城中鴨子

營業中

休息中

大部分人趕coupon到期前用 平日夜晚6點入座唔需要等位！ 過多半個鐘出面已經企滿晒人～ 【北京填鴨 半份】$190衝住片皮鴨而來 結果有少少失望～ 覺得出面有唔少餐廳都平靚正！ 雖然有皮脆 肉質都好嫩 但好可惜係鴨皮 只有8塊 而且鴨皮張張都有折痕 一拎起已經穿晒！【鴨蛋煎蚵仔】$138好有台灣蚵仔煎感覺！ 勁推薦！ 蚵仔份量好足料！ 不過就一定要趁熱食 凍左就油到唔係太想食～ 【蟲草花炒翡翠苗】$128幾好食 又爽口 但係油得驚人 食完見到隻碟底油多到可以再炒多幾轉～【雞湯小雲吞】$78雞湯真係勁好飲 勁濃郁不過偏咸～ 雖然叫小雲呑 但份量一啲都唔小！ 8隻之餘 每隻都好足料！ 皮薄餡靚！【小籠包 6隻】 $88雖然唔係專門食小籠包 但小籠包都好ok！ 皮薄多汁 好滿足！最後想讚下serve我地既待應 真係勁好服務～

今次生日飯去左海港城食，因為可以用埋d海港城coupon ,一早都知城中鴨子多人等又無得訂位，好早就拎左飛，都要等個幾鐘先有得入座，同埋佢可以6 人一台都得唔洗分台。我地叫左好多野食，叫左四款前菜個拼盤，有醉雞，海哲頭，同另外兩樣唔記得左😋好味道。叫左小籠包，窩筍絲 ，而家都真係好少地方有得食窩筍，好味道，當然叫左一隻片皮鴨啦，好香脆好好味，仲叫左松子魚，不過份量有d細，酸酸甜甜都好開胃。叫左松子雞米，辣辣地仲有個酥俾我地伴住食，正呀

這是我最愛食店之一，食物、環境、服務，全部都一流。唯一缺點是多人等位，晚上7:30後都甚難有位。要吃，就要6點前來。招牌菜片皮鴨，皮又香又脆。大大碟，4位吃半隻鴨就夠（$190半隻）。蜜汁火腿，塊包好味（$188）炸蟹鉗，是用真的蟹鉗做（唔…咁因為現在很多酒樓都不是用真蟹鉗），很多枱客也點這個（$78一隻）。生煎包，煎得脆，有肉汁。還是那句，包好味（　$88）。甜點高力豆沙，傳統做法，料充足（$56）再泡一壺茶（$25一位），很舒適地享受.環境非常舒適，枱大，椅寬，枱與枱有充裕距離，好彩的話，更會有海景位。

近排海港城間城中鴨子成熱話因為這家餐廳不接受電話預約，只接受walk in所以這天來排隊吃飯的人超級多～～～未到5點已經開始排大長龍了！真的超誇張！我也由5點開始排隊拎籌，再用一小時終於等到入枱了其間仲有人想黎食飯，但餐廳表示籌已經派光！真的超誇張😱所以過黎食真係要提早排隊！我地一行人點左👇🏻烤北京填鴨。一隻（片皮鴨）無錫灌湯小籠包（一籠6隻）芙蓉賽螃蟹蒜泥白肉阿里巴巴椒鹽小羊腿田園蟲草花炒翡翠苗吃完這餐大家都捧着肚子走😂😂😂真的吃太飽啦！但真心好吃喔😋！有indoor 和 outdoor ，外面可以看到超美的海景，但坐外面沒有冷氣喔，現在炎熱的天氣的確會比較難受，如果受不住那麼熱的話就要坐裡面啦。

城中鴨子 海港城勁多間餐廳都望到海景，呢一間都唔例外~大概5:45開始入座，但係排隊條龍已經排到好遠，超級多人，唔知係咪好好食🙈片皮鴨 半隻$190食上海野一定要食片皮鴨，鴨皮充滿油香，分量充足，超鍾意食嗰啲皮，脆トト得來唔會太燶，烤得通透，還好。松子魚 $138份量比較細，醬汁過分甜，而且太多，令酥炸的魚淋了，不太好食。醋埕小排骨 $88本身諗住喺小食會好細份，出到嚟份量比想像中多，而且味道適中唔會太甜，每一件排骨都唔會太肥，骨肉分明，好食。尖沙咀廣東道3-27號海港城港威商場3樓3319號舖

