坤記煲仔小菜

營業中

休息中

說到煲仔飯，飯香、飯粒分明加上炭焗風味及無敵價錢，坤記絕對能擠身本地三甲之列，天寒地凍，也有唔少街坊及西裝客排隊等位，女士甚至痞街邊也不介意。一行9人擠在狹小的空間，好聽是氣氛熱鬧，反之就是迫夾得連擺茶壺的多餘空間都無。8點20分，早到的幾位食友已被靚姐有禮貌地兇了一番，「煲仔飯要等成個鐘，建議妳地叫定先，唔洗等咁耐」．．．於是點了窩蛋牛、臘腸排骨及臘腸油鴨煲，待齊人後，又叫了栗子雞煲、羊腩煲及不成文規定下必叫的咕嚕肉，又搭單的試埋西檸雞。幾個煲仔飯，其實最喜歡是臘腸油鴨煲，曾與食友討論過臘腸問題，自己是喜歡切件落煲的，炭的熱力下，臘腸肥油流到飯中，不香濃才怪。這裡的飯是扁長的絲苗米，身材平均，先煤氣後炭焗的長時間烹調，飯粒軟熟分明而富飯香，飯來不須再焗亦不覺濕腍，加埋臘味的油分，絕對是冬日保暖佳品。數等得最耐的煲仔飯，這裡也絕對可入三甲之列，當然質素也是無用置疑的好。至於二線系列的栗子雞煲、羊腩煲，前者醬汁極為濃郁，雞肉入味也夠嫩滑，加埋冬天必吃的栗子（炆得腍一點更好），驚喜之作；羊腩煲水汪汪以南乳、八角、薑片組成，味道較賣相來得厚身，羊腩是散件上，有腩有膜位亦有膝蓋位，調味非小菜王

閒日的九時四十五分來到，人潮還未散去，好不容易才找上路邊的兩個座位。今次吃了麵豉醬生菜、栗子雞煲和至愛的大鱔排骨飯加鹹魚。生菜熟了一丁點，但依然好味，充滿麵豉的香味。栗子味道一般，雞是可以。始終雞煲最好，有肝、冬菰等，比較野味。煲仔飯當然好味，大鱔肥美，排骨一般，鹹魚是'霉'香，不太喜歡，下次還是臘腸較佳。最精彩的依然是飯焦，暫時還未找到更好的，非常香脆。今次等了三四十分鐘，比平時久等一點，但絕對值得。又要輪候，即叫即做，就是這樣。來過多次的人通常對此沒有異議，也下吹單。同的一位叔叔，亦只為一煲靚飯苦等三十分鐘，看看報紙，讀讀馬經，也自得其樂。衛生方面不可要求太多，與大排檔相若，尤其是店外坐位，計較的就不會來。服務一般，起碼不會黑面，亦見他們有講有笑。其它推介：蒜蓉蒸蝦(抵食)、砂窩魚頭、班腩煲、生蠔煲、雞煲等。

一行七人雖然book了位但都要等差不多半小時先可以入到去食,但呢再等既30分鐘係值得的~一坐低第一樣野要叫的就係煲仔飯,因為真係即叫即煮,我地總共叫左4款先1)鱔+雞,(2)田雞(3)窩蛋牛肉(4)臘腸+排骨,好坦白講真係款款都好食的,兼且煲煲都有極脆之飯焦(老闆娘個晚親自過黎教路,佢話唔駛落太多豉油落煲仔到,如果唔係就會無乜飯焦)除左叫了個4款煲仔飯之外,我地另外叫左個羊腩煲($80),d肉真係好味,因為個湯汁好另外,我地仲叫左一碟蒜蓉炒菜心,簡直係驚喜,雖則份量唔算話太多一碟(對於我地1行7人),但呢個真係好有香蒜味,除非你唔鐘意d蒜味啦~ 再叫埋一碟京都鴛鴦骨,即是牛肉+豬肉,呢個又係值得叫的,個汁又係非常惹味,2款肉都係好食的,個人感受豬肉會好d~小食就叫了一碟炸鯪魚球,呢個一定要趁熱食,個人認為同出面食既都差唔多Total叫左7樣野食,沒有叫其他飲品,因為會有茶提供

再到坤記，六點鐘，鋪内已經被訂到爆棚，唯有坐外面。摺枱開在斜路上馬路旁，顯然沒有室内那麽舒服。這次點了臘味雞煲仔飯和蓮藕炆腩仔。臘肉不太喜歡，臘腸有點硬，潤腸則油香無比，雞件鮮嫩，加上脆口飯焦和豉油，吃落仍覺滋味無窮。蓮藕爽甜，腩仔肥肉入口即溶，天涼時節，加上熱辣辣煲仔飯，吃得整個人都“暖笠笠”。食煲仔飯小菜，坤記仍是首選。

上年已經來過一次今年和朋友再專登來吃煲仔飯仲叫咗羊腩煲(送生菜)同啤酒朋友說這是他吃過最好味的羊腩煲隨口問可唔可以叫多半煲, 竟然OK!另外那個膶腸排骨煲仔飯都好好味~D侍應個個都好醒目我喜歡坐室外,咁啱我們兩次都坐室外,所以食得好開心!

