回味工房

營業中

休息中

中環抵食推介！西冷牛肉蕃茄意粉真心好食，香濃蕃茄醬汁配爽彈意粉，西冷牛肉份量足又入味，絕對係招牌之選。下午茶時段超值，同樣精緻美味，性價比極高，$52連凍飲，打工仔或行街歇腳必試！快啲約朋友試下！

喺中環搵午餐，試咗回味工房嘅意式料理，性價比唔錯！點咗煙三文魚蕃茄墨魚麵，醬汁濃郁似千島醬但更香，三文魚份量多，配三色椒絲同洋蔥，食材新鮮，雖然墨魚麵唔太有墨汁味，軟硬度一般，但整體味道唔錯。蘑菇餐湯好足料，每啖都有濃濃蘑菇蓉，飲落好有誠意。仲叫咗西冷牛肉蕃茄意粉，牛肉煎得啱啱好，唔會太生或過熟，意粉煙靭，醬汁酸甜開胃，份量啱啱好。餐廳環境乾淨，雖然略為舊式但坐得舒服。店員服務親切，雖然有啲食評提到衛生問題，但今次體驗 OK，上菜都快。適合喺中環搵平靚意式快餐嘅上班族

返工 下午茶時間去食回味工房叫咗下午茶餐既 西冷牛肉蕃茄意粉西冷牛肉煎得啱啱好 唔太生唔太熟意粉煮得好煙韌 好食 下午茶份量都足夠西冷牛肉蕃茄意粉加埋凍飲只需要 $52抵食 下次會再嚟食

最失望嘅一次喇沙。。。午餐食左覺得有d奇怪味，夜半就突發急性腸胃炎，懷疑呢間鋪頭衛生環境或者食物有問題。又諗到中午外賣自提時就留意到間店面環境都有d破舊。餐牌上每份喇沙會寫好都有d咩，我揀嗰份有豆卜，芽菜，鮮蝦，豬頸肉，加咗12蚊仲有海苔丸（未聽過所以試下）。面底可以揀油麵或其他，湯底可以揀喇沙或者骨湯（唔辣）。喇沙幾抵食，俾咗好多條豬頸肉。但豬頸肉有d肥，可能覺得很膩。唔知食得唔舒服係咩因為豬頸肉。。。海苔丸好食!好似魚蛋但餡料好似係蛋黃，冇海苔唔知點解要叫海苔丸。一開頭食都幾正常，食到最尾突然feel到好重香料味，整個口腔都覺得怪怪地，好似直接食香料。

衛生方面 坐低俾四隻筷子 有一隻返轉咗，攞紙巾一抹成張紙巾都係喇沙湯，即係嗰隻係冇洗過撈埋落去。用餐時間方面 12:47pm落單，13:10pm食到一半放低筷子飲嘢佢已經喺度問「嘢食仲要唔要？」，當時我淨係食咗半碗，我話仲食緊架，去到13:17pm，佢同我哋講「唔該留意返張單，用餐時間差唔多啦要讓俾人坐」，但係當時先啱啱好落單半個鐘，連碗麵都未食晒，嘢飲就淨係飲咗幾啖，已經要急急腳趕住走，好似阻住佢做生意咁。重點係張單同舖頭都冇寫用餐時間原來得30分鐘

Affinity Kitchen has always been my favorite place for Laksa but it’s been awhile since I last had their Laksa, it’s time to pay them a visit😊I really like how rich their broth is, the taste of coconut milk is a little overpowering but I like it that way and I also like how creamy their broth is☺️They gave me quite a lot of ingredients, shrimps, shredded chicken, fish cakes and and the usual stuff, nothing too extraordinary, but the cockles is one thing made them my favorite laksa place. You don’

初時去尼間舖頭係為咗食喇沙，有一次試咗西冷牛肉蕃茄意粉，個西冷牛肉煎得啱啱好，一啲都唔韌，比我想像中嘅好食，CP值好高，仲要係下午茶餐，好抵食，真心推介，有機會要試埋其他意粉，雖然舖頭細細，但係真心好食，推介，支持小店 ❤️

