地茂館甜品

營業中

休息中

已經係地茂食過無數次甜品，終於記得寫食評🤣之前食過芝麻糊、紅豆沙、綠豆沙、蛋白杏仁露、腐竹白果薏米等等，全部都好好味。重有糖不甩同埋馬豆糕都好正。今日遲左黎，成11點半先黎，無晒綠豆沙，叫左個紅豆沙豆腐花同埋腐竹薏米白果。可能差唔多賣晒，碗腐竹白果薏米好似成碗粥咁杰，好多渣，我最愛佢嘅腐竹煲到融晒，變成豆漿咁，又香又甜又滑，白果好香，薏米有咬勁。紅豆沙豆腐花無之前咁熱，紅豆沙好香果皮味，又有百合同蓮子香，料好足，豆腐花又滑又好濃豆香，的確不錯👍👍

一講九龍城，當然除左泰國菜之外就離唔開糖水舖，想食傳統既港色糖水，九龍城地茂館就必定要去。回家途中，心血來潮就去探下佢。腐竹薏米白果 $24傳統糖水中稱王既必定係腐竹薏米白果糖水🥣。腐竹煮到融哂，入口濃濃滑口充滿豆味，加埋淋淋既薏米及清熱白果，凍食啱哂天時暑熱既夏天。芒果小丸子露 $30不得不讚芒果🥭超甜，而具勁足料唔吝嗇，份量滿寫，其次小丸子都勁Q彈煙韌，咬口十足。抵佢喺九龍城屹立咁多年，舖內更一枱接一枱，證明佢支持者勁多，全因佢地真材實料。👍👍👍👍👍

星期日夜晚和朋友一起在附近食完飯，就過嚟呢間人氣糖水舖食糖水啦！係門口排隊等左一陣就可以入去啦！我哋叫咗：豆腐花芝麻糊（熱），份量好足裝到滿瀉既，豆腐花食落去好滑，芝麻糊好濃味好滑，夾埋一齊食好好味！如果有凍既就好啦….芒果豆腐花小丸子，份量好足裝到滿瀉，上面嗰啲小丸子和芒果粒的數量都幾多，豆腐花好滑，加埋一齊又唔會太甜啦！芒果涼粉小丸子：份量都係好足又裝到滿滿的，芒果和小丸子一樣都有好多，涼粉好爽口又好食！

嚟到九龍城食糖水，多數人都一定會話合成糖水，但係唔知點解感覺呢排食嘅味都唔同左，價錢又越嚟越貴🙈所以就想試吓新野～呢間糖水舖一到夜晚都好多人，今日好早食完飯八點幾，門口排隊唔駛等好耐就有得入😎🙌🏻lucky~呢間糖水舖出名中式糖水，不過今日就係想食西米露嗰啲🤣🤣所以我叫咗芒果小丸子西米露（$30）🍡😋朋友就叫咗芒果仙草小丸子🧆（$32）我哋仲share左一個雷沙湯丸😁😌分量正正常常一碗，有仙草嗰個就重啲花奶味，兩碗都有好多芒果🥭好甜㗎！😆🥰兩碗都有小丸子，仲要係唔同顏色😝仙草好滑嘟嘟，好味👍🏻雷沙湯丸都有啲失望⋯因為已經唔係傳統嗰隻味道，只係芝麻湯圓加一堆花生🥜黃糖🙈勁多人食，坐低上糖水食埋都係20分鐘就催交枱🥵食到我地勁飽omg🤣🤣但價錢真係抵食👍🏻👍🏻💯

天氣咁熱 又無咩胃口 行過見到簡糖水店就入去食個豆腐花 叫左紅豆豆腐花 再加個椰汁馬豆紅豆糕 豆腐花實真係好滑 紅豆沙係有陳皮香果隻❤️❤️❤️ 個糕6蚊一件 都好好食 唔會散修修👍🏻

食完晚飯，食埋甜品就完整喇。位於九龍城嘅呢間傳統中式糖水店，人流不絶，好在行快一步，等咗一陣就有位。🍬芝麻糊芝麻糊好考技巧，所以每次去糖水舖都會要芝麻糊。濃濃嘅芝麻味道，滑，香，少少結身，咁先最好味😋😋😋

