地茂館甜品

營業中

休息中

同屋企人係附近行山，行完有啲肚餓就想搵嘢食。喺Google搵到呢間甜品店，見d review都幾好就試吓啦。之後上返嚟睇先知道原來係chain 嚟既。我哋比較早去（7點幾）比較少人，可以坐d四人卡位，比較舒服。我叫咗個芒果小丸子豆腐花，同埋一d 糕點，都唔洗等好耐，嘢食就嚟。我個碗係紙制既同有d幾好睇嘅畫佢足料同埋都幾抵食，唔似一d糖水鋪都幾入味，有好多芒果汁喺裡面其他人話佢哋d糖水都唔錯不過就細過我個碗

這家本地人都愛的店，算是出名的老店了！時隔多年再來吃，依然這麼好吃！在這什麼都漲價的香港，他家的價格這麼多年依然沒有漲很多！吃的時候我一直不停的贊他家真的是業界良心呀！這次只點了三樣，菜單上我覺得我每一種都可以點一次！下次又要專門為了他家來九龍城！希望這樣的店可以一直長久紅火下去～！大家有機會也可以去光顧一下！

去完九龍城食好西，一定要去地茂館食個糖水做收結，先至係happy ending基本上入面一定係叫合桃糊同芝麻糊係依啲老字號，先會仲有依啲糖水，仲要係自家磨，唔係入貨尤其係合桃糊，真係買少見少，香港地應該唔超過5間有得賣佢依兩款糊係香港一定係top one粒粒既夥粒感，完完全全真材實料入口香醇，濃郁噗鼻，粒粒夥粒，有口感，唔係水汪汪弊就弊在佢得熱食同行仲叫左碗桑寄生蓮子茶，又係傳統野，佢係清香，唔係死甜正

合桃杏仁茶口感細滑，非常濃厚的合桃味，與獨特的杏仁味相得益彰，味道唔會太甜，正合我口味。芒果小丸子Q彈Q彈，新鮮芒果配合白色小丸子，由眼到胃都清涼一夏。芒果又香又甜，就算我對芒果有啲過敏都完全忍唔住口。

｡✩*:ﾟ･⑅*॰¨̮♡由細食到大嘅甜品舖~ 以前細個老竇成日帶我去食🤤 到而家每次經過地茂館都會外賣糖水返屋企食.ᐟ.ᐟ 而家越開越多間分店但始終都係九龍城本店最有風味😼 而且價錢抵食 係同朋友食完飯之後想食個甜水嘅好選擇.ᐟ.ᐟ 👭🏻👬🏻⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 芒果涼粉小丸子 $30 (3.8/5)芒果食落幾甜幾香~ 份量都好多🥭.ᐟ.ᐟ 芒果小丸子煙煙韌韌 略嫌涼粉太大粒~ 一粒要分兩啖先食到🤣 涼粉同小丸子都有好多粒 食完好友飽足感🫶🏻⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 蛋白燉鮮奶 (凍) $27 (4/5) 今次嗌咗凍食~ 鮮奶味都夠濃烈🥛 蛋白冇蛋腥味而且食落好順滑 又係大大碗🥣 不過如果想食奶味出啲嘅朋友就要選擇熱食了.ᐟ.ᐟ ⊶⊷⊶⊷⊶⊷⋆⊶⊷⊶⊷⊶⊶⊷⊶⊷⊶⊷⋆⊶⊷⊶⊷⊶•͈౿•͈ 香滑芝麻糊 (熱) $25 + 芝麻湯圓(2粒) +$7 (3.7/5)芝麻糊嘅芝麻味濃郁🥹但入口唔算細滑~ 係比較稀嗰種芝麻糊 不過不失.ᐟ.ᐟ 👌🏻 芝麻湯圓唔知係咪見我同朋友有三個人所以佢俾咗三粒我哋😆 係普通芝麻湯圓嘅味道冇乜特別.ᐟ.