隱世新加坡叻沙天花板！位於中環機利文街主打正宗新加坡叻沙的餐廳，店舖平平無奇，店內裝橫或許令人卻步，但隱藏着一碗一試難忘的叻沙。叻沙湯底十分濃郁，椰香味按捺不住，撲鼻而來，入口口感絲滑，忍不住一口接一口。燒雞外皮香脆肉質鮮嫩，摻摻麵底的軟硬度適中，配上如此惹味的湯底，簡直堪稱完美！-🔘 傳統燒雞叻沙配摻摻 | hkd$77-🍽️ 食物 | Food: 5/5🌅 環境 | Environment: 3.5/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4.1/5-A foodie documentation of dining experience in restaurants based in Hong Kong

《蘑菇湯》有驚喜，有粒粒碎蘑菇增添口感，香濃而不會太鹹。《紅酒燴牛尾》牛尾煮得很淋身，味道也不錯，夠味同時不過鹹，但如果可以加點蔬菜（例如紅蘿蔔），營養跟味道都會更均衡。《喇沙》湯底香滑濃郁，螄蚶有點腥，魚片爽口彈牙，蝦仁也不錯但應該不是新鮮蝦，不過整體還是很喜歡。----------裝修非常簡單，尚算整潔但有點擠迫，坐得比較不舒服。我看到其中一位男士被再求轉搭枱位，但那個屬枱邊位置，他有1/3個人都在走廊位置，看著都覺得辛苦…

呢間嘢午膳時間食過兩次，食完第一次其實已有經驗，諗住俾多次機會佢改善，但係都冇，所以唔會有第三次。午膳時間多人要等耐啲冇問題，但係呢間啲阿姐全部都好有問題，但以下問題接受唔到囉😏1. 三個人被迫坐兩個位(本身已經好窄); 2. 沒有通知下，移動我杯嘢飲同食物，叫我轉第二個位; 3. 仲飲緊杯嘢，就敲我哋張枱話，好多人等緊，食完快啲走4. 杯嘢未飲完冇問過就收走咗; 以上經驗令我同同事覺得呢間嘢只可以叫外賣或者兩點後先食🙃

如果唔係朋友介紹，應該都好難留意到呢間舖頭，又或者留意到都唔會覺得特別吸引，因為佢嘅鋪面比較普通，會以為係一間普通嘅茶餐廳。但係喇沙十分之好食，好香嘅奶味，而且唔係得個顏色，食落去都好惹味，仲有香港比較少食到嘅螄蚶，第一次食，都算接受到，但就唔係特別覺得好食。仲叫咗另外一個意粉，熱辣辣咁都好好食，喺水準之上❤️‍🔥

同事們介紹黎食 話師傅好有心機煮 賣相好靚今日叫了下午茶意粉餐 味道可以的，但食完真係完全唔飽…男人應該幾啖吃完了。。。。所以加左個湯 雖然係下午茶餐 但加湯加凍飲都$6x 真的希望餐廳可以加大少少意粉份量，咁應該會有更多人支持！！ 因為我都想繼續試哂其他意粉呀 但如果太唔夠飽就好難成日黎..餐廳仲有好多其他種類食物，見好多人食喇沙！個磨菇湯都唔錯 夠杰身 ，唔係溝水的Hea 湯。座位就真係逼同唔舒服，不過好食都冇乜所謂，最緊要岩口味。

買外賣要等30分鐘先有😓，12:55 落單，拎到返公司要13:40問佢點解外賣咁耐，先話廚房得一個人，但樓面有成5，6個😅但又不斷接平台外賣單，又要做堂食，攪到廚房單亂晒幾好食都係假，人手管理有問題！趕時間真係唔好食

中環食lunch，難免要等位，呢間餐廳有兩層，2人枱大約等10分鐘就有。上層樓底比較矮，坐得好逼，講野都要細細聲😂餐牌好多選擇，唔食叻沙嘅都可以食西餐。[] $77一上枱已經望到湯底好杰身，仲有好多豆卜索汁。湯底非常惹味，重香料，個人覺得幾辣，但好過癮。唯一挑剔嘅係檬粉好淋好碎，幾乎夾唔起，要筆黎食。雞正常發揮，唔會好鞋。[] $90呢款咩餸都有啲，最特別係有螄蚶，係生嘅🤭食落偏腥，其他餸正常。

我咁大個女都未食過咁難食既雞扒飯！！！塊雞扒冇煎過！！！係白灼！！！d汁冇味！我食一啖就想嘔！乜煎兩下好難咩！我成盒飯掉左，嘥咗我$50！！！！當我今日倒楣啦！！！