堂記辣蟹餐廳小廚 (已結業)

今晚媽媽節帶咗爸媽細佬一齊去食堂記，貪佢喺屋企附近啦，又可以坐得舒舒服服，咁屋企人食完飯又唔使周圍走咁遠，快啲可以返企。好彩有預留咗大斑兩味同蒜蓉粉絲開邊蝦，嚟到前者都賣清嘞。大斑兩味有西芹炒龍躉片同蒸龍躉。個人鍾意西芹炒斑片，一嚟啖啖肉，二嚟肉質較腍，配埋鮮味蠔油，咸鮮味提升咗好多！每塊大小同厚薄都差不多，導致受熱均勻，塊塊都好香！不過蒸龍躉我就麻麻喇，太多骨嘅感覺，同埋啲肉比較韌，放棄咗。要數「好送飯」菜式又點少得咕嚕肉呢？新鮮炸出嘅半肥瘦肉，加上醒胃嘅菠蘿，彩椒，點會唔即刻扒多兩碗飯呢？看見媽媽同爸爸食得咁開心，成餐飯特別大滿足！其實每天都可以係母親節，因為有1年365日可以對媽媽好！Mum, i love u !…查看更多

｀元朗旳堂記是我愛去餐廳，每次去元朗都會和兒女講去堂記，早前和兒女去堂記吃午餐。它的午餐又不貴，平均40元一個午餐，今次叫咗麻辣牛肉飯和滑蛋牛肉飯，麻辣牛肉味道不是太麻辣，味道稍為一般，奶茶夠滑亦夠茶味，午餐整體一般…查看更多

堂記一直是我幾愛去中菜店,由它開張時候光顧5年時間，每次家中節日有咩聚餐，我提出去堂記,兒女尊重我的意見，上星期曰又去堂記吃飯，每個人点一個,原來堂記有泰式生蝦,估不到又幾好味,蝦肉好新鮮，其他都唔錯，環境都幾好,服務就一般…查看更多

近日同老公都愛上食中菜,呢間元朗小菜最近一次誤打誤撞下愛上了。呢到既(炸蠔餅)要預早book 定食到。雖然好多人。但都值得等等。工作人員睇得出同客人好熟,感覺好親切。…查看更多

好耐都無去添記嚕，掛念添記既欖角砵仔骨，所以打算今晚重臨添記六點半去到，但係竟然無位，原來所以枱一早已經被人訂晒唯有轉場，去食從前媽媽舊愛 堂記堂記 係係未發掘添記個時媽媽喜歡到既食店之一，平時唔鍾意食煎炸野既媽媽好鍾意食個到既椒鹽九肚魚，今次去到當然都會叫啦！今次就叫左：1. 椒鹽九肚魚拼椒鹽豆腐2. 話梅香酥骨3. 麵醬炒唐生菜4. 東江雞半隻5. 蒜蓉粉絲蒸開邊蝦椒鹽九肚魚拼椒鹽豆腐一上菜，媽媽就即刻夾左舊九肚魚！依到既九肚魚係先起骨再拎去炸，所以可以成條食都（雖然九肚魚既骨係軟骨黎，有骨都可以成條食，但起左骨後食成條個口感好好多，唔會食食下覺得有骨既感覺）椒鹽豆腐，皮脆肉滑，而且一ｄ都唔油膩，不過略嫌佢唔係用街巿既豆腐，因為小妹比較喜歡街巿豆腐，雖然唔夠滑，但豆味就濃郁好多  話梅香酥骨酥炸過既排骨唔會太乾，骨汁豐富，而且肉依然嫩滑易咬，再加上話梅炒過，酸酸味味，惹味非常，佐飯一大菜式！可惜成品黎到已經唔熱，只屬微暖！ 麵醬炒唐生菜麵醬炒過既唐生菜，味美，而且不油，只嫌份量太少，應該只有一個半唐生菜的份量，眨眼間已經被我們四人掃清光！ 東江雞話說媽媽都很喜歡這裡的東江雞，所以雖然禽流感肆虐，但仍點下這道菜，不過就命廚房要煮到熟。凡是重要的都是最後登場，東江雞也是。雞乃新鮮雞，非雪藏雞也，雖味道沒有香酥骨的濃郁，但淡淡的雞味卻俘虜我味蕾，而且雖然雞件全熟，但肉地卻鮮滑無比，小妹不停吃也吃了五件蒜蓉粉絲蒸開邊蝦這個菜是侍應介紹以叫的，盛惠$168 6隻大蝦，眼看成品卻知道原來大蝦的SIZE不大，失望極了，而且蝦算新鮮，雖沒有發霉，但肉質卻沒有應有的彈牙，這$168真的不值呀！堂記食品不算差，只是不知道為什麼每一道菜的熱度都不足，上菜時不是熱呼呼，而是全部都溫熱的，令小妹吃得不痛快！最後$550埋單，這頓飯，不算貴　但不值，雖知現在食材均都加價，但食物的溫度還是可以不受影響吧？…查看更多

