地中海休閒餐廳 (已結業)

雖然而家的時勢，生日都不是一件開心的事。但老公也希望可以安心的為我準備生日飯，所以在浸大的校園找到一家西餐廳。無諗過校園內的餐廳係可以咁有情調的，柔和的燈光加上坐得舒服的梳化，十分寫意。我們選了個晚市套餐，加咗 $68 升級有餐湯、頭盤和餐飲。先來個 松露忌廉湯，松露味真的很重，十分開胃。然後來餐飽，暖暖地，一點也不硬。63oC温泉蛋配松露忌廉汁炒雜菌黑松露味非常突出，蛋又夠滑，菇味軟身又好香。德薩斯州式 BBQ 烤雞薄餅 (9 吋)餅底超薄超香脆，烤雞很有咬口，軟滑的芝士和帶點辣味的 BBQ 醬，十個惹味。招牌法式脆皮乳豬仔，青蘋果蓉唔好以為得幾舊，其實非常厚肉又唔肥，最正的就係個皮薄到好似一張紙咁，咬落卜卜脆。食完乳豬仔經已飽飽，而職員很主動的為我們的飲品下單，最後以一杯凍檸茶和熱檸水作結。

邊個話九龍塘食美食一定貴? 平時嘅我最鍾意捐窿捐罅搵嘢食，今日就食到去大學。🥢餐包 + 南瓜忌廉湯 $38加$38轉為套湯，餐包熱辣辣幾鬆軟；超大碗既濃郁南瓜忌廉湯， 飲極唔完。🥢 美國頂級安格斯西冷 $158西冷7成熟剛剛好， 肉味濃郁， 沙律菜夠新鮮， 沒有苦澀味， 薯條炸過火，太脆口（ 個人鍾意食外脆內軟的薯條）。🥢 軟殼蟹黑蒜忌廉汁意大利飯 $158軟殼炸過火， 意大利飯香濃有口感。加$10升級order左杯strawberry foam yogurt 甜甜地好潤喉。

#浸大入邊高質西餐廳聽朋友講浸大入邊有一間十分高質的西餐廳，於是找了一日特登入去食了一餐地中海晚餐！當日我倆到來之時，人流實在有限，港鐵提早停車停站，很多食肆生意不好，以這家餐廳為例，只有幾枱客人，而且店員更指會提早收鋪。我們都識做，立即就叫了兩款套餐 ($38)，好讓店家可以順利收工。Plus $38 for Add-on Daily Soup and Coffee/Tea首先是前菜。前菜有餐包和餐湯，餐包外形非一般餐廳常見，有麵包黑椒包和提子包；餐湯是忌廉湯，還有一些咖喱味。温泉蛋卡邦尼意粉 Spaghetti Carbonara with 63°C Egg ($128)常見的菜式，但味道殊不簡單！送到時香氣四溢。意粉份量則足夠，意粉都算入到白汁味道，還有温泉蛋，剛剛好的雞蛋和流心的蛋黃，流到白汁和意粉之上，增加口感，多了一分層次感。常見的菜式，本身也為醫肚打底，無太大期望，原來也可以做到如此美味，有驚喜！威靈頓牛柳 Beef Wellington ($388)威靈頓牛排是一道經典英國菜，將牛排塗上鵝肝醬，再蓋上酥皮烤焗而成。上好的牛柳，大火煎至半熟。包上一層有鵝肝醬的蘑菇泥，再包

今日來到浸會大學搵朋友玩，到晚飯時間，朋友就提議食campus 入面的Bistro Bon, 是一間以地中海做主題的西餐廳，食物都很不錯。先食餐包，溫熱軟熟，芝麻味香濃，沾上牛油食味道好香。洋蔥湯，熱騰騰，味道惹味香甜，材料豐富，有很多清甜的洋蔥。魷魚配西班牙辣肉腸，魷魚切成一條條，煙韌香甜，辣肉腸味道惹味，同清爽的沙律菜可以互相配搭得宜。白酒忌廉汁青口配炸薯條，青口份量好多，白酒忌廉汁的香味散發，滲入青口當中，令肉質鮮甜而嫩滑。炸薯條粗身硬身，香脆可口，薯仔味道香甜。香煎澳洲西冷配薯菜，五成熟，肉質嫩滑多汁，一切開肉汁緩緩流出，牛肉味濃郁，入口油脂味散發。蕃茄羅勒水牛芝士薄餅，芝士份量多而香濃，熱溶香甜，入口即溶，餅底香脆美味，蕃茄味道突出。

