堅信號上海生煎皇 (福榮街)

營業中

休息中

未裝修之前食過一次，今日經開再幫襯，試咗幾道菜：生煎包小籠包擔擔麵雪菜黃魚湯麵上海粗炒爆汁生煎包略嫌硬身，但呢次覺得啲餡料有啲蘇味。小籠包味道正常，可惜有三隻黐埋一齊，一夾起就穿晒。擔擔面味道香濃，正辣度適合大人小朋友，我覺得要加多個淨水餃就fit哂😊可惜人少少驚食唔晒，留返下一次啦！推介一定要試吓👍黃🐟好滑，口感好，唔會太咸，湯都飲埋，屬清淡之算。上海粗炒正常。一定要加豆瓣醬呀！週末關係，人流較多，但環境尚算闊落，上菜速度亦快。價錢非常合理，開心又一餐😎

今日去完黃金買遊戲機🤪就周圍搵野食 深水埗真係多野食到花多眼亂😚最後揀左依間上海野食😚😚餐廳有晚餐set 嗌 都超級抵 除左會送2個小籠包之外 加10蚊就可以有個小食另外佢有張餐牌係十大龍虎榜 好似出名食麻辣野 所以我地都嗌左幾樣試試佢小籠包果然係招牌菜 皮好薄 一咬落去 好多汁同湯湧出黎 超級鮮甜 多汁到差d淥親個嘴😂😂😂至少生煎包都相當出色 好鮮味 同埋鐘意佢唔會太油冧冧咁😚😚主食方面就嗌左雪菜黃皮濃湯麵 份量都好足夠 估唔到既係湯底咁鮮甜濃味 另外我地仲嗌左個厚切豬扒擔擔麵 麵就正正常常冇咩太大驚喜 不過豬扒要讚一讚 都幾juicy 幾好食

位於福榮街既呢間堅信號係以生煎飽出名的，既然係咁當然要入去試一試啦～以午餐嚟講佢價錢都算中等，但就有主食加小食同野飲～今次就試下佢個口水雞翼飯同兩隻生煎飽，試吓睇吓係咪貨真價實先～而我叫完野食之後店員已經將筷子同匙羹擺左落杯水度一次過遞過黎，呢啲小細節係值得一讚既👍🏻首先上左兩隻生煎飽，賣相幾飽滿，食第一啖真係唔好太大啖食，因為佢裡面既湯汁真係好多，好容易就淥親個口，而佢入面既湯汁真係幾鮮甜，而包亦煎得幾香脆，外脆內軟既味道做得唔錯👍🏻所以搞到我食左一隻先記得影相😂口水雞翼菜飯（$59），雞翼上鋪左啲芝麻，花生同芫荽，加左呢啲配料後的確香左，令到成份雞翼更正👍🏻而雞翼亦斬開一半，變成雞翼變成一條骨，咁樣可以令雞翼更加入味，亦方便客人食👍🏻👍🏻的確唔錯，至於口水汁辣度麻度都唔多夠，鐘意重口味既朋友就未必覺得夠味啦～總結呢間既食物水準不過不失，味道OK，係順路經過可以食既一間鋪～

今日同朋友黎到呢左深水埗尋寶！😂行到攰就搵左間小店坐低食野！😆呢間餐廳食上海菜！上碟好靚😊我地先叫左個酸菜魚 呢個幾好食！唔會太濃太重味精味😆上海菜必食既生煎包同小籠包😆生煎包煎得好香！☺️小籠包皮薄多湯😎兩樣野都好好食😋再叫左碟厚切豬扒擔擔麵！豬扒煎得好香脆 浸住擔擔麵既湯底黎食真係舉起手指公😆💕另外擔擔麵都好彈牙🤗仲有叫左酸辣湯水餃🥟雖然唔係有好多隻水餃 但酸味味咁好惹味又想encore🥰

