土耳其卡巴

營業中

休息中

是日下午茶, order 如下: 土耳其特製薄餅 ($50) - 熱辣辣 gei 薄餅, 好香羊味, 少少 so, 不過咁先係食羊! 薄薄地好脆口, 唔會烘過龍! 唔油膩, 用手拎住都冇問題~好味, 唔會太滯!等得幾耐, 因為太多人, 廚房忙到氹氹轉, 請有耐性.

與男朋友來南丫島的第一個節目, 就是在土耳其卡巴吃午飯!因為這天不是公眾假期, 所以島上人不多, 店子也只有一位外國客人。我們點了烤羊卡巴+薯條和羊肉芝士薄餅, 菜不一會便上桌了。烤羊卡巴+薯條: 羊肉有點乾, 不過配上他們自家製的辣醬和白汁就相當可口, 夾在彼德包中一起吃也不錯。沙拉酸酸甜甜的, 再加上香草, 感覺很FRESH! 薯條是新即叫即炸的, 非常香口, 吃時要小心燙嘴, HAHA!羊肉芝士薄餅: 很有羊味, 香香辣辣的很惹味, 餅底不太厚, 二個人吃一個也不會覺得膩!本人平時不太好香草, 雖然此店的食物幾乎都有加香草, 但其配搭的技巧和份量令我對香草有所改觀!下次再去南丫島時一定會再試其他菜色!

同老婆去南丫島郊遊，由於我倆都是卡巴痴，所以一早諗定來這裏吃個卡巴作午餐。兩個人，點了一個羊肉卡巴加薯條連汽水一罐，以及一個辣肉腸薄餅。卡巴的份量不少，羊肉不是傳統的doner烤肉，而是煎免治羊肉餅。雖然不及傳統的doner好吃，但香料仍不錯。兩兜土耳其辣汁和蒜味白汁也好味。沙律也用香草撈過，相當有heart。薯條是即炸的，熱辣辣，外脆內軟，好味。薄餅的餅底也香脆，未知是否自家制的，用料也足，味道也很好。連埋加一，埋單約$150。唔知係咪d食物太濃味，食完都幾口乾。

第一次食土耳其食物友人話想食呢度既南丫島漢堡所以我跟佢食呢個一共點了兩個南丫島漢堡@35好厚,有牛肉,雞肉,煙肉,芝士,菜味道okay略嫌塊肉油左少少另外點了客芝士細薯條@30上面有d芝士粒,熱既時候都溶溶地但凍左時好似無乜味份量超多同友人食完個漢堡都好飽食淨好多薯條飲左檸檬特飲$18唔酸,幾新鮮喎又

星期日去南丫島原來好多人...連食野都要排隊, 不過好多香港人排隊時都唔會咁有禮貌竟然可以踎0係道等位... 所以我地就take away 出去食take away 可以唔駛計加一, 拎d 錢去買野飲仲好~呢次我地叫左好似叫"四季風情" 的薄餅...真係好好食~ 好足料, 值得推介

那間店的簿餅、羊肉卡巴、薯條都很好吃而且價錢亦不貴，羊肉不酥而且充滿羊肉的鮮味，適合怕羊肉酥味的人吃薯條是即點即炸，再配上美味的沙律醬(小小酸的那種)，很開胃(我跟朋友最後點了兩份薯條)個人建議值得去一試，比尖沙咀某土耳其食品點好味道很多那裡的店員都很nice，他們都不介意細心跟你介紹每個食品的特點

同男朋友上星期去左南丫島round 3我地食左好多野，一早膠定有咩好食係呢到，我地叫左兩樣野食土耳其特製薄餅 好難食出用左咩料，但好好味，好特別，個人覺得一定要加檸檬，感覺很Fresh。惹味烤雞肉卡巴set (包汽水)原本想叫羊，但土耳其特製薄餅 好似已經有羊，所以呢個就叫左雞肉，第一口試d肉，好乾身，無咩特別，見到有好多沙律伴菜，加左d醬汁，有d酸酸甜甜咁，幾好咪，結果好快就比我地清晒。總括可以一試。

我地一行5人於24號入南丫島, 當然去前上openrice做足準備先啦!~由於我地到達時已經3點, 所以各位團友都非常肚餓(除左一個暈船浪既友人)因為我地都想食d特色d既野, 所以一去到就即刻搵呢間舖頭我地叫左羊肉卡巴, 雞肉卡巴, 特色羊肉卡巴, 墨西哥pizza同芝士薯條其實特色同唔特色只差在多左d炸過既蔬菜同d卡巴整碎左d羊肉真係唔錯, 好juicy好入味, 同埋唔算十分so, 連我唔食羊肉既人點左sour cream都食到!~另外一個醬就比較辣不過d雞就麻麻啦!~好"鞋"同無咩味至於個pizza就好熱好脆, 不過都係唔夠味, 無咩芝士味同茄汁味!~可能我地食慣濃味!~個芝士薯條反而覺得唔錯, d薯條即炸脆卜卜熱辣辣, d芝士係上面慢慢溶, 不過如果可以用d濃味d既芝士會更好!~我覺得比某瘋薯好味起碼d薯條係脆, 因為本人比較喜歡食脆既薯條而且份量亦較多我地都轉左檸檬特飲, 本來想試蘋果不過賣哂, 個檸檬特飲都ok!~有d似加左檸檬汁既柚子蜜!~

