地茂館甜品

營業中

休息中

🇭🇰地茂館甜品·芒西小丸子$32 l 香滑芝麻糊$26 (芝麻湯圓+$7)我原本係想食佢嗰個滿瀉嘅芒果甜品㗎 但係問店員先知原來嗰個下面係有涼粉既 就咁小丸子嘅話就唔會有咁多芒果🫠好彩佢都係好好食 佢既芒果超甜 小丸子質地都好好🥭不過如果想影相靚啲嘅話 就真係要嗌佢下邊有涼粉嗰個先浪得起啲芒果🤣🤣佢另外個芝麻糊都做得唔錯 芝麻味好濃 質地都做到幾好 之後佢個湯圓都好味 係真係好薄皮 而且芝麻餡超濃😎·#rbyeat#rby甜品飲品#rby九龍城 #rby九龍灣 #rby將軍澳 #rby屯門 #rby沙田·📍九龍城福佬村道47號地舖📍九龍灣牛頭角道77號淘大商場3期地下G281號舖📍將軍澳唐德街1號將軍澳廣場商場1樓036號舖📍屯門屯隆街2號屯門時代廣場北翼地下G43號舖📍沙田橫壆街1-15號沙田好運中心3樓3106號舖

朋友指正定來呢間餐廳食甜品， 雖然我對甜品嘅要求唔係好高， 因為喺香港食過好多甜品其實唔會差別好大， 只要唔係太難食我就覺得過得去啦。今次我哋點咗個擂沙湯圓， 生磨杏仁茶加桃膠， 同埋桑寄生雞蛋茶。首先上咗擂沙湯圓， 我可以話係整得最好食㗎喇， 花生糖無得很帥而且很香， 湯丸彈牙皮薄， ichiban 👍👍👍👍👍。跟住再上蛋白杏仁茶， 目測呢碗杏仁茶裏面嘅蛋白應該係多過兩隻蛋白， 非常足料， 杏仁茶 磨得好香， 桃膠亦都煲得好彈牙好好味， 整個甜品唔會太甜， 甜度啱啱好。跟住就係桑寄生蛋茶， 有少少 comment， 桑寄生蛋茶裏面嘅蓮子並不是跟桑寄生茶一起煲， 食得出是分開煮的， 所以連子裏面並沒有桑寄生的味道， 這裏要扣分， 雞蛋就很入味， 總算嚟講這間甜品店的甜品是高分的。

好耐冇食過老字號嘅甜品今日咁啱去開九龍城入夜了就係食甜品嘅時機都仍然係咁多人排隊老字號果然老字號呢度出名嘅係懷舊甜品芒果小丸子好甜個味道好夾杏仁茶蛋白唔係好甜真係好啱女士食蛋白算係好滑

-看到蠻多人打卡推薦的我也來嘗嘗啦.芒果涼粉小丸子 🍡料多到都要溢出來了 芒果新鮮又甜 小丸子也煙韌有糯性 一個人很快炫完一碗嚕.芒果班戟 🥭薄薄的奶油包著一大塊酸甜芒果 好過癮啊-🐷📍：地茂館

【九龍城區】【地茂館甜品】之前同大家講過呢間喺將軍澳嘅分店，嗰次係好耐之前有個曼聯球迷朋友同我去，因為食完嘢唔知有咩搞就諗住去食個糖水咁。點知去到今次，朋友係另一位，都係曼聯球迷，巧合地都係食完飯冇嘢做，就走咗去食呢間。未講完，上次嘅嗰位朋友，同今次嘅呢位朋友，不約而同地都問吓我有冇食過。因為佢哋知道我應該會把握機會趁機寫吓用餐體驗，所以最好就去一間我冇寫過嘅就一就我。證明呢兩位都係好照顧我需要嘅朋友，喺度多謝吓。咁今次呢個用餐體驗誠然就唔係將軍澳嗰次當場食完飯搵糖水食咁喇，而係喺旺角完咗啲活動又唔肚餓，咁就行吓路當運動，由旺角行吓行吓就到咗九龍城。佢無啦啦提議去呢間地茂館食吓糖水，哈哈，感覺好似前功盡廢。我就叫咗個 $36 嘅「招牌蛋白杏仁茶」，作為 menu 嘅第一個 item，佢都幾潤幾滑，杏仁味香但係唔算好濃。成碗嘢嘅順滑感有一部份係歸功於蛋白，綿綿哋，滑捋捋，熱辣辣咁就慢慢食，咁鬼多疊字查實我就真係無心嘅。朋友食 $34 嘅「合桃露拼芝麻糊」加「芝麻湯圓」，佢話佢近來中意食合桃露喎，咁嚟得呢啲中式糖水舖，食返啲傳統啲嘅中式糖水都係正常嘅。味道上佢都滿意，覺得價錢合理。兩條友夾