今晚第一次到坤記。叫咗白鱔滑雞煲仔飯、椒鹽鮮魷同蒜蓉西蘭花。小菜炒得夠鑊氣，無乜味清，正！脆醬唔厚，剛好包住啲鮮魷，西蘭花軟硬適中，好入味，正！煲仔飯飯焦好香，好脆口，白鱔同雞件都好滑，特別係個鱔，甘香肥美，好好味，淋豉油落去飯邊時，重聼得見“支支”聲，正！今晚食得好開心，好滿足呀！！PS: 好多評論都話啲職員態度差。但據我今晚嘅體驗，反而覺得OK，重有講有笑。我諗，可能好多人都會去催煲仔飯。人又多，已經踢嗮腳，催得多，主客都覺得煩。但係，要明白，煮煲仔飯需時，點解唔先點咗煲仔飯，過十分八分鐘到，再叫埋其他啲餸，甘就唔會覺得食嗮啲餸，飯都未嚟。點都好，坤記啲食物真係有番甘上下，值得去幫襯！！

ＵＭ．．．今次係第２次食，係門口等左半個鐘．不過都抵既～＊睇左餐牌一陣，都係點返上次食既野：牛仔骨：成煲都係極品，牛仔骨又淋又入味，汁同洋蔥都好好味！！！！蒜茸炒芥蘭：蒜頭味好香，都算ＯＫ北菇排骨煲仔飯：最後先到～不過Ｄ飯好正，北菇Ｄ香味入哂Ｄ飯，飯焦脆，平時唔食飯焦既我覺得好好味，加埋牛仔骨Ｄ汁就仲正ＴＩＭ～～不過果日落雨，我地坐出面就爭小小

今日6:10打電話訂7:30枱，到達後即有位！即刻ORDER：豬骨煲、蒜茸蒸開邊蝦、薑葱生蠔煲、蒜茸炒白菜。骨煲先上，將它交由GAS爐看管。然後到炒菜，可能剛剛游完水很肚餓，特別覺得好味！不過契女話淡，件件都點豉油食！跟著左來碟蒸蝦、右上個蠔煲(太太想食)；靈光一閃，要多兩個煲仔白飯.......當蝦/蠔都消滅得7788時，GAS爐話它背上那個煲內的食物已作好準備，但同一時間；兩個煲仔白飯亦悄然飄至！只好立刻將蒸蝦汁注入右手邊那煲。左邊的就留給骨煲內的湯底招呼它！到此；大家都想像到這兩煲飯的味道吧！？LAST再叫碟肥牛灼一灼+三個人4支細COKE。一次過滿足你三個願望：煲仔飯、小菜、打邊爐。$279.00

今天陪女朋友看完牙醫,女朋友又想試新嘢,於是我們就去""坤記""我們一早去到就看到好多人在等,而且我又忘記訂位,當時有點害怕冇位,幸好老闆話一定有,先放心點.....唔駛一分鐘, 終於有位啦!!於是即刻看餐牌點送...最終選了1) 薑蔥田雞煲: 非常惹味,份量多多...^_^(2) 椒鹽中蝦: 熱氣非常,品嚐完一定要飲涼茶>.<(3) 白鱔滑雞煲仔飯: 招牌煲仔飯,豈能錯過, 雖然 等了三十分鐘, 但真的好味, 尤其是飯焦..掂!!@.@埋單都係$133元, 都算ok!!

個日諗住去打邊爐... 見到其他人食褒仔飯好似好好味咁.... 所以都忍唔住叫左個黎食~~~原來佢個褒仔飯仲好食過打邊爐~~ 好鬼死香! 反而打邊爐只係一般~

佷好吃的小店，但先有心理準備，到這家店別期望得到任何service，即使訂了枱，到達後也要等位(約10－15分鐘)。加上他們常常忙得團團轉，也沒什麼時間招呼客人。推介：避風塘炒蝦(約$60)。配料十足，香口之餘，勁好味。蝦非常新鮮，彈牙，肯定是即日死去的蝦，不是雪蝦。事關有去開街市買餸的話，將蝦拿上手剝殼時，會發現這家店用的蝦，都是價位高的蝦，蝦殼較硬身，像由許多微細小格子組成的厚身硬身蝦殼。簡單如椒鹽鮮魷﹑西蘭花炒班片及招牌菜各式煲仔飯也很出色。滾湯也落足料，不單止有湯名的配料，更有冬菇呢！

