國金軒

營業中

休息中

從餐廳望出去，有美麗的維港景色，又有寬敞的環境可享用美味的食物。只是服務就一般，侍應們都沒有親切的笑容或高級的服務，價錢和服務不是正比，只有一個較細心的經理。食物方面都有高級的水準，年伴碟的蔬菜都有心思的雕刻裝飾，特別是這碟咕嚕肉。海鮮泡飯，海鮮湯底又濃又有鮮味，有帶子，有蝦，有泡飯在湯裡，再加上炸得脆卜卜的飯焦，好好味！炸子雞的雞肉， 十分嫩滑，雞皮和紫菜炸得好乾身，好脆！鴛鴦腸鴿肉炒荷蘭豆臘腸和潤腸都唔肥又香，鴿肉好冧好滑。黑毛豬叉燒一定要試！皮脆超冧肉的燒腩仔！都是必食之選！

說起蛇羹，「太史五蛇羹」相信大家都聽得多。但要吃碗正宗太史五蛇羹，卻不是隨處可以吃得到。位於中環IFC的「國金軒」就是在香港的其中一個能吃到太史五蛇羹的地方，皆因這裡的李煜霖師傅，是清末名美食家江太史最後一名家廚李才的徒弟。每年冬天，中環國金軒都會推出「太史五蛇羹」($1,280/4位)。這夜們就趁香港天氣轉冷前齊齊品嚐李師傅主理的「太史五蛇羹」。眼前這碗太史五蛇羹芡薄味鮮，五蛇蛇絲加上雞肉肉絲、木耳絲、筍絲等，粗幼均勻，手工細膩。吃之前再加入檸檬葉、白菊花瓣和薄脆，每口都值得細味。這碗太史五蛇羹不只可以暖身，更可欣賞到李師傅的傳統及細膩手藝。蛇羹以外，這夜另一道讓我留下深刻印象的菜式就是「踏雪尋紅」($280)。鮮甜膏蟹蟹粉與上湯煨煮過的軟滑大雪耳真是最佳拍檔。此外，「鴻運乳豬鵝肝醬窩巴」以及「鮮蟹肉焗牛油果」亦相當美味。前者脆脆乳豬皮配窩巴，中間的濃郁鵝肝醬，香口又邪惡。而「鮮蟹肉焗牛油果」，啖啖鮮嫩蟹肉加上我一向大愛的牛油果，吃得開心滿足。「陳皮醬油鴨」($320/半隻)味道濃郁而不鹹，大家都很喜歡。愛吃糯米飯的朋友來到中環國金軒，一定不能錯過這裡的「生炒臘味糯米飯」($330)

難得放平日，同媽咪去中環飲下茶行下街～我地2個人食左4款點心同埋叫左鍋招牌海皇海鮮泡飯～叫左腸粉、山竹牛肉、蝦餃（唔記得影相😅）、子母餃（原來子母餃係蝦餃加多粒芥菜餃係上面）真心覺得點心好一般，唔係真係講到咁出色，食材係比較新鮮d 囉。喱果泡飯就要讚👍用鮮蝦淆成湯～真係好鮮甜好足料（有蝦、帶子、魚）一鍋大概可分5碗。佢仲有配上炸米加落去湯飯，食落又有唔同層次。值得一試🤤🤤😋環境係好舒服，服務就一般般啦～下次我都想試下晚飯，可能主食會好過點心

食品幾好唔抵食 環境頗舒適，招呼唔錯，食品就花巧唔抵食。子母蝦餃，腸粉，點心都有水準，價錢幾貴，花巧得滯。炸子鷄不過不失，不算香脆 ，碟頭亦细。片皮鴨不算出色，夾皮花巧唔好味。普洱淡而無味，茶錢物非所值。

