坤記煲仔小菜

營業中

休息中

10月9日（星期五）晚，是晚女友來圖書館找我，為免餓壞了她，所以比平時早了些去吃晚飯。我見時間尚早，又再一次來這裡碰運氣，因為我們來過幾次，因為過了十點而沒有機會試試這裡的煲仔飯。這次我們來到的時約九點幾，問過阿姐還有煲仔飯供應，不過要坐在門口，女友說不介意，就當吃街邊檔罷！我們商量過後，決定叫一碟芥蘭炒腊味和一個白鱔牛肉煲仔飯。芥蘭炒臘味的芥蘭很翠綠，臘味頗多，約有四、五塊腊肉和蠟、潤腸各一條，不過臘肉很肥；等了約二十分鐘，白鱔牛肉煲仔飯終於來了！打開煲蓋，白煙立時霧散，飯香四溢；我先把白鱔拿開再下豉油，將豉油撈勻再吃飯，飯粒乾身夠熱，加了豉油也不覺咸，飯焦更是可以大塊掘起，個人來說真的很少見！飯焦香脆，口感有點像窩巴，女友愛吃飯焦，當她發現煲內還有少許飯焦，使勁把剩餘的飯走挖走再吃掉！至於材料，難得白鱔夠鮮味，肉質結實幼滑，就連怕吃鱔的我也覺得不錯；初時以為牛肉是肉餅狀，但原來是滑牛片，肉質尚算嫩滑，應該沒有下過量的梳打粉。終於吃過這裡的煲仔飯，水準果然超班，難怪來吃煲仔飯的人絡繹不絕。若要選本港最好吃的煲仔飯，「坤記」應可擠進頭五位！不過個人情感上，依然覺得「雲興隆」（未拆前的舊

聽人講這裡的飯好味, 所以七時未夠就來到等位。 我們兩人一到, 見座無虛席, 打算留個名等位, 我見到門口有個四眼阿姐, 大約四十左右, 跟她說我們兩位, 她好像聽不到, 我再說多幾次, 她才說冇位啦, 也不打算給我留名或示意怎樣等位。我見她這樣, 便走到街上的枱旁等位。等了大約半小時, 終於有人埋單, 我們便坐埋去。一陣之後, 個四眼阿姐走埋黎, 極悔氣說: 未到你地呀, 然後自顧自抺枱, 我打算跟她說, 我們都跟你說兩位, 你都冇講點等位, 她眼見我地等緊該張枱, 又唔多見其他人在附近等位 (因所有人來到, 她都不理人, 只說無位, 又無叫人等, 那些人沒她好氣便走了)。那個阿姐, 又極悔氣說: 都話未到你啦, 然後自顧自set 枱, 她當我們隱形, 又唔回應我。我見間店咁, 便跟同行老公說: 不要再等了, 根本等位無制度, 又混亂, 點都等唔到, 而且服務態度又咁差, 去隔鄰的潮州店食飯仲好。接着我便走, 那四眼阿姐就大聲叫: 點服務態度差, 我都費事理她。 公道些說, 其他侍應都服務態度良好, 只有這個阿姐好悔氣, 但其他侍應都好似怕了她, 我們坐低時, 其他侍應都問我那四眼

21/9(一) 7:15pm跟舊公司的食伴S小姐及G小姐聚餐,徇眾要求,走到西環的"坤記"一試虛實.上環丁丁到西環,不消十分鐘.小菜館沒甚裝潢,被安排於角落的圓桌,三人點了白鱔田雞飯$42,粟米斑塊$40,椒鹽排骨$40及粉絲什菜煲$40.白鱔田雞飯--需時廿分鐘的煲仔飯飯粒乾爽,獨欠煙韌感,甜豉油也可濃味點,置面的白鱔肥美但不至膩口;田雞厚肉卻過於結實.粟米斑塊--脆口的斑塊入口沒魚腥,肉地沒霉散之弊病;唯啖出點點不覓常的味道;怎料翌早一起來暈眩非常,其後肚子警號鳴起,結果得到病假一天!椒鹽排骨--惹味味濃的厚肉椒鹽骨,咬開後還滲出肉汁來.粉絲什菜煲--清淡的什菜煲以粉絲娃娃菜,唐生菜,支竹,冬菇,蝦米,罐頭蘑菇,木耳等入饌,清淡顯真味的什菜煲.給斑塊迷暈的一餐!

