城中鴨子

營業中

休息中

餐廳名都有個鴨子，即係主打鴨嘅菜式，無諗過個烤北京填鴨，令人失望😌首先唔好講味道，無諗過一坐低就落單叫咗個鴨，知道製作需時，但唔係其他餸上曬之後，等咗差不多一小時都未見隻填鴨，仲要吹先上🥲味道普普通通🙃其他餸份量偏少，價錢又唔平，味道又無乜特別好食😑呢碟津白排得好靚，但一入口完全唔熱，唔知以為係冷盤，好多芡得嚟又無乜味道🫢第一次見小籠包個樣係咁樣🫣搞咩！個皮凹凸！炒飯得啲色水，一啲都唔香。

家人又想食片皮鴨，所以一行人到尖沙咀城中鴨子食晚飯。上次試了北京樓，覺得一般，反而彩福皇宴既令我地食過翻尋味，已回頭幫襯多次。雖然知道城中鴨子也是美心集團旗下的，但也想再比多次機會試試佢。美心集團旗下的餐廳可以話品質有保證，但去唔到令人感到驚艷既地步，餸菜都係keep住喺正常既水準。佢個片皮鴨同北京樓的一樣，完全無放調味。我明白要落甜醬，但鴨肉本身都需要少少調味如果唔係太過單調，鴨騷味太dominant。普寧炸豆腐係幾好食，似家樂坊對面既炸豆腐，但如果係咁既價位加一，我不如去街邊督住食好過

以前有coupon的時候要排長龍，現在平日walkin可以入，好好多，waiter的服務態度也不錯。半隻片皮鴨（$218）肉質不錯不韌，鴨皮脂肪均衡，青瓜爽口鮮甜，餅皮塊塊分明，如果餅皮可以更熱就更好，不過整體不錯，對得住價錢。雞絲粉皮（$108）不過不失，唯獨醬汁有點酸辣，有些奇怪，可以略過。小籠包（$108）皮薄餡靚，也很夠熱，可以一試。上海粗炒（$142）味道較濃，都夠鑊氣，但價錢偏高，可以略過。上湯翡翠苗（$142）湯汁清甜，菜新鮮爽脆，加上茶樹菇，兩者配搭口感不俗，推介！甜品豆沙鍋餅（$88）有點炒車，皮不脆又厚，豆沙甜度適中，些許失望，之前吃過馬蹄餅比較好吃，希望下次有改進。總結部分菜品價格偏貴但味道中規中矩，驚喜不大，建議主攻鴨子，片皮鴨的性價比還是很不錯的，其餘隨便點一到兩樣就好。

今日嚟到尖沙咀廣東道「城中鴨子」，在海港城海景餐廳，價錢非常貼地，環境舒適，食物很美味，性價比十分高。* 烤北京填鴨半隻$198* 這道菜的味道非常好，鴨肉肥而不樓，皮脆肉嫩，非常值得一試。* 田園蟲草花炒翡翠苗$138* 這道菜的味道很清淡，翡翠苗炒得恰到好處，非常爽口。* 炸雪糕，價格為$92* 這道菜的味道很特別。外面又熱又脆，裏面又凍柔軟滑。* 豆沙鍋餅，價格為$82* 這道菜的味道很不錯，豆沙餡很香甜，鍋餅也很鬆軟。城中鴨子 (尖沙咀)尖沙咀廣東道3-27號海港城港威商場3樓3319號舖

Walk-in等位約20分鐘就被安排進户外高台區(職員係咁形容哩區)，一打開門真係俾個景同氣氛震撼到😙飲品叫咗蝶豆花梨子梳打，算係正常發揮，記得飲之前要攪下佢。對上一次食哩間嘅片皮鴨應該係疫情前，隔咗咁耐品質依舊👍好欣賞佢啲皮係脆得嚟無乜脂肪。佢嘅餅皮都好細心係餅、紙，梅花間竹咁擺，唔想整污糟手嘅人可以全程隔住張紙包嚟食，絕對係福音😇四季豆係有啲辣，不過好惹味😋雞絲粉皮都有輕微辣，四小碟係可以一次食到幾款食物，不過感覺一般。咕嚕肉屬於正常水準🙃生煎包幾好食，佢個底係煎到脆，咬開係熱到噴煙同有湯汁😝墨汁好少配搭中式食品，係比較新穎，不過味道比較淡。

I visited here because of the wom, it is not surprisingly that the food is nice but the service attitude is terrible, especially the receptionist. I never expected that kind of rude attitude in habour city, i will not recommended this restaurant to other even though the food nice, but the service attitude really affect the dining experience.