兩位型廚 Jayson 及 Edwin 師傅前後掌舵尖沙咀 國金軒，近年是多到尖沙咀那邊用餐，但擁有更久歷史、被譽為名人飯堂的中環 國金軒，高雅而具空間感的環境更見氣派，盡收眼簾維港景致非常醉人，其傳統精品粵菜也極其出色，上週就去了飽嚐李煜霖及仇健恩師傅的名菜。 中環 國金軒 的入口與 The French Window 並列，門口帶一絲神秘感，許多年初訪時，走進深又深的走廊，久久未見盡頭的懸念感，至今還歷歷在目呢！ 再次進到用餐環境後，除了雙目被優美環境及醉人景觀怔服，嘴色也很快被美酒佳餚所收服。一來到就有脆香可口的 鴻運乳豬肝醬鍋巴 Suckling Pig with Foie Gras and Crispy Rice，配上泡沫豐盈細膩的巴黎之花香檳，幫忙打開胃口，之後正式入座後，更是驚喜連連。 晚宴正式開始，首先以清爽易入口的 Cloudy Bay Sauvignon Blanc 2018，配搭 鮮蟹肉焗牛油果 Baked Avocado with Fresh Crab Meat in Cream Sauce。 牛油果本來就其貌不揚，焗完後更不好看，但醜醜的外表下，除有

小人第二款吃的是名牌國金軒的奶黃月餅。未食之前，先看餅狀，一舊齊全一舊破落，單從目測已有點落差。基本上月餅是可以一口過的，但為了拍照，小人特意咬開。在試過的三款奶黃月餅當中，這個是最不油膩的，奶的鮮香度亦足，餡多卻不漏，每人一定要吃兩個才滿足！餅皮濕潤有致，絕不會乾硬化。整件事不只餡料，就連餅皮也不會過甜；起碼食完不用狂喝茶來解膩，就知道其甜度是多麽的可取！真真正正做到甜而不膩的奶黃月餅，值得再吃，相信會再買。

I came here for business lunch this time. Not sure whether the waitresses were too busy or what, I heard some of them shouting quite loudly at the guests quite a number of times.The first course was a soup which looked very pleasant to the eyes. There were quite some crab meat and the soup was very clear. It was like a mini 冬瓜盅 where you could peel off the steamed pumpkin from the skin yourself. Nice soup indeed.The second course was quite creative with 4 types of food served on a single plate.

呢餐係近年食過最覺得被騙嘅中餐，諗住喺ifc, 收得呢個價，咁嘅檔次，應該有保障掛，點知… 宮保蝦球收我$400幾蚊，俾雪藏蝦我，啲蝦完全無味，玻璃一樣。半隻炸子雞收我$300幾，好似乳鴿咁細隻仲要無味嘅。濃湯菜心，基本上係南瓜湯浸菜心，收我$260!!!! 服務質素同樣惡劣，點了白粥無落單(btw, 連碗粥都煲唔好，水還水，米還米)，走廊地面有油無人抹，差點跣低我。咁嘅質素，外面大把平民食堂好過佢。奉勸大家不要中伏。

蝦腸粉-足足等左1個鐘都未到，期間有追過，但係到第2次先回覆原來無落單，要個幾鐘先到到唯一可取之處係，麻辣牛展，生菜新鮮，麻辣救命叫左個炒飯，無通知就分左，5個人分4份真係不知所謂

開年飯國金軒好有生意頭腦，開年飯做2輪，食客早15分鐘到，就唯有乖乖呆等。食物味道唔錯，但唔係好好(菜太油，腸粉普通)，價錢貴，所以性價比低，但因為地點係IFC而且景觀好，所以唔憂做，在商言商又無錯。

Situated in the center of IFC Mall = convenient for lunch during shopping or after a visit to the cinema Quality of the food = I love the lunch set but it’s not cheap at HK$500/person +10%The service is good so no complain. Deco is nice you can see the views of the harbour from the floor to ceiling glasses which is spacious and bright. During the weekday lunch set, the cheaper version allows you to choose two main dishes and either fried rice or friend noodle. I love the desert, not too sweet.