以前已經聽過地荗館，但一直未有機會試到，今晚在九龍城食完晚飯後偶然經過，見時間尚早就內進嚐嚐這間老字號甜品店。時間大約8點多，但作為甜品店已經差不多滿座反映人氣高企。見到餐牌上有補腎合桃露($27)就立即選了這款甜品：既是生磨，款式外面又少見，固然吸引。合桃露是滿滿的一碗，質地磨得細滑入口順喉，有著濃濃的合桃味和米味，吃完一整碗真的感覺飽肚。以個人的口味來說，我覺得糖水的味道略甜，但由於合桃的味道以及它外層的衣是比較苦澀的，餐廳加入較多的砂糖去減低苦澀感都是理解的，吃著吃著也見到碗裡有一點合桃衣，感覺真材實料。現今打算飯後簡單一碗傳統糖水動輒都要$30，而位於九龍城舊區的這間老字號則繼續以比較貼地的價錢為大家的晚上劃上一個完滿的句號；在附近用餐的朋友們，不妨行過來飯後甜一甜吧！

食完飯當然要嘆番個甜品🤤食佐人都開心啲甜啲😅🥭芒果西米小丸子🍡見到有小丸子就叫佐芒果西米小丸子,煙煙韌韌好有咬口,,芒果好甜,份量多連汁滿到溢出😅生磨合桃糊😋補腎合桃糊好滑😅冇粉漿或一粒粒,口感好豐富,不是水狀糖水,而且甜度啱啱好！

上次已經食過地茂館嘅甜品，今次同朋友們去開九龍城，就試吓本店啦😋其實上次係覺得味道一般，不過因為好多人讚嘅關係，所以都想試吓本店會唔會同其他分店唔同🤣🤣🤣我哋四個人都係叫咗小丸子 分別係紫米露小丸子💜芒果仙草小丸子🤍芒西小丸子同埋芒果紫米露小丸子🤣我覺得味道都係同屯門店差唔多 係好味嘅，不過如果要排隊就唔會食嗰種🤣🤣🤣我哋晏晝去都好多人證明呢間甜品店真係好受歡迎😝😝🙌🏻🙌🏻🙌🏻

自己一直都係佳佳甜品芝麻糊嘅擁躉，好想睇下會唔會有其他甜品舖都有咁好質素嘅芝麻糊，所以今次就試咗地茂館，但係我自己認為都係佳佳嘅芝麻糊比較出色。呢度嘅芝麻糊味道未去到好香濃，但係磨得又滑嘅，不過最令我覺得做得唔夠好嘅地方，就係佢非常之杰撻撻，質地好似漿糊咁，所以食落口嘅時候好唔順，同埋因為佢太杰，食完一碗之後好似食咗一碗飯咁，有好滯嘅感覺，食落去嘅味道同埋質感冇佢個樣咁好。試過今次之後，如果我下次要食芝麻糊，我都會返去佳佳

細個在九龍城地段返學，只係食過一次地茂館既糖水。相隔n年，重臨舊地，人事全非，但地茂館繼續屹立九龍城，可想而知佢幾老字號和功力😄 是日復活節假期第2天，下午茶時段都有一定數量的食客，剛剛來到有卡座，同男友坐低抖一抖再嘆糖水。心無懸念地揀signature, 招牌蛋白杏仁茶 - $36，好夠熱所以好燙口，內裡有成隻蛋白，杏仁茶夠滑冇渣，唔算好甜，味道剛剛好😍生磨合桃糊 - $27。店員端上一碗剛滿瀉的糖水😳好滑，冇粉漿或一粒粒，口感好豐富，不是水狀糖水，而且甜度啱啱好，但在比較下，合桃糊冇咁熱，有少少失色，但我覺得都可以呀😇試過什麼是好食糖水，之後再試其他店舖的，肯定有種比下去的感覺🤷🏻‍♀️ 或者再食，我會再重臨地茂館啦😆店員有禮，整體感覺幾良好。當我地食完後要離開，店舖已經全是食客，而且要開始等位。我地算lucky 啦☺️