食完又食，食極唔厭之糖水舖「地茂館」🤪 其實除咗本身覺得佢好食之外，本身因為地茂館個location 實在太方便🤭 係九龍中間，所以好多時食完飯🍽諗唔到食邊間糖水都會番嚟🤭 加上呢到大把選擇，中式懷舊又有🏮水果小丸子系列又有🍡所以一定oa有樣岩食😌🍡必食軟滑糖不甩 $20今次人多，終於可以叫番個糖不甩share 食🤭呢到嘅糖不甩真係勁軟滑，煲得又入味，每糖都有好夠紅糖水味🥃，點埋佢地自家製嘅花生糖碎，花生味香濃🥭芒果西米露小丸子 $30小丸同西米量都好多又軟熟，芒果好甜😋🥭芒果豆腐花小丸子 $30豆腐花就算係凍嘅都好香滑🥭芒果涼粉小丸子 $30涼粉仙草味濃，都幾有咬口🫘紅豆馬豆糕 $6兩種豆粒一紅一黃雙拼，$6已經好大舊，豆都好夠淋，糕身好夠奶香又夠滑溜

九龍城老至號👨‍🦳懷舊傳統中式糖水舖🏮地茂館甜品 🏮早前地茂館又開左間新分店係淘大商場，所以見到近排多左好多佢D post自己又開始懷念佢既傳統中式既糖水😅今晚同朋友食完晚飯專登兜去佢既九龍城原祖店食番碗😆我地大約8:45PM黎到，雖然唔洗排隊可以直入, 但係其實我地坐底時呢到都已經開始滿座😳Menu有好多款中式懷舊手作既糖水，另外亦都有D芒果小丸子🥭系列既選擇。 🥣生磨補腎合桃露 $26 + 2粒芝麻湯丸🍡 $7黎到緊係叫番生磨合桃露🤤坐底唔洗5分鐘已經擺係而面前, 一上枱見到佢質地好濃厚仲多到滿瀉🫠合桃味好香濃好天然完全唔會有陣化學味, 重點香醇得黎係唔會過甜，質地好似芝麻糊咁滑溜🤭溫度亦岩岩好，喺30度🥵呢D天氣下食都唔會覺得太熱, 可以一口接一口咁食。🍡寧波芝麻湯圓皮薄個餡好足料，煙韌又有咬口，芝麻餡一樣質地細滑甜度遇適中，每份2粒咁岩晒食飽飯又餵食想食下湯丸既我🫣🥣腐竹薏米白果 $24+ 2粒芝麻湯丸 $7超足料既糖水, 意米白果份量都有好多👍🏻腐竹煮溶既豆漿亦啖啖香濃滑溜，意米煙韌好食。 2個人👩🏻‍🤝‍👨🏼食到勁飽都只係$64🥳個人認為其實係九龍城用呢個價錢食到呢個質素既

相信去開九龍城既朋友都識得地茂館有好多款傳統既中式糖水由於今晚都多人等位所以買左外賣我揀左蛋白燉鮮奶唔好見佢得半碗好似好少咁 食落真係會好飽而且又香又滑 價錢又抵食鐘意食既朋友一定要黎試！🤤

［九龍城老字號😋港式糖水🤍地茂館甜品]-女人真係有兩個胃架😝啱啱先食晚餐食到飽一飽轉個頭又想食糖水🤭見到間糖水舖落雨濕濕都排晒長龍😳肯定好好食😌於是排埋一份-排緊隊個陣上網一search 原來呢間糖水舖我未出世🤣1990年開業有成三十幾年歷史🥴而九龍城就係總店仲有企係門口已經聞到好香豆腐花味冇誇張！真係企係出面都聞到！😍然後迎接我人生最光輝嘅時刻🌟🌟🌟店員出黎嗌兩位入得😳竟然前面排緊嘅都唔係兩位😱於是我同男朋友好似中咗六合彩咁😂等咗1分鐘都冇就入得去😍超Lucky-餐廳裝修風格非常港式舊式掛牆風扇非常懷舊😜牆上仲有啲得意插畫令人覺得呢間餐廳好有故事😙-😋豆花合桃露$26呢個大推😍😍😍個豆腐花超級滑🥹水嫩過十八歲少女肌膚💁🏻‍♀️仲要超香黃豆味🫶🏻絕對係我食過數一數二好食嘅豆腐花個合桃糊微甜🥰好香醇嘅合桃味😋非常細膩潤滑配埋豆腐花👍🏻絕配🤩但係因為佢係豆花合桃露🥲豆腐花比例少啲我下次應該會嗌一碗合桃露同埋一碗豆腐花自己溝黎食🤣好味指數：🌕🌕🌕🌕🌖-😋芒果涼粉加小丸子$30芒果涼粉多料到滿瀉🥭芒果好香甜😙小丸子夠煙韌個糖水底都好香芒果味🥴涼粉偏硬整體都唔錯😝好味指數：🌕🌕🌕🌕🌑-😋軟滑糖不甩