出黃金買新game順便去附近食野好耐冇食過生煎包所以又嚟呢間食😋唔係好肚餓就同朋友散叫share🌟原味黃魚濃湯拉麵（$68）依個黃魚拉麵🍜真係有驚喜係完整一條黃花魚起半邊肉出嚟所以冇骨啖啖肉食得好爽除左有2大塊起骨黃魚之外佢個魚湯仲好鮮甜我都忍唔住飲左半碗湯🌟堅信號生煎包（4個）（$36）枱面有張好搞笑嘅食生煎包教學🤣上枱嘅時候店員亦好細心咁提醒我地啱煎好 入面啲汁好熱細細啖咬開已經爆晒汁差啲淥親條脷😛加埋煎到香脆嘅包皮真係百吃不厭🌟灌湯小籠包（4個）（$32）作為小籠包愛好者依個又係我每次嚟都必嗌因為佢真係做到皮薄多汁而且encore左咁多次都依然keep到水準👍🏻🌟孜然雞中翼（2隻）（$16）平日食連鎖米線一定叫嘅雞翼估唔到依度嘅仲好食🤩孜然味香濃加上少少辣嘅刺激最重要係隻雞翼炸得啱啱好入面嘅雞肉仲好滑🌟雞絲粉皮（$28）雞絲超多😛嗰粉皮用上日式胡麻醬冇傳統中式麻醬咁膩✩嗰招牌生煎包同小籠包食咗咁多次都保持到水準不愧係呢度嘅招牌菜😋而且叫左咁多每人都唔洗$100真係抵食之選🤩

堅信號前身是上海生煎皇，由前歌手藝人蕭潤邦開設，後來全線分店逐一翻新，並統一改名為「堅信號上海生煎皇」。「堅信」二字來自他父親舊廠名，意在要保持堅毅信念。由於食物出品口碑不錯，分店愈開愈多。最近深水埗都開左一間分店，順道試下。店舖面積不大不小，地方企理，環境舒適。堅信號主打生煎包，小籠包，上海小食和上海飯/面食等。更有堅信號推介十大龍虎榜，爆湯生煎包、灌湯小籠包、上海粗炒、京蔥牛肉菜飯、雞絲粉皮、上海菜肉水餃、外婆紅燒肉菜飯、芝麻醬五彩冷面、雪菜黃魚濃湯拉面和秘製豬扒菜飯。鎮店之寶生煎包當然是必吃之選，堅信號生煎包用正宗上海手法去做，而港版生煎包比較大，似菜肉包，上海版則細小而多汁。包皮做得軟硬適中，包面香軟，包底煎得微焦香脆，肉餡鮮嫩多汁，一口咬下，肉汁四射，有水準。小籠包也不失色，小籠包可選一籠二個或四個，包皮不算很薄，但湯汁隱約可見，在包中蕩漾，肉餡有脂香。指定動作，先啜湯，再吃包，熱辣辣，好味道。京蔥牛肉菜飯，厚身牛肉，滑而不靭，肉質鮮嫩，牛味濃郁，配上傳統菜飯，口感豐富。四川擔擔麵無論賣相和色澤都很對版，湯汁濃而不稠，帶微微辣。麵條柔韌，帶滿滿花生醬香，味道挺好。素食酸甜菠蘿

生煎包的內涵應該選用巳急凍了一段頗長時間的豬肉，肉質味道認真麻麻地，明白豬肉來價使成本上脹，但生煎包店的鎮店之寶也不能省正招牌，對其他食品也信心不大，都是草草食完下午茶便算罷。

最近好想食生煎包 差唔多七點見都唔使等位就入咗黎入到去見到有呢個晚餐好吸引有主食 小食本身仲送多兩粒小籠包 正生煎包入面超多汁 同埋都真係好熱要小心啲爆汁同辣口 好香肉汁味完全唔輸其他生煎包店小籠包外表平平無奇但出奇地好味一樣都係好多汁紅燒肉菜飯 肉好香酒味入口都唔會話肥都接受唔到用嚟送飯一流 雞絲粉皮麻醬份量好夠 同埋啲雞絲好大塊豬扒菜飯 個豬扒好似蜜汁叉燒咁好神奇 唔講真係會以為食緊叉燒個秘製醬汁好好味 又係送飯一流麻辣無骨鳳爪 都幾辣下 要同啲飯一齊食 就咁食嗰啲太重口味食得辣嘅先好點呀仲有豆漿同飽汁生菜 冇影到相正常冇乜特別 最後兩個人飽到上心口 都係食咗230有找真心覺得超值 每樣嘢食都冇伏 佢啲嘢食感覺有啲似食緊上海嘢 同埋值得一讚係服務員態度好好

