塚田食堂

營業中

休息中

早兩日去咗將軍澳玩，見玩到咁夜去搵間餐廳食埋晚飯先返屋企，見到塚田食堂坐滿人又多人等位，證明間餐廳應該唔錯，一於決定食呢間。.塚田食堂主打日式便當，掃QR Code落單叫野食方便快捷👍，操作簡單易用。.叫生薑炒豬肉丼俾瑩瑩，四色刺身定食俾自己。生薑炒豬肉丼🐷份量都大，🐖豬肉切成薄片所以好入味。雖然有少少薑但唔辣仲帶出咗豬肉鮮味，醬汁味道帶甜撈飯小朋友食好開胃😋。.四色刺身定食擺得好精緻，作為前菜嘅豆腐落咗少少🍋檸檬汁開胃，刺身好新鮮，係比較細舊咗小小。.整體水準都唔錯，💰價錢又唔貴，難怪咁多人排隊想食，下次有機會試下天婦羅定食先🤤。.好味指數：😋😋😋😋4/5推介指數：😋😋😋😋4/5抵食指數：😋😋😋😋😋5/5.🍽 塚田食堂 (將軍澳)📍將軍澳坑口重華路8號東港城1樓181號舖

最近塚田食堂幾乎變咗我嘅食堂，環境舒適之餘性價比亦超高。👍午市套餐都有免費自助沙律及飲品吧，即使晚飯時段亦只需要加$15。而且沙律吧也有不少日式沙律，如芽菜沙律，薯仔沙律等，飲品更是十分多選擇，除各式健康果茶，果汁外，也有各式汽水及咖啡，紅茶，綠茶等。豚肉生姜燒丼飯, 明太子三文魚丼飯等亦只需$60 - 80。炸池魚定食連炸雞配菜，魚生刺身定食，天婦羅定食等都只是百多元，每次都食到飽一飽，好食又抵食👍。甜品選擇不多，但價錢十分相宜，太約都是$30-40 日式綠茶芭菲/餡蜜也很好吃，有我喜歡的蕨餅同糖漬栗子。😋

住左將軍澳成年有多，都未去過坑口今次第一次去係地鐵站上蓋的東港城商場🙈🙈🙈呢個商場好似迷宮一樣，好似周圍都差唔多咁既？行行下終於見到呢間食日本野既餐廳，見啲定食都幾抵食，一於試下啦。我點了燒花魚定食配南蠻炸雞，燒花魚係成條上，好大條！花魚燒得剛剛好，仍保留了不少肉汁，不會太乾，啖啖肉，食極都食唔曬😂炸雞都有三大舊，外層不脆、好薄，雞肉好滑，同埋個醬好好味我好欣賞佢個面豉湯唔鹹，味道偏淡。另外點了鹽麴燒雞定食，啲雞肉都係好滑，份量同樣好多，簡單用鹽燒雞，估唔到都咁出色。叫定食加$15就可以食自助飲品+甜品區的飲品/野食，飲品種類都幾多，今日無加到，留返下次試下。

呢度以前主打美人鍋，原來而家轉左定食，有啲sad因為本身打邊爐好好食的，今次就黎食定食啦～豚肉味噌湯定食 $83呢個湯幾好飲，食咁多炸野有個熱湯係幾舒服。定食包炸池魚，出奇地好食！脆卜卜又嫩滑嘅魚柳配南蠻炸雞隻沙律醬好夾~滑蛋豬扒定食 $88滑蛋嫩滑，但豬扒擺得耐左少少冇咁脆。.南蠻炸雞定食 $83都幾多舊炸雞，但同樣都不是即製，有日式便當風味吧😂.飲品沙律吧 $15/位呢個真係幾抵，沙律好食又多款，薯仔沙律👍🏻👍🏻野飲有多款自家製，養生又好飲

聽聞塚田水凖不錯，但一直末有機會去嚐試。今晚專程去坑口新開的食堂，裝潢雅緻，座位寬敞，服務也不錯。和牛壽喜燒定食幼雞和走地雞雞骨餚製而成嘅湯底，雞骨精華溶化於湯內，形成固體的高湯球。不但濃稠且有漿口感，充滿著骨膠原。牛肉採用九州和牛，紋理均勻清晰，嫩骨無比，入口即化。菜蔬的配搭非常新鮮，翠綠鮮嫰。溫泉蛋流心，味道濃郁，滋味！自助區有沙律，甜品和飲品，追加$15任飲任食，抵！沙律菜數款，擺放得乾淨衛生。飲品有熱有凍，還有罐裝飲品。今日甜點是兩款蛋糕，細細件，最啱少吃多滋味原則。

