國穗軒

營業中

休息中

帝都酒店中餐廳📍 沙田帝都酒店內，近沙田站，坐得舒服，轉手後水準保持到，熟客多，人情味濃。 🍲 必試推薦- 竹笙灌湯餃：皮薄湯鮮，竹笙爽口 - 紅燒乳鴿：皮脆肉嫩，入味多汁 - 蝦餃皇：原隻鮮蝦大大粒-燒腩瀨粉燒腩香脆 - 叉燒腸粉：腸粉滑，叉燒蜜味香 - 蛋白杏仁茶：杏仁味濃，蛋白滑溜 🌟 賣點- 點心即叫即蒸，品質穩定 - 週末人多但唔會混亂，街坊熱捧 - 價錢合理，人均$150-200📌 貼士：週末建議早到或訂位，午市點心最齊！📍國穗軒 (沙田)沙田白鶴汀街8號帝都酒店1-2樓

今日自己一個人出到沙田，天氣又熱，又開始肚餓。經過帝都酒店，便進到這中菜廳晚飯。入到店內，店員有禮地招待、帶位。店內環境十分舒適，坐位寬敞，整潔衛生。今晚叫了兩個小菜，有肉、有菜和海鮮，十分豐富。西蘭花花枝蝦球（$148）這西蘭花即叫即製，西蘭花十分翠綠新鮮，蝦班大大隻而且彈牙，墨魚片彈牙而且份量不少。加上小小蠔油，令味道更加豐富。紅燒乳鴿（$60）整隻開邊乳鴿擺放整齊，熱辣辣香脆的外皮，肉質鮮嫩香口。

今晚同家人係一田行街食飯, 原來係帝都酒店地下隔離開左一間新中式餐廳, 即刻要去試下, 佢新開都多優惠, 有晚市特價小菜, 啤酒又有優惠~我地叫左晚市開心孖寶, 而家做緊優惠價, 好抵食, 見好多枱客人都有叫*脆皮吊燒雞(半隻) ~ 燒雞熱辣辣的, 個皮好脆, 肉質結實嫩滑, 點埋醬汁, 錦上添花*上湯焗西澳洲龍蝦一隻, 一隻約一斤, 龍蝦經油炸, 加埋湯汁, 食落好鮮又彈牙, 出面多數係以伊麵底, 呢度就用左稻庭烏冬底, 稻庭烏冬則比較軟滑，清爽細膩, 吸收了湯汁, 更好味!*沙嗲粉絲肥牛煲 ~ 份量相當多, 牛肉嫩而有口感, 配搭沙嗲醬, 小小辣辣地, 好惹味, 粉絲吸收了沙嗲汁, 好夠味, 越食越想食整體用餐愉快, 食物好岩家人口味, 服務殷勤~

沙田帝都酒店新開咗間中式酒樓😍質素幾好之餘價錢可以咁抵食👍🏻主打都是傳統嘅點心，夜晚是少菜🥢下午茶時段都好多人分享一下😋午市孖寶套餐$168蚊有一碟很有鑊氣的🍝頭抽乾牛河➕燒賣皇4粒🥢（蟹子冬菇材料是基本，蝦肉彈牙🦐）➕黃金鮮奶卷🍡（即炸奶香有點煙韌）只有傳統嘅酒樓先有藥膳雞腳😄每次到酒樓都是必點的一道菜🌟新開環境，方便，乾淨🌟服務好好，加水快，清理枱面快🌟計埋茶位，加一，每人一百多元很抵食

今日放工約咗女友去沙田食飯，冇乜心水諗住去帝京酒店食自助餐；見到帝京新開中菜國穗軒，轉軚去咗食中餐。我哋6:30去到都滿咗七八成，見到好多特價嘢；夠吸引。左揀右揀之下，揀咗一個孖寶：⭐️金邊虎仔斑配海蜇燻蹄：條班蒸得啱啱好，夠晒嫩滑，即場加豉油非常鮮甜。⭐️海蜇，燻蹄夠爽口，作為前菜夠晒醒胃。晚飯三大王牌特價，我哋兩個人叫咗個⭐️沙汁大蝦球，雖然特價但都有八九件。新鮮熱辣辣，外脆內嫩，夠曬爽口，送啤酒一流。⭐️BB鴿，細細隻，啲肉好鮮嫩，熱辣辣好食過X華。加埋啤酒白飯，埋單五百零蚊。坐得舒服、服務殷勤，食得開心。