嚟咗BU探個朋友，佢諗都冇諗就帶咗我嚟呢一間餐廳度食晚飯啦！佢直頭話係佢哋嘅飯堂，價錢抵食得來環境仲好好添！一入到你個感覺真係好似去咗間地中海餐廳咁，藍色綠色為主題，感覺好清爽首先想嘅係南瓜湯同埋前菜嘅麵包！首先要大贊個麵包好好食！係唔係自己焗㗎新鮮熱辣喎！南瓜湯亦都好香濃！朋友叫咗個豬肋骨，份量真係超級大！其實直頭我哋兩個食都夠，個汁好出色而且好多薯條！身為食肉獸嘅我就梗係叫牛扒啦！牛扒好厚而且好多肉汁！買單四百幾蚊份量咁多其實真係好抵食㗎

前排去浸大中醫睇醫生 ,估唔到大學入面有一間高級餐廳 ,順便去試下 !餐包有少少乾。魷魚配西班牙辣肉腸沙律 必食,沙律個汁調得唔錯 ,唔係出面一般嘅醋同油 ,魷魚爽口 ,辣肉腸配沙律,加了鹹香味沙律 。餐湯唔錯 ,蘑菇粒滿滿嘅!偏貴的威靈頓牛扒薯條炸得唔錯 ,有少少肉同酥皮分離 ,但個牛肉啱啱好 ,整個菜式偏重口味 !德薩斯州式bbq烤雞薄餅 朋友幾鍾意食bbq sauce ,佢呢個偏甜偏辣 !烤雞有少少乾 ,但我鍾意佢嘅薄餅 ,薄身脆身!

地中海休閒餐廳是一間位於浸會大學校園內的西餐廳，因為屬於大學範圍，可以想像主要對象為附近師生，所以定價都非常親民，人均消費約二百元已經有齊餐湯、麵包、主菜和餐茶。店面幾大，可容納近百食客，環境光猛闊落，適合家庭或一大班朋友聚會。餐廳提供頭盤、小吃、主菜、漢堡、薄餅和飯麵，其中主吃大部份都是百多元有交易，全便宜加$38已經可以轉套餐有餐湯和餐茶，想豐富一點，也可以再加一點錢要頭盤。餐前麵包麵包烘過上枱時仍有暖意，入口鬆軟帶麵包香，塗點牛油已經很好味。餐湯主菜加$68就有餐湯、頭盤和餐茶，是日餐湯為味噌豆腐湯，味道偏鹹。凱撒沙律羅馬生菜新鮮爽脆，上面有煙肉碎、麵包粒和芝士碎，如果凱撒醬再多一點更好。美國安格斯頂級牛腹肉($168)牛腹肉有９安士，份量不多不少剛剛好，旁邊還伴有沙律和薯條。牛腹肉我點了五成熟，熟成度準確，入口軟嫩沒有筋，醬汁不會太多掩蓋了牛腹肉的原味香煎三文魚大蒜忌廉汁意大利飯($168)意大利飯份量不算多，兩個人分吃剛剛好。雖然三文魚只有三小塊，但意大利飯有咬口得來不會太硬，醬汁不會過多，味道不錯。左: 荔枝乳酪(加$16)右: 菠蘿乳酪(加$16)兩款乳酪都飲得出水果原有

又點會估到會去大學餐廳🏫🏫食飯呀😂😂之前同老公坐車已經見到浸大嗰到有間餐廳 今晚終於撇甩呀囡 二人世界就嚟試下啦！🥰🥰做緊牛Ge Promotion!!!!真系啱曬我地 揀一個Main再加$38 /$68就可以升級做套餐 有包有mushroom soup!🥣湯系啖啖blend菇嗰種 每一啖都好rich!包系焗過嚟到仲熱咖 🥪Starter系三文魚他他/藜麥/黑魚子配膽餅 每一啖都有唔同口感 叫左個🍔🧀🧀雙層大啡菇芝士漢堡同牛腹肉Medium 🥩一路食個burger就一路滴汁因爲個菇真系太juicy!烤得好香有小小焦香味仲要double cheese 🤤🤤🤤🥩牛腹肉Medium唔會太過火之餘配以海鹽 加強牛喺口入邊ge牛香 二個Main都配有薯條 每一條都脆 🥔🥔我無吹水 真系無一條都咁脆 實在飽到暈叫左2杯🍓Strawberry YogyForm/🥤lychee Yogurt Form降低返個飽肚感真系估唔到撞下撞下搵到間神秘餐廳 份量多之餘價格都唔貴 我地食埋飲埋都系$500有找