今日喺將軍澳行街，順便食埋晚飯。六色刺身定食刺身好新鮮，刺身件件都好厚，好驚喜！三文魚肥美，油脂香味重又唔腥，好食！油甘魚肉身油分較重，入口即溶又鮮甜。吞拿魚質感較軟腍，滿口甘香，好味！蝦新鮮爽口彈牙，入口甘甜，真心唔錯。茶味雪糕盛盒茶味好濃郁，口感軟滑細緻，好味！加15蚊可享用飲品吧、沙律吧及甜品吧。飲品吧有紙包飲品、罐裝汽水、茶類、咖啡、果汁和特色飲品，種類選擇多。整體而言，食物質素幾好，性價比高。環境寬敞舒適，職員有禮，值得回頭光顧。

今日又係屋企附近覓食，見到哩間新開嘅日本餐廳，晚餐價錢相宜，而且仲有沙律吧同埋飲品吧，於是就決定入去試下。餐廳座位非常寬闊，而且係沙發凳，所以坐得好舒適。餐牌上面既選擇好多，有定食、丼同埋刺身等，而且加$15就可以享用沙律吧、甜品吧同埋飲品吧。沙律吧上面既蔬菜都好新鮮，有青瓜絲、洋蔥絲、車厘茄、西蘭花、生菜🥬同椰菜花等，我哋兩個一共食左四碗沙律🥗😆特別鍾意佢嘅薯仔🥔沙律，真係整得幾好食。飲品都有好多唔同既款式，除咗有飲品櫃之外，櫃上面仲有咖啡、紅梅汁、各式果汁🧃我就揀咗最鍾意嘅忌廉溝鮮奶。🐷生薑炒豬肉丼 $68生薑炒豬肉丼會跟埋個麵豉湯，豬肉丼夠大碗，豬肉份量頗多，絕對夠飽肚。而且豬肉烹調入味，唔會乾身，配埋生薑一齊食，味道唔錯。🐟鰤魚西京燒定食 $106鰤魚西京燒定食除咗有湯之外，仲有啲日式醃菜同豆腐。鰤魚外皮烤得香脆，魚肉嫩滑，味道有啲似燒三文魚，充滿魚油香，送飯一流，哩個真係好推薦👍🏻整體哩講，哩間餐廳嘅性價比真係幾高，大家有機會都可以試下。

今晚同男朋友想食D懶係健康少少既野 所以就揀左呢間餐廳 大概7點半到去到 仲有好多位 唔洗等就入得1️⃣  鰤魚西京燒定食之前係尖沙咀某日本店食過西京燒既魚，印象中甜甜地，好好食今次黎到都叫返西京燒，睇下個水準如何成個定食包左一碗麵豉湯，沙律，兩個前菜，一碗飯同主菜至於個兩款前菜，一款係牛蒡加紅蘿蔔絲，另一個係醃左既青瓜片牛蒡加紅蘿蔔絲 - 正常 無嘜特別醃左既青瓜片 - 好咸 唔好食薯仔沙律 - 味道正常麵豉湯 - 好淡，係我飲過最淡既一碗麵豉湯鰤魚 - 都算幾大舊，燒得好香，魚油都好夠，好好食成個定食黎講，得條魚好食同值得有分，其他都唔好食/好一般2️⃣   燒花魚定食配南蠻炸雞條花魚又係好大條，最特別既係佢配左柚子豉油，同魚肉都幾夾，食入口個陣帶少少清新既感覺但其他配菜都係一樣，不值得一提。到特登加既南蠻烤雞，好失望，一D都唔脆，亦都唔熱。本身男朋友落左車先，但佢個餐反而仲遲黎過我，以為係因為新鮮炸舊雞，原來唔係…D雞好明顯係一早炸定左，唔脆唔熱，仲好有油，唯一好既就係應該用左雞脾肉，所以D肉都算係幾滑。見到周圍好多人都加左$15蚊食沙律吧，我同男朋友就無加到沙律既款色唔算好多，都係D基