老派港式糖水店越執越多好難搵🥹 好彩每次去到九龍城都會食呢間我最鍾意既糖水店😋 雖然用料簡單 但係港式糖水就係想食原材料既味道🤩 鍾意新式糖水既呢度都有比較新派既選擇架🥭⭐️ 桂花薑湯豆腐花 🌼桂花糖水清甜帶淡淡花香 絕對係成碗糖水既亮點💫 薑汁味道都夠香 🌶 反而豆腐花唔夠滑同埋豆香唔濃🥴⭐️ 招牌蛋白杏仁茶 🥚杏仁茶帶濃郁杏仁香入口質地好順口👍🏻 食到顆粒既真材實料 🌰蛋白增加了滑度 感覺好滋補🥰

在九龍城食完晚飯，本來打算去搭車，但經過地茂館，見到門外有不少人等候，就吸引了我走過去看看。原來那都是等候外賣的人群，既然不用候位，就食完甜品才離開吧！地茂館甜品是九龍城中式糖水舖的始祖，開業逾30年。主打傳統中式糖水，但也有售賣楊枝甘露和小丸子這類甜品，至於窩夫﹑心太軟或綿綿冰這些就不會找得到啊！合桃露和芝麻糊都是招牌甜品，但自己不喜愛吃糊狀甜品，就選了熱蛋白燉鮮奶。滿滿的一碗，賣相好滑溜結實，不會水漾漾的。入口有口感得來又夠順滑，奶香味重於蛋白味，甜度恰好，吃完整碗也不會覺得膩，好吃！芒果涼粉，除了芒果肉和涼粉外，還澆上芒果汁。涼粉爽滑，份量夠多，芒果肉香甜，再加上用鮮芒打成的果汁，整碗涼粉充滿芒果香！能以美味的糖水作結尾，是美好的一晚！還特意外賣回家給家人品嚐啊～～～

朋友喺外國返嚟，食完晚飯帶咗佢去食呢間中式糖水，鍾意佢有傳統嘅糖水之餘仲有啲新派嘅選擇🥰-🥭芒果涼粉小丸子 $30碗糖水多度就嚟滿瀉😍 涼粉份量超多，每一嚿都好大嚿，食落好有咬口同滿足感😝 芒果好甜😙 小丸子都好煙靭🥛蛋白燉鮮奶 $27鮮奶比蛋白味更加濃，質地好滑，食完口裏面會瀰漫住陣奶味😇，今次同朋友嗌咗凍嘅，比起熱食會冇咁甜同埋蛋白味冇咁出，所以比較推薦熱食！🥄香滑芝麻糊 $25 + 芝麻湯丸 $7芝麻糊好幼滑，質地唔會太杰，芝麻味濃郁，甜度適中😊 芝麻湯圓大大粒，餡料豐富，同埋芝麻糊一齊食好滿足🥜軟滑糖不甩 $20九子好煙韌，同埋唔會黐口🥰 有8大粒，性價比好高😝 花生碎有粗有細，食落好有咬口😙 不過花生碎份量可以再多啲，因為食到最後兩嚿就唔係幾夠點-呢間嘅糖水價錢唔算好貴但糖水足料，裝修有懷舊風味但燈燈光好光猛，嚟到九龍城絕對值得一試😊-味道: 8/10服務: 8/10環境: 7/10回頭率: 8/10總評: 8/10💰人均消費: $40

講到香港糖水，好容易遇到d偷工減料、唔好食、收得貴嘅舖頭。糖水通常係晚飯後嘅最後一餐，好食嘅會感覺果日好完滿；唔好食，可能會喊住訓👻以下想大讚一下呢間糖水舖，無論用料、款式、價錢都非常出色！😻呢款有小丸子、楊枝甘露、涼粉。🤗小丸子煙韌，有咬口；楊枝甘露嘅濃稠度啱啱好、芒果甜甜地微酸；涼粉整得一條條，口感好好，佢有加左少少薑汁，好細心，中和一下涼粉嘅寒涼。🥶呢個馬豆糕都好好食，口感結實，唔會太甜，椰汁味濃！🤤

細個住喺九龍城十年，成日都經過地茂館，當時年紀細，又冇錢，只係經過唔敢入去食嘢。而家做埋人哋阿媽終於都有限錢出嚟食個糖水啦我自己好鍾意食杏仁茶，所以今晚就嗌咗個合桃杏仁茶，一入口就係好香濃嘅合桃味，合桃係炒香咗先磨嘅。跟住就係杏仁獨有嘅香味，兩個都磨得好幼細，冇渣，但我覺得佢係甜咗少少。質地可以傑身啲就好啦！朋友就飲蛋白杏仁茶，佢個質地就液體啲，佢話都幾好食。呢間嘢愈夜愈多人，好似返左去無疫情嘅時代咁樣，希望疫情快啲走