同男朋友去南丫島camp試左呢間食左個羊肉Kebab同芝士薯條羊肉Kebab d羊肉望落有點乾身但食落就好juice~正!!!芝士薯條就真係有d乾,但都ok,食都好飽男朋友猛話某瘋薯好食d,睬佢都傻!!再叫埋個佢地推薦o既凍檸水(好似係),yummy下次黎一定要試埋其他

在Shelly果度坐係度等呀等我地南Y島美食團的最後一站終於開門了我地順理成章的成為當日的第一批顧客個肚仲頂頂地, 我和親愛的叫了個南Y島漢堡之前係OR睇到可以用kebab來代替漢堡包當然要kebab啦! 加左少少錢要埋薯角!等的同時都見到很多外籍人來買外賣無幾耐終於來啦! 熱熱辣的薯角, 本身略帶少許鹹味點上酸酸的茄醬, 好幸福！薯角比薯條因為薯身飽滿, 薯味十足!仲有係連皮的, 所以多一層質感, 正！事先買定涼茶解熱氣講番主角南Y島漢堡食土耳其菜, 醬汁係重要的一環酸甜的混著雜菜絲, 半溶的芝士, 清爽與滑漏的感覺！還有兩塊漢堡咬下去帶有肉汁,, 真係唔錯這裡是開放式廚房, 燈光稍微不足, 光d感覺乾淨d出面正在修路, 所以都幾嘈下;服務就合格, 耐心對答不過整體係唔錯的！

芝士薯條細的$30, 大的$40, 我倆當然選大的比較抵食吧!wow~真的很大碟, 比我的肥臉還要大丫! 芝士雖然不是完全溶掉, 但薯條很新鮮很脆, 我們二人吃得一條也不剩, 連芝士也清乾淨=] 烤羊肉卡巴這個外賣走, 不用加%10, $50包埋汽水好好味, 只有少許的SO味, 但是很風味~醬汁非常配環境舒適, 乾淨, 食物價錢可以更便宜一點就更好啦~哈哈!堂食要加%10

本人係1個好鍾意食羊o既人, 牛豬都唔食, 獨愛羊羊我叫左個羊肉卡巴, 配薯條見到佢拎埋黎已經O嘴, 因為真係好大碟! 羊肉好似1左小山! 味道有好香o既羊羶味, 我鍾意呀~ 配菜除左有粗大薯條之外, 仲有充滿香草味o既菜絲沙律. 滿載土耳其風味 仲有個土耳其人好型同好nice, 講流利英語. 侍應有2個係中國人, 我聽到佢地教土耳其人講中文: "無豬肉, 有牛肉,有羊肉" ... 好得意呀, 哈哈死啦, 返到屋企仲好飽, 已經好掛住d羊啦... 我有錢要搬去土耳其/中東先得啦...

Wow, highly recommended!There were so many people waiting. So we ordered take-away, found a nice place under the trees and had a nice lunch.The cheese chips are great! Much much better than M's Or KFC's. They are totally in different levels. We love the chips. One of my friends even said he would have all the chips as lunch.The Pizza and Kebabs are pretty nice too. We tried three kinds of Kebabs: Chicken, lamb and Lamb Shish Kebab. I prefer the lamb. The beauty of eating with a group of friends

27-07-2008南丫島一日遊o既午飯因為係午飯關係, 唔可以食別間出名的芝士蛋糕or 串燒當飯食, 所以之前已經o係OR research 定呢間做target問o下人後街o係邊, 唔係真係未必識搵舖頭細細, 無冷氣(當日係3x 度....), 唯有心靜自然涼除了一個阿姐外, 其餘都請用英文(練o下英文都好喔)我要了羊肉卡巴($45 連汽水, 如連芝士要$60), 其他友人就要了蘑菇burger, pizza, salad咁唔知呢o的係咪就係土耳其味? 羊唔羶, 其實又似免治羊, 塊卡巴無味, 點唔點o的醬都差唔多.....淨係試o左塊Cheese Turkish Pizza (羊), 唔識形容個味道, 總之就淡淡o地, 唔係一般食過o既味道.......即係見仁見智啦那個芝士薯條其實都係見有食評寫, 幾得意所以叫的(所以令我太飽……)芝士似乎唔會受薯條影響而溶解, 所以連埋o黎食, 算新鮮可口, 但食到最後幾條喉嚨唔係好頂得順Anyway, 真係可以試o下

在旺角吃過好吃的土耳其菜，令我對這兒充滿了期望。店內座位不算多，也不算擠逼，但請忍受蚊蟲的痛擊，事前一定要準備好防備措施。雖然心知會是眼闊肚窄，但還是點了一臺食物。芝士薯條薯條新鮮炸起，上面鋪有含豐富奶味的芝士碎，和想像中的確有出入，因我們以為會是焗的。但待一會兒，芝士開始熔，也都不錯。份量很多，小心。芝士薄餅最後才送來的食物，份量也很多...吃剩很多。不過，味道是不賴的，芝士味剛好，薄餅是較厚和鬆軟的，熱食會好好食。素菜Kebab因女友當時不吃雞，但又不吃羊，所以唯有試試素菜的。待應也再三提問是否要素菜的，怕我們叫錯吧？結果，這個有幾粒素菜球的Kebab，味道稍遜，基本上素菜球沒甚麼食味，但可幸外皮還是脆脆的，唯有點上醬汁吃吧...但也真感到很齋，不得不放棄好幾粒素菜球了。(還是覺得Kabab應該要包住才更好吃呢。)總評是：試過就算。