難忘日本旅館的自助日式早餐，其日本料理十分高質。今日竟發現香港也有日式半自助餐，令我十分驚訝。餐廳裝潢走日風簡樸風格，灰色地板配上木質桌椅，座位十分舒適，基本上都是雙人座椅或卡座，坐得舒服。一旁是自助餐吧，有新鮮沙律，沙律還座冰塊，保持溫度。還有雞肉蔬菜、紙包飲品或不同類型飲料，例如西班牙特飲、柑橘檸檬等，還有芝士蛋糕呢！有不少定食選擇，最驚喜是有不少日本魚定食。定食奉送味噌湯、飯和漬物。⭐️鰤魚西京燒定食 $98只要點定食餐，便可以享用自助沙律及飲品吧。鰤魚西京燒十分高質，鰤魚燒過之後表面金黃，魚肉帶有淡淡的醬油甘甜味，魚肉柔嫩甘香。配上薯仔沙律，入口清爽。⭐️芝麻醬油火灸三文魚配鱈魚子丼$78三文魚經過炙燒，入口有陣焦香味，配上鹹香的鱈魚子，三文魚入口香滑，魚脂豐沛。配料還有牛蒡條增加口感，味道不俗。芝士蛋糕的味道也相當不錯，芝士味道頗濃郁。▫️定食加上半自助餐，選擇不算多，但衛生新鮮已經勝過一切，餐點質素也在水準以上。

老實講真係唔識‘塚’點讀🙂原來係讀‘寵’音😝話說塚田新開左係坑口，好彩openrice有book位，唔係有排排隊😂掃QRcode落單，而且仲有半自助沙律、甜品及飲品，選擇雖然唔多，但呢個價錢都無野挑剔啦😏😏◾️鰤魚西京燒定食 $106◽️鰤魚即係油甘魚😍😍完全係至愛！雖然等得耐少少但絕對值得🤩剛剛燒起🔥出晒煙架🥰油甘魚好大條好肥美，邊位微燶，油脂滿滿配合西京燒既直火燒，鎖水力強之餘肉質亦鮮嫩滑溜，甜而不膩既醬汁好好餸飯！不得不提定食裡面既薯仔沙律及醬油漬黃豆好好食😋◽️滑蛋豬扒定食 $88◾️好耐無食滑蛋豬扒飯😆豬扒已切好5-6件，橙黃既炸漿唔厚，雖然已經唔脆，但豬扒好鬆軟又唔乾😍滑蛋分量都好夠，眼見dry dry地但食落又ok喎😝整體唔錯！自助沙律吧有沙津菜蕃茄粟米等，幾新鮮refill得幾快👍🏻甜品意外地味道幾好🤣🤣紫薯cheese cake既紫薯味好濃郁，最緊要唔甜，食左兩小舊😏有大量紙包及罐裝飲品，仲有茶呀咖啡呀果汁呀提供。整體性價比幾高，又抵食😆

滑蛋豬扒定食配南蠻炸雞《竟然有如此豐盛嘅午餐》有住將軍澳嘅朋友仔向我地介紹，一百蚊可以有一個飽到夜晚都唔洗食嘅日式餐廳。於是襯住放假，我地就即刻出發睇下咩料啦。🐽豚肉味噌湯帶池魚定食 $78哩個午市套餐不得了，除左有主餐定食外，每位客人都包一個沙律吧同飲品吧，雖然律同飲品種類唔太多，但質素的確係唔錯。講返正題！一碗大大嘅味噌湯，酥脆嘅炸池魚，米香撲鼻嘅珍珠米飯以及開胃小菜，見到都流曬口水。唔好以為佢份量大就顧唔到質素，池魚酥脆得黎唔油膩，魚肉保持到嫩滑口感；珍珠米粒粒飽滿；味噌湯亦十分足料，只可惜味噌湯酒味偏重，後來同店員查詢得知煮味噌湯過程中加入左酒粕，係煮嘅過程中將酒味煮左出黎，雖然我個人唔太好酒味，但整體味道唔錯，不過都係唔建議唔喜歡酒味嘅朋友叫啦。🐥滑蛋豬扒定食配南蠻炸雞 $98哩個定食我就好滿意啦，全部都係我喜歡嘅食物而且味道好。滑蛋雖然偏熟但仍有滑蛋口感，蛋味香濃配飯配豬扒都一流。炸豬扒嘅麵衣吸附蛋汁，豬扒口感紮實多汁。南蠻炸雞真係好吸引，炸雞夠大埋炸得外脆內嫩，雞味香味濃多汁，好好食，喜歡炸雞朋友必嗌！