放工特登黎深水埗，就係為咗要食依度好出名既生煎包同小籠包🤩原來新出左晚餐，揀一款主食就送2個小籠包，仲可以加$10配小食😎😎計落好抵食，而我亦都揀得好興奮🤪四川擔擔麵超乎我嘅預期🤩 湯底唔會好辣、唔會好鹹，而且麻香味十足，我食完一碗又一碗，要俾舔舔脷😋x10!!糖醋脆黃魚菜飯都係我揀嘅🥰 因為佢製作步驟繁複，係屋企炸野都好麻煩，所以出街食就最啱啦🤣黃魚炸得好香口，唔使驚有骨，啖啖肉👍🏻 糖醋汁都係我嘅最愛yeah好正到左我期待既生煎包🥰 原來有食用指南fyi😂😂打卡and誠懇地用鼻子索一索後，我地就開始食了🤣 超熱超多湯汁，會辣嘴😆而且一不小心就真係會‘’射向對面陌生人‘’ 哈哈要好小心喔！小籠包竟然變左嘅第三最愛🤣🤣 其實佢都好好味，皮薄多汁，我哋最後亦叫多咗4粒😆 但今次真係比生煎包同擔擔面搶咗風頭🙈睇返相先知原來我哋都食咗好多嘢😂 仲有前菜雞絲粉皮同最尾叫嘅鮑汁生菜🤪好味又抵食嘅一餐😍我們好滿意💓

之前喺旺角嘅分店食咗外賣生煎包，已經覺得好好食，個皮好脆有肉汁。今次去呢間深水埗堂食，服務都算唔算，一開始比左杯熱水同餐具，小籠包，雞絲粉皮，秘製豬扒！雞絲粉皮唔錯，夠麻醬，個粉皮都爽口，雞肉絲分量唔算太少，$28 值得叫。小籠包最後先到比較遲，但$32 四粒 算抵食，正常期望甘，我覺得生煎包畀小籠包好食，下次會再食生煎包，因為個脆皮真係好正！另外，覺得必點就係呢個秘製豬扒。因為做完運動想補充蛋白質，所以就冇叫豬扒飯，叫咗個淨豬扒。個豬扒夠淋，肉汁好夠，好似食緊叉燒咁，但係又好夠味，一塊$46有啲貴，但真心推薦要試試！

一場嚟到深水埗黃金買 電腦 買明天我就覺得好肚餓。過咗去對面食 街找嘢食， 見到有間上可以就入去試下。呢度下午茶餐幾抵 50蚊就已經有好多嘢食， 我哋好口渴 我叫咗杯熱豆漿飲下， 熱豆漿豆味好濃， 充滿大 豆的香味。之後就負咗紅油抄手， 我油抄手行咗十足 用 新鮮豬肉， 配合 辣椒醬 分外惹味。上海小籠包皮薄餡靚， 一啖咬落去有好多汁， 配上甜醋 特別好味。之後就到雞絲粉皮， 覺得啲粉皮醬汁撈都好好味 粉皮好薄好滑溜。最後仲叫咗上海生煎包， 皮薄餡靚 即叫即煎 非常惹味。

