坤記腸粉

營業中

休息中

小小的一間鐵皮屋腸粉小吃店，竟得到各方食友的青睞。多人時甚至要大排長龍，真的很誇張是否值得，就等小弟來求證一下吧....預算可能要排一陣子隊，於是十一時許便到達。怎知去到竟是一個人客也沒有，有點詫異將這餐當成一頓午飯吃，只叫五大洋腸粉當然是不夠喉了。看見有粉果，先來一隻，再叫多份魚肉碗仔翅兩溝。如水準對版的，再加order也不算遲....腸粉最好吃好玩的，當然是來一個"混醬" --- 將所有的甚麼麻醬、甜醬、豉油、芝蔴及辣醬一古腦兒的放到腸粉上。但對小弟而言，最重要的還是腸粉本身。其他醬料的味道，老實說，間間也是差不多的水平，不過腸粉的質素可就不同了。難吃起上來，就有如嚼蠟一般這裏的水準又是否如傳聞般出色 ? 吃過後又覺並不盡然 --- 質感不夠滑之餘還覺有點硬，而且嗅不到豬油香，水準跟外頭普通貨色是沒有兩樣。跟深水埗名店合益泰一樣，這裏的腸粉也是用來貨的，但兩者的水準可說是有天淵之別....粉果也是普通之作。澄皮很黐口，而餡料亦不算是很juicy。當然不算是很難吃，但就不能稱之為很出色....魚肉翅相對地較好。冬菇絲及肉絲份量很足，雲耳不是切成絲的，而是一整小片放進翅內，很少見。味也

個人口味: 少麻醬,少甜醬,多芝麻一個星期食3-4次,又抵又好味所有人態度都好好,買幾多幾少都冇問題魚旦燒賣仲可以兩溝就算買到番屋企(約20分鐘)都仲好香好滑雖然見佢腸粉都係訂貨番黎但相信佢控制溫度,時間,醬料既配搭做得好出色所以真係好好味,日日都想食!

原本由沙田行去道風山, 行到半路有馬騮, 故掉頭走, 行左去大圍朋友仔話去大圍一定要食好出名的腸粉, 雖然舖仔細細, 又唔近火車站, 但人流絡繹不絕, 有d人仲駕車來買.腸粉 ($5 四條): 新鮮熱辣, 腸粉細滑, 甜醬麻醬都好出色生菜魚肉湯 ($12): 生菜不是切碎絲, 而是一塊塊墊底; 魚肉好結實硬淨, 係用足料鯪魚肉做的, 滿滿一碗, 好抵食.

常常去都排滿隊.腸粉很好味, 只點豉油和辣油配以小許芝麻, 在半邊太陽光底下已很有風味其他車仔小食卻只是一般而已值得一提是呢道笑容特別多只買小小腸粉都唔會黑面.

想試呢到既腸粉好耐，今次終於有機會啦！由於打正旗號以腸粉做賣點，當然要試下佢地既腸粉啦！腸粉 ($5)：五蚊有四條，好似加一條 ($1.5)，加兩條 ($2.5)；腸粉好滑，熱辣辣，而且係新鮮製造，唔係交行貨，好味！砵仔糕 ($3)：拎上手仲係暖暖地，應該都係新鮮整既，黃糖、紅豆既份量剛好，幾好食！總括黎講，食物都係新鮮熱辣好！

今日同男朋友去左呢間野度食...叫腸粉...燒賣..豆漿....無...羅白 腸粉...滑..軟熟...不過麻醬就油左少少....c油唔會太咸太甜...燒賣...普通d....豆漿刀ok........唔太甜...可能平時o係觀塘食果d...無咁滑....d醬又唔好食....變得幾大對比...........

同男朋友一齊食左以下食物:1. 五蚊腸粉2. 五蚊牛肉3. 五蚊豆漿4. 五蚊炒面只有一樣野覺得好味: 五蚊四條既腸粉 是也~優點: 熱辣辣 滑嘟嘟 服務殷勤壞處: 要魚肉生菜, 無! 要碗仔翅, 無!牛肉太多粉, 一d都唔似係牛肉!豆漿太鞋, 飲到一粒粒既?炒面太碎又無黎味道既?

腸粉一直係我既至愛, 而坤記就係我食過既腸粉中既表表者。腸粉夠滑,熱辣辣, 豉油調校得剛剛好, 個人喜好係多豉油少醬多芝麻, 永遠都唔會失望。不過佢地好得意, 星期日時開時唔開, 唔係成日有得食。

係大圍住左咁耐.都好少行過去坤記個面食野.今日突然心血來潮想食腸粉.之前朋友曾告訴我坤記腸粉好好味.咁我就去行去坤記買啦.佢地D腸粉有好多醬.都OK滑.仲有佢D燒賣都幾好味.$10食到飽晒. 抵食之選

呢間野我讀緊中學時已經開檔以前舖位細賣的種類較少搬左呢到之後先有埋炒火粉呀, 碗仔翅呀之類一直d食物水準都係一般幫襯都係為求快與平最唔掂我覺得係服務態度阿老闆娘平時笑笑口但我前2日去食個陣有個男人帶住個工人同細路去食佢叫左碗粥同一d小食, 跟手問老闆娘拎多隻碗分坐低之後佢想再問老闆娘拎多隻俾個工人老闆娘就話︰你地嗌一碗粥駛唔駛咁多人分呀, 要咁多隻碗既!跟住我見到個男人好無奈囉雖然唔係食d咩貴野但咁既服務態度真係超趕客囉如果剩計食腸粉對面馬路有間有香茅豬扒面食既佢都有腸粉食架個男人不知幾好人駛乜受氣咁委屈

自己住咗係大圍好耐, 都食過坤記(一次已夠), 但見到食評講到呢間幾咁好味, 真係好想發表一下自己既意見.佢主要賣既係腸粉, 但d腸粉唔滑, 將d醬混哂入去之後, 都唔覺得入味; 另外, 燒賣過"粉", 魚旦就還可以. 整體黎講, 都係好一般.

其實無乜特別,腸粉唔係特別滑, 只係普通貨式, 係D 醬多D...深水步果間滑過佢多多聲...

之前見食評的評語幾好,見今日經過附近，所以走去試一試。可是，食完後有一點失望...... 醬油和甜醬就不過不失，但花生醬就完全唔掂，除了冇味外，還好滑(不過係好油果隻滑)，仲有一個敗筆係腸粉未蒸透，唉，外遠內硬!真係唔明點解d評語會這樣好,他們與元朗b仔及粉嶺四眼仔那些腸粉和醬料還差好遠。

腸粉好滑, 阿姐笑容親切! 本來想試大家推介嘅魚肉, 但......賣晒啊! (我係五點幾去到, 下次真係要早d) 於是叫咗碗仔翅......um...差d囉, 可以好味d既!一邊食一邊見到d人揸車經過既人都望下, 又不停咁有人黎買腸粉同賣晒既魚肉, 真係唔簡單! 我o係沙田住咁耐都唔知有檔咁正既野添!

依度腸粉好食已經唔洗點講~但原來依度魚肉湯都好好食架~夠魚味~又彈牙~正~~