友人之前已經推介過坤記所以是日就同男友去食個late dinner到埗已經差唔多10點3煲仔飯位差唔多打烊所以拿拿林點o左個白鱔田雞飯先跟住兩個人再慢慢睇menu原本諗住揀炒蜆或者椒鹽鮮魷但係男友唔太想食海鮮因此就點份椒鹽焗肉排等o左10分鐘左右就先上份椒鹽焗肉排份椒鹽焗肉排真係好香成碟加埋都有八、九舊肉排萏萏都骨肉分離即係d肉唔會太過黐住舊骨唔錯大概過多幾分鐘個煲仔飯就上場個煲仔飯剛剛煮起熱呼呼田雞同白鱔都好有彈性再加上佢d甜豉油成個煲仔飯即刻生色不少唯一敗筆就係佢個飯焦多得濟之餘仲要帶好多點o既燶所以要扣d分

这家店离地铁挺远的，附近parking也不多，但人很多很热闹。店内简单，但冷气不够（可能是我们点了豬骨煲的原因）， 我们五个人，叫了：豬骨煲: 很大煲！很多猪脚，鸡脚，猪骨，还有枝竹，萝卜，生菜等等，料很足，汤也很甜。煲仔饭要等二十分钟，但是值得的！臘味田鷄飯：料很多，田鸡很新鲜，饭很好吃，饭焦也很好吃！good stuff！白鱔雞煲仔飯：特别配搭，味道还可以，白鱔很滑，很新鲜，饭好香软！椒丝炒通菜: 味道一般，没特别，很普通。jer jer 排骨煲: 很入味，味道也很浓，但是没惊喜。炒蚬: 还可以，味道一般，分量OK。

蒜茸炒芥蘭　（好好味，爽口夠味！）牛仔骨　　　（平時食開椒鹽，之次轉食法，都唔錯，送飯一流！）鱔煲仔飯　　（本人最愛！鱔肉勁彈牙，飯焦超好味～）燒肉鱔煲　　（朋友未夠喉加叫。一般啦，鱔肉唔知點解無鱔煲仔飯入面啲鱔肉咁彈牙，lum晒！）煲仔飯大約$38單拼，超好味～尤其要食飯焦，勁脆～其他餸幾十蚊大大碟，其實都幾抵咖！超多人食咖，所以記得訂位。

今天加班加到挺晚而未能返家享用媽媽的晚膳，而剛好的收工的時間配合到她放學的時間，所以是夜要到西區接她放學，順道吃飯去，明天還要上班，所以到附近找吃的，今天選了這間人氣小菜館，吃它一吃，在去之前已致電確認十時多是還在營業的，雖然已事先聲明已沒有人氣的煲仔飯，但這麼晚在這區選擇也不多，照去吧。入夜良久後仍然有五枱客，且連外籍人士也幫襯，掂！沒有煲仔飯，又不想吃大size的羊腩煲，主攻小菜，有點冷，工作到心火盛，所以決定兩個人叫兩餸一湯一白飯分吃就很夠了。我們點了一客八珍海鮮湯、蒜泥蒸茄子、蒜爆白鱔煲及一碗白飯。先來的竟然不是湯，而是蒜爆白鱔煲，上桌時很熱，煲仔菜第一要點做到了，但奇怪的地方是熱起來而汁是明顯地未收水的，雖然未至於水汪汪的，但很明顯有改善的地方，白鱔不算肥美，但醃得入味，也有咬口，而蒜頭也下得夠多，很香，總體來說是讚的。然後再來的也不是湯，而是蒜泥蒸茄子，上桌時也很熱，好吃的小菜本應如此，蒜泥切得幼細，茄子蒸得剛好至軟軟的而未爛，沾上豉油同吃，乃下飯良品；白飯普普通通的，軟硬適中。最後來的是湯，湯不太鹹，吃不出有很多師傅的味，但奇怪是有雞湯的感覺，為何要以雞湯來煮海鮮，使其變

記得有句話“The best things in life come to those who wait”，來坤記預了要等，等完就有香港最好之一的煲仔飯食，值得。還記得上一年來食，等了大約五十分鐘，我們坐在出面，吃了很好味的煲仔飯和咕噜肉， 還和老板說笑。這一次來，亦預了要等，所以預鬆了時間去戲院，亦把握時間一坐下就叫菜了。叫了個蒜茸蒸茄子，白鱔雞煲仔飯和臘味排骨飯。蒜茸茄子很快就上了，很惹味，蒜頭從未如此好吃，茄子都不會過淋，口感很好，配上醬油，簡直比蒜茸帶子更好食，三十多元，非常抵食。吃完有點口喝，下了味精不出奇，我們也不介意。接著就是等了，等了一小時，有點心焦，問一下幾時來，答快來了；我心想我們應該還有時間不會遲到，於是繼續等，又等了二十分鐘，再不來就一定要走了，問了一下，給不耐煩的老板耍走了，最后要一小時二十五分鐘才來。其間大台上菜不斷，幾台小台則空等了一小時沒有上菜。要看戲而不遲到的話，我們大約只有十分鐘食，也沒關系，如果好吃的話。問題來了，其中一煲竟嚴重地焦了，飯焦是真的焦了，被逼放棄了底部的飯；另外一煲則微焦可以接受。其實，撇除了焦的部分，無論是白鱔，雞或者是排骨的味道，

