坤記 (已搬遷) 新店位置

飲完茶去市中心行街~行過呢到心郁郁想食蘿蔔糕~可能因為唔係lunch時間~所以冇乜人~要左件蒸蘿蔔糕~味道依然~有蘿蔔絲o既清甜~今次俾豉油份量o岩o岩好~唔會cover左蘿蔔o既味道~好味啊~o係到唔食黃豆製品~真係抵食!食完已經飽到半死...行多幾個鐘街補數先!衰在呢到d阿姐太多野講一邊拎食物俾你..一邊大大聲講野口水都唔知飛左幾多落去...好想同佢地講:「shut up!」

食完lunch開始shopping行左幾個鐘都冇收穫返家o既時候行過坤記平時黎呢到飲豆漿就飲得多食豆腐花都係第一次入面坐滿人要搭檯~叫左個凍豆腐花好細碗...$8...唔抵食豆腐花唔滑....又細碗...極度唔抵食....事實上呢到食野都幾貴下...粥品比海皇貴豆腐花比豆漿大王貴....豆漿又太甜...下次都係o係到食蘿蔔糕算了!!

最近夜晚出多左街食飯搞到朝朝早起身都口乾乾咁想食返d野清下熱食粥係我o既不二之選!本來想去海皇但諗起佢地o既蘿蔔糕就唔多開胃於是黎坤記試下~>皮蛋瘦肉粥($14)料唔可以叫多~事實上幾稀下....味道中等~不過見好耐冇食過皮蛋就叫黎食下~$14一碗粥....冇乜期望....>蒸蘿蔔糕($7)當然唔及美心o既好食啦~不過一定比海皇好~起碼可以食到蘿蔔絲同蘿蔔o既清甜味~一邊食一邊見到有好多人外賣蘿蔔糕好似係最多人叫o既食物~咪見佢個賣相樣衰衰咁~其實味道唔錯架!衰在係呢到坐得唔係咁舒服...環境不容許坐多一陣.....食完拿拿聲捧住個肚埋單走人!

o係市中心行返屋企經過呢到mama話想飲豆漿於是兩個人share一杯個阿嬸好無禮貌囉好似唔想做咁仲一邊倒豆漿一邊大大聲講野唔知有冇噴左d口水落去!!到「吸」杯蓋o個時更因為掛住傾計搞到倒瀉豆漿!!起碼少左兩啖!對唔住都冇一聲!!豆漿味道??唔駛問梗係又係糖水咁款啦如果唔係mama想飲o既話我先唔會黎呢到飲....希望mama下次行多幾步先覺得口渴啦....

最近喜歡上飲豆漿今日行過呢到再黎買杯豆漿飲下...曖豆漿~$6一杯價錢唔係平用紙杯外賣邊行邊飲初初飲唔係好覺甜愈飲愈唔掂飲到落底更覺自己飲緊糖水多過豆漿甜到死...可以同許留山o既庶水媲美!!!冇下次...寧願行多幾步俾多5毫子去海皇好過....!

黎呢到試下買豆漿$6一杯~比尖沙咀o既公和平$2...咁當然...公和始終係老牌子價錢貴d都係可以理解o既坤記o既豆漿...有d人工化太甜...應該加左唔少糖....不過勝在夠大杯...抵食化算..~

其實同媽咪都鍾意食海皇,不過同媽咪去開呢度買野,順便入嚟試試.菜乾蠔豉豬骨粥$14-食唔到有蠔豉,一舊凈豬骨及菜乾碎,冇乜味.芝麻糊$9-媽咪食,我冇試到.炸腸$8-要等好耐,以為炸緊油炸鬼,但食落油炸鬼又淋又凍的.炒麵$7-好油既凈麵,一點芽菜韭黃都冇.食完仲一陣油煙味添!

其實都唔係難食,只係冇咁好食。但賣嘅係平民食物,可以有幾好食呢?我叫過生滾牛肉粥、炸兩、炒麵、牛肉腸粉。最好算係牛肉粥,最差係炒麵,冇味嘅。但四十零蚊,叫四樣嘢,都算抵啦!有時洗大咗,窮困有得食,都算係咁。

我都去過幾次,覺得都幾好食又保留了古老小鋪的風味,但係有次我食食吓粥,第二枱有一位小姐就响店員反影自己碗粥不夠熱,而店員就把哪碗粥收起並交回煮粥的姐姐.....她二話不說便把那碗人家已食過的粥倒回她那桶大粥底內煮多次哩！我嚇得發呆............不會再光顧了！

早前有事出新墟，見有點肚餓，又見這間店幾多人，便入來試試。我叫了一碟炸兩、皮蛋瘦肉粥和一杯豆漿。炸兩- 油炸鬼還算幾脆，可惜腸粉偏凍，感覺自然就唔多好了，腸粉唔算太厚，但如可以再薄一點就更好了；味道只是好一般，或者熱食可以加多一點分數。皮蛋瘦肉粥- 粥底唔夠棉，味道和白粥分別不大，皮蛋偏少，瘦肉又沒有鮮味，很普通吧了。豆漿- 唔會太甜、幾好；可惜豆味唔夠重，但五元一杯，還想要什麼要求呢！

差唔多隔日食lunch都會考慮呢間0既鬆糕，事關真係好鍾意食糕。坤記0既鬆糕唔似其他鋪頭0甘,顏色較淺白,食落去有好重0既米味。口感唔太煙un，我估佢唔係用糯米做。鬆化，易咬易嚼易吞，好似食緊硬d 0既蛋糕，而小妹又接受到。其他鋪頭食到0既通常都係黃色，好軟，好煙un。對於我呢個鬆糕人，一律通殺。$4件頭都幾大，一件一餐，好抵。不過一開始lunch就好去買，晏少少就會冇晒。因為我見堂食0既人, lunch都會點呢樣，再加白粥。尤其係呢排，清明就好快賣晒。至於呢間0既粥，我就覺得冇乜特別。腸粉幾油，就唔太岩我~~~

同老媽子行完街,想食粥粉麵,行過仁政街於是走左入去~~下午三點幾,食肆內出奇地多人,我地叫左一碗菜乾豬骨粥,一碗豬紅粥,一碟炒麵及一碟炸兩(唔關我亞媽事係我大食)一碗菜乾豬骨粥送到檯上,起初食發現有一種很鮮甜的味道,後來食食下完來有我勁仲意食既蠔士(仲有好多粒係碗粥裏面,十二蚊超抵)另外的炒麵及炸兩都屬水準以上之作,豬紅粥老媽子都話ok,加埋四十幾蚊好抵食,有時間會再去~~~

芝麻糊好唔掂, 好似食緊多多芝麻糊咁.D 米線都唔得.

豆還豆, 糖水還糖水的所謂' 紅豆沙', $7一碗, 唔甜, 比較淡口, 豆唔夠腍, 一定唔會again!

d 粥就勁多味精d 炸兩就成大舊粉d 面又無味d 人又無禮貌呃錢!