由於，海港城有美食卷，城中鴨子可以用到呢啲美食卷，所以成日都見到門口好多人排隊，如果堂食嘅話真係一度令人卻步，因為保守估計等待嘅時間唔會太短。屋企人想食片皮鴨，所以我哋見到佢有外賣優惠，就買咗返嚟屋企一試。四人餐嘅話係$688，入邊包左一隻北京填鴨，咁樣睇落去嘅話性價比係好值嘅。另外我覺得香蔥麻油雞都係好唔錯嘅一個選擇，因為雞仲係保持到鮮味，食完令人哋有一種回味嘅感覺。另外其他菜式都係普普通通冇咩特別出色。

因為有dinning劵就試下呢間成日排長龍既中菜小食有豆卜解下口癮，鴨好快就到，鴨好香，油脂肥肥，一放入口就爆開成口鴨油香，皮唔夠薄，不過過得去。最驚喜係蔥油餅，熱辣辣，炸到好酥脆，入口即融！蔥好新鮮，超推薦！炒鴨肉飯普通左啲，叫左職員拎豆瓣醬，加少少調返個味。楊枝甘露甜甜地，好多料，作最後結尾！yummy～

趁住有海港城coupon就去試一試呢間既片皮鴨😍 食落成餐都美味😋😋😋嗌咗碗火鴨湯超好味！飲落唔會係味精，鴨味好濃郁，仲有雲吞，飲完成日都唔夠喉蜜汁火腿方塊超推介，包皮好鬆軟夾住蜜汁金華火腿再配個脆脆既方塊真係正！3個人嗌左半份嘅北京填鴨都已經夠食好多肉，鴨味唔會好’蘇‘亦都唔會好韌，夾住青瓜加醬食☺️嗌咗個花茶，飲晒仲叫職員加熱水，加咗兩次都係凍嘅啲水。。。同佢講佢仲話已經係熱水🙃食完成餐最後梗係要嗌個甜品happy ending😆 楊枝甘露配雪糕，食完個雪糕其實份量得好少😂😂😂

好幾次經過想食，但係都因為太多人排隊，食唔到，咁次早早過來排隊（5點到），居然人唔多，平時5點都排長龍啦。掃咗安心出行，店員會講明用餐時間個半鐘，人齊先可以入桌。一坐低員工就會俾水同問你有無yuu，用enjoy卡俾有4倍積分。我地食野講求速度同美味，服務態度，我地覺得好好，起碼會幫你加水，打包又唔收盒錢。因為有商場優惠券，所以可以扣4張，兩個人食咗893😄😄😄，➖400都抵既，下次會再幫襯，但水煮牛肉打死都唔會再叫。咕嚕肉會再叫，上面加咗青蘋果🍏絲，好食食過海港城幾間，得城中鴨子抵食同好食唔貴

自從海港城出左啲飲食Coupon 後，要去海港城既餐廳食飯，一係就排到暈左，一係就一早未開就係門口等攞位。。好在姐係星期五收4:30 人士，一個朋友係老闆，一個朋友係海港城返工收5:30 ，即刻嗱嗱臨約星期五食呢間無得book 嘅片皮鴨先🤣🤣🤣🤣去到海港城大概5:40 ，門口已經有一堆人係度等位，朋友就5:30 去到準時拎左位，好在咋😝😝😝😝用餐時間係90mins, 都明嘅咁多人等位😀😀來到一定要叫片皮鴨（$190半份）啦，3個人叫左半份，份量都唔細，我一個人都食左4-5塊，啲鴨肉唔肥，但唔會好乾，醬料唔會好鹹，食落真係幾唔錯，不過3個人食都有啲漏，最後都係要棄皮淨食鴨😅😅😅雞絲粉皮($88), 呢個前菜，份量唔大，同個粉皮有啲辣辣地，我自己就幾鍾意食，不過朋友似乎麻麻去，最後我自己清左佢🤣🤣👍🏻👍🏻咕嚕肉($118), 呢個幾好食，無乜肥肉而且個酸甜汁較得好好，不錯👍🏻紅苺子骨炸花枝片($158)呢個有啲貴，但都幾好食，個炸花枝片一上枱我仲以為係多士🤣🤣 都奇怪做乜有啲肉骨配多士咁奇怪，我仲用手去拎啲花枝片(真係失禮晒🤣🤣🤣) ，花枝皮好食，個紅苺子骨好昜咬，不過比起咕嚕肉，咕嚕肉好