父親節緊係要同老豆去飲茶慶祝下啦！之前同佢去過尖沙咀既國金軒飲茶，佢對果度既點心讚不絕口，而且又念念不忘。今次特登帶佢黎中環既國金軒試下，睇下又有冇唔同！早幾日已經訂左位，準時1:00到達就安排入座了！雖然我地唔係坐窗口位，但係望出窗外既景都好開揚！👍通常酒店中餐廳都有鮑魚酥，尖沙咀國金軒亦唔例外，而中環既國金軒就特別D，唔係酥，而係鮑魚批。批既味道香，不過可能成個包住，略嫌比酥溜！點心既味道唔錯，貴得有道理。唯一係叫左蝦餃漏單，無黎到無得試！驚喜既係燒味三重奏，可以自己揀三種燒味，我地揀左乳豬、燒肉同叉燒，三樣都超好食！燒味果然好正！雖然三款都係豬，但係就已經變化出唔同既味道同層次，絕對係值成5百蚊一碟！😋😋😋最後當然要有飯落肚啦！國金炒飯係名不虛傳既！總結黎講，食物既賣相同味道都好好，服務都唔錯，不過未到酒店水準。價錢就當然係貴，每人要$400飲餐茶，間中試下無妨，不過難得父親節就更加無問題啦！亦滿足左老豆想再黎國金軒既願望啦！😄😄😄

每個人洗五六百蚊食一餐唔飽嘅茶，跟住佢同你講因為佢位於IFC、因為有維港同高官達人幫襯，因為環境靚，租貴，所以幾舊水一個人頭。。。無錯唔係一餐茶飲幾百蚊，而係一個人飲幾百蚊茶，呢間就係唔make sense 既國金軒。佢所謂嘅維港景色，就係對住摩天輪，而且座位有限，需提前數星期預約。點心嘅造型花心機，用黎影相一流，但係對於講求食嘢要實際啲同飽肚嘅男士來講，咪又係甘。例如呢三隻白雪雪既白兔，裡面係甜薯，三隻六十蚊，二十蚊，一啖就吞左。每碟點心基本上得三舊， 如果你四至五人黎，就必須每樣叫兩碟才夠平均。子母蝦餃，裏面嘅鮮蝦的確係大大隻，上面係黃芥辣。一般酒樓30幾＄40有四隻，呢度係＄35隻。都係一啖食完。食左唔夠八碟點心，每碟分到一啖，老實講真係唔飽，但係再食落去又要再洗多幾百蚊，最後都係算數去揾拉麵填肚算。

今日好多地方都book唔到位，所以最後去咗國金軒。我哋叫咗個XO醬菌王涼拌帶子，有藏紅花同少少XO醬吊味，雖然得四粒但都幾好食！最鍾意食個夏威夷木瓜薄荷牛柳粒，木瓜好甜，牛柳粒都好林個香煎鱈魚扒都外脆內軟，魚肉好鮮嫩，啲蔥都好好食，雖然點菜之前以為就咁煎，但原來係炸嘅，不過炸得都唔算好油，所以都係好食的烤雞就正常，都ok，皮脆肉嫩！整體都算唔錯P.S. 原來用Citibank信用卡或AE信用卡都有九折優惠！

這天和幾位朋友來到位於香港國際金融中心3樓 飲茶。它以巧手的點心、中菜而成為城中首屈一指的食府。加上地理優勢，所以特別多高官、貴人在這裡開餐。店內非常寛倘，樓底相當高配上超大水晶吊燈，典雅中滲出貴氣。每個服務員也穿上整整齊齊的制服，相信對員工也有一定的要求，每位服務員也醒醒目目，反應也相當好 豉汁日本南瓜蒸肉排 $60肉排相當較腍，以南瓜墊底吸收肉香，但略嫌油份太多。 鮮蝦豆苗餃 $60做到皮薄吹彈得破是我對它的基本要求，豆苗餃皮很有彈性，錎料十足。 芥末子母蝦餃 $35/只最有特色的一款點心，以一位用，子母蝦餃意思就是一大一小，再以微微辛辣的芥末提味，單調的蝦餃頓時多幾分趣。 話梅肘子 $138燻蹄以話梅煮成酸汁，除了酸酸味味可以令胃口大開之外, 更可以令肉質更爽口。 西班牙黑豚叉燒皇 $390半乳瘦叉燒又香又腍而且充分肉汁，甜香蜜汁將叉燒包圍， 好出色！ 奶皇白兔仔 $60好可愛，但奶皇非我杯茶。