包飲品。親子丼好大碗，配一碗味增湯，囡囡話滑蛋同埋雞都好好食。我嗰個燒血鯛定食包薯仔沙律，前菜，湯燒。血鯛燒得外皮香脆，魚肉嫩滑，魚好大條，食完超飽。

同男朋友行街買衫，行完都有啲肚餓見到呢間喺將軍澳新開嘅塚田食堂，專食日本料理，好似都幾吸引，一於去試吓。我哋分別各自叫咗個定食，男朋友就嗌蛋包飯配炸魚，我就叫個烤魚定食，每款定食都可以包左出邊嘅沙律吧任食，同埋飲品任飲，感覺都幾抵。沙律同飲品嘅款式都好豐富，仲有唔同嘅醬汁，見唔少人都飲佢哋嘅特製茶飲，味道都唔錯嘅！蛋包飯定食嘅份量好大，真係非常豐富，加埋炸魚好香脆，就算男仔都食唔晒！佢嘅薯仔沙律同埋配菜都好好食，值得一試！烤血鯛配鹽㽤烤雞定食，淨係賣相都夠晒豐富，除咗一般嘅前菜麵豉湯等等之外，條魚足足有兩隻手掌咁大條，感覺兩個人食都夠。魚肉結實有魚香，外皮燒得好香口，就算唔加醬汁都好好味，烤雞味道好香雞肉嫩滑但清爽，配飯食真係好好味。兩個人每人一百左右， 午餐嚟講價錢都唔貴，但質素好好，更加包左咁多款唔同嘅飲品同沙律，對於大胃王來講一定夠飽。

今日同男朋友行街見到e間日式食店，門面已經好和式風格，好吸引😍就入去試下😋，午市套餐仲好抵食❤️睇下餐牌，有唔少日式定食，同丼飯🤗惠顧58蚊以上仲可以免費享用飲品吧同沙律吧🐥我地點左2個定食，之後就去左飲品吧同沙律吧，揀下沙律同飲品🥰沙律係自己配搭，有拌好嘅菇沙律🥗，粟米🌽，西蘭花🥦等等，仲可以加柚子醋等等😍好健康🥰飲品有唔同嘅茶類，美人果茶，美人水等等。全部都係鮮制🍇🍋🍍❤️豚肉味噌湯定食🐷前菜有薯仔沙律，薯蓉配煙肉碎，好有口感，味道唔錯😍有溫泉蛋，同淮山絲。豚肉味噌湯好香好濃🤤豚肉都好香，入面仲有唔少蔬菜🥬🥕🥰除左主食，炸池魚都冇骨，香脆好好新鮮唔會腥😎👍🏻❤️天婦羅定食🍤前菜都係有薯仔沙律，跟左麵豉湯🍲 天婦羅有炸蝦🍤唔會好厚粉，鮮味香脆🤓👍🏻仲其他炸蔬菜（金菇，秋葵，南瓜等）

今日試新店，點咗個成百蚊嘅天婦羅定食，點知中咗服成個天婦羅定食竟然只得一隻蝦有睇頭，其他全部是炸蔬菜（青椒，紅椒，蓮藕，粟米芯，番薯，日本菇，秋葵）。你冇聽錯全部是炸蔬菜。不如改名叫蔬菜天婦羅定食啦

在門口看見點$58丼飯或定食可以無限次享用沙律吧及飲品，於是被吸引入去食飯。點了芝麻醬油火灸三文魚配鱈魚籽丼（$78），丼飯看來好吸引，但三文魚食落味道較淡，吃不出芝麻醬汁的味道，鱈魚籽則好咸，與三文魚不配襯，整體味道普通，也不值$78。可幸沙律吧的羅馬生菜及蔬菜（西蘭花、青瓜、洋蔥、粟米、番茄仔⋯）都好新鮮，配上胡麻醬或柚子醬幾好食，還有十幾種冷熱飲品供選擇，算是物超所值，吃完感覺很滿足。