我鐘意餐酒馳名豬骨椒鹽九肚魚臘味田鷄飯必須訂座

今日等了很耐位, 緊係要叫多幾樣餸先抵噃!枝竹羊腩煲, 有很多枝竹, 羊腩切得細細件, 連爐上, 熱騰騰的, 亦沒有羊的穌味. 臘味滑雞煲仔飯, 煲仔飯有飯焦, 撈埋汁, 夠曬香, 不過臘味有D肥, 緊係無 "美心" 咁靚. 他們的豉汁蒸白鱔, 真係值得一讚, 豉汁很入味, 白鱔也很新鮮, 看得出他們做菜很認真. 可惜排了很耐隊, 但係我見到有位高官都去食, 相信這裡的煲仔飯真的很出名.

從未試過一間食店可以比5個差佢....如果有更多的差可以給分, 我可以給更多下去!!!!!!跟朋友吃飯, 一行八人訂了7:15p.m.分枱, 知佢多人等位, 我們已早到了20分鐘想早點取枱, 見未有位, 店員又說煲仔飯要煮1.5小時的 (有無搞錯!!!!! 真係第一次聽), 使唔使咁耐呀, 好喇, 唔知幾時有位的情況下, 便落了5煲飯的order先...........什不知, 由我到達到有位, 足足站了1小時才有枱給我們 (咁唔知要訂位黎做乜囉).......未食已經一肚怨氣喇 坐下的時間已是7:45p.m.; d煲仔飯要到8:30才有得食, 原來真係要煲 1.5 小時的........間野真係離哂大譜好喇, 有位無耐, 8:00叫了2煲飯, 1碟魚盡備take away的, 知佢耐, 諗住預早叫喇.....點一知到差不多9:00問店員d take away整好未.......d 店員的態度差得不得了, 店員說: 有就會攞比我地, 唔使追架, 知唔知好多人等緊, 好多人重未有得食呀我說: 有無搞錯, 我一個鐘前落order架嗃隔了一陣子店員說: d煲仔飯唔做喇, 做唔切, 而家唔

尋晚一行八人去食飯, 當中包括我在內有幾個都係第一次去, 未去之前已經聽聞話晚晚好多人, 無訂位的話去到直頭會趕你走, 所以朋友早前已經訂左位, 但係都仲要等左半個鐘頭有多至可以入座, 呢樣都算喇, 心諗如果好食咁等吓都值得既.等位期間已經醒目叫定煲仔飯, 諗住坐低唔駛等太耐就可以食得, 慳番我地既時間, 舖頭又可以做多輪生意, 點知人算不如天算, 一坐低阿姐就話"你地個煲仔飯要等個幾鐘喎", 我地即刻話"吓有無攪錯, 我地已經預早大半個鐘頭叫左架喎, 咁都要等多個幾鐘咁耐?", 結果乜回應都無, 果度D阿姐阿哥最耍家一樣野就係唔理你, 聽到扮聽唔到, 此為第一個劣. 見到阿姐咁既款, 我地都同時間再叫多兩個煲仔飯加一個餸外賣比朋友食, 諗住咁等法我地都要食個幾鐘啦, 而家叫定到埋單實有喇卦單講服務態度同環境對一間食肆都唔公平, 如果D食物好味咁都抵番晒, 講番D餸, 除左煲仔飯之外, 我地尋晚仲叫左, 霸王雞, 椒鹽九肚魚拼魷魚, 咸魚炒介蘭, 豉椒炒硯, 到D餸上枱喇, D餸既份量偏細, 霸王雞, 雞肉UN不特止, 仲要無雞味, 好似食塊柴皮咁, 硯細隻, 個汁過濃, 一D都唔香