九龍城真係唔愁無野食，仲要有咁高質嘅傳統糖水！真係食完想encore第二碗。無論係傳統糖水，定新式嘅芒果系列甜品都有，非常多選擇，簡直選擇困難症發作。[]既然叫得招牌，不如就試呢個啦。本來戰戰兢兢，因為杏仁茶好容易有伏，點知呢個係我食過最好食最難忘嘅杏仁茶。真係要試，杏仁茶嘅香味撲鼻，質地啱啱好，唔會好似芝麻糊嗰隻杰身，又唔會太水，啖啖都有蛋白，增加濃稠度！勁足料，好多蛋白，當然拌勻得均勻d會更好😆$36值得！重點係食到底都仲係熱辣辣，最後一啖都仲有蛋白！

✨芒果紫米露小丸子芒果夠新鮮夠甜👍小丸子好有咬口😋 甜度適中❤️一碗簡直唔夠喉！​✨椰汁紫米露夠傳統👍椰汁味幾香濃，唔太甜🥰​✨芒果班戟兩大舊班戟，好大舊芒果啖啖肉👍仲好鮮甜 班戟皮勁薄好好食😋​味道👅👅👅👅抵食🤑🤑🤑🤑環璄⭐️⭐️⭐️服務👍🏻👍🏻👍🏻👍🏻番兜🍉🍉🍉🍉(最高分x5）​

價錢平又好食嘅傳統店😋細細碗食完泰國野可以食埋甜品 本身好飽 唸住淨係嗌兩樣野食 但都係忍唔住🤭我哋晏晝去唔使等本身唔唸住嗌杏仁茶 點知最後大家都鍾意🤣值得一試！(熱）紫米杏仁茶小丸子$31推推⭕️估唔到呢個咁好食！熱嘅小丸子更加軟綿好夾杏仁茶同紫米！！同紫米融為一體杏仁茶平時唔飲開嘅都可以接受呢個一定會encore！芒果紫米露小丸子$32推淡淡芒果香 不過紫米唔夠多！小丸子煙韌得嚟唔會好難咬細細碗好快KO擂沙湯圓$25/7粒推外面軟糯有花生粒裏面芝麻餡一口一粒

同屋企人食完飯去左食糖水，上網見到呢間口碑唔錯，仲有好多港式糖水食，就黎試下，都幾多人，要排一陣先入得，而且座位都幾學習，好多人快快食完就走，我地都係，費事要街外邊嘅客人等咁耐啦。芝麻糊非常濃郁，陣陣芝麻香撲鼻，而且入口好軟滑，屋企人讚不絕口。糖不甩Q 彈冇餡湯圓，外面痴滿花生糖芝麻，我仔好鐘意食，勁快就清左碟。腐竹白果薏米我嗌左凍既，白果薏米口感好煙韌，加埋糖水好清甜，又可以清下熱氣。椰汁馬豆糕紫米糕係唔算太甜，有清新嘅豆香米香，口感唔錯。紫米露我老公叫既，佢話好食，紫米煮到岩岩好。要喺九龍城搵甜品，相信有好多間，呢間的確味道唔錯，可以有下次。

星期二同細女去九龍城補習，放學後經過一間好有特色的糖水舖，梗係要一齊入去試下啦～裝修好懷舊，好似返去七八十年代的茶樓一樣，好特別的體驗～我叫左一碗招牌蛋白杏仁茶，女女就叫芒西小丸子好快就有得食，女已經急不及待第一啖就話好好味哈哈哈⋯⋯杏仁茶蛋白唔太甜，最適合女士，未入口已經聞到好香的杏仁味，蛋白好滑非常正😄女的芒果好新鮮好甜，份量十足，如果夏天吃就更加一級棒下次都想試下招牌糖不甩，芝麻糊核桃糊等等