一班朋友咁耐無聚，今日就約左佢地去尖沙咀海港城食中菜。去到門口已經好多人，攞左飛等左30分鐘終於可以入去坐低。餐廳環境好闊落，裝修比較時尚。呢到主打上海，京滬菜。 烤北京填鴨 - 半隻 ($198) 鴨皮同鴨肉分開上，食嘅時候要鴨皮鴨肉連埋青瓜同甜醬用嬤嬤皮包住黎食。鴨皮好脆，連埋青瓜一齊食，完全無油膩感，不錯。 無錫灌湯小籠包 ($98) 小籠包好多汁，皮好薄，配埋正宗鎮江醋，令人有一口接一口嘅衝動。 釀香樓牛肉餅 ($28x2) 呢個牛肉餅嘅汁可以用瀑布黎形容，一咬開肉汁已經不停留出黎，足足裝滿左1/4個碗！但牛肉餅就比較細個。 四川擔擔麵 ($98) 擔擔麵湯底做得好好，辣味同花生味比例好到位，麵條都唔怕煮好過淋，配埋肉碎同花生碎，完全食到擔擔麵嘅精髓。 大元帥蔥油餅 ($60) 我香蔥控朋友指名要點。蔥油餅熱辣辣，食落每一啖都有好多蔥，蔥味勁濃。不過我就略嫌佢有啲油。 最後埋單每人二百蚊左右，食物質素同價錢都合理。不過餐廳有啲嘈，唔適合傾計。 

朋友知我鐘意食片皮鴨所以介紹左啲間叫我去試🔆烤北京填田（半隻）雖然只係半隻，但份量唔小，鴨皮同鴨肉分開，鴨皮夠脆鴨肉厚嫩，配埋青瓜絲同䓤絲再加上鴨醬，滿口鴨香，油脂適中，鴨肉美味！🔆無鍚小籠包小籠包皮薄，肉饀肥廋適中，湯汁濃厚清甜，剛好一口一隻，不錯不錯！🔆味道弄堂酸辣湯酸辣度適中，配料多！🔆翡翠豆腐羹味道清甜，口感不過不失！🔆川味蒜泥白肉肉質彈牙，蒜泥配上特製調味漿汁，入口令人回味，味道不錯！

好似係海港城長期都好多人響門口等嘅一間 特別係晚市餐廳門口一定堆積了一大堆人在等候· 烤北京填鴨半隻 入坐前 前台員工已經會先幫忙落單每枱的客人必點的菜式👍🏻當然這皮片鴨無法跟內地的比較 好普通～但人在香港 如果突然心血來潮想食的話 可以去這間食· 成都紅油抄手 超級普通的一道菜式· 小籠包子 個人最近真的很喜歡小籠包🥹但這間的小籠包子 真的有點普通～· 麻醬雞絲粉皮 這個真的好吃😋 麻醬調配得剛好 有少少辣·哈 其實依間野同海港城大部分嘅餐廳一樣 普普通通🌝

星期日夜晚差唔多8點幾先去到海港城食飯，本身想食嗰間已經full晒，實在太肚餓經過「城中鴨子」見到冇人排到就入去醫肚啦😆烤北京填鴨（半隻）以$198呢個價錢我覺得係高質嘅，鴨皮酥脆鬆化，比一般連鎖酒樓好好多，同某啲貴價片皮鴨略有幾分相似，份量亦不少，上面係鬆化嘅外皮底下就係淨鴨肉，上枱時亦都仲係熱嘅，而佢嘅餅皮就比較有韌性，但冇個爐熱住好快就凍晒四川麻辣大盆雞推動👍🏻反而大盆雞就有驚喜，味道又麻又辣，雞件啖啖肉大部份都係雞肶位，底下仲有寬粉撈埋啲麻辣汁好好食無錫灌湯小籠包小籠包咬落去入面都係充滿湯汁，帶有鮮味，外皮厚薄適中，肉餡嘅份量就較少🥲南翔生煎包包底煎得夠脆夠香口，但肉餡嘅份量就比較少，咬落有少量肉汁，普普通通上海粗炒麵見好多枱都有嗌上海粗炒所以嗌黎試下，味道係夠濃，加入咗大量椰菜絲、肉絲同東菇絲，材料尚算豐富，但麵質就唔多掂，又粉又淋，改善下麵質會更加好📍城中鴨子 (尖沙咀)尖沙咀廣東道3-27號海港城港威商場3樓3319號舖人均消費：$300-400食物：⭐️⭐️⭐️環境：⭐️⭐️⭐️⭐️回頭率：⭐️⭐️⭐️