除夕日放早, 天氣又開始凍, 所以決定試下西環聞名已久既坤記煲仔飯 見到各位食家既食評, 知道呢度訂位既重要性, 所以一早打左去訂位, 但老闆娘都話已經full左, 不過就話筆者果段時間應該都好快有位, 可以留左名先 坐叮叮去到附近, 見到"坤記", 望左兩眼, 發覺應該係新鋪, 新鋪要等位, 而且個老闆娘連應我地多一句都懶, 既然舊鋪叫做有訂位, 何不去舊鋪碰碰運氣呢?去到舊鋪, 人的確比較多, 不過好在筆者只係兩位, 加上真係有打過電話黎, 所以都算快有位坐, 再見d無訂位既人黎, 老闆娘好直接話無訂位既今日唔駛等了只係叫左枝竹羊腩煲 & 臘味滑雞煲仔飯, 始終兩個人眼闊肚窄...枝竹羊腩煲 - 話咁快已經黎到, 一路係你檯面煲, 味道嘛, 羊腩切得細件入味, 羊亦都有羊味, 唔會太羶配料有馬蹄, 枝竹, 係岩岩滾既時候大家要試一試啖湯, 筆者覺得唔錯的見到有食家話羊腩煲細, 其實兩個人食已經好夠臘味滑雞煲仔飯 - 煲仔飯等既時間比較長, 可能因為order多 & 即煲既關係筆者開頭既諗法係, 等埋個煲仔飯黎一齊食羊腩 & 撈汁, 所以一直慳住食羊腩, 呢個諗法係個煲仔飯黎左之後就

十一月廿六‧晴本地不止一處地方賣炭燒的菜色，但吃了多年，還是以這裡最出色。一來炭爐夠大夠熱，二來廚功也了得，做出來的菜色，色香味美，很不錯，吃了多年，仍然是值得一吃再吃的一間店子。臨近聖誕，天氣還保持清涼。入夜了，風還帶點寒意。六時許，未放得工，原先約好了的聚會本也無奈甩底。七時未夠，朋友們來電說要我捱介地方吃飯，剛好手頭上的工作可以等一等才再繼續，心生一念，年年也來這裡吃個煲仔飯，今年還未來，就囑大伙兒來等位，我隨後到。等位的人客當然不少，但還好朋友們是早一點來等，遲來一點，阿姐索性叫人等也不用等。八時許，可以入座，五個人坐四人檯，迫是迫一點，但來這些旺場吃飯，就是這樣子。火速點菜，其實也不用想太多，四個煲仔菜，加兩個煲仔菜，豐富矣。四個煲仔飯，因為這裡的燼火熱度夠，最好吃的當然是臘味煲仔飯。熱力將臘味的香味盡情發揮，臘油的香味滲進飯粒中，絕對不宜下醬油，已經完全夠味。一掀煲蓋，是絕對的香氣四溢。吃臘味，我只愛吃幾個品牌，這裡的水準是一般。我反而欣賞這裡的臘腸多過大路的潤腸，有趙頭又有燒酒香，不錯。飯粒夠乾身，吃起來夠熱度，是炭爐的功效，也是師傅「拋煲」的功力。吃了幾十年煲仔飯也不知

11月29日, 晚上同阿媽慶祝生日, book咗坤記7:30, 開咗新舖都係咁多人, 我7:10已經到, 好多人都係book咗7:30, 如果冇book到真係不堪設想, 好彩7:30就有位俾我地~ 地方淺窄, 真係水洩不通…::: 豬骨煲 ::: $90有好多人叫, 又係招牌菜~ 最先黎到, 附送一碟生菜~ 材料都好多, 支竹, 粟米, 蘿蔔, 加7舊大大豬骨, 我地5個人食份量都好夠. 先飲啖湯, 超強胡椒味, 勁到嗆喉, 不過再飲多幾啖就飲到好鮮甜豬骨味~ 豬骨好大件, 味道都唔錯~ 其實可以叫d邊爐料碌, 不過我地想食煲仔飯多d, 唔想打邊爐打飽…::: 栗子雞煲 ::: $42黎到既時候仲有chichi聲, 真係好熱~ 係好香, 可惜成煲都係栗子, 雞肉少而且碎, 味道亦偏鹹…::: 腊味排骨飯 ::: $45等咗30分鐘先到既煲仔飯, 睇下有幾珍貴~ 如果以即叫即做既質素, 可以話係中下水準… 煲完既飯唔夠香, 飯焦又唔夠多, 仲有少少濕~ 腊腸腊肉亦冇蒸完嗰隻香味~ 排骨普通貨色, 多骨少肉…::: 窩蛋牛肉飯 ::: $38窩蛋牛都係有相同問題, 煲仔飯唔夠香… 牛肉肉