大學學生飯堂一向都以低質素聞名，當中「頹飯」更是享負盛名，但原來也有例外！今次朋友帶我來位於浸大的餐廳用膳，餐廳主打地中海菜，食物相當有水準！環境寬敞闊落，裝潢簡約時尚，格調輕鬆，充滿休閒的氛圍，令人感到寧靜舒適！什菌忌廉湯香氣十足，每一口忌廉湯都散發著濃郁菇菌味。魷魚配西班牙辣肉腸沙律魷魚鮮嫩，薄切的西班牙辣肉腸既帶鹹香，又富辣勁，與沙律很搭配。三文魚他他,藜麥,黑魚子,印尼脆餅味道清新，層次分明，加上藜麥和黑魚子口感豐富。黑松露雜菌意大利飯意大利飯煙煙韌韌，忌廉汁味道和份量調較得恰到好處，不稀也不濃，帶着忌廉的奶香，包裹著每一粒熱飯，甘香軟滑，完全不覺膩。招牌法式脆皮乳豬仔, 青蘋果蓉端上桌後噴香四溢，豬仔皮金黃酥脆，肥瘦適中帶點脂肪，甘香肥美。Homemade tiramisu餐廳自家製的tiramisu造法一反傳統，將ladyfingers、咖啡酒和mascarpone cheese分開上，做法創新。食法是將ladyfingers沾點咖啡酒，再沾mascarpone cheese。ladyfingers沾咖啡時動作要快，因為時間過久會令ladyfingers過軟。奶味香濃， 質

山長水遠入到浸大做嘢，放飯時間懶得再四圍搵食，於是亂入呢間餐廳。嗌左個大蝦意粉，份量以男人黎講比較少，不過味道唔錯。麵質爽口又唔會太硬。大蝦就麻麻，懷疑係雪左好耐。出餐時間比較耐，幸好環境裝飾都唔錯，當relax下都可以😊同事叫左漢堡，肚餓得滯忘記影相，漢堡反而幾好，下次再黎要嗌漢堡先。

浸會大學附近原來有間隱世地中海餐廳餐廳面積幾大，有個好大既開放式廚房，落地玻璃窗可以將室外既陽光帶入黎，而且好多卡位，坐得好舒服身為食肉獸既我見到有個期間限定既精選牛扒Menu即刻心心眼😍我地揀左威靈頓牛柳再加$68做套餐，套餐就包左前菜、湯、飲品落左Order後先黎餐包，餐包有翻熱過既前菜係辣肉腸沙津，辣肉腸咸咸地好惹味，另外仲有魷魚，份量一d都唔吝嗇，亦好爽口，沙津咸咸酸酸好開胃是日餐湯係味噌湯，個人認為咸左d，不過配左蘿蔔同豆腐中和番主菜威靈頓牛柳，牛柳既色澤超級靚！香脆既酥皮包住煎得岩岩好既牛柳，酥皮下層包住火腿、芥末、蘑菇蓉，保留傳統既製作方法，配左醬汁同鹽，但其實就咁食已經好夠味，伴碟既薯條都炸得好香脆，好驚喜既一道菜！

唔係朋友帶路都唔識得搵到黎呢度。原來喺浸大入面有間環境咁舒服咁靚嘅西餐廳。因為未試過所以嘢食都係朋友話事。迷你法式麵包啱啱焗完出嚟仲熱嫁，脆卜卜香草麵包外脆內軟，揸埋牛油食好香呀。平時餐包通常都唔會食晒嘅我想再食多件。法式洋蔥湯 ，洋蔥煮得好淋。平時唔食洋蔥嘅我都可以食到。法式麵包同上面嗰塊芝士好濃味。紅蝦西班牙辣肉腸香蒜辣椒意粉唔好俾個名呃到，個意粉一啲都唔辣，意粉唔會好乾身，紅蝦都算大隻，蝦頭仲好膏添。美國頂級安格斯牛腹肉牛肉厚切，肉質好淋。配埋旁邊醬汁更加帶出牛味。薯條炸得比較乾身，鍾意食脆嘅就岩晒。食到尾食返啲沙律中和返岩岩好。呢到環境一流，價錢又唔貴。朋友聚餐一流呀！