甜品-地茂館］.好耐無去九龍城食糖水發現有好多老店都已經光榮退休🥲不在乎天長地久只在乎曾經擁有係啱嘅所以我都要好好珍惜而家仲可以食得到嘅店舖=========================地茂館真係由細食到大能夠可以保持水準真係好難得佢亦都加入左好多新嘅元素芒果小丸子地茂館都可以食但係既然一場去到地茂館不得不食返一啲傳統嘅中式甜品糖水=========================豆腐花綠豆沙 $21好好食綠豆沙唔會太甜加入左臭草成碗綠豆沙好清新好清甜入邊更加有好香甜嘅蓮子滋潤感十足豆腐花方面我覺得似係一尊豆腐多過豆腐花食落去唔係好滑但係確實充滿濃郁嘅豆腐味口感好濃郁整體感覺真係好好食重點係呢碗綠豆沙豆腐花仲係賣緊$21=========================紅豆糕馬豆糕$6/件呢個雙拼嘅紅豆糕馬豆糕好好食紅豆糕充滿椰香唔會太甜馬豆糕口感亦都好好懷舊嘅中式甜品大概都係食一種情懷那些回憶=========================📍地址: 地茂館甜品 (九龍城)九龍城福佬村道47號地舖@teimoukoon =========================賣相❤️❤️❤️

桂花薑湯芝麻湯圓去九龍城食完泰國野後 想同朋友搵間糖水舖直落吹下水 發現有間主打傳統糖水舖(亦都有西式糖水甜品）我就order左一碗桂花薑湯芝麻湯圓 價格HKD25 我覺得價錢合理 唔會獅子開大口 $40up一碗糖水黎到既時候 己經聞到好香桂花味 見到個碗入面桂花好足 真係滿滿桂花就知咩料而且個糖水底係薑湯 夠薑味但又唔好薑辣 恰到好處大大粒芝麻湯圓 有5粒 好滿足 好飽 值得再食

已經係地茂食過無數次甜品，終於記得寫食評🤣之前食過芝麻糊、紅豆沙、綠豆沙、蛋白杏仁露、腐竹白果薏米等等，全部都好好味。重有糖不甩同埋馬豆糕都好正。今日遲左黎，成11點半先黎，無晒綠豆沙，叫左個紅豆沙豆腐花同埋腐竹薏米白果。可能差唔多賣晒，碗腐竹白果薏米好似成碗粥咁杰，好多渣，我最愛佢嘅腐竹煲到融晒，變成豆漿咁，又香又甜又滑，白果好香，薏米有咬勁。紅豆沙豆腐花無之前咁熱，紅豆沙好香果皮味，又有百合同蓮子香，料好足，豆腐花又滑又好濃豆香，的確不錯👍👍

一講九龍城，當然除左泰國菜之外就離唔開糖水舖，想食傳統既港色糖水，九龍城地茂館就必定要去。回家途中，心血來潮就去探下佢。腐竹薏米白果 $24傳統糖水中稱王既必定係腐竹薏米白果糖水🥣。腐竹煮到融哂，入口濃濃滑口充滿豆味，加埋淋淋既薏米及清熱白果，凍食啱哂天時暑熱既夏天。芒果小丸子露 $30不得不讚芒果🥭超甜，而具勁足料唔吝嗇，份量滿寫，其次小丸子都勁Q彈煙韌，咬口十足。抵佢喺九龍城屹立咁多年，舖內更一枱接一枱，證明佢支持者勁多，全因佢地真材實料。👍👍👍👍👍

星期日夜晚和朋友一起在附近食完飯，就過嚟呢間人氣糖水舖食糖水啦！係門口排隊等左一陣就可以入去啦！我哋叫咗：豆腐花芝麻糊（熱），份量好足裝到滿瀉既，豆腐花食落去好滑，芝麻糊好濃味好滑，夾埋一齊食好好味！如果有凍既就好啦….芒果豆腐花小丸子，份量好足裝到滿瀉，上面嗰啲小丸子和芒果粒的數量都幾多，豆腐花好滑，加埋一齊又唔會太甜啦！芒果涼粉小丸子：份量都係好足又裝到滿滿的，芒果和小丸子一樣都有好多，涼粉好爽口又好食！