坤記 (已搬遷) 新店位置

呢度既粥底，好棉，米香濃郁，並唔係其他既粥店0甘用生粉整"傑"d粥！而且營業既時間去到凌晨，一大清早又開鋪，確係食早餐同宵夜既好選擇！皮蛋肉丸粥 : 肉丸細細粒，做肉丸既豬肉唔臭豬味，最鍾意呢度既皮蛋，無臭皮蛋灰味！正！不過為確保豬肉丸徹底煮熟，肉丸粥series上枱既時間較長，要注意呀~~~油炸鬼真係超正！之前有其他食家推過，我唔重覆喇！反而我想大家試下呢度既煎堆、牛俐蘇…總之呢度既油器！真的不錯！黃色既鬆糕，甜度適中，好香雞蛋味！正！

成日聽到人地講坤記有幾好味，一心諗住試下........點知一D 都唔覺得。而且地下好DIRTY......雖然都預左，但冇諗過污穢到咁，最嘔係有d 濕晒既紙巾在地上驚嚇........

剛病好冇咩胃口~加上落大雨~令人想食番d野暖下胃~剛好兩點鍾~難得人唔算多~兩人order左魚片粥, 艇仔粥, 蒸蘿蔔糕, 炸兩, 豆漿魚片粥: 都幾多魚片~冇乜骨~而且唔腥~ 粥底夠綿~艇仔粥: 開頸仲以為冇花生, 原來係放底..魷魚俾得最多~如果有埋生菜絲就更好喇…但媽媽話比海皇更好食~蒸蘿蔔糕: 幾多蘿蔔~唔會一舊粉~蝦米,冬菇, 臘腸當然唔少得~如果係靚既蘿蔔糕~當然蒸就最清甜啦~炸兩: 黎呢間粥店每次必叫油器…皆因呢度人流多, 流量快, 夠新鮮..最怕食到d淋晒既炸兩..因為脆卜卜口感加薄薄既腸粉, 再加多d甜醬,麻醬就最好食喇…豆漿: 買左一支拎走~因為幾抵,$6. 我估應該都係佢地自己煲的, 因為幾甜.雖然傳統粥店座得冇咁舒服~但出品會較好~如果唔係點可以維持到咁耐生意呢..

係屯門行街行到悶悶地, 原來想來食碗糖水的, 但入到坤記之後臨時改變主意要了碗艇仔粥, 另外我個朋友要了皮蛋瘦 + 炸兩呢頭落完order, 個頭就上齊了, 快到無影艇仔粥, 內有尤魚, 豬皮, 少少牛肉粉仔, 蔥花和花生粒碗粥好稀, 無乜味, 而且撈勻之後, 也只搵到粉仔, 唔覺有牛肉$12一碗, 算係差不多啦朋友個皮蛋瘦望落還可以, 但個炸兩就麻麻地了一早整定d, 完全無誠意之作, 而且都無試的意圖了環境 : 地方都夠光猛, 地下亦唔算污糟, ok的招呼 : 好快手, 一落單就有得食

今天下午本來打算到公和吃午茶，可是家人臨時要「下海」，九龍行告吹。與媽媽二人到新墟逛，剛巧想吃甜品，滿記嫌太遠。「坤記啦！」媽媽要了芝麻糊，我要了豆腐花。媽媽的芝麻糊很杰身，是我要媽媽吃的，事因本人太不聽話，氣得媽媽滿頭白髮，黑芝麻可以防白髮，當然要媽媽食。媽媽說芝麻味很重，雖有粘米粉，但應該不會太多，糊很滑身，沒有渣。味道也不太甜，不錯。我的豆腐花，很滑，糖漿不太甜，豆味重，很不錯。久不久就甜品癮起，夏天到了，要好好控制一下。

由於上次試過它的綠豆芝麻糊, 覺得幾好食, 故今次再試它的芋頭西米露, 但出事了. 芋頭好硬, 完全不粉, 但就分量奇多, 但西米就太少, 成碗糖水好似芋頭椰子水, 真係好失敗, 是近期難食的食物.

晚上9時仍好多人, 只叫了碟叉燒腸及一碗綠豆芝麻糊. 碟腸粉有3大條, 算幾滑但叉燒就好普通, 而且不太熱, 只是一般好食. 怪不得無人叫腸粉, 反而好多人叫蒸蘿蔔糕, 因熱辣辣, 下次有機會試下.碗糖水反而幾好味, 綠豆起沙, 芝麻糊又夠杰, 配合埋都好好味, 又大碗只是$9, 幾抵.