好耐冇去將軍澳啦，已經同以前好唔同，仲開左好多新餐廳。呢間叫塚田食堂，係日本野，類似食便當，有主食同埋唔同嘅配菜，又包埋任食沙律同野飲，overall都算抵食。餐牌都好多野可以揀，多數都係原條烤魚定食。我叫左呢份燒鰤魚定食配燒雞，份量又幾多喎！條魚燒得幾香口，醬汁唔會過濃，岩岩好。雞肉相對魚就冇咁濃，但都幾滑幾好食。成份野食咁上係幾吸引嘅。咁樣食都會開心D～隔離嘅配菜同湯都唔錯，日本定食嚟講係做得幾有心機，有甜有酸的配菜，食魚食到有D膩可以食下配菜中和下。

最近東港城開左間新嘅餐廳係同塚田農場同系列嘅塚田食堂🤓分別在於依度係食定食🍱 而塚田農場就係食火鍋🍲-呢度嘅午餐超抵食 只要點$58起嘅食品 就會送免費送沙律吧同飲品吧！😋餐廳採用qr code落單夠晒方便衛生-自助沙律吧有沙律菜🥗、青瓜絲🥒、洋蔥絲🧅、車厘茄🍅、西蘭花🥦、栗米🌽同埋大豆牙菜旁邊有提供麻醬同柚子醋作為醬汁至於飲品吧除左有普通嘅咖啡☕️同唔同種類嘅茶包🍵之外仲有多種果汁同埋特色飲品當中我就最鍾意甘筍蘋果美人水同菠蘿青瓜美人水而且仲有成櫃罐裝同紙包飲品🧃添！呢度亦都有芝士蛋糕同藍莓蛋糕🍰 一口size好方便食-#炸豬扒定食 ($98)呢個定食好豐富有齊前菜漬物、海帶湯同薯仔沙律而主菜炸豬扒嘅火候啱啱好😋脆得黎又唔油膩 配埋豬扒汁同芥末真係好夾-#豚肉味噌湯帶池魚定食 ($78)呢個係鋪頭嘅推薦菜色豚肉味噌湯超大碗而且又足料湯底用左三種類型同獨家嘅酒糟煮成 而且用左大量蔬菜 帶出鮮甜味定食仲附上溫泉蛋同一件炸池魚炸池魚真係好推薦 完全唔腥 而且冇骨啖啖肉 真係好有驚喜🥰-📍塚田食堂 (將軍澳)將軍澳坑口重華路8號東港城1樓181號舖

好少可去將軍澳，原來東港城都好多美食的呀！今日同朋友來試這家塚田食堂，都是走日式精緻食物路線，不過不是打邊爐，而是日式定食，即有湯、有數款小食、主食及自助飲品及沙律～同塚田農場一樣，塚田食堂都有自助沙律吧同飲品吧，一樣是好新鮮同款式多多～推介水果茶喔！同朋友點了兩份定食，一份是刺身定食，另一份是燒金目鯛定食。首先定食份量真是好多，一人來講是絕對夠飽。其次是食物質素，刺身新鮮，特別是帶子！不過個人覺得燒金目鯛定食更好吃，是整條燒魚，魚皮都燒得好香好脆口，魚肉是滑身的，好吃喔。而燒魚定食另有一份炆豚肉，是大大份的豚肉呀，肉質好軟好吃喔！

突然之間好想食日本嘢搵緊邊度有定食呢俾我知道原來東港城有一間日本定食嘅餐廳叫做塚田食堂，入去試一次先1）豚肉味噌湯池魚定食煲湯好多材料，亦都好鮮味，裏面亦都有好多豚肉亦都好林好新鮮又有湯飲，好送飯另外仲有炸池魚，魚都好大塊㗎，裏面都好嫩滑，仲有兩個前菜好豐富好飽啊！2）天婦羅定食天婦羅有好多餸，炸粉亦都剛剛好唔會太多粉，炸得好鬆脆，有兩條大蝦，好夠飽3）蛋包飯池魚定食但包飯嘅汁有啲似燒汁又有啲似咖喱好開胃，啲蛋亦都好滑，池魚都大份好好味4）生薑炒豬丼呢個飯就好似平時嘅豚肉生薑燒，但係佢嘅豬肉就比較薄身，好容易入口亦都唔會好un另外忘記一提中午每一個定食都會包左一個沙律吧同埋飲品任飲，仲有小蛋糕免費提供真係好抵食，值得推介呀！