知道呢間係江若琳同Oscar 開嘅食店，同男朋友行過想試吓呢間生煎包係咪真係咁好味😃 都算係唔錯呀😋上海生煎包 2 隻 $20一個圓餅形狀，因為平時食開嘅都有一個尖頂形🤣 餐廳有張紙教你點嘆呢個生煎包（附圖），因為湯汁好多，一不小心就辣親咀就麻煩😛😛 講返個餡都幾好, 包同餡料都配合得幾好，果然係值得推介嘅👍🏻灌湯小籠包 2 隻 $18同生煎包比較，我覺得生煎包好食d ! 小籠包皮好薄，但又唔會穿，整得係幾靚嘅，而且餡料唔會過多過少；size 一口就放得入。秘製厚切豬扒擔擔麵 $62推介👍🏻👍🏻 豬扒無肥肉，好入味，入口好香好食😋!!! 擔擔麵有少少辣嘅，但還可以接受；份量適中，剛好；擔擔麵麵條都幾好，軟硬適中，味道有香嘅花生味！凍豆漿 $12

呢日黎到深水埗，想食下小籠包，見到堅信號就黎試下～但黎到堅信號又冇理由唔叫佢既生煎包試下～見到佢晚市套餐有小籠包之餘仲可以加錢叫其他小食，我就梗係加左錢試下佢個生煎包，試完之後我下次如果要二選一我一定係揀生煎包！因為真係好正！雖然佢個生煎包既size唔係好大，但個包入面既餡真係超足料，有成舊肉之餘仲有足夠既湯汁，食落去如果唔小心一咬，應該會俾d熱湯汁辣親個口🤣生煎包個底部夠脆，入面又夠juicy,兩粒其實都唔係好夠喉，想再食多幾粒hahaha另外仲叫左小籠包，相對生煎包真係有d失色，但又唔係唔好食，不過生煎包再正dd! 好耐冇食過紅燒肉，所以叫左個紅燒肉菜飯，因為紅燒肉肥，所以揀左菜飯去減輕個罪惡感hahaha 紅燒肉夠哂入味同肥瘦分明，唔會太肥或太瘦，真係岩岩好！另外仲叫左孜然雞翼同加左個$5既酸辣湯，酸辣湯$5真係好抵加，唔算大碗，但係飲一碗都好飽！ 個味又夠濃，同埋夠哂多料，孜然雞翼就估佢唔到咁香孜然味！都非常之食得過！

終於放寬限聚令，晚上終於可以出街食飯喇👏🏻👏🏻，突然間好掛住堅信號嘅爆汁生煎包，放工去深水埗食埋先番屋企！見佢地有新搞作「堅麻辣系列」👍🏻👍🏻👍🏻堅信號生煎包$36/4個水準依舊，生煎包煎得相當香脆，一咬落去爆哂汁，超正！雞絲粉皮$28雖然係小食，但份量相當多，有多條雞絲和粉皮，粉皮質地夠滑👍🏻👍🏻麻辣萵筍$22呢款小食好惹味好開胃，萵筍爽脆，配上特製麻辣汁食落零舍醒神！😆😆😆麻辣酸菜魚配白飯$72鍾意食酸菜魚嘅我，見到呢款菜式即點，湯底超香濃，岩哂鍾意食辣嘅我，魚塊係炸過嘅，而且配菜不少，除咗酸菜之外，仲有豆腐和薯粉，所以相當抵食👍🏻👍🏻👍🏻今晚兩個人食咗咁多嘢埋單$200都唔使，唔怪之得平日都咁多人嚟幫襯啦👏🏻👏🏻👏🏻

放工要去深水步黃金買野, 順便去呢間食生煎包~次次食都唔會令我地失望! 真係好脆好多汁!!!個皮又唔會乾, 同埋每次都熱辣辣上枱, 抵讚!!另外叫左個豬排麵, 同埋紅燒肉菜飯~豬排帶甜, 好淋, 同埋幾香炸又唔會熱氣~麵條好煙韌, 湯比較清, 唔錯!男朋友叫既紅燒肉, 腩肉層次分明, 好淋又唔會爛, 炆得夠入味! 而且以腩肉黎講唔係好肥, 女仔都唔怕食!! 特別係肥肉位好香好正!!個汁都好岩送飯, 值得一試!!