住 係 屯 門 七 年 多 第 一 次 去 食。第 一 次 食 物 口 味 都 好 好，起 碼 合 我 口 味 個 粥 底 好 有 火 氣，米 花 開 得 好 靚，可 以 講 贏 晒，唔 使 講 配 料 都 已 經 好 掂。羅 白 糕 足 料，所 以 食 晒 佢 既 一 舊 會 好 削 喉，但 係 咁 只 代 表 足 料 麻，呵 呵！而 炸 腸 就 不 過 不 失，可 以 一 食。一 點 後 話，雖 然 當 時 人 多，然 而 各 伙 計 十 分 合 作，呢 頭 寫 單，果 頭 食 物 就 到，三 個 字，快，靚，正

看完《爆粗band友》後, 想吃粥, 因為就腳, 所以來這裡醫肚。皮蛋瘦肉粥。瘦肉絲咸咸地, 皮蛋是松花蛋, 料幾多。粥底較稀但可以接受。煎堆。好味！不過熱氣吾敢食咁多。鬆糕。同我想像中好大出入。好硬, 不太喜歡。之前飲過哩度既豆漿覺得幾好。下次有機會想試試每台都有起碼一碟的蘿蔔糕。話說, 我..........連續第五日食粥....哈哈！

吃完vietnam小食後居然還想吃飯後甜品!!對面的滿記價錢太貴決定走到坤記吃個糖水時近3時店內依然多人坐下後決定與媽媽每人一個豆腐花豆腐花當然不及公和的好但水準也不俗豆腐花頗滑糖水未有太甜美中不足的是價錢居然比公和貴要$8一碗份量對我來說有點太多.....寧願收平一點份量少一點....而且...這兒是沒有熱豆腐花供應!!!!!!

平日都唔覺ｄ細粥店有鬆糕自從某日知道呢到有得賣之後經過都會買來吃鬆糕口感比較硬身．味道都唔錯＄５件．都幾大下買來做午餐就剛剛好至於腸粉次次叫個阿姐少豉油佢就幫我變左多豉油結果又係要自己倒走ｄ加埋芝麻粒、麻醬＆甜辣醬好味道～＄７碟都唔算貴丫

今次再試黎呢度食甜品又係同表哥姐姐 不過今次仲有多一個女仔 係表哥既相體對像由於表哥同個女仔都好怕醜冇嗌野食所以得我同姐姐嗌野食1. 芝麻糊溝綠豆沙上次黎已經好想試不過上次姐姐唔俾今次終於可以一試haha 都係貪得意姐~其實都怪怪地芝麻糊俾綠豆沙搶哂d味 更加冇芝麻味!綠豆沙本身係水水地, 芝麻糊就杰杰地都幾唔match 不過我就係鍾意咁騎呢既口感下次都會咁樣溝2. 炒面都幾油架個面同埋都幾細碟 一個人我諗要食兩碟先至飽不過我地都係攝下牙'喇' 就冇所謂la加埋d甜醬花生醬味道都唔錯~~下次應該都會再黎吧~

行左陣有D口渴想食下甜品就入左黎呢度坐底就嗌左芝麻糊的確好滑不過我就覺得唔夠芝麻味而且價錢在同區來說較貴阿姐仲狂目及住我地因為我地三個人只係嗌左一枝可樂同一碗芝麻糊!

左溝右溝已經成為左甜品o既trend紅豆溝綠豆...唔係咩新鮮野不過呢到o既「鴛鴦」真係唔錯~抵讚~糖水味道唔會太甜但係糖水中充滿紅豆綠豆每一啖都食到好多豆而且煮到起哂沙!係好耐都冇食過o既紅豆/綠豆「沙」而唔係其他地方o既紅豆/綠豆「糖水」好好味~只不過係$9~~唔錯~可以一食再食呀!

坤記...o係街坊眼中係食粥..飲豆漿o既地方今日放學返黎經過呢到見口淡淡就入黎坐低食下野啦!由於差唔多食dinner廢事食蘿蔔糕填飽個肚於是叫左碗糖水食下~好耐都冇食芝麻糊~見佢$9...試下吧!係一種好耐都冇食到o既味道!!!唔淡~好杰~重芝麻味!!!只可以用「好味」黎形容!!又唔太甜~~very good ar~估唔到o係食粥o既地方都可以食到咁好味o既糖水!哈~衰在係呢到坐得唔舒服....