我不嬲都好鍾意食海鮮，但我食米唔知米價，怕會俾人呃，所以都比較少食。今日行元朗，見個名好似好有霸氣，就入黎試試。因為我唔食辣所以無叫招牌辣蟹。落單既時候，覺得侍應們係唔貴唔介紹，我地叫黃金蝦，跟住有個男人行埋黎叫我地試第二種蝦，新鮮啲，黃金蝦用雪藏蝦咋，你要推介都唔駛踩另一款餸掛，我地話唔駛喇，佢就黑面行開左。胡椒花蛤湯一上枱淨係見到蘿蔔，完全無花蛤，於是撈下啦，撈左5、6隻花蛤都係得個殼，真係嬲到想投訴。食到最後花蛤殼係有接近廿隻，但肉我地就食到十粒姐，所以懷疑佢地係重用的殼黎呃人。右邊無掟無肉既既撈到7、8隻。講番味道先，花蛤係大隻好味，個湯都好重胡椒味，好香。黃金蝦如果餐廳有我一定會叫黎食，因為好鍾意食咸蛋黃。呢度用大蝦，好似有體面啲，但係其實大蝦都唔適合整黃金蝦，因為個殼太硬，好難連殼食，咁就無左黃金蝦既精粹。同埋佢啲蛋黃好淺色，唔夠黃，好似甩色咁，成碟餸失色不少。最好味係墊底既白色脆脆:(蒜蓉粉絲蒸蟶子王呢個又係必食，因為粉絲會吸左蟶子既鮮味，令人回味無窮。佢蟶子係夠大隻，但汁唔夠，粉絲又無煮過咁，硬到一塊塊，食媽咪麵咁。泿費左隻蟶子。臘味炒介蘭以為普通小菜應該正常，點知大錯特錯。首先部份芥蘭係冰架，係岩岩雪櫃拿出黎果隻冰，其餘熱果啲都係就咁落獲炒一炒，因為條條菜都硬到不得了。潤腸平時我都鍾意食，但佢既潤腸一級難食，唔知佢用咩牌子，咬落去一PAT野，好難受。…查看更多

有訂位, 加上遲到, 朋友已經攞了位, 所以不用等. 但我見出面一直都有人等.若不是朋友生日, 主角提出要食這間, 我相信我一世都唔會知道和光顧它.一來元朗對一個住將軍澳的人來說是極遠, 來回的車程比坐在廳館裡進食的時間還要長. 與其浪費時間在車上, 我寧願揀一個近大家的地方, 讓大家有更多時間相聚的地方好了, 總好過遠遠的來到, 剛食飽便嚷著太夜要回家了 (食飽9:30其實不晚, 但想到要個半小時才回到家, 回到已經11:00, 便太晚了)說回食物, 其實我覺得一般, 真的不值得要花個半小時車程, 山長水遠光顧這裡. 我深信油𣴒旺必有同樣質數的廳館.我們食了以下的菜色:蒜容粉絲蒸聖子皇 - 一般, 聖子都算新鮮, 但不是很大隻炸子雞 - 一般, 略咸黃金蝦 - 中上級, 可以煮得更香, 蛋黃不夠炸蠔 - 沒什麼特別, 老公話有點兒鯹椒鹽九肚魚 - 沒什麼特別杏汁白肺菜干湯 - 中上級, 肺好味蒸魚(不知是什麼班) - 一般, 蒸過了少許支竹雜菌雜菜煲 - 清清地, 沒什麼特別…查看更多