✨蛋白燉鮮奶蛋白燉鮮奶 揀左凍食奶味可以 蛋白幾香 味道唔太甜 口感滑溜✨楊枝甘露楊枝甘露 睇顏色就知奶比例較多奶味香濃 芒果味唔算好香好突出 西米質地唔會過腍 加埋芒果肉同柚肉 味道正常 個人鐘意重奶香 所以覺得都可以✨芒果西米露小丸子芒果香甜 西米彈牙 小丸子軟糯同楊枝甘露有啲似 味道一樣正正常常味道唔錯 中式糖水相對會比較出色環境正常 地方唔算大 坐得有少少迫服務唔錯 價錢合理 都幾抵食我哋堂食四個 再外賣三個總共七個糖水 二百有找 算係咁

每次嚟地茂館，我都會一定叫芒果涼粉小丸子。一次過可以食到好多唔同質感口味嘅食材：- 😋小丸子- 煙煙韌韌，好有咬口😋涼粉- 食落有透心涼嘅感覺😋芒果- 多數都係好香甜，好少食到酸味。再配上濃郁嘅芒果汁。呢度係用芒果攪汁加落去，真材實料吖！同朋友嚟，仲可以叫下雷沙湯丸或者糖不甩。一路傾偈一路慢慢食，風花雪月一個晚上。有時我都鍾意外賣返屋企，一路睇電視，一路食。逐粒逐粒食，可以食到一個鐘㗎。你地都快啲嚟食下啦！❤️

香滑芝麻糊 $25質地介乎稀同稠之間芝麻香氣唔算突出🫢勝在磨得夠幼身入口滑漏👌🏻唔會過甜、無芝麻既苦澀味可惜味道唔夠香濃有少少失望😿補腎合桃露 $26有驚喜🤩質地稠身口感綿密🤤味道香濃醇厚甜度適中唔會因為太甜而蓋過合桃香氣🫶🏻食得出係自家製好天然💯整體而言，地茂館既芝麻糊好出名但質素普通🥹反而合桃露好出色👍🏻見佢仲有唔少新款糖水、甜品芒果🥭系列都有適合夏天清涼一下經過可以一試👼🏻

◐ ◑ ◒ ◓ 食糖水緊係要食中式糖水先至夠正宗架啦，今次係飯前已經黎呢到呢間地茂館既甜品舖，呢度我估計最出名就係清心丸啦，透明一粒粒咁，幾有口感既😋◐ 腐竹薏米白果◑ 綠豆沙清心丸📍 地茂館甜品 (九龍城)九龍城福佬村道47號地舖#地茂館甜品 #甜品 #甜品控 #九龍城美食 #九龍城 #九龍城好去處 #糖水 #糖水時間 #中式 #中式料理 #中式糖水

地茂館高質中式糖水甜品糖水舖開到成行成市，但都係港式呀台式呀咁，做得好嘅中式糖水真係買少見少招牌蛋白杏仁茶$35杏仁茶真係唔係到到都食得到呢度但杏仁茶好香，少甜，正紅豆涼粉$22即係紅豆沙加涼粉大大碗滿到瀉，紅豆沙好足料起沙，都係少甜略嫌涼粉太大舊食得有啲呢hea桑寄生蓮子茶$24真係越嚟越少地方有得食桑寄生蓮子茶其實以前我無食過，覺得佢好似涼茶咁，唔似係甜品但老婆話好有益成日叫我一齊成，又話食完好瞓啲，試過幾次又好似真係，好神奇哈哈我覺得桑寄生就好似苦瓜咁，細個嗰陣唔鍾意，但大個就會學懂欣賞它的好