地茂館甜品

營業中

休息中

回想去中學個陣..成日走去食..芒果西米露好好味!!哈雖然唔平..但好味咪得。

2/3(日) 8pm吃過松記,踱步到福老村道的地茂館喫甜.地茂館,起碼光顧了廿年,小時父母已是此店的常客,給予食評還昃首趟.是次點了腐竹蛋糖水$13,桑寄生茶$11.腐竹蛋糖水的腐竹是全溶的,甜度剛好,這才合乎男友要求.而我的中式糖水至愛桑寄生茶水準如一,茶味並不濃;蓮子入口鬆化,可惜不是我杯茶!親民的糖水店!

每次黎地茂館都係食燉奶+糖不甩,燉奶真的不錯,次次都好快食晒~糖不甩就慢d, 因為熱辣辣..!不會太"林", 好味~~

我自己一個人入去食左個綠豆沙!我覺得佢地煮既綠豆沙火喉好夠,綠豆煮得稀爛,入口香滑,當然綠豆沙點爛都係有d鞋鞋地,但係口感都真的很不錯!甜味適中,食完唔使搵水飲,火已經下哂,毒已經去哂!正!

今次係放左學同同學仔去食,其實都去左好多次,次次都嗌唔同既野食..平時會嗌芒果西米露,不過我覺得呢度既西米露太水,如果可以"傑"返少少會好d...有時又會嗌芒果紫米露,呢個就真係唔錯!d紫米幾好咬口, 份量又適中;今日同個frd嗌左個燉蛋同個燉奶,燉奶好滑,唔會太甜,唔錯!燉蛋食落就有"濟", 不過都幾有蛋味..以九龍城既糖水鋪黎講,地茂既價錢應該係最平最抵食衛生環境都ok, 唔算太好又唔算太差,但係有時如果多d人既可能會冇位..

天氣凍冰冰, 特別想食碗熱辣辣傳統中式糖水, 今日阿爸就買了4 碗糖水返0黎屋企, 等我0地可以慢慢嘆.雖然明知呢度的桑寄生蛋茶唔係d 乜0野靚靚貨色, 今日0個碗仲過甜, 同埋d 蓮子仲唔食去晒邊(一向都係叫「桑寄生蛋茶」, 而又一向都有5-6 粒蓮子的...), 但因為個人偏好桑寄生蛋茶, 算啦.阿媽的熱椰汁黑糯米亦係我常叫的一款, 今日睇落依然足料, 佢亦滿意, 食到「斯斯雪雪」.細佬的熱豆花望落都幾滑, 記得朋友J 亦好欣賞呢度的豆花, 次次0黎九龍城唔去公和唔(識)去義香, 都會0黎呢度食, 睇0黎要搵日買0黎試試.之前亦留過comment 俾呢度讚過佢d 楊枝甘露, 好耐無食喇, 唔知而家水準如何?九龍城糖水鋪多的是, 從Openrice rating 可見, 呢度人氣明顯唔及合成或金滿堂, 不過傳統中式糖水而言, 個人覺得呢度的出品真係真材實料, 好多地方比唔上的.會繼續支持呢度!

去完得龍食飯之後，就黎左地茂館食甜品，只要係九龍城附近，而胃納又有空間的話，便一定會來地茂吃甜品，原因無他，又平又好食。今次叫左椰汁黑糯米($13)，腐竹雞蛋糖水($13)，芒果西米露($15)椰汁黑糯米:好足料，夠杰身，黑糯米又有咬口，而且唔會太甜，加入椰汁有畫龍點睛的效果。腐竹雞蛋糖水:腐竹已經煲到溶哂，而且又有大量意米在內，如減低少少甜度會更好。芒果西米露:呢個無食過，不過見賣相唔錯，弟弟又吃得開心，應該都唔錯的地茂真係唔錯，下次要再試下其他甜品先

海帶綠豆,熱辣辣,去毒高手!地蔑館既糖水一直以嚟都係火喉十足因而出名,今次都唔例外!芒果布丁滑滑!加埋花奶就無得頂!

21-12-2007見地茂館咁多好食評所以今晚放工同朋友去左試下，見食評話$12的蛋白燉鮮奶和$15的芒果班戟好好味..所以我就叫左黎試下，不過每樣都加左$2.....$14的蛋白燉鮮奶和$17的芒果班戟.........而朋友的芒果西米露要$13.....芒果班戟真係幾好食.........皮薄，芒果好甜又大舊，cream又唔會太多岩岩好....蛋白燉鮮奶都唔錯呀，好滑....朋友的芒果西米露就普普通通，冇咩特別.....雖然d糖水都幾好味，不過價錢略貴...........但都可以食得過.............

昨天與男朋友去食糖水....蛋白燉鮮奶(凍)好好味!第二道食無甘好味!!令我愛上食..十幾蚊一豌..低。

之前成日來吃芒果Pancake，但今晚就想吃吃其他甜品！見天氣凍了不少，便叫了個較為滋潤喉嚨的甜品：凍蛋白燉鮮奶！甜品好快上桌，燉奶的質感頗實，感覺落足料，而且味不過甜，甜度真是剛剛好！雖然沒有義順那麼濃烈的奶味，但整體來說份量真的很足，吃完之後很飽！真係好鍾意地茂館甜品！

15蚊3件，真正配得上“平靚正”這三個字。皮金黃又很薄，內裏有少量奶油，不覺膩，都在我接受能力之內。不過最高分就是芒果的選材，果肉新鮮多汁又甜，不知揀芒果有何tip啊~配上這個價味，成個甜品可話無懈可擊。但我想如果凍少少會更好呢！據說該店其他傳統港式甜品都好味亦抵食，可惜我之前的泰菜吃了太多，下次先試！

老公路經九龍城記得我鐘恴食佢d杏仁豆腐所以專程買回家比我食! 買了兩碗凍杏仁豆腐- 印象中以前d杏仁味濃味d正d ! 又買咗一碗芝麻糊- 唔太甜但糊咗d(溝多咗粉) ! 仲買咗個榴槤pancake - 皮都蒪都ok, 但我地覺得綠x 好食d, 多d榴槤肉!

第一次黎~ 外賣左個芒果pancake返home~皮薄+ 大大舊芒果+ 少少cream ~ 正~$15有3舊又平又好食~

去親個頭都會去呢到食..雖然糖水唔系多但好味..食甘多間呢間算系好味~~^^低食*