20070211第三次來，知道它周日是六點鐘開，六點鐘就到，可是室內部分竟然已經full house，因為大部分食家都是提早就訂。還好可以在門口加枱，錯有錯著，反而更具街邊大排擋風味。六點八個字左右等到honey與uncle，馬上寫單。還是不夠人吃豬骨煲，所以依然得打小菜的主意，不過總算是擺脫了豆腐魚雲湯加煲仔飯的宿命：）今天寫的是白鱔排骨煲仔飯、滑雞煲和粉絲什菜煲。足料雞煲先到，不但有滑雞，還有熱辣入味的豬潤，與蔥蒜薑椒鍋氣十足的一煲煮出來，惹味非常。惜稍微鹹了一點，當然，如果拿來送白飯另當別論，是想像得出的美味組合。粉絲什菜煲，勝在大大份又清清啲，中和了另外兩者的濃味，還有湯汁可以浸一下飯焦，兩全其美。主角煲仔飯最早落單，最後出場，果然沒有令人失望。白鱔肥美，排骨嫩滑，都是大大件的，淋一點點豉油就好。還有脆脆的飯焦，炭爐果然不同凡響，慢則滿矣，卻是精工細作。一切搞定，前後不過一個小時。捧腹而去，還算對得住uncle大老遠專程過來幫襯：）

朋友試過話ok, 所以星期二晚放工一行8人去食, 一早訂o左位所以唔駛等好耐就有得坐. 不過坐得好迫, 俾張長方形6人枱我o地就算.我o地叫o左:炸鯪魚球- 唔好食, 有o的腥, 又唔彈牙.羊腩煲- 太多汁, 好少肉, 好少其實料, 冇咩味道.4個煲仔飯- 每個都好細, 一個人就o岩o岩好.腊味炒芥蘭- 不過不失.2支啤酒, 5支汽水一坐低6個人俾一個餐牌, 叫佢俾多2個o黎先識做, 叫完o野又成日叫問可唔可以餐牌, 好煩. 我仲有2個人未o黎丫嘛, 留低個俾人睇o下都得呱??

是晚放工夜了, 急急腳搭船返香港見阿K , 驚佢電完頭髮等我等到頸都長. 好彩我到嘅時候佢仲响度電緊. 電完一把靚頭髮之後, 我地一齊行去西環附近一間食煲仔菜好出名嘅「坤記」. 未行到去間舖頭, 响街角已經聞到陣陣煲仔飯嘅香味. 由於阿K唔係太肚餓嘅關係, 我地只係嗌咗一個海鮮雜菜煲再加一個臘味煲仔飯.當我地等緊嘅時候, 見到隔離嚟咗一碟灼勝瓜, 勝瓜面上放咗啲炸蒜碎, 簡簡單單就已經令成碟勝瓜好香. 正當我地就嚟望到口水都流埋之際, 煲海鮮雜菜已經嚟到. 為咗控制成本, 唔好祈望有好多嘅海鮮料响入面. 不過, 裡面嘅蝦米就一啲都唔馬虎, 好香而且帶有好濃嘅蝦味, 唔似得一般嘅蝦米, 又乾身兼且淡而無味. 食到一半, 主角煲仔飯終於出場. 我粗略計過, 我地等呢煲飯等咗成差唔多十五分鐘. 不過我地等係值得嘅 , 因為煲飯真係煲得十分出色. 响銅鑼灣馳名嘅「新翠華」固然冇得揮, 就算係「永合成」嘅煲仔飯都要輸一個馬鼻. 飯嘅乾身程度啱啱好, 太乾身會變得太硬, 太軟又唔夠煲仔飯嘅風味. 配合各種臘味, 混上臘味滲出嘅油份令飯更加香口. 當然這些都仲係次要, 主角中嘅主角就一定係飯焦, 又

你想係一ｄ日日爆場既地方要services?唔係唔得，不過難ｄ囉！！我個人已經幚襯左有３－４年，不嬲覺得佢地幾好人，同坤哥有傾有講，坤嫂都幾好傾呀，最記得係佢地而家呢間舖未裝收之前，有一次食完野埋單俾錢，得一千蚊冇散紙，坤嫂話冇得找下次先俾，我即時呆左！！果陣都係幚襯２次，你話！？我覺得香港地係咁，人地爆場周身唔得閒，個個係度問呢問路，你都慶慶地啦！！你要有耐性，就會開心ｄ！我最高紀錄等左４５分鐘，都係咁冇計，鬼叫佢好食！（個人意見，請見諒）如果想係度食個人意見，請見諒飯要services,對唔住請落銅鑼灣，唔該！（都係個人意見，煩請見諒）唔好雞蛋佻骨頭，食野ｏｋ就好啦！（又係個人意見，煩煩請見諒）