中學同學畢業後，幾個好朋友都去分開去左不同的大學><4年後今日終於約出來影畢業照^^今晚難得來到這面附近，所以聼他介紹去讀書時最愛的西餐廳。餐廳不太顯眼，就好似有點隱世feel~ 很神秘><就在大學隔離，這裏一進來就感到很有格調，柔黃色的燈光令人一下子放鬆心情。**我地加了兩個 $68 升級晚市套餐**（沙律&餐包&餐湯）好特別有兩款沙律可選擇可以比人品嘗不同口味~1#辣肉腸沙律 ，味道豐富，而且仲有魷魚2# 溫泉蛋配炒雜菌， 食落去感覺到都幾鮮甜，雞蛋入口即溶~#野菜花忌廉湯，有奶忌廉味道香味，每一口都好濃郁~*咸蛋黃南瓜忌廉汁意大利飯*意大利飯質地夠煙銀，粒粒分明~~~濃厚咸蛋黃味，入口時更食到一粒粒的咸蛋黃。可以使粒粒飯都粘滿溫泉蛋及松露忌廉汁真係夠曬料^^味道口口均勻ya~~*肉眼9oz配薯條*5至7成熟都是品嘗牛肉眼的最佳選擇~~可以食到嫩嫩的肉質~一點也不會硬~~淋上特調的肉眼醬汁，有點烤香味真的是絕配>< 除了主角，原來還會配上一大盤薯條的，分量十足整個set 配上環境，同朋友聊得很開心，整體這餐廳cp都幾好haha^^

乘了一程車過來吃個寧靜的晚飯，很想人人平安，和諧共處，愛護我們的下一代！這間餐廳在校園區內，之前在附近玩過社會園圃也有走過來，所以知道他會給我安靜舒服且可暫時忘記外邊情況的地方。跟侍應說先點飲品，晚一點再點餐吃，是加錢跟餐的。Iced Uju Mat Cha Sakura Tea再加$16濃香抹茶奶茶，茶香味頗出，滑口冰涼，不錯。菠蘿乳酪特飲(細杯)乳酪讓人感覺沒那麼肥(自欺欺人) ，飲一點酸酸的飲品，開一下胃。洋蔥圈(松露蛋黃醬) $48先來個餐前小吃，脆脆的皮，洋蔥香甜，慢慢吃，連沙律菜都吃完。餐包2個長條型包內有果仁的，軟熟夠熱，芝麻包軟熟皮又脆，多兩個也吃得下。日本麵豉牛尾湯牛味頗濃，正常湯的厚度，加了青口與麵包的味道也不錯。美國安格斯頂級牛腹沙律菜面與旁邊加了濃稠的黑醋，蓋過蔬菜的草青味。牛腹肉嫩腍有牛肉味，中間有少許油脂，食肉獸可能會不夠吃，但配上份量頗多的即炸長薯條，少肉也夠飽肚。黑松露雜菌意大利飯份量盛滿一碟，煙韌的飯粒，香濃的黑松露汁，還有甚香的牛油味，吃不停直至吃完。

黎到九龍塘，今次來個新趣不到又一城食野，試試在九龍塘淘一淘寶! 行到浸大，原來有間西餐廳，係門口見餐廳入面都幾OK, 就入去試一試! 一入去見到個好大個open kitchen, 可以睇住廚師煮野食😂 雖然是open kitchen, 係餐廳一點油煙味都無，給一個讚! 👍🏻晚餐既選擇好多!! 最後我地揀左兩款starters同兩份main courses! 三文魚他他 - 食得架？😂😂😂 靚到成件藝術品咁，一上枱就梗係相機食先，之後我地先慢慢品嚐😂。好多三文魚!!! 啱晒我呢個三文魚控，三文魚下面係藜麥，一粒粒咁，好得意，食食下不其然會有地中海風情哈哈。而三文魚上有黑魚籽同脆餅，撈埋Ｄ三文魚同藜麥幾易入口幾醒胃。魷魚西班牙辣肉腸沙律 - 好味! 個source酸酸地好醒胃，好似食極個沙律都仲想再食哈哈。而魷魚同辣肉腸都好好食，魷魚彈牙，辣肉腸就燒得香口!! 溫泉蛋卡邦尼意粉 - 溫泉蛋夠滑!!! 而意粉煮得剛剛好，不會太淋或太硬，食落有咬口，撈埋卡邦尼加溫泉蛋就好正，creamy得黎不會太"漏"。安格斯肉眼扒 - 肉眼扒燒得好香，加埋個source，真係食唔停!!! 而薯條粗幼適中，剛