堂記辣蟹 呢間店我之前也食過幾次晚飯，覺得價錢唔貴，出品亦有特色，唔同一般大排檔或酒樓，尤其辣蚧同海鮮最正！所以今年老豆生日，成家人特登預訂咗一圍枱，仲叫堂記老闆們介紹D特色私房菜比我老豆食，，，最終食到我老豆同成班親戚讚不絕口，話好好食，菜式又有新鮮感，係水準之作，尤其係 杏汁燉豬肺湯，夠晒清香清甜。冷盤有 京䓤撈起深海墨魚，京䓤好惹味，而墨魚就夠鮮甜爽脆。。有沙皮老虎班兩食，炒球同 炆骨腩，超正。。龍蝦仔生果沙律，一人有一隻龍蝦仔，最特別係堂記做個沙律嘅生果用足新鮮生果，有藍莓，火龍果，哈蜜瓜等等。而招牌菜 堂記辣蟹，我哋今次揀咗用 大辣去炒，再加米粉底，，，出來 蟹炒得啱啱好，仲好有肉汁夠嫩滑，但大辣真係辣到跳舞，激！所以今次專登加咗米粉做底，將米粉加埋炒蚧嘅蒜頭辣椒粒，有驚喜！…查看更多

同屋企人一行六人去吃，主要原因是大家很喜歡食辣蟹，所以一見到店面就立即去試。食物一般，其實不是差，只是一D特別都沒有。最好食的就是苦瓜炒聖子，可能之前未試過咁食法，都幾好食。全餐承為＄1100。…查看更多

睇睇---今次係我唯一記得食野影相 , 之前成日食到半路先記得 , 因為我寫食評唔多我地叫左咕嚕肉 , 咖哩牛腩煲 , 招牌辣蟹 , 抄通菜 , 胡椒花蛤一 , 咕嚕肉---ok , 唔錯 , 炸完仲有d香味 二 , 胡椒花蛤三 , 招牌辣蟹四 ,咖哩牛腩煲五 ,抄通菜…查看更多

近來真的很忙，就連佛誕假日，也要留家趕工。然而去到中午時份，又開始記掛金記的叉燒了，就決定落樓堂食，卻不巧遇上休息告示。大熱天時，不想走得太遠，於是就改到同街的堂記辣蟹午餐了。　店如其名，堂記辣蟹是主打蟹類菜式的，早前吃晚市感覺不壞，當然午市來吃選擇很不一樣，還幸是款式也不少，而且店內冷氣充足，又有大大張卡位，算是坐得幾舒服。兩口子點了午市客飯及小菜套餐各一，各包一杯飲品，小菜套餐更附有例湯。湯與飲品率先上檯，我選了店方自家煲的木瓜雪梨燉蘋果露(+$2)，十分足料又清潤不過甜，味道不錯，只嫌份量稍小。老公的例湯則是很味精，不飲也罷。飲品的凍鴦(+$2)又變為凍奶茶上檯，而且奶味了太重；還好也有好處，就是夠大杯，飲到最後都有!我點的客飯是粟米班塊飯($32)，無論是份量，還是多汁程度都與大歡喜相差甚遠，幸而味道也不差，我尤其欣賞它的米飯，煲得粒粒分明有咬口，整體來講都OK。老公的小菜套餐則是他最愛的水煮牛肉($42)就姍姍來遲，足足隔了廿分鐘才到；這個份量就非常充足了，而且吃來雖然不夠麻香、未算正宗，然而入口酸辣有勁，足夠老公吃到超開心又滿足了。 吃到一半，發覺菜式中間墊了好些芽菜，但以其價位／份量仍然是相當抵食。吃完飯埋了單，又是時間回家繼續努力了!…查看更多

見門口招牌主打食辣蟹，但我不嗜蟹，故經常行過門口而從未光顧.當晚從Openrice見此店幾小食評相片, 反而令我决定一試,我兩walk in被安排坐四人卡位, 真合我意及舒適:)我女友嗜蟹之人,女友問食蟹資料, 服務員覆約—斤十両重, 故放棄食蟹, 留待夠四個人先試.是日老火湯(西洋菜唐排湯 $30)先來是日清心潤肺的細煲例湯, 但送來一大煲, 明顯見兩人食飯, 通知服務員後作更換, 味道頗清甜, 應冇味精或好小( 女友對味精敏感) ,細煲可分四碗, 甜味來自蜜棗.香煎豉油皇蝦 ($96)以蝦代蟹, 九隻大蝦煎到香噴嘖, 咬落口蝦殼脆扑扑, 十分香口:).薑葱霸皇雞半隻 ($55)可惜無另一招牌菜蒜香雞($65):(, 點霸皇雞代替, 小部份雞肉有脂肪及雞骨帶紅, 但可接受, 隻雞新鮮, 烝後肉質幾滑, 點上薑蓉及配合葱花後更野味.本來重點左味菜, 可惜走單:( ,冇菜食, 不過此店無加—:), 都有壼茶飲啦.…查看更多

上星期六又是家庭聚會的好日子:)，老豆、媽、哥、我和老婆走去元朗棠記辣蟹食飯。去到見到樓下Full哂，以為要等，點知侍應話樓上有位，梗係渣渣臨上去。一睇，張枱係Toilet 隔黎......富堂真係有啲唔想坐低:(......(個人認為坐門口都好過坐近Toilet食飯......)但丫媽話Never mind 唔介意費事等位，唯有坐最近Toilet個位等佢哋兩老唔駛聞住嗰陣味食飯。由於2樓睇唔到是日精選菜式推介，故落番1樓後才點餸。是日享用菜式:1)豉椒炒檉子:可:)，普通、沒甚特別。2)剁椒蒸魚頭:良，此評分出自媽和老婆(因我們三父子無食)，她們說味道酸酸甜甜，又不會太辣，食落頗開胃。3)辣酒煮東風螺:優，成晚我覺得最好食就係呢味餸，送飯之選！4)豉椒炒蜆:可:)，普通、沒甚特別。5)土魷蒸肉餅:可:)，普通、沒甚特別。6)涼瓜炒牛肉:良，此評分出自哥哥，因他最愛吃涼瓜，所以成碟俾佢攞黎送飯!7)金銀蛋浸莧菜:可:)，普通、沒甚特別。8)青紅蘿白煲豬:可:)，預左例湯都係大圍煲湯，湯料內的青紅蘿白尚算足夠，又唔係飲緊味精水，收貨啦。服務方面尚算OK。總括而言，如果係家庭聚會或大圍朋友食飯都會考慮再嚟，如果淨係兩公婆食飯就多數唔會囉。P.S:其招牌菜辣蟹今次無試到(兩老唔食)，下次有機會再嚟要試下先。…查看更多

近來的食評都無衝出元朗.....今次要評的食店是呢間堂記辣蟹.出名辣蟹.我不吃得,腸胃唔好....當日同媽媽在門口看了一會兒就入去試下.....入去後第一個感覺.環境有點舊.還有會嗅到一種類似消毒藥水的味道....待應得3個男人....他們都係黑口黑面...由落單至離開都是沉黙..其間呢3個店員有朋友來訪....就現笑面....問題是顧客出錢買服務換到是黑面...朋友是同佢玩就現歡顏,這是不公平....食物方面.的確唔菜....我點了....例湯30元...青紅蘿蔔煲豬骨.溫度熱...夠火路.....料都多...湯的色係淺色.飲下去清甜.....絕無味精,二個人每人分到3碗.....帶子蒸豆腐.每件豆腐都有帶子....豆腐滑而有豆味.....帶子都鮮甜.的汁有唔算鹹.仲有3條菜心,夠大碟....豉汁蒸倉魚,倉魚係活生生即劏....肉質好滑,,豉汁去大部份店食完都口渴...呢間無....送的橙.....都好甜.無核.....埋單184元.......最後想講.客人去食飯...都係想開心,不是叫店員要賣笑....有時友善一點...唔駛錢.但客人會開心咁離開都係好事....…查看更多

這裡小菜好經濟, 三十幾蚊有例湯,小菜,飯和飲品如果有較多女仔/細食的, 8個人叫7個菜都畽算ok飽 (雖然個菜size唔太大,但剛適中)d菜即炒,約有20款選擇推介小菜有:南乳蓮藕炒肉片, 金銀蒸水蛋未試過炒蟹,所以未能comment…查看更多