我作為美心集團長期捧場客，呢次真係好失望。第一次吃到咁難食片皮鴨，嗰鴨皮足有1mm咁厚，又肥又油，見到都作嘔唔開胃，啲鴨肉切得好大塊又硬，簡直食之無味 棄之可惜，－只鴨380蚊唔係平，請攞啲誠意和良心出嚟做生意，否則真係唔好抱怨香港人都返晒深圳消費啦！呢間之前都好多人排隊，依家完全唔使，知咩事，我都唔會再去。食完返屋企胃唔舒服，仲要食消化藥。

差到平時懶得寫食評嘅我都要黎放負。首先入座so-called俾大張d嘅近窗口位，其實就係最入嘅一張我估係員工餐檯，正對著入後廚房嘅門口，隻機器人係咁送污糟碗碟入去又開唔到門等係度，我地望著d污糟碗碟好影響食慾。而且坐係咁隔隙位，叫極都冇人理。然後叫咗半隻鴨啦，等咗40分鐘，中間催過，阿姐就話係要等㗎啦，即烤㗎嘛。咁點解唔事先講明？人地要等20分鐘以上都會係menu寫清楚先啦。最後終於等到啦，點知上嗰籠餅皮塊塊都中間裂開咗，一塊變兩個半塊，點包？叫阿姐黎換，一句唔好意思都冇，西口西面換過一籠。終於可以食嗰半隻鴨啦，以為幾美味啦。其實皮同肉係完全分離嘅，皮烤到乾柴柴根本咬唔到郁，肉都淨韌，好似嚼香口膠咁，又有鴨騷味，真係唔得。最後我地仲包緊，冇手得閒之際，佢就隊張單黎叫埋單喎。我真係無語，淨係想快d離開。總之，係我咁大個人試過由服務到食物質素都最差嘅一間舖頭。😫

經常在海港城大排長龍的食店，咁啱行街見唔駛排隊立即去嘗味一下😋，結果失望。 入座時碗碟已放好，碟有三四個黑點，用紙巾是可以清走的黑點😵‍💫。 服務方面有十多位樓面店員，當中有兩位能力出眾，其他就有點禮貌不足，鄰座上菜收蒸籠還看到掉蒸籠到另一面😵‍💫。 店舖內有透明玻璃的廚房展示區，展示處理片皮鴨，負責處理食材店員有帶口罩，上菜職員有帶口罩，但不知為何一名穿黑衫疑似高級店員無帶口罩入到該區和負責處理食材的店員聊天20多分鐘，二人是平排企對著片皮鴨邊處理邊聊天….雖然現在不是疫情高峰期，但這個觀感真的有點驚訝🙀你們有講有笑聊天可以落了場休息先講嗎…又或者佢可以用返口罩嗎？本身該區域設計係令食客放心，現在反而係令食客擔心😕。 上海大碗雲吞鴨湯：呢個湯非常入味，鴨香味金華火腸味，材料都唔少兩片燒過的鴨肉、兩個雲吞、一條菜、一小片金華火腿，鴨肉略為有點老難咬，雲吞大隻但沒有蝦。 北京爆大蝦球：醬汁甜甜的，有五個大蝦球，醬份略厚。 桂花糕凍伴鴨件：桂花糕鴨片薯片加沙律醬，桂花糕拯球了這道菜，食落香口舒服唔甜。 烤北京填鴨（半隻）：皮與肉分離得幾好，此半

今日同朋友係海港城逛街☺️到dinner 時候見到間餐廳唔係好多人唔洗排隊就有位叫咗兩個餸，等咗十分鐘到就到齊上菜時間都算快⭐️片皮鴨⭐️叫咗半隻，隻鴨燒得幾靚整體賣相都唔錯師傅已經將鴨肉同皮完全分開🧐係冇一件肉連皮🙈個人比較鍾意肉連皮皮燒得都幾脆 不過鴨肉肉質唔算嫩薄餅夠熱，份量都好足夠👍🏻連埋青瓜，蔥絲，甜麵醬一齊食味道都唔錯⭐️小籠包⭐️小籠包有六隻小籠包皮都算薄不過肉比較肥膩食完之後要飲茶解膩

首先，讓我來介紹一下扁皮鴨。這道菜的外皮非常香脆，口感非常棒，讓人一口接一口。肉質也肥美，有著濃郁的油香，讓我吃得很開心。如果你是扁皮鴨愛好者，絕對不要錯過這道扁皮鴨！ 另一方面，菊花茶有著清新的香氣和甜味，讓我感到非常愜意。加上有蠟燭座，我喝了幾口後，就覺得自己的身體和心靈都得到了放鬆。這是一個非常適合在用餐時享用的飲品，讓整個用餐體驗更加完美。 這家餐廳的飲品和食物都給我非常美好的用餐體驗。如果你正在尋找一家能夠提供高質素菜餚和飲品的餐廳，我推薦你到這裡來一試。