【 城中的美味佳餚 】🦤海港城的「城中鴨子」好多人都讚佢個烤北京填鴨超好味，講到咁吸引，今日就帶左爸爸媽媽黎試下。推介菜式 :🌮一份烤北京填鴨原先仲怕一份會太多，點知好味到我地都食唔停口，烤鴨片皮香脆，肉質非常嫰滑，油香滿溢，入口即化，我哋最鍾意用煙韌的餅皮包住青瓜，香蔥等配料一齊食。🥟生煎包煎得好香口，內裏鎖住鮮肉汁，鮮肉汁都幾夠香濃。🥬無錫灌湯小籠包小籠包外皮夠薄，可以見到小籠包內盛滿湯汁，湯汁嘅份量至少填滿三份一，好好味！🍜新疆羊肉湯麵湯底清甜，麵質夠爽彈，羊肉都整得好出色。🍤揚州小葱蝦仁炒飯炒飯炒得夠乾身，配埋蝦仁同菜食落好滋味。🥬金華火腿扒津白 不過不失，略嫌火腿扒過鹹。🪑原先以為自己好醒，6點就去拎位，點知原來都勁多人一早拎左飛，結果等到8點先可以入座，真係餓扁了，所以想食真係要早d去拎位呀！

每次經過城中鴨子都大排長龍,今次一早拎定飛,諗住食餐好, 點知真係超失望。叫咗半隻招牌烤北京填鴨,點知上枱原來係凍嘅,鴨皮一D都唔香脆,而且好油冇鴨香。用嚟包鴨肉嘅薄餅皮相反就熱辣辣,但係亦都好油。生煎包亦煎得一D脆嘅效果都冇,咬開又冇爆汁效果,完全同蒸包冇咩分別。上海粗炒麵質超淋,肉絲好難先搵到一條,而且亦都係超油,又冇味。城中鴨子定價都吾算平,但係完全估唔到質素會係咁,食物質素甚至比一般酒樓更差。

同男朋友黎城中鴨子食飯，叫左好多餸都覺得味道唔錯幾好食。入黎餐廳前都排左一個鐘，入到去等片皮鴨又一個鐘。結果終於等到個鴨黎，層皮個油脂厚到可以敷面膜，個麵皮都係甘油。究竟係食緊油等食緊鴨？？？最後埋單又等左半個鐘🙂🙂🙂

我自問又唔算非常喜歡食片皮鴨嘅，但今日下午又唔洗等位，直接入得，就試下呢間長龍店啦！當然片皮鴨係必叫，午餐就有比較細份的size可以叫，都算細心！我自己叫咗個龍蝦湯，朋友叫豆腐羹，亦有小朋友最愛的炸物-炸蝦球🍤，最後怕唔夠食叫多個嫩雞煨麵，仲有橙汁。首先個龍蝦湯有啲失望，有陣苦澀味，本人平時食海鮮唔會覺得腥，都覺得個湯真係送的都飲唔落 朋友的豆腐羹就普普通通啦不過不失！炸蝦球有驚喜，好有鮮味，亦非常爽口彈牙，絕對值得一試！ 至於亂雞會面就比我平時食的另一間質素差啲，唔知係咪食飽咗的關係，個麵真係唔需要試都得！我都知道嫩雞煨麵的味道比較淡，但未至於淡到水一樣

星期日黎海港城真係人山人海呀，都知食咩都要排隊，所以同朋友決定早啲黎食。朋友話想食中菜🥢，所以揀左呢間「城中鴨子🐤」。佢5點開始第一輪，我地4:45番到去都見到有龍啦，好彩佢裡面應該幾多位下，如果吾係要排第二輪就又要等1.5小時了。入到去，店員都係放前菜係枱面，都係吾食就叫佢收走，吾係個碟會收錢嫁。另外，佢呢間就無一壺壺茶提供，得水，又係要既另收錢啦。佢呢到係用qr code 點菜，都幾黎到呢度，當然吾少得叫烤北京填鴨（半隻）$190，佢個鴨皮片真係好香脆，但啲肉有啲老身，同埋佢個鴨餅都好多份量，我地都食吾哂呀。另外，如果想refill 啲青瓜個啲都係要俾錢啦，佢地無得免費refill 既，因為set 左一份餐係咁多份量🤷🏻‍♀️。之後叫左無錫灌湯小籠包（6隻）$88。佢個小籠包個皮都好薄，入面啲湯汁超級多，都係好食既！最後叫左個揚州小蔥蝦仁🍤炒飯$128。呢個炒飯認真係好食，食到佢既鑊氣，佢啲飯粒粒分明，炒到黃金咁既色，都幾出色。整體食物都算不錯，可以一試。相反，佢啲服務就真係好麻麻，一啲都吾夠主動，但店員人手係足夠嫁wo。所以呢度都真係好扣分。