咁大間餐廳「國穗軒」以為有灣仔嘅品質，但係真係大吃一驚！餐廳的飲品竟然沒有果汁，係俾錢都冇嗰種。加上他們有小童椅，但未能提供小朋友餐具。另外食物份量很少。甜品係壽桃包同紅豆沙，侍應姐姐話唔好意思個包有啲「大」要蒸耐啲，真係蒸咗勁耐，以為係好大個壽包包住一啲小壽包嗰種，其實唔係係比平時普通壽包大少少的樣子。重點來了，最搞笑係我們一圍半「20人」的有大有細，紅豆沙竟然係唔夠分？！太樣衰太離譜。服務不在話下，一間房20人只有一位侍應服務，仲長期唔喺度！個男經理仲差，落訂要實體單影相唔計數，仲黑面！埋單嗰陣時主動問人攞$$貼士$$

餐廳啱啱外判俾新團隊經營，係開業初期，誠意想支持下，但整體體驗真係非常失望，一定唔會再去。🔸泊車安排優惠泊車最多免費2小時，同埋代客泊車係冇任何優惠。🔸餐飲選擇極少基本上冇得散叫，只可以叫套餐，選擇唔多，彈性極低，冇咩招牌或特色菜。🔸飲品選擇貧乏除咗茶、水、汽水、酒，連杯果汁都冇，真係有啲誇張。🔸食物質素令人失望唔精緻已經預咗，但連基本味道都唔合格，老實講，屋邨酒樓仲好食過佢。幾道菜都似係求其整，誠意不足。🔸設施配套唔完善冇提供兒童餐具，帶小朋友嘅家庭實在唔方便。🔸服務質素低落席間多次想搵侍應，完全搵唔到人，要打電話去前台先有人應對。叫甜品話會有糕點，最後完全冇影。🔸結賬混亂 + 主動攞貼士經理嚟埋單時連訂金單據都未搵好，仲話唔記得我哋有畀訂，訂房一定要俾訂架啦 ，經理唔會唔知哇？最後勁離譜，直接開口問貼士，勁尷尬囉，你話服務食物好都算啦，但唔係呀嗎....但費事煩啦我哋都照俾咗$500。

今天晚飯我和太太到國穗軒，位於沙田白鶴汀街8號帝都酒店1-2樓。這間餐廳的環境真係幾靜謐，我哋一入到就感受到好舒服嘅氛圍。我點咗一杯鐵觀音，茶香四溢，正好配合我哋今晚嘅菜式。接著，金牌麻辣雞煲半隻上咗桌，辣味十足，雞肉嫩滑，真係好食！金沙黃金蝦球也唔可以錯過，外脆內鮮，蝦肉鮮甜，令人回味無窮。仲有豉汁涼瓜花枝片，清爽可口，正好平衡辣味。飯後甜品方面，紅豆沙西米露簡直係完美收尾，口感滑順，甜而不膩。整體而言，服務一流，侍應態度友善，令我哋有個好愉快嘅用餐體驗。#國穗軒 #沙田白鶴汀街8號帝都酒店1-2樓

今晚同媽咪去咗沙田帝都酒店入面新開嘅酒家吃晚飯，一入去就覺得環境好舒服！裝修新淨得嚟又夠闊落，枱同枱之間唔會太逼夾，坐得幾舒服，燈光柔和，啱晒一家人或者朋友聚餐，食物方面，個開心孖寶套餐真係抵食，首先個吊燒雞皮脆肉嫩，咬落去啲肉汁爆出嚟，跟住個上湯焗龍蝦真係冇得輸，龍蝦肉爽口彈牙，仲要係西澳貨，下面墊咗吸晒精華嘅烏冬，啖啖都係鮮味。黑椒牛柳粒夠晒鑊氣，金薯甜甜哋，同濃味黑椒汁出奇地夾。 最驚喜係臨尾送嘅**西米紅豆沙**紅豆煮到起沙，但又唔會太甜，西米粒粒分明，為成餐飯畫上完美句號！服務都值得一讚，啲侍應好有禮貌，換碟、斟水都好快手，埋單仲覺得抵到爛，下次一定會再嚟幫襯！

喺沙田返工，最鍾意發掘唔同嘅美食，最近知道新開咗呢一間中菜廳，就立即去探店雖然喺酒店入面，但係價錢完全可以接受開心孖寶（$328）：吊燒雞半隻~燒雞皮脆肉滑，沾上獨特醬汁，更覺風味上湯焗西澳龍蝦一隻~龍蝦份量非常之多，而且夠曬入味，配上洞庭冷烏冬，比較起坊間天更加特別只係呢個孖寶，相信正常食量，呢個份量已經好足夠！以呢個價錢嚟講，真係可以講係抵到爛菜膽北菇燉花膠湯（$68）~花膠頗大件，湯底清澈之餘亦夠曬味最後，更奉送上紅豆沙，陳皮味非常濃郁，當中加入咗西米，粒粒晶瑩剔透，同